Giriş
AQTA əməkdaşları koronavirusun profilaktikası çərçivəsində 173 müəssisədə reyd keçirib
20 İyul 2020 15:45
Nazirlər Kabinetinin qərarı ilə təsdiq edilmiş koronavirusun (COVID-19) profilaktikasına dair metodiki göstərişlərin icrasına nəzarət məqsədi ilə Azərbaycan Respublikasının Qida Təhlükəsizliyi Agentliyi (AQTA) tərəfindən ictimai iaşə və qida məhsullarının ticarəti ilə məşğul olan sahibkarlıq subyektlərində reydlər davam etdirilir.
19 iyul 2020-ci il tarixində AQTA əməkdaşları tərəfindən Bakıda, eləcə də regionlarda fəaliyyət göstərən 31 ictimai iaşə obyekti, 142 ərzaq satışı mağazası olmaqla ümumilikdə 173 müəssisədə reyd keçirilib. Sahibkarlıq subyektlərinə qida təhlükəsizliyi sahəsində qanunvericiliyin tələbləri izah edilib, icrası məcburi göstərişlər və maarifləndirici tövsiyələr verilib.
Reyd keçirilən obyektlərdən 61-də Nazirlər Kabinetinin qərarı ilə təsdiq edilmiş metodiki göstərişlərin tələblərindən irəli gələn bir sıra qaydalara əməl olunmaması və kobud şəkildə pozulması faktları aşkarlanıb. Aşkarlanmış faktlarla bağlı həmin müəssisələr barədə qanunvericiliyin tələbləri çərçivəsində inzibati tədbirlər görülüb. Sözügedən müəssisələr arasında daha çox uyğunsuzluqlar aşkar edilən ictimai iaşə və ərzaq mağazaları aşağıdakılardır.
Bakı şəhəri üzrə:
“Yeganə”, “Xəzər”, “Şəki” marketlər, Abbasov Elvin Murad oğluna, Alıyev Səbuhi Oqtay oğluna, Çolaxov Vüsal Nizami oğluna, Aşurov Vaqif Həqiqət oğluna, Quliyeva Xanım İsmayıl qızına, Bayramov Zaur Zakirəli oğluna, Səlimov Saleh Sahib oğluna məxsus ərzaq mağazaları
Digər şəhər və rayonlar üzrə:
Şabran rayonunda Zeynalov Seymur Xankişi oğluna, Sədrəddinov Hacıməmməd Eyyub oğluna, Balabəyov Baxış Balabəy oğluna, Cavadov Gündüz Qənbər oğluna, İsayev Mürsəl Əlövsət oğluna, Pirzadayev Bahadır Nadir oğluna məxsus kafelər
Göyçay rayonunda “Göygöl”, “İnci”, “Bizim bağ”, “Röya”, “Nar”, “De luxe” kafelər, Mikayılov Suliddin Mikayıl oğluna məxsus kafe, “Qoca qovaq” yeməkxanası, İsrafilov Ənvər Sirac oğluna məxsus market, “Ümid” ərzaq mağazası
Şamaxı rayonunda “VİP”, “888”, “Favorit”, “Qoşqar” marketlər, “Mədinə” dönər evi, “Zümrüd” restoranı
İsmayıllı rayonunda “Paşa” market, “Mican”, “Halal”, “Samovar” və “Relax” kafelər
Sabirabad rayonunda Xəlilov Namiq Güloğlan oğluna məxsus kafe, Mirzəyeva Səadət Məmmədxan qızına məxsus ərzaq mağazası
Saatlı rayonunda Musayev Asif Feyzi oğluna və Məhərrəmov Seymur Yaqub oğluna məxsus ərzaq mağazaları
Neftçala rayonunda Kərimov Abı Meybulla oğluna məxsus kafe
Oğuz rayonunda Məmmədov Şirxan Fəxrəddin oğluna, Şabanov Azər Bayraməli oğluna, İsmayılov Səlahəddin Tariyel oğluna məxsus ərzaq mağazaları
Yevlax rayonunda Həsənli Zəki Faiq oğluna, Misirov Çingiz Teyyub oğluna, Rəşidzadə Anar Sulika oğluna, Məmmədov Seymur İbiş oğluna məxsus ərzaq mağazaları, “Bəhrəm”, “Murad”, “Ömər” marketlər
Lənkəran rayonunda Bağırov Altay Şahab oğluna məxsus “Cənub” market
Gəncə şəhərində “Maliqoğlu”, “Tüfər”, “Zəhmət” marketlər, Zeynalova Ruhiyyə Möhsüm qızına məxsus market
Gədəbəy rayonunda “Mor-mor”, “Rafiq”, “Nur”, “Göyçə” kafelər
Qeyd edək ki, AQTA Bakıda, eləcə də regionlarda fəaliyyət göstərən ictimai iaşə obyektləri və ərzaq mağazalarında yoxlama-nəzarət tədbirlərini bundan sonra da davam etdirəcək və Nazirlər Kabinetinin qərarı ilə təsdiq edilmiş metodiki göstərişlərə əməl etməyən sahibkarlıq subyektləri barədə ən sərt tədbirlər görüləcəkdir.
