Giriş
AQTA koronavirusun profilaktikası çərçivəsində monitorinqləri davam etdirir
26 Aprel 2021 17:55
Azərbaycan Respublikasının Qida Təhlükəsizliyi Agentliyi (AQTA) tərəfindən qanunvericiliyin tələblərinə, həmçinin Nazirlər Kabinetinin qərarı ilə təsdiq edilmiş koronavirusun (COVID-19) profilaktikasına dair metodiki göstərişlərin icrasına nəzarət məqsədilə ictimai iaşə obyektlərində reydlər davam etdirilir.
Nəzarət tədbirləri çərçivəsində 25 aprel 2021-ci il tarixində ölkə üzrə 424 ictimai iaşə obyektində 708 monitorinq keçirilib. Monitorinqlər zamanı 25 müəssisədə qanunvericiliyin tələblərinin kobud şəkildə pozulması faktları aşkar olunub. Aşkar olunmuş nöqsanlarla bağlı İnzibati Xətalar Məcəlləsinə uyğun olaraq müvafiq tədbirlər görülüb.
Uyğunsuzluqlar aşkar edilən ictimai iaşə müəssisələri aşağıdakılardır:
1. Bakı şəhəri, Nərimanov rayonu, Ağa Nemətulla küçəsində yerləşən, fiziki şəxs Həsənov Ruslan Yasim oğluna məxsus "Marqarita" restoranı;
2. Bakı şəhəri, Nərimanov rayonu, A. Nemətulla küç., ev 51, m. 1 ünvanında yerləşən, hüquqi şəxs "Havin" MMC-yə məxsus kafe;
3. Bakı şəhəri, Yasamal rayonu, Şıxəli Qurbanov küç., ev 21D ünvanında yerləşən, fiziki şəxs Əmirəslanov İlqar Taleh oğluna məxsus "Əli usta" kafesi;
4. Bakı şəhəri, Yasamal rayonu, C. Cabbarlı küç., ev 6-8 m ünvanında yerləşən, fiziki şəxs Mürsəlov Şahin Rəhim oğluna məxsus kafe;
5. Bakı şəhəri, Nəsimi rayonu, Səməd Vurğun küç., ev 23 ünvanında yerləşən, fiziki şəxs Mehdiyev Kənan İlqar oğluna məxsus restoran;
6. Bakı şəhəri, Nəsimi rayonu, S. Vurğun küç., ev 25m ünvanında yerləşən, hüquqi şəxs "Beat Restaurant" MMC-yə məxsus "Yüngül Cinayətlər" restoranı;
7. Bakı şəhəri, Binəqədi rayonu, Əcəmi Naxçıvani küç., ev 24m ünvanında yerləşən, fiziki şəxs Məmmədov Etibar Atif oğluna məxsus "Öz kardeşler" restoranı;
8. Bakı şəhəri, Səbail rayonu, Tərlan Əliyarbəyov küç., ev 8 ünvanında yerləşən, fiziki şəxs Zaur Məmmədova məxsus "Social Baku" restoranı;
9. Bakı şəhəri, Binəqədi rayonu, 7 mkr-da yerləşən, fiziki şəxs Əyyubov Kərbərayi İbrahim oğluna məxsus kafe;
10. Bakı şəhəri, Binəqədi rayonu, 7 mkr, S. S. Axundov küç., ev 13D ünvanında yerləşən, fiziki şəxs Tahirov Mehdi Məmməd oğluna məxsus kafe;
11. Bakı şəhəri, Binəqədi rayonu, S. S. Axundov küç., bina 11/35 küçəsində yerləşən, fiziki şəxs Şərifov Emil Mübariz oğluna məxsus "Portofino" restoranı;
12. Bakı şəhəri, Qaradağ rayonu, Sahil qəsəbəsi, Məhərrəm Seyidov küçəsində yerləşən, fiziki şəxs Şükürov Vüsala məxsus "Ayxan" kafesi;
13. Bakı şəhəri, Qaradağ rayonu, Ümid qəsəbəsi, Salyan şosesi 41-ci km ünvanında yerləşən, fiziki şəxs Həsənli Vüqar Əlişir oğluna məxsus "Terminal" kafesi;
14. Bakı şəhəri, Qaradağ rayonu, Qobustan ştq, Salyan şosesində yerləşən, fiziki şəxs Nağıyeva Gülşən Ağapolad qızına məxsus "Qızıl Qum" kafesi;
15. Bakı şəhəri, Qaradağ rayonu, Qaradağ qəsəbəsi, Bakı-Salyan şosesi 14-cü km ünvanında yerləşən, fiziki şəxs Əliyeva Aynurə Kəramət qızına məxsus "Karadəniz" çay evi;
