Giriş
AQTA koronavirusun profilaktikası çərçivəsində daha 209 ictimai iaşə və ərzaq satışı müəssisəsində reyd keçirib
4 İyul 2020 14:40
Nazirlər Kabinetinin qərarı ilə təsdiq edilmiş koronavirusun (COVID-19) profilaktikasına dair metodiki göstərişlərin icrasına nəzarət məqsədi ilə Azərbaycan Respublikasının Qida Təhlükəsizliyi Agentliyi (AQTA) tərəfindən ictimai iaşə və qida məhsullarının ticarəti ilə məşğul olan sahibkarlıq subyektlərində reydlər davam etdirilir.
Belə ki, AQTA əməkdaşları tərəfindən 03 iyul 2020-ci il tarixində Bakıda, eləcə də regionlarda fəaliyyət göstərən 52 ictimai iaşə obyekti, 157 ərzaq satışı mağazası olmaqla ümumilikdə 209 müəssisədə reyd keçirilib. Sahibkarlıq subyektlərinə qida təhlükəsizliyi sahəsində qanunvericiliyin tələbləri izah edilib, icrası məcburi göstərişlər və maarifləndirici tövsiyələr verilib.
Reyd keçirilən obyektlərdən 78-də Nazirlər Kabinetinin qərarı ilə təsdiq edilmiş metodiki göstərişlərin tələblərindən irəli gələn bir sıra qaydalara əməl olunmaması və kobud şəkildə pozulması faktları aşkarlanıb. Aşkarlanmış faktlarla bağlı həmin müəssisələr barədə qanunvericiliyin tələbləri çərçivəsində inzibati tədbirlər görülüb. Sözügedən müəssisələr arasında daha çox uyğunsuzluqlar aşkar edilən ictimai iaşə və ərzaq mağazaları aşağıdakılardır.
Bakı şəhəri üzrə:
“Good food Azerbaijan” MMC-yə məxsus ərzaq mağazası, “24 saat”, “Xəzər”, “Panda”, “Savalan”, “Yeni market”, “Sizin” marketlər, İmaməliyev Ələkbər Hacıağa oğluna, Nəbiyev Əlihüseyn Əlibaba oğluna, Qurbanov Zaur Paşa oğluna, Məmmədova Nəzmiyə Rəsul qızına, Qambayev Elşən Zülfiqar oğluna, Abdullayev Məmmədəli Qasım oğluna məxsus marketlər
Digər şəhər və rayonlar üzrə:
Sumqayıt şəhərində “Qayalı”, “Cavid”, “Günel” və Haqverdiyev Mətanət Rəcəb qızına məxsus ərzaq mağazaları
Göyçay rayonunda “Göygöl”, “İnci”, “Bizim bağ”, “Röya”, “Delux” kafeləri, Mikayılov Suliddin Mikayıl oğluna məxsus kafe və İsrafilov Ənvər Sirac oğluna məxsus market
İsmayıllı rayonunda “Orxan”, “Nihat” və “Oba” marketlər
Ağsu rayonunda “Qaqaş” kafe, “Nicat” market, Həmidov Xalis Şükür oğluna məxsus ərzaq mağazası
Kürdəmir rayonunda Gərayev Məhəmməd Abdulqədir oğluna məxsus ərzaq mağazası
Xaçmaz rayonunda Rüstəmov Fərman Piristan oğluna, Ağabəyov Alik Sadıq oğluna məxsus ət satışı mağazaları
Xudat rayonunda Qafarov Ayətşah Şaral oğluna, Sərdarov Xanlar Əmirsultanoviç oğluna və Əhmədov Elxan Eldar oğluna məxsus kafelər
Sabirabad rayonunda Mehtiyev Mehman Ağabala oğluna məxsus ərzaq mağazası və “Aura” market
Bərdə rayonunda Zərgərov Şövqi İmran oğluna, Hümbətov Nicat Xalid oğluna məxsus ərzaq mağazaları