Oxşar xəbərlər
Xankəndi və Xocalıda zərərvericilərə qarşı maarifləndirmə tədbirləri keçirilib
Azərbaycan Respublikası Qida Təhlükəsizliyi Agentliyinin əməkdaşları tərəfindən Xankəndi şəhərində, eləcə də Xocalı rayonunun Şuşakənd, Malıbəyli və Quşçular kəndlərində fitosanitar nəzarət və maarifləndirmə tədbirləri keçirilib. Tədbirlərin əsas məqsədi qəhvəyi mərmər bağacığı və Amerika ağ kəpənəyinin ölkə ərazisində yayılmasının qarşısının alınması, bu zərərvericilərin vaxtında aşkar edilməsi və sakinlərin bu sahədə məlumatlılıq səviyyəsinin artırılmasıdır. Yerli sakinlərə karantin tətbiq edilən zərərvericilərin bioloji xüsusiyyətləri, yayılma yolları, xarakterik əlamətləri, habelə kənd təsərrüfatı bitkilərinə və yaşıllıqlara vura biləcəyi zərərlər barədə ətraflı məlumat verilib. Zərərvericilərin yayılmasının qarşısını almaq üçün xüsusilə payız-qış mövsümündə həyata keçirilməsi tövsiyə olunan mexaniki və profilaktik mübarizə tədbirləri izah olunub. Tədbirlər çərçivəsində zərərvericilərin vaxtında müəyyən edilməsi, onların mümkün yayılma ocaqlarının aşkarlanması və müvafiq mübarizə tədbirlərinin görülməsinin əhəmiyyəti diqqətə çatdırılıb, sakinlərə maarifləndirici çap materialları paylanıb.
Amerika ağ kəpənəyi və Qəhvəyi mərmər bağacığı ilə bağlı maarifləndirmə tədbirləri davam etdirilir
Amerika ağ kəpənəyi və Qəhvəyi mərmər bağacığının ölkə ərazisində yayılmasının qarşısının alınması və zərərvericilərlə mübarizə məqsədilə Azərbaycan Respublikasının Qida Təhlükəsizliyi Agentliyi tərəfindən fitosanitar nəzarət və maarifləndirmə tədbirləri davam etdirilir. Zərərvericilərə qarşı bitki mühafizəsi tədbirləri çərçivəsində Şəki-Zaqatala regional bölməsinin əməkdaşları tərəfindən Oğuz rayonunun Bucaq, Bayan, Qəbələ rayonunun isə Mirzəbəyli kəndlərində sakinlərlə maarifləndirici görüşlər keçirilib. Görüşlər zamanı zərərvericilərin bioloji xüsusiyyətləri, yayılma səbəbləri, bitkilərə vurduğu zərər, xüsusilə Amerika ağ kəpənəyinin tırtıl mərhələsində yaratdığı təhlükə və ona qarşı mübarizə tədbirləri barədə vətəndaşlara məlumat verilib. Eyni zamanda, zərərvericilərin vaxtında aşkarlanmasının və onların yayılmasının qarşısının alınması məqsədilə mütəmadi müşahidə və monitorinqlərin aparılmasının vacibliyi diqqətə çatdırılıb. Tədbirlər çərçivəsində kənd sakinlərinə zərərvericilərlə bağlı maarifləndirici bukletlər təqdim olunub, onların sualları cavablandırılıb və müvafiq fitosanitar tələblərə əməl olunması ilə bağlı tövsiyələr verilib.
Qəhvəyi mərmər bağacığı ilə bağlı maarifləndirmə tədbirləri davam etdirilir
Qəhvəyi mərmər bağacığının ölkə ərazisində yayılmasının qarşısının alınması məqsədilə Qida Təhlükəsizliyi Agentliyi tərəfindən fitosanitar nəzarət və maarifləndirmə tədbirləri davam etdirilir. Zərərvericiyə qarşı bitki mühafizəsi tədbirləri çərçivəsində Quba-Xaçmaz regional bölməsinin əməkdaşları tərəfindən Xaçmaz rayonunun Arzu kəndində kənd sakinləri ilə maarifləndirici görüşlər keçirilib. Görüşlər zamanı qəhvəyi mərmər bağacığının payız aylarında açıq sahələri tərk edərək qışlama məqsədilə evlərə, anbarlara və digər qapalı tikililərə toplanması barədə sakinlərə məlumat verilib. Eyni zamanda, zərərvericinin sayının azaldılmasında effektiv üsullardan biri olan mexaniki mübarizə tədbirləri və onların tətbiqi qaydaları izah edilib, kənd sakinlərinə qəhvəyi mərmər bağacığı haqqında məlumat kitabçaları paylanıb.
