Giriş
AQTA koronavirusun profilaktikası çərçivəsində monitorinqləri davam etdirir
9 Mart 2021 17:01
Azərbaycan Respublikasının Qida Təhlükəsizliyi Agentliyi (AQTA) tərəfindən qanunvericiliyin tələblərinə, həmçinin Nazirlər Kabinetinin qərarı ilə təsdiq edilmiş koronavirusun (COVID-19) profilaktikasına dair metodiki göstərişlərin icrasına nəzarət məqsədilə ictimai iaşə obyektlərində reydlər davam etdirilir.
Nəzarət tədbirləri çərçivəsində 8 mart 2021-ci il tarixində ölkə üzrə 310 ictimai iaşə obyektində 559 monitorinq keçirilib. Monitorinqlər zamanı 23 müəssisədə qanunvericiliyin tələblərinin kobud şəkildə pozulması faktları aşkar olunub. Aşkar olunmuş nöqsanlarla bağlı İnzibati Xətalar Məcəlləsinə uyğun olaraq müvafiq tədbirlər görülüb.
Uyğunsuzluqlar aşkar edilən ictimai iaşə müəssisələri aşağıdakılardır:
1. Bakı şəhəri, Nərimanov rayonu, X. Xoyski küçəsi, ev.113m ünvanında yerləşən, fiziki şəxs Paşayev Nəcmin Mirzə oğluna məxsus çay evi;
2. Bakı şəhəri, Yasamal rayonu, Müzəffər Həsənov küçəsi, ev.1M ünvanında yerləşən, fiziki şəxs Yusubov Cavid Rüstəm oğluna məxsus çayxana;
3. Bakı şəhəri, Nəsimi rayonu, Səməd Vurğun 68 ünvanında yerləşən, hüquqi şəxs “Kobra” MMC-yə məxsus “Qəbələ Xanlar” restoranı;
4. Bakı şəhəri, Nəsimi rayonu, Səməd Vurğun 110 ünvanında yerləşən, hüquqi şəxs “Time Out“ MMC-yə məxsus “Məhlə“ çay evi;
5. Bakı şəhəri, Xəzər rayonu, Heydər Eyvazov, ev 361 ünvanında yerləşən, fiziki şəxs Tərmanov Abdulla Yura oğluna məxsus kafe;
6. Bakı şəhəri, Xətai rayonu, Xocalı prospekti, ev 8A ünvanında yerləşən, fiziki şəxs Hidayətov Ramil Yurik oğluna məxsus kafe;
7. Bakı şəhəri, Xətai rayonu, H. Tağızadə, ev 11\15 ünvanında yerləşən, fiziki şəxs Kamran Abbasov Rafiq oğluna məxsus “Beer City” kafesi;
8. Bakı şəhəri, Binəqədi rayonu, N. Nərimanov, ev 15 ünvanında yerləşən, fiziki şəxs Həsənov İbrahim Tofiq oğluna məxsus “Xan Garden“ restoranı;
9. Bakı şəhəri, Nizami rayonu, Əlif Hacıyev 45A ünvanında yerləşən, fiziki şəxs Məmmədzadə Oruc Rasim oğluna məxsus “Bearl pub”;
10. Bakı şəhəri, Sabunçu rayonu, Sabunçu qəsəbəsində yerləşən, fiziki şəxs Hacıyev Temur Bahadur oğluna məxsus çay evi;
11. Bakı şəhəri, Səbail rayonu, Dənizkənarı Milli Park ünvanında yerləşən, fiziki şəxs Lalə Kərimova Sahib qızına məxsus "Perla di Caspio" restoranı;
12. Sumqayıt şəhəri, 9-cu mikrorayon ünvanında yerləşən, fiziki şəxs Qəhrəmanov Abbas Mirzə oğluna məxsus "Şahin" çay evi;
13. Bakı şəhəri, Nəsimi rayonu, S. Vurğun küçəsi, 934-cü məhəllədə yerləşən, fiziki şəxs Rəsulov Anar Elman oğluna məxsus mehmanxananın tərkibində fəaliyyət göstərən restoran;
14. Tərtər rayonu, Şıxarx qəsəbəsində yerləşən, fiziki şəxs Nəbiyev Duman Eldəniz oğluna məxsus kafe;
15. Gəncə şəhəri, Adil İsgəndərov 95 ünvanında yerləşən, fiziki şəxs Rüstəmov Vaqif Fərrux oğluna məxsus “Kafe De Paris” restoranı;
16. Zaqatala rayonu, Vidadi küçəsində yerləşən, fiziki şəxs Ramin Ağakişiyev Məmməd oğluna məxsus kafe;
17. Tovuz rayonu, Köhnəqala kəndində yerləşən, fiziki şəxs Zeynallı Elnur Məhərrəm oğluna məxsus kafe;
18. Qazax rayonu, Birinci Şıxlı kəndində yerləşən, fiziki şəxs Mustafayev Elnur Bayram oğluna məxsus kafe;
19. Ağstafa rayonu, Poylu kəndində yerləşən, fiziki şəxs Quliyev Rüstəm Qurban oğluna məxsus kafe;
20. Tərtər rayonu, H. Əliyev prospektində yerləşən, fiziki şəxs Bayramov Seymur İlham oğluna məxsus kafe;
21. İsmayıllı rayonu, Bizlan kəndində yerləşən, fiziki şəxs Mamedov Ələddin Nəzər oğluna məxsus yeməkxana;