Ağdam rayonunda Əliyev Əli Alış oğluna məxsus “Quzanlı” kafe, Quliyev Rəmzi Xəlil oğluna məxsus “Ağdam” market, Ələsgərov Bəxtiyar Sədrəddin oğluna, Rəhimov Xaliq Səfqulu oğluna, İsmayılov Vəzirxan Əkbər oğluna, Baxşəliyev Zabir Cavanşir oğluna məxsus ərzaq mağazaları, Ələsgərov Adil Sərdar oğluna və Səfərov Mübariz Qədimalı oğluna məxsus kafelər
Balakən rayonunda “Al” market, Səfərzadə Hafiz Sabir oğluna, Eminov Kamil Əhməd oğluna məxsus marketlər, Xalayeva Nargilə Ziyov qızına məxsus kafe
Qəbələ rayonunda “Oba” və “Al” marketlər, Əlicanov Elçin Eldar oğluna, Cəbiyev Ağahüseyn Abdulhüseyn oğluna məxsus marketlər
Qax rayonunda Qəniyev Malik Nəcəf oğluna, Xasıyev Ənvər Araz oğluna məxsus marketlər
Oğuz rayonunda Atakişiyev Aqil Bəhram oğluna, Nəbiyev Səxavət Knyaz oğluna məxsus kafelər
Şəki şəhərində “Bazarstore” market, Hüseynli Qurban Abid oğluna məxsus kafe
Lənkəran şəhərində “Fədək” və “Aura” marketlər
Göygöl rayonunda “Məngük” və “Qala dibi” restoranlar
Goranboy rayonunda “Sahib” market
Ağstafa rayonunda “Sərinlik” kafe, “Bizim” və “Səmədoğlu” marketlər
Qazax rayonunda “Məkan” kafe
Tovuz rayonunda “Oba” market və Əhmədov Ərəstun Abuzər oğluna məxsus ət satışı mağazası
Ucar rayonunda “Göbələk” restoranı, “City klub” və “Qumlaq” kafelər, “Elvin” market
Qeyd edək ki, AQTA Bakıda, eləcə də regionlarda fəaliyyət göstərən ictimai iaşə obyektləri və ərzaq mağazalarında yoxlama-nəzarət tədbirlərini bundan sonra da davam etdirəcək və Nazirlər Kabinetinin qərarı ilə təsdiq edilmiş metodiki göstərişlərə əməl etməyən sahibkarlıq subyektləri barədə ən sərt tədbirlər görüləcəkdir.
Oxşar xəbərlər
Qəhvəyi mərmər bağacığına qarşı mübarizə tədbirləri davam etdirilir
Azərbaycan Respublikasının Nazirlər Kabineti tərəfindən təsdiq edilmiş “Qəhvəyi mərmər bağacığına qarşı bitki mühafizəsinə dair Tədbirlər Planı”nın icrası məqsədilə Qida Təhlükəsizliyi Agentliyi Qəhvəyi mərmər bağacığının ölkə ərazisində yayılmasının qarşısının alınması istiqamətində müvafiq fitosanitar nəzarət və maarifləndirmə tədbirlərini davam etdirir. Tədbirlər çərçivəsində Qida Təhlükəsizliyi Agentliyinin, Daşkəsən Rayon İcra Hakimiyyətinin və Kənd Təsərrüfatı Nazirliyi yanında Aqrar Xidmətlər Agentliyinin yerli bölmələrinin əməkdaşlarının və rayon sakinlərinin iştirakı ilə görüş keçirilib. Görüşdə Qəhvəyi mərmər bağacığının kütləvi aşkarlandığı ərazilərdə müvafiq mübarizə tədbirlərinin gücləndirilməsi, mümkün qışlama yerlərində müşahidələrin aparılması və zərərvericinin aşkarlandığı təqdirdə mexaniki yollarla məhv edilməsi, habelə mübarizə tədbirlərində vətəndaşların aktiv iştirakının zəruriliyi barədə məlumatlar verilib. Qəhvəyi mərmər bağacığına qarşı mübarizə yolları ilə bağlı maarifləndirici çap materialları paylanıb.
