Giriş
AQTA koronavirusun profilaktikası çərçivəsində monitorinqləri davam etdirir
18 Aprel 2021 18:24
Azərbaycan Respublikasının Qida Təhlükəsizliyi Agentliyi (AQTA) tərəfindən qanunvericiliyin tələblərinə, həmçinin Nazirlər Kabinetinin qərarı ilə təsdiq edilmiş koronavirusun (COVID-19) profilaktikasına dair metodiki göstərişlərin icrasına nəzarət məqsədilə ictimai iaşə obyektlərində reydlər davam etdirilir.
Nəzarət tədbirləri çərçivəsində 17 aprel 2021-ci il tarixində ölkə üzrə 428 ictimai iaşə obyektində 718 monitorinq keçirilib. Monitorinqlər zamanı 16 müəssisədə qanunvericiliyin tələblərinin kobud şəkildə pozulması faktları aşkar olunub. Aşkar olunmuş nöqsanlarla bağlı İnzibati Xətalar Məcəlləsinə uyğun olaraq müvafiq tədbirlər görülüb.
Uyğunsuzluqlar aşkar edilən ictimai iaşə müəssisələri aşağıdakılardır:
1. Bakı şəhəri, Nərimanov rayonu, ev 15c ünvanında yerləşən, fiziki şəxs Mirzəyev Rüfət Müşviq oğluna məxsus kafe;
2. Bakı şəhəri, Nizami rayonu, Babək prospekti, ev 2222 ünvanında yerləşən, fiziki şəxs Camalov Kənan Camal oğluna məxsus restoran;
3. Bakı şəhəri, Xəzər rayonu, Zaqulba qəsəbəsində yerləşən, fiziki şəxs Rəhmanlı Nəcmin Ruhulla oğluna məxsus restoran;
4. Bakı şəhəri, Yeryomenko küçəsi, ev 29 ünvanında yerləşən, fiziki şəxs Əliyev Ruslan Mübariz oğluna məxsus çay evi;
5. Bakı şəhəri, Nizami rayonu, M. Hadi küçəsi, ev 41 ünvanında yerləşən, fiziki şəxs İbişov Emil Xaləddin oğluna məxsus kafe;
6. Bakı şəhəri, Nizami rayonu, M. Hadi küçəsi, ev 7 ünvanında yerləşən, fiziki şəxs Hüseynov Emin Ayaz oğluna məxsus restoran;
7. Bakı şəhəri, Sabunçu rayonu, R. Axundov küçəsində (271 nömrəli məktəbin yanı) yerləşən, fiziki şəxs Əzimov Vüsal Əlipaşa oğluna məxsus kafe;
8. Bakı şəhəri, Yasamal rayonu, Ə. Cəmil küçəsi, ev 14B ünvanında yerləşən, fiziki şəxs Sadıqov Orxan Bakir oğluna məxsus kafe;
9. Bakı şəhəri, Səbail rayonu, Mirzə İbrahimov küçəsi 1 ünvanında yerləşən, fiziki şəxs Nəzərova Könül Aydın qızına məxsus restoran;
10. Bakı şəhəri, Nəsimi rayonu, Əliyev küçəsi 52 ünvanında yerləşən “Krevetka” restoranı;
11. Bakı şəhəri, Nizami rayonu, Gəncəvi küçəsi, ev 26 ünvanında yerləşən, fiziki şəxs Rüstəmov Eminə məxsus restoran;
12. Binəqədi rayonu, M. Rəsulzadə ŞTQ, Ə. Yusifov küçəsi, ev 3222 ünvanında yerləşən, fiziki şəxs Hüseynov Elnur Fərhad oğluna məxsus “Xan Dönər” dönər evi;
13. Ağsu rayonu, Nüydü kəndində yerləşən, fiziki şəxs Gülməmmədov Novruz Şöhlət oğluna məxsus “Şöhlətoğlu” restoranı;
14. Gəncə şəhəri, Fətulah Həsənov küçəsində yerləşən, fiziki şəxs Hüseynov Emil Rauf oğluna məxsus kafe;
15. Tovuz rayonu, Ə. Şıxlınski küçəsində yerləşən, fiziki şəxs İsgəndərov Mövla Eyvaz oğluna məxsus kafe;
16. Quba rayonu, Küsnətqazma kəndində yerləşən “Şah əsəri” mehmanxanası.
Qeyd edək ki, AQTA tərəfindən Bakıda, eləcə də regionlarda fəaliyyət göstərən ictimai iaşə obyektlərində monitorinqlərin miqyası genişləndirilib. Hazırda respublika üzrə AQTA müfəttişləri tərəfindən monitorinqlər davam etdirilir və qaydalara əməl etməyən sahibkarlıq subyektləri barədə ən sərt tədbirlər görüləcəkdir.