16. Bakı şəhəri, Yasamal rayonu, 615-ci məhəllə, M. İ. H. Naxçıvani küçəsi 9 ünvanında yerləşən, fiziki şəxs Abdullayev Bəylər Samir oğluna məxsus restoran;
17. Bakı şəhəri, Nizami rayonu, Şirin Mirzəyev küçəsində yerləşən, fiziki şəxs Bədirli Şahin Fəzail oğluna məxsus çay evi;
18. Bakı şəhəri, Nərimanov rayonu, A. Nemətulla küçəsində yerləşən, fiziki şəxs Mehdiyeva Səbinə Xeybər qızına məxsus "Öz dad lahmacun" kafesi;
19. Bakı şəhəri, Nizami rayonu, Şirin Mirzəyev küçəsi 51 ünvanında yerləşən, fiziki şəxs Əhmədov Şaiq Şövqü oğluna məxsus çay evi;
20. Bakı şəhəri, Sabunçu rayonu, Maştağa qəsəbəsi, Xanlar küçəsində yerləşən, fiziki şəxs Quliyev Hacıbaba Hüseynağa oğluna məxsus "Zəfəran" restoranı;
21. Bakı şəhəri, Nərimanov rayonu, Atatürk prospektində yerləşən, fiziki şəxs Həsənova İradə Tofiq qızına məxsus "Bal şəkər şirniyyat" kafesi;
22. Bakı şəhəri, Nizami rayonu, M. Gəncəvi küçəsində yerləşən, hüquqi şəxs "Resant Consulting And Managment" MMC-yə məxsus "Xəzri" restoranı;
23. Qazax rayonu, İkinci Şıxlı ünvanında yerləşən, fiziki şəxs Omarov Tofiq Zakir oğluna məxsus kafe;
24. Gəncə şəhəri, D. Qorqud küçəsində yerləşən, fiziki şəxs Rzayev Elşən Elxan oğluna məxsus kafe;
25. Gəncə şəhəri, M. Bağırov küçəsində yerləşən, fiziki şəxs Məlikov Mübariz Süleyman oğluna məxsus kafe.
Qeyd edək ki, AQTA tərəfindən Bakıda, eləcə də regionlarda fəaliyyət göstərən ictimai iaşə obyektlərində monitorinqlərin miqyası genişləndirilib. Hazırda respublika üzrə AQTA müfəttişləri tərəfindən monitorinqlər davam etdirilir və qaydalara əməl etməyən sahibkarlıq subyektləri barədə ən sərt tədbirlər görüləcəkdir.
Oxşar xəbərlər
Gəncədə yaşayış evində saxta alkoqollu içkilərin istehsal edildiyi aşkarlanıb
Gizli fəaliyyət göstərən saxta alkoqollu spirtli içki istehsalı ilə bağlı daxil olan məlumat əsasında Qida Təhlükəsizliyi Agentliyinin və yerli polis idarəsinin əməkdaşları Gəncə şəhəri, M.Ə.Sabir küçəsində Fituri Əsmər Mehman qızına məxsus yaşayış evində reyd keçirib. Yoxlama zamanı müxtəlif əmtəə nişanlı şüşə butulkaların yuyulub təmizlənərək, saxta üsullarla alkoqollu içkilərin qablaşdırıldığı müəyyən olunub. 13 ədəd 1 l-lik, 9 ədəd 0.7 l-lik, 4 ədəd 0.5 l-lik “Banketnaya Yubiley”, 19 ədəd 1 l-lik, 7 ədəd 0.7 l-lik, 5 ədəd 0.5 l-lik “Organic Line”, 1 ədəd 1 l-lik, 3 ədəd 0.7 l-lik “Banketnaya”, 1 ədəd 1 l-lik, 1 ədəd 0.5 l-lik “Старый Доктор” əmtəə nişanlı satış məqsədilə qablaşdırılmış saxta alkoqollu içki, həmçinin müxtəlif yerli və xarici brend markalı içkilərə məxsus butulka və qapaqlar, içərisində 25 litr su-spirt qarışığı olan plastik çəllək aşkarlanıb. Faktla bağlı qanunvericiliyə uyğun müvafiq tədbirlər görülüb. Məhsullardan nümunələr götürülərək laborator müayinələrə cəlb edilib. Qanunsuz istehsal olunan alkoqollu içkilərin satış yerlərinin müəyyən edilməsi istiqamətində zəruri tədbirlər həyata keçirilməkdədir. Araşdırmalar davam etdirilir.