Fitosanitar monitorinqlər davam etdirilir
Karantin tətbiq edilən, o cümlədən potensial təhlükəli zərərli orqanizmləri, onların mənbələrini, sərhədlərini, yayılma səbəblərini vaxtında müəyyənləşdirmək və ölkə ərazisində fitosanitar sabitliyin təmin edilməsi məqsədilə Qida Təhlükəsizliyi Agentliyinin fitosanitar müfəttişləri tərəfindən Milli Monitorinq Planına uyğun olaraq meyvə bağlarında monitorinqlər aparılıb. Monitorinq zamanı Beyləqan rayonunda, İmişli rayonunun Murğuzallı, Qaralar, Sabirabad rayonunun Qasımbəyli, Əsgərbəyli, Yuxarı Axtaçı, Muradbəyli, Qəzli, Quruzma, Yenikənd, Mürsəlli, Ulacalı, Bulduq, Ətcələr, Məmişlər, Həşimxanlı, Beşdəli kəndlərində, Saatlı rayonunun Mustafabəyli, Məzrəli, Azadkənd kəndlərində yerləşən nar, xurma və heyva bağlarında zərərli orqanizmlərlə sirayətlənmə əlamətləri olan bitkilərdən nümunələr götürülərək Qida Təhlükəsizliyi İnstitutunun müvafiq laboratoriyasına təqdim edilib. Müayinələr nəticəsində Meyvə milçəyi, Nar meyvəyeyəni, Meyvə çürüməsi, Afrika əncir milçəyi ilə yanaşı, karantin tətbiq edilən zərərli orqanizmlərdən Komstok yastıcası və Yaponiya mumlu yalançı qalxanlı yastıcası, bir təsərrüfatda isə Asiya giləmeyvə drozofilası aşkarlanıb. Agentlik əməkdaşları tərəfindən Astara rayonunun Astara şəhəri, Kijəbə qəsəbəsi, Şiyəkəran, Təngərüd, Siyakü, Velədi, Maşxan, Vaqo kəndlərində, habelə Lənkəran rayonunun Şağlaser kəndində 38 təsərrüfat subyektinə məxsus 119.3 hektar sitrus bağında aparılmış monitorinq zamanı Sitrus ağqanadlısı və Qırmızı tor gənəsi ilə yanaşı, karantin tətbiq edilən zərərli orqanizmlərdən Sitrus tristeza virusu və Yaponiya yalançı qalxanlı mumlu yastıcası müəyyən edilib. Bundan əlavə, Astara rayonunun Şiyəkəran kəndində yerləşən bir neçə sitrus bağında Kənd Təsərrüfatı Nazirliyi yanında Aqrar Xidmətlər Agentliyinin Astara rayon Bitki Mühafizə Mərkəzinin əməkdaşları ilə birgə monitorinq təşkil edilib və Sitrus ağqanadlısına qarşı Mərkəzin əməkdaşları tərəfindən bitki mübarizə tədbirləri həyata keçirilib.
Qəhvəyi mərmər bağacığı ilə ev şəraitində necə mübarizə aparmaq olar?
Azərbaycan Respublikasının Qida Təhlükəsizliyi Agentliyi (AQTA) Qəhvəyi mərmər bağacığının ölkə ərazisində yayılmasının qarşısını almaq məqsədilə maarifləndirmə tədbirlərini davam etdirir. Tədbirlər çərçivəsində 300-dən çox bitki ilə qidalanaraq onların məhsuldarlığını əhəmiyyətli dərəcədə aşağı salan Qəhvəyi mərmər bağacığının müşahidə olunduğu ölkəmizin şimal-qərb və qərb rayonlarının bəzi kəndlərində yerli əhali və sahibkarlarla maarifləndirici görüşlər keçirilir. Görüşlərdə ev şəraitində zərərvericiyə qarşı mümkün mübarizə tədbirləri barədə məlumatlar çatdırılır. Qəhvəyi mərmər bağacığı evlərin çardaqlarında, qapı və pəncərə boşluqlarında, taxta və odun yığınları arasında qışlaya bilir. Zərərvericinin qışlama yerlərini maksimum məhdudlaşdırmaq məqsədilə evlərdə, çardaqlarda, bağlara yaxın tikililərdə vaxtında təmizləmə və təmir işləri aparılmalıdır. Bundan başqa, bağacığın qışlamaq üçün yaşayış və köməkçi binalara daxil olmasının qarşısını almaq üçün bu tikililərdə pəncərələr torla bağlanmalıdır. Aşkar edildikləri təqdirdə onları süpürgə, tozsoran və s. vasitəsilə toplamaq və məhv etmək lazımdır. Qeyd edək ki, beynəlxalq təcrübədə Qəhvəyi mərmər bağacığı ilə mübarizədə aldadıcı tələlərdən, süni yaradılmış sığınacaq yerlərindən istifadə xüsusi əhəmiyyət kəsb edir. Bağacıq üçün süni qışlama yerləri əsasən boş karton və ya qəzetlə doldurulmuş adi bir qutudan hazırlanır. Bunun üçün boş qutuya kəsilmiş karton və ya kağız parçaları doldurulur. Hazırlanmış sığınacaqlar evin günəş düşən tərəfində, binaların cənub və qərb tərəflərinə və yaxud çardaqda (damda), bağacığın qışlamaya getdiyi yerlərdə yerləşdirilir və ya 2-3 metr hündürlükdə asılır. Bu cür qutulara yığılan bağacıqlar mexaniki yolla toplanaraq məhv edilməlidir.