22. Göyçay rayonu, Potu kəndində yerləşən, fiziki şəxs Şamil Novruzov Çingiz oğluna məxsus restoran;
23. Göyçay rayonu, Potu kəndində yerləşən, fiziki şəxs Eminov İntiqam Şiralı oğluna məxsus kafe.
Qeyd edək ki, AQTA tərəfindən Bakıda, eləcə də regionlarda fəaliyyət göstərən ictimai iaşə obyektlərində monitorinqlərin miqyası genişləndirilib. Hazırda respublika üzrə AQTA müfəttişləri tərəfindən monitorinqlər davam etdirilir və qaydalara əməl etməyən sahibkarlıq subyektləri barədə ən sərt tədbirlər görüləcəkdir.
Oxşar xəbərlər
Qanunsuz heyvan kəsiminin qarşısının alınması istiqamətində tədbirlər davam etdirilir
Azərbaycan Respublikasının Qida Təhlükəsizliyi Agentliyi ölkədə heyvan kəsiminin normativ tələblərə uyğunlaşdırılması, müasir kəsim məntəqələrinin təşkil olunması və qanunsuz heyvan kəsimi fəaliyyətinin qarşısının alınması istiqamətində nəzarət tədbirlərini davam etdirir. 2024-cü il 16-20 dekabr tarixlərində Agentlik əməkdaşları tərəfindən aparılan monitorinqlər zamanı Bakı şəhəri və Abşeron rayonunda fəaliyyət göstərən 17 heyvan kəsimi və ət satışı məntəqəsində bir sıra nöqsanlar aşkar olunub. Aşkarlanmış uyğunsuzluqlarla əlaqədar inzibati tədbir görülüb. Baytarlıq-sanitariya ekspertizası aparılmadan heyvan kəsimi və ət satışı fəaliyyəti ilə məşğul olan və barələrində inzibati xəta haqqında protokol tərtib edilmiş məntəqələr aşağıdakılardır: № Sahibkarlıq subyekti Ünvan Görülən tədbir Bakı şəhəri üzrə Abdullazadə Abdulla Qorxmaz oğlu Suraxanı rayonu, Qaraçuxur qəsəbəsi, Z.Şərifov küçəsi 10 İnzibati protokol tərtib edilib Eyvazov Ariz Kərəm oğlu Suraxanı rayonu, Qaraçuxur qəsəbəsi, Z.Şərifov küçəsi 17 İnzibati protokol tərtib edilib Allahverdiyev Nicat Mehdi oğlu Suraxanı rayonu, Qaraçuxur qəsəbəsi, Z.Şərifov küçəsi 17 İnzibati protokol tərtib edilib Quliyev İmran Cavid oğlu Suraxanı rayonu, Qaraçuxur qəsəbəsi, Z.Şərifov küçəsi 17 İnzibati protokol tərtib edilib Heydərov Ramil İmran oğlu Suraxanı rayonu, Qaraçuxur qəsəbəsi, Z.Şərifov küçəsi 19 İnzibati protokol tərtib edilib Abdullayev Yasin Hüseyn oğlu Suraxanı rayonu, Qaraçuxur qəsəbəsi, M.Hacınski küçəsi İnzibati protokol tərtib edilib Məmmədov Asiman Nadir oğlu Suraxanı rayonu, Qaraçuxur qəsəbəsi, Şərq Yaşayış Massivi İnzibati protokol tərtib edilib Nəzərov Məzahir Sahib oğlu Suraxanı rayonu, İ.Musayev küçəsi İnzibati protokol tərtib edilib Məmmədov Hüseyn Kərim oğlu Suraxanı rayonu, Qaraçuxur qəsəbəsi İnzibati protokol tərtib edilib Namazov Tuncay Abuzər oğlu Suraxanı rayonu, Qaraçuxur qəsəbəsi, Ə.Mehbalıyev küçəsi 2 İnzibati protokol tərtib edilib Fərzəliyev Bəxtiyar Volodiya oğlu Suraxanı rayonu, Yeni Günəşli qəsəbəsi, “V” massivi İnzibati protokol tərtib edilib İbrahimov Sədrəddin İbrahim oğlu Suraxanı rayonu, Yeni Günəşli qəsəbəsi, “V” massivi İnzibati