Giriş
AQTA koronavirusun profilaktikası çərçivəsində monitorinqləri davam etdirir
29 Mart 2021 15:43
Azərbaycan Respublikasının Qida Təhlükəsizliyi Agentliyi (AQTA) tərəfindən qanunvericiliyin tələblərinə, həmçinin Nazirlər Kabinetinin qərarı ilə təsdiq edilmiş koronavirusun (COVID-19) profilaktikasına dair metodiki göstərişlərin icrasına nəzarət məqsədilə ictimai iaşə obyektlərində reydlər davam etdirilir.
Nəzarət tədbirləri çərçivəsində 28 mart 2021-ci il tarixində ölkə üzrə 420 ictimai iaşə obyektində 714 monitorinq keçirilib. Monitorinqlər zamanı 14 müəssisədə qanunvericiliyin tələblərinin kobud şəkildə pozulması faktları aşkar olunub. Aşkar olunmuş nöqsanlarla bağlı İnzibati Xətalar Məcəlləsinə uyğun olaraq müvafiq tədbirlər görülüb.
Uyğunsuzluqlar aşkar edilən ictimai iaşə müəssisələri aşağıdakılardır.
1. Bakı şəhəri, Binəqədi rayonu, Mir Cəlal küçəsində yerləşən, fiziki şəxs Məmmədov İlqar Budaq oğluna məxsus "Qala" kafesi;
2. Bakı şəhəri, Binəqədi rayonu, 9-cu mikrorayon ünvanında yerləşən, fiziki şəxs Eminov Ədalət İntiqam oğluna məxsus kafe;
3. Bakı şəhəri, Nəsimi rayonu, Cəfərov küçəsində yerləşən, fiziki şəxs Nağıyev Orxan Etiraf oğluna məxsus çay evi;
4. Bakı şəhəri, Xətai rayonu, General Şıxlinski küçəsində yerləşən, fiziki şəxs Salmanov Fəxrəddin Məhəmmədəli oğluna məxsus "Çinar" kafesi;
5. Bakı şəhəri, Nizami rayonu, Babək prospekti 76 ünvanında yerləşən, fiziki şəxs Əzizov Razil Məhəmməd oğluna kafe;
6. Bakı şəhəri, Nizami rayonu, Babək prospektində yerləşən, fiziki şəxs Mustafayev Anar Çingiz oğluna məxsus restoran;
7. Bakı şəhəri, Yasamal rayonu, “Bakı Şəhər Avtomobil Satış Mərkəzi”ndə yerləşən, fiziki şəxs Novruzov Elçin Azər oğluna məxsus "Tantuni" kafesi;
8. Bakı şəhəri, Yasamal rayonu, Hüseyn Cavid prospekti, ev 78 ünvanında yerləşən, fiziki şəxs Əliyev Füzuli Allahyar oğluna məxsus "Set Pub & Lounge" kafesi;
9. Bakı şəhəri, Yasamal rayonu, Zahid Xəlillov küçəsi, ev 53 ünvanında yerləşən, fiziki şəxs Rəcəbov Tale Əmrəddin oğluna məxsus "Senior Mansimo" kafesi;
10. Bakı şəhəri, Səbail rayonu, Z.Tağıyev küçəsi, ev 16/18, qeyri-yaşayış sahəsində yerləşən, fiziki şəxs Babayev Nail Yadigar oğluna məxsus kafe;
11. Bakı şəhəri, Nəsimi rayonu, Rza küçəsi, ev 16 ünvanında yerləşən, fiziki şəxs İmanov Nurlanbəy Heydar oğluna məxsus şərab evi;
12. Baki şəhəri, Nizami rayonu, Çobanzadə küçəsi, ev 216 ünvanında yerləşən, fiziki şəxs Abdullayev Əhliman Mirzə oğluna məxsus "Manqalüstü" restoranı;
13. Göygöl rayonu, Kazımov küçəsində yerləşən, fiziki şəxs Cəfərova Nəcibə İsa oğluna məxsus çayxana;
14. Kürdəmir rayonu, Ərşəli kəndində yerləşən, fiziki şəxs Orucov Rəşad Rəşid oğluna məxsus kafe.
Qeyd edək ki, AQTA tərəfindən Bakıda, eləcə də regionlarda fəaliyyət göstərən ictimai iaşə obyektlərində monitorinqlərin miqyası genişləndirilib. Hazırda respublika üzrə AQTA müfəttişləri tərəfindən monitorinqlər davam etdirilir və qaydalara əməl etməyən sahibkarlıq subyektləri barədə ən sərt tədbirlər görüləcəkdir.
Oxşar xəbərlər
Xırdalanda ictimai iaşə obyektində normativ tələblərin pozulduğu aşkarlanıb
Qida Təhlükəsizliyi Agentliyinin əməkdaşları Xırdalan şəhəri, S.Bəhlulzadə küçəsində fəaliyyət göstərən, fiziki şəxs Məmmədov Məmməd Tofiq oğluna məxsus “Məhəllə” kafesində yoxlama keçirib. Baxış zamanı kafedə qida təhlükəsizliyi sahəsində texniki normativ hüquqi aktların tələblərinin pozulduğu, sanitar-gigiyenik və sanitar-texniki vəziyyətin qənaətbəxş olmadığı aşkarlanıb. Etiket məlumatları və müvafiq müşayiətedici sənədləri olmayan məhsulların satışa çıxarıldığı müəyyən edilib. Faktla bağlı nöqsanlar aradan qaldırılanadək kafenin fəaliyyəti məhdudlaşdırılıb, rəhbəri barəsində inzibati qərar qəbul edilərək cərimə tətbiq olunub.
Bərdədə bazarda nöqsanlar aşkarlanıb
Qida Təhlükəsizliyi Agentliyinin əməkdaşları tərəfindən Bərdə rayonu, Güloğlular kəndində fəaliyyət göstərən “Ticarət Mərkəzi” MMC-yə məxsus bazarda keçirilmiş yoxlama zamanı aşkarlanan nöqsanların icra vəziyyəti ilə bağlı yenidən yoxlama keçirilib. Baxış zamanı bazarda süd və süd məhsullarının mənşəyinin məlum olmadığı və temperatur rejiminə əməl edilmədiyi, məhsulların açıq şəkildə satışa çıxarıldığı, işçilərin gigiyena qaydalarına diqqət yetirmədiyi və xüsusi geyimlə təmin edilmədiyi, əl yuma çanaqlarının mövcud olmadığı və digər nöqsanlar müəyyən edilib. Faktla bağlı sahibkar barəsində inzibati protokol tərtib edilib, qeyd edilən məhsullar satışdan kənarlaşdırılıb və icrası məcburi göstərişlər verilib.
İmişlidə fəaliyyət göstərən çörək emalı müəssisəsində nöqsanlar aşkarlanıb
Qida Təhlükəsizliyi Agentliyinin əməkdaşları İmişli şəhəri, N.Savalanov küçəsində fəaliyyət göstərən, Fərmanov Dirbaş Veysəl oğluna məxsus çörək emalı müəssisəsində yoxlama keçirib. Baxış zamanı müəssisənin qida təhlükəsizliyi qeydiyyatından keçmədən fəaliyyət göstərdiyi məlum olub. Həmçinin məhsulların saxlanma şəraitinə və temperatur rejiminə əməl olunmadığı, emal prosesinin qaydalara uyğun həyata keçirilmədiyi, müvafiq təmizlik işlərinin görülmədiyi və digər nöqsanlar aşkarlanıb. Faktla bağlı müəssisənin fəaliyyəti nöqsanlar aradan qaldırılanadək məhdudlaşdırılıb, rəhbəri inzibati məsuliyyətə cəlb olunub.
