Giriş
AQTA koronavirusun profilaktikası çərçivəsində monitorinqləri davam etdirir
1 Mart 2021 16:30
Azərbaycan Respublikasının Qida Təhlükəsizliyi Agentliyi (AQTA) tərəfindən qanunvericiliyin tələblərinə, həmçinin Nazirlər Kabinetinin qərarı ilə təsdiq edilmiş koronavirusun (COVID-19) profilaktikasına dair metodiki göstərişlərin icrasına nəzarət məqsədilə ictimai iaşə obyektlərində reydlər davam etdirilir.
Nəzarət tədbirləri çərçivəsində 28 fevral 2021-ci il tarixində ölkə üzrə 299 ictimai iaşə obyektində 549 monitorinq keçirilib. Monitorinqlər zamanı 21 müəssisədə qanunvericiliyin tələblərinin kobud şəkildə pozulması faktları aşkar olunub. Aşkar olunmuş nöqsanlarla bağlı İnzibati Xətalar Məcəlləsinə uyğun olaraq müvafiq tədbirlər görülüb.
Uyğunsuzluqlar aşkar edilən ictimai iaşə müəssisələri aşağıdakılardır:
1. Bakı şəhəri, Yasamal rayonu, Hüseyn Cavid pr., Şəhriyar küçəsi 30 ünvanında yerləşən, fiziki şəxs Abdullayev Elçin Gündüz oğluna məxsus kafe;
2. Bakı şəhəri, Nərimanov rayonu, Məmmədzadə, ev. 13H ünvanında yerləşən, fiziki şəxs Kazımov Aqil Tahir oğluna məxsus çayxana;
3. Bakı şəhəri, Nəsimi rayonu, Azadlıq pr. 72 ünvanında yerləşən, fiziki şəxs Nağlyev Elşən Akif oğluna məxsus "Sim-Sim" kafesi;
4. Bakı şəhəri, Nəsimi rayonu, Mirəli Qaşqay 76B ünvanında yerləşən, fiziki şəxs Abulov Elməddin Nazim oğluna məxsus "Batumi" kafesi;
5. Bakı şəhəri, Suraxanı rayonu, Hövsan qəsəbəsi, dəniz kənari bağlar ünvanında yerləşən, fiziki şəxs Mayilov Rəcəb Zabil oğluna məxsus kafe;
6. Bakı şəhəri, Qaradağ rayonu, Lökbatan ştq, Lökbatan qəsəbəsi, Sədərək TM, zona 3, Korpus 15, mağaza 127 ünvanında yerləşən, fiziki şəxs Quliyev Rüstəm Rza oğluna məxsus kafe;
7. Bakı şəhəri, Səbail rayonu, Nizami 44 ünvanında yerləşən, hüquqi şəxs "City sevice Company" MMC-yə məxsus “Food Station” kafesi;
8. Bakı şəhəri, Xətai rayonu, N. Tusi, ev 14 ünvanında yerləşən, fiziki şəxs Samirə Xosrovzadə Səməd qızına məxsus “Ampir” kafesi;
9. Bakı şəhəri, Nizami rayonu, Ə. Haciyev 40 ünvanında yerləşən, fiziki şəxs Əliyeva Marina Vladimirovna qızına məxsus kafe;
10. Bakı şəhəri, Səbail rayonu, Qurban Abbasov küçəsi, ev 56 ünvanında yerləşən, fiziki şəxs İsmayılov Natiq Rüstəm oğluna məxsus "Bublik" şirniyyat evi;
11. Bakı şəhəri, Səbail rayonu, Arif İsmayılov, ev 1E ünvanında yerləşən, fiziki şəxs Rüstəmov Elgiz Xanlar oğluna məxsus "Dönər-Kabab" dönər evi;
12. Bakı şəhəri, Xəzər rayonu, Şüvəlan qəs., A. İldırım küçəsində yerləşən, fiziki şəxs Sultanov Kazım Həsənağa oğluna məxsus kafe;
13. Bakı şəhəri, Binəqədi rayonu, Səttar Bəhlulzadə küç., ev 207 ünvanında yerləşən, fiziki şəxs İsmayılov Əli Tofiq oğluna məxsus kafe;
14. Bakı şəhəri, Xəzər rayonu, Maştağa-Buzovna yolunda yerləşən, fiziki şəxs Əhmədov Mürsəl Qəzənfər oğluna məxsus "Şuşa" restoranı;
15. Bakı şəhəri, Nəsimi rayonu, Asif Məhərrəmov 45 ünvanında yerləşən, fiziki şəxs Çukayev Ramazan Abdulla oğluna məxsus kafe;
16. Qazax rayonu, İkinci Şıxlı kəndində yerləşən fiziki şəxs, Nəsibov Asif Hümbət oğluna məxsus kafe;
17. İsmayıllı rayonu, Aşıqbayramlı kəndində yerləşən, fiziki şəxs Nağıyev Ramiz Mirəhməd oğluna məxsus kafe;
18. Göyçay rayonu, Qaraməryəm kəndində yerləşən, fiziki şəxs Əliyev Elmin Mahir oğluna məxsus kafe;
19. Gəncə şəhəri, Vəli Xuluflu küç. 75A ünvanında yerləşən, fiziki şəxs Rəhimov Şöhrət Sədrəddin oğluna məxsus restoran;
20. Balakən rayonu, H. Əliyev prospektində yerləşən, fiziki şəxs Mustafayeva Dilbər Musa qızına məxsus restoran;
21. Bakı şəhəri, Lökbatan-Xocasən yolunda yerləşən, hüquqi şəxs "Qaradağ Hill" MMC-yə məxsus mehmanxanada fəaliyyət göstərən restoran.
Qeyd edək ki, AQTA tərəfindən Bakıda, eləcə də regionlarda fəaliyyət göstərən ictimai iaşə obyektlərində monitorinqlərin miqyası genişləndirilib. Hazırda respublika üzrə AQTA müfəttişləri tərəfindən monitorinqlər davam etdirilir və qaydalara əməl etməyən sahibkarlıq subyektləri barədə ən sərt tədbirlər görüləcəkdir.
Oxşar xəbərlər
Dabaq və quş qripi xəstəliyi ilə bağlı bəzi məhdudiyyətlər tətbiq olunub
Küveyt Dövlətinin Əl-Cəhra əyalətində dabaq, Kamboca Krallığının Kratex əyalətində, Liberiya Respublikasının Bonq bölgəsində, Vyetnam Sosialist Respublikasının Nqhe An, Tiyen Gianq, Tuyen Quanq, Lonq An, Quanq Tri əyalətlərində, Polşa Respublikasının Pomorsk inzibati ərazisində isə yüksək patogen quş qripi xəstəliyi qeydə alınıb. Bu barədə Ümumdünya Heyvan Sağlamlığı Təşkilatından (ÜHST) Azərbaycan Respublikasının Qida Təhlükəsizliyi Agentliyinə rəsmi məlumatlar daxil olub. Respublika ərazisinin qeyd olunan yoluxucu xəstəliklərdən qorunması üçün zonalaşma prinsipi nəzərə alınmaqla, dabaq xəstəliyi baş vermiş təsərrüfatdan 10 km radiusda olan ərazilərdən cütdırnaqlı heyvanların, habelə onlara aid xammal və məhsulların idxalına və tranzit daşınmasına, quş qripi xəstəliyi baş vermiş təsərrüfatdan 10 km radiusda olan məsafədə yerləşən müəssisələrdən isə diri quş və quşçuluq məhsullarının idxalına ÜHST-nin “Quruda yaşayan heyvanların sağlamlıq Məcəlləsi”nə uyğun olaraq, müvəqqəti məhdudiyyət tətbiq olunub. Eyni zamanda müvafiq tədbirlərin görülməsi üçün Azərbaycan Respublikasının Dövlət Gömrük Komitəsinə müraciət olunub.