Oxşar xəbərlər
Lənkəranda normativ tələblərin pozulduğu ət satışı məntəqəsinin fəaliyyəti məhdudlaşdırılıb
Daxil olan müraciət əsasında Lənkəran şəhəri, Koroğlu küçəsi, Böyük bazar ərazisində fəaliyyət göstərən, fiziki şəxs Həsənov Allahşükür Atəş oğluna məxsus ət satışı məntəqəsində Qida Təhlükəsizliyi Agentliyinin əməkdaşları tərəfindən keçirilmiş plandankənar yoxlama zamanı qida təhlükəsizliyi sahəsində texniki normativ hüquqi aktların tələblərinin pozulduğu aşkarlanıb. Belə ki, məntəqədə sanitar-gigiyenik tələblərə əməl edilmədiyi, ətlərin üzərində baytarlıq nəzarətindən keçirildiyinə dair möhürün olmadığı, əlyuma çanağının, havalandırma sisteminin, eləcə də ət məhsullarının saxlanması üçün soyuducu və dondurucuların mövcud olmadığı, işçi heyətin tibbi müayinədən keçmədiyi və fərdi qoruyucu vasitələrdən istifadə etmədiyi, dezinfeksiya işlərinin aparılmadığı müəyyən edilib.
Qanunsuz fəaliyyət göstərən dönərxanada bir sıra nöqsanlar aşkarlanıb
Ağdam rayonu, Quzanlı qəsəbəsində fəaliyyət göstərən, fiziki şəxs Əliyev İbrahim Şirin oğluna məxsus dönərxanada Qida Təhlükəsizliyi Agentliyinin əməkdaşları tərəfindən plandankənar yoxlama keçirilib. Baxış zamanı dönərxanada qida məhsulları üzrə gigiyena qaydalarına və qida təhlükəsizliyi tələblərinə əməl edilmədiyi, sanitar-texniki və sanitar-gigiyenik vəziyyətin qüvvədə olan normativlərə cavab vermədiyi müəyyən edilib. Belə ki, iaşə obyektinin qida təhlükəsizliyi qeydiyyatından keçmədən fəaliyyət göstərdiyi məlum olub, həmçinin obyektdə xammal olaraq istifadə edilən məhsulların (xiyar, pomidor, mayonez) açıq şəkildə saxlandığı, çarpaz çirklənmənin qarşısının alınması məqsədilə texnoloji prosesin ardıcıllığına riayət edilmədiyi, əlyuma çanaqlarının isti su və gigiyenik tələblərə cavab verən qurutma vasitələri ilə təmin edilmədiyi, havalandırma sisteminin quraşdırılmadığı, çirklənməyə qarşı müdafiə və zərərvericilərlə mübarizə üçün müvafiq şəraitin olmadığı, döşəmə, divar səthlərinin təmirsiz olduğu və dezinfeksiyaedici vasitələrin təsirinə davamlı materialla üzlənmədiyi, mütəmadi olaraq müvafiq təmizlik işlərinin aparılmadığı, tullantıların ağzı kip bağlanan və qoxu yaymayan qablara toplanmadığı və digər nöqsanlar aşkarlanıb.
Qida təhlükəsizliyi tələblərinin pozulduğu iki dönərxananın fəaliyyəti məhdudlaşdırılıb
Ağcabədi rayonunun N.Nərimanov küçəsində yerləşən, fiziki şəxs Alıyev Xəyyam Mirzəli oğluna məxsus “01” dönərxanasında və Xocavənd kəndində yerləşən, fiziki şəxs Hüseynov Elmir Əmirxan oğluna məxsus “Dostluq” dönərxanasında Qida Təhlükəsizliyi Agentliyinin əməkdaşları tərəfindən plandankənar yoxlama keçirilib. Baxış zamanı dönərxanalarda qida məhsulları üzrə gigiyena qaydalarına və qida təhlükəsizliyi tələblərinə əməl edilmədiyi, sanitar-texniki və sanitar-gigiyenik vəziyyətin qüvvədə olan normativlərə cavab vermədiyi müəyyən olunub. Belə ki, iaşə obyektlərində çarpaz çirklənmənin qarşısının alınması məqsədilə texnoloji prosesin ardıcıllığına əməl olunmadığı, qabaqcıl gigiyena təcrübəsinin, o cümlədən çirklənməyə qarşı müdafiə və zərərvericilərlə mübarizə üçün müvafiq şəraitin təmin edilmədiyi, döşəmə, divar səthlərinin təmirsiz olduğu və dezinfeksiyaedici vasitələrin təsirinə davamlı materialla üzlənmədiyi, mütəmadi olaraq müvafiq təmizlik işlərinin görülmədiyi, tullantıların ağzı kip bağlanan və qoxu yaymayan qablara toplanmadığı, işçi heyətin gigiyenik təlimlərə cəlb edilmədiyi və digər nöqsanlar aşkarlanıb.