Saxta süd məhsullarının sosial media səhifəsində satışa çıxarıldığı müəyyən edilib
Sosial media platformasında satışı həyata keçirilən qaymağın keyfiyyətinin aşağı olması ilə bağlı Qida Təhlükəsizliyi Agentliyinə daxil olan müraciət əsasında Abşeron rayonu, Masazır qəsəbəsi, Ə.Vahid küçəsi, “Salty Park” yaşayış kompleksi, giriş 1, ev 295 ünvanında yoxlama keçirilib. Baxış zamanı fiziki şəxs Nəzərova Könül Sabir qızının istehsalçı müəssisələrdən tərkibində quru süd və süd yağı əvəzedicisi olan müxtəlif növ süd məhsullarını (qaymaq, pendir və s.) alıb etiketini çıxararaq, “təbii süd məhsulu” adı altında, müşayiətedici sənədləri olmadan “TikTok” və “İnstagram” sosial media səhifələrində satışını həyata keçirdiyi aşkarlanıb. Eyni zamanda süd məhsullarının temperatur rejimi gözlənilmədən, soyuducu avadanlıqla təmin edilməyən minik avtomobili vasitəsilə müştərilərə çatdırıldığı müəyyən edilib. Faktla bağlı qanunvericiliyə uyğun zəruri tədbirlər görülüb, qanunsuz fəaliyyətin qarşısı alınıb. Qeyd edək ki, saxta məhsulların satışı istehlakçıların hüquqlarının pozulmasıdır. Saxlama şəraitinə riayət olunmadan məhsulların satışı isə mikrobioloji çirklənməyə səbəb ola bilər ki, bu da insan sağlamlığı üçün təhlükəli hesab olunur. Vətəndaşlar qida təhlükəsizliyi sahəsində istehlakçı hüquqlarının pozulması və qanunazidd hallarla rastlaşdıqda, bu barədə konkret faktlarla Agentliyin “1003-Çağrı Mərkəzi”nə məlumat verə bilərlər. Müraciət daxil olduqdan dərhal sonra araşdırmalara başlanılacaq və qanunvericiliyə uyğun müvafiq tədbirlər görüləcəkdir.
Bərdədə heyvan satışı bazarında ciddi nöqsanlar müəyyən edilib
Bərdə rayonu, Alpoud kəndində fəaliyyət göstərən “Ticarət Mərkəzi” MMC-yə məxsus heyvan satışı bazarında Qida Təhlükəsizliyi Agentliyinin əməkdaşları tərəfindən keçirilmiş yoxlama zamanı aşkarlanan nöqsanların icra vəziyyəti ilə bağlı plandankənar yoxlama aparılıb. Baxış zamanı bazarda satışa çıxarılan müxtəlif çeşiddə ət məhsullarının və unlu qənnadı məmulatlarının temperatur rejiminə əməl edilmədən və birbaşa günəş şüaları altında saxlandığı, əl yuma çanaqlarının mövcud olmadığı, qida məhsulları ilə təmasda olan səthlərin korroziyaya uğradığı və natəmiz olduğu, qida məhsulları üçün ayrıca yuma sahəsinin təşkil edilmədiyi, işçi heyətin gigiyena qaydalarına riayət etmədiyi və xüsusi geyimlə təmin olunmadığı, müvafiq təmizlik işlərinin görülmədiyi aşkarlanıb. Faktla bağlı sahibkar barəsində inzibati protokol tərtib olunub, qeyd edilən məhsullar satışdan kənarlaşdırılıb və icrası məcburi göstərişlər verilib.