protokol tərtib edilib Pənəliyev Təbriz Novruz oğlu Suraxanı rayonu,Yeni Günəşli qəsəbəsi, “V” massivi İnzibati protokol tərtib edilib Əliyev Sevindik Mehman oğlu Suraxanı rayonu, Yeni Günəşli qəsəbəsi, S.Cəfərov küçəsi İnzibati protokol tərtib edilib Zərbəliyev Kərim Məhbub oğlu Xətai rayonu, Cavanşir küçəsi 44 İnzibati protokol tərtib edilib Abşeron rayonu üzrə Babakişiyev Əli Oruc oğlu Abşeron rayonu, Masazır qəsəbəsi, Ə.Vahid küçəsi İnzibati protokol tərtib edilib Məmmədli Rəhim İlqar oğlu Abşeron rayonu, Masazır qəsəbəsi, Ə.Vahid küçəsi İnzibati protokol tərtib edilib
Xırdalanda nöqsanlar aşkarlanan restoranın fəaliyyəti məhdudlaşdırılıb
Qida Təhlükəsizliyi Agentliyinin əməkdaşları Abşeron rayonu, Xırdalan şəhəri, 28-ci məhəllədə fəaliyyət göstərən, fiziki şəxs Əmiraslanov Vasif Hidayət oğluna məxsus “Güvən Lahmacun” restoranında planlı yoxlama keçirib. Baxış zamanı ictimai iaşə müəssisəsində qida təhlükəsizliyi sahəsində texniki normativ hüquqi aktların bir sıra tələblərinin pozulduğu, sanitar-gigiyenik vəziyyətin qənaətbəxş olmadığı məlum olub. Belə ki, mal qonşuluğu prinsipinin pozulduğu, işçi heyətin məcburi tibbi müayinədən keçmədiyi, mətbəxdə və anbar sahəsində divarların asan yuyulub təmizlənən, dezinfeksiyaedici məhlulların təsirinə davamlı materialla üzlənmədiyi, havalandırma sisteminin qurulmadığı, müvafiq təmizlik işlərinin aparılmadığı, yuyucu maddələrin və dezinfeksiyaedici vasitələrin xüsusi ayrılmış yerdə saxlanmadığı, ağzı kip bağlanan və qoxu yaymayan tullantı qablarından istifadə olunmadığı və digər nöqsanlar müəyyən edilib. Həmçinin mətbəxdə mənşəyi məlum olmayan qida məhsulları aşkarlanıb. Faktla bağlı müəssisə rəhbəri barəsində inzibati qərar qəbul edilərək cərimə tətbiq olunub, restoranın fəaliyyəti məhdudlaşdırılıb.
İstehlaka yararsız ət və subməhsullarının satışının qarşısı alınıb
Qida Təhlükəsizliyi Agentliyinin müfəttişləri tərəfindən yerli icra orqanlarının əməkdaşları ilə birgə Ağcabədi rayonunun Aşağı Avşar kəndində fiziki şəxs İsmayılov Cəmil Yunis oğluna məxsus həyətyanı sahədə keçirilən monitorinq zamanı istehlaka yarasız ət məhsulları və normativ hüquqi aktların tələblərinə cavab verməyən kustar üsullarla təchiz edilmiş metal konstruksiyalı kəsim qurğuları aşkarlanıb. Baxış zamanı satış məqsədilə kəsimi həyata keçirilmiş heyvanın aqoniya halında kəsilməsinə və bakterioloji çirklənməsinə əsaslı şübhələr yarandığı üçün ümumilikdə 171 kq ət və subməhsulu (heyvanın daxili orqanları) müsadirə olunub. Müayinələrin aparılması məqsədilə nümunələr götürülərək Qida Təhlükəsizliyi İnstitutunun müvafiq laboratoriyalarına təqdim edilib. Mənşəyi məlum olmayan ətin geri qalan hissəsi isə saxlanca qoyulub. Faktla bağlı qanunvericiliyə uyğun müvafiq tədbirlər görülüb. Araşdırmalar davam etdirilir.