Quş qripi xəstəliyi ilə bağlı tətbiq olunan bəzi məhdudiyyətlər aradan qaldırılıb
Ümumdünya Heyvan Sağlamlığı Təşkilatının (ÜHST) rəsmi məlumatlarına əsasən, Koreya Respublikasının Collabuk-do, Qyeonqsanqbuk-Do, Ceollanam-Do, Qyeonqqi-Do əyalətlərində, Danimarka Krallığının Paytaxt, Cənubi Danimarka regionlarında, Çex Respublikasının Vısoçina, Moraviya–Sileziya, Ustetsk, Kraloveqradetsk, Zlin, Pardubitsk diyarlarında, Moldova Respublikasının Soroka, Floreşti, Ştefan-Voda, Drokiya, Rezina, Șoldaneștı, Rışkanı, Dubısаri, Edinet, Qlоdеni, Straşeni, Kахul, Оrхеy rayonlarında, Slovakiya Respublikasının Trnavsk, Bratislava diyarlarında, Mozambik Respublikasının İnyambane əyalətində, Almaniya Federativ Respublikasının Brandenburq, Hessen vilayətlərində, Polşa Respublikasının Opolsk inzibati ərazisində, Amerika Birləşmiş Ştatlarının Montana, Miçiqan, Delaver, Florida, Şimali Karolina, Virciniya ştatlarında qeydə alınmış yüksək patogen quş qripi xəstəliyi aradan qaldırılıb. Belə ki, qeyd olunan inzibati ərazi vahidlərində ÜHST-nin “Quruda yaşayan heyvanların sağlamlıq Məcəlləsi”nə əsasən, xəstəliyin ləğv edilməsindən sonra gözləmə müddəti başa çatıb və epizootik sağlamlıq statusu bərpa olunub. Bununla əlaqədar, respublika ərazisinin bu yoluxucu xəstəlikdən qorunması məqsədilə həmin inzibati ərazi vahidlərinə tətbiq edilmiş məhdudiyyətlər aradan qaldırılıb. Eyni zamanda müvafiq tədbirlərin görülməsi üçün Azərbaycan Respublikasının Dövlət Gömrük Komitəsinə müraciət olunub.
AQTA ilə İranın Baytarlıq Təşkilatı arasında Anlaşma Memorandumu imzalanıb
Azərbaycan Respublikasının Qida Təhlükəsizliyi Agentliyi ilə İran Baytarlıq Təşkilatı arasında “Transsərhəd heyvan xəstəlikləri ilə mübarizə sahəsində əməkdaşlıq haqqında” Anlaşma Memorandumu imzalanıb. Sənədi Azərbaycanın Baş nazirinin müavini (hökumətlərarası komissiyanın həmsədri) Şahin Mustafayev və İranın yol və şəhərsalma naziri (hökumətlərarası komissiyanın həmsədri) Fərzanə Sadiq imzalayıblar. Memoranduma əsasən, Azərbaycan Respublikasının Qida Təhlükəsizliyi Agentliyi və İran İslam Respublikasının Baytarlıq Təşkilatı dövlət sərhədlərinə bitişik ərazilərdə transsərhəd heyvan xəstəlikləri ilə mübarizə tədbirlərinin həyata keçirilməsi üzrə birgə fəaliyyət göstərəcək, regionda yoluxucu heyvan xəstəliklərinin törətdiyi epizootoloji gərginliyin artması fonunda hər iki dövlətin əhalisinin və ətraf mühitinin bioloji təhlükəsizliyinin təmin edilməsi istiqamətində müvafiq tədbirlər icra edəcəklər. Anlaşma Memorandumu çərçivəsində Azərbaycan Respublikasının İran İslam Respublikası ilə dövlət sərhədinə bitişik ərazilərdə epizootiya əleyhinə, o cümlədən nəzarət, peyvəndləmə, monitorinq və sair birgə tədbirlərin təşkili təmin ediləcək. Həmçinin sərhəddə baytarlıq nəzarəti tədbirlərinin həyata keçirilməsində əməkdaşlığın genişləndirilməsi və təcrübə mübadiləsinin aparılması nəzərdə tutulur. Memorandumda bundan başqa, qeyd edilən sahələr üzrə AQTA ilə İranın Baytarlıq Təşkilatı nümayəndələrindən və ekspertlərdən ibarət işçi qrupların yaradılması, birgə tədqiqatların aparılması, heyvan xəstəliklərinin laboratoriya diaqnostikası üzrə birgə təlim və məşqlərin keçirilməsi, məlumat mübadiləsinin aparılması, görüşlərin təşkili kimi məsələlər öz əksini tapıb.
