Giriş
AQTA koronavirusun profilaktikası çərçivəsində monitorinqləri davam etdirir
29 Aprel 2021 18:18
Azərbaycan Respublikasının Qida Təhlükəsizliyi Agentliyi (AQTA) tərəfindən qanunvericiliyin tələblərinə, həmçinin Nazirlər Kabinetinin qərarı ilə təsdiq edilmiş koronavirusun (COVID-19) profilaktikasına dair metodiki göstərişlərin icrasına nəzarət məqsədilə ictimai iaşə obyektlərində reydlər davam etdirilir.
Nəzarət tədbirləri çərçivəsində 28 aprel 2021-ci il tarixində ölkə üzrə 471 ictimai iaşə obyektində 791 monitorinq keçirilib. Monitorinqlər zamanı 26 müəssisədə qanunvericiliyin tələblərinin kobud şəkildə pozulması faktları aşkar olunub. Aşkar olunmuş nöqsanlarla bağlı İnzibati Xətalar Məcəlləsinə uyğun olaraq müvafiq tədbirlər görülüb.
Uyğunsuzluqlar aşkar edilən ictimai iaşə müəssisələri aşağıdakılardır:
1. Bakı şəhəri, Xətai rayonu, Neapol dairəsində yerləşən, fiziki şəxs Məmmədov Tural Natiq oğluna məxsus kafe;
2. Bakı şəhəri, Nəsimi rayonu, Süleyman Rüstəm küç., ev 11 ünvanında yerləşən, fiziki şəxs Qüdrətzadə İmran Ziyafət oğluna məxsus "Özbək plovu" kafesi;
3. Bakı şəhəri, Xətai rayonu, R. Quliyev küç., ev 3A ünvanında yerləşən, fiziki şəxs İsayev İsa Rusdam oğluna məxsus "Mirvari ailəvi" restoranı;
4. Bakı şəhəri, Sabunçu rayonu, Sabunçu ştq ünvanında yerləşən, fiziki şəxs Yusifov Rəfail Kamil oğluna məxsus "Praqa" restoranı;
5. Bakı şəhəri, Xəzər rayonu, Buzovna qəs., Viktor Seryoqin küç., ev 20 ünvanında yerləşən, fiziki şəxs Məmmədov Məmməd Sadıx Azər oğluna məxsus "Panorama" restoranı;
6. Bakı şəhəri, Yasamal rayonu, Cənubi Nərimanov meydanı, ev 9 ünvanında yerləşən, fiziki şəxs Məmmədov Ağa Hacıməmməd oğluna məxsus "Nəlbəki" restoranı;
7. Bakı şəhəri, Səbail rayonu, Z. Tağıyev küç., ev 16 ünvanında yerləşən, fiziki şəxs Babayev Nail Yadigar oğluna məxsus "Burger House" restoranı;
8. Bakı şəhəri, Nəsimi rayonu, R. Rza küç., ev 16 ünvanında yerləşən, fiziki şəxs İmanov Nurlanbəy Heydər oğluna məxsus restoran;
9. Bakı şəhəri, Nəsimi rayonu, 28 May küç., ev 56, m. 34 ünvanında yerləşən, fiziki şəxs Nağıyev Rəsul Fəxrəddin oğluna məxsus "Peçat dönər";
10. Bakı şəhəri, Qaradağ rayonu, Lökbatan qəs., 28 May küçəsində yerləşən, fiziki şəxs Merkulov Eldar Sabir oğluna məxsus "Köhnə Bakı" kafesi;
11. Bakı şəhəri, Qaradağ rayonu, Lökbatan qəsəbəsi, 28 May küçəsində yerləşən, fiziki şəxