Giriş
AQTA ilə Pakistan Respublikasının müvafiq qurumunun nümayəndə heyətləri arasında görüş keçirilib
13 Fevral 2021 11:38
Azərbaycan Respublikasının Qida Təhlükəsizliyi Agentliyi ilə Pakistan Bitki Mühafizəsi İdarəsi nümayəndələri arasında görüş keçirilib.
Agentliyin Aparat rəhbəri Elxan Mikayılov və Pakistanın Bitki Mühafizəsi baş idarəsinin direktoru Allah Ditta Abidin başçılıq etdiyi nümayəndə heyətinin iştirak ilə keçirilən görüşdə Pakistanla ölkəmiz arasında bitki karantini və mühafizəsi sahəsində əməkdaşlıq haqqında saziş layihəsinə dair müzakirələr aparılıb.
Pakistan tərəfi Agentlik tərəfindən hazırlanaraq təqdim olunmuş “Аzərbaycan Respublikası Hökuməti ilə Pakistan İslam Respublikası Hökuməti arasında bitki karantini və mühafizəsi sahəsində əməkdaşlıq haqqında Saziş” layihəsini məqbul hesab etdiklərini qeyd edib, layihə barədə təkliflərini diqqətə çatdırıb və həmin təkliflərin rəsmi olaraq diplomatik kanallar vasitəsilə Agentliyə təqdim ediləcəyini bildirib.
Sonda tərəflər bitki və bitkiçilik məhsullarının və digər fitosanitar nəzarətinə aid olan məhsulların ikitərəfli ticarəti ilə əlaqədar sanitar və fitosanitar tədbirlər sahəsində əməkdaşlıq istiqamətində əlaqələrin inkişaf edəcəyinə əminliklərini vurğulayıblar.
Oxşar xəbərlər
Siyəzəndə ərzaq bazarında yoxlama keçirilib
Azərbaycan Respublikası Qida Təhlükəsizliyi Agentliyinin əməkdaşları Siyəzən şəhəri, Xətai küçəsi 56 ünvanında fəaliyyət göstərən, “Xətai” Ticarət Mərkəzinə məxsus ərzaq bazarında plandankənar yoxlama keçirib. Yoxlama zamanı bazarda qida təhlükəsizliyi sahəsində texniki normativ hüquqi aktların tələblərinin pozulduğu aşkarlanıb. Aşkar edilmiş nöqsanların aradan qaldırılması ilə bağlı icrası məcburi göstərişlər verilib, sahibkar barəsində inzibati protokol tərtib edilib.
Beyləqanda məktəblilərin zəhərlənməsi faktı AQTA-nın nəzarətindədir
Azərbaycan Respublikasının Qida Təhlükəsizliyi Agentliyi (AQTA) Beyləqan rayonunun Eyvazalılar kənd tam orta ümumtəhsil məktəbində şagirdlərin zəhərlənməsi faktını dərhal nəzarətə götürüb və araşdırmalara başlayıb.
AQTA sədri Belarusun Kənd Təsərrüfatı və Ərzaq Nazirinin müavini ilə görüşüb
Azərbaycan Respublikasının Qida Təhlükəsizliyi Agentliyinin (AQTA) sədri Qoşqar Təhməzli Belarus Respublikasının Kənd Təsərrüfatı və Ərzaq Nazirinin müavini, Baytarlıq və Ərzaq Nəzarəti Departamentinin direktoru İvan Smilgin ilə görüşüb. Görüşdə Azərbaycan-Belarus arasında qida təhlükəsizliyi və baytarlıq sahələrində əməkdaşlığın mövcud vəziyyəti və inkişaf perspektivləri, qida təhlükəsizliyi sistemlərinin ekvivalentliyinin tanınması, baytarlıq preparatlarının birgə istehsalı və heyvanların identifikasiyası məsələləri müzakirə olunub.
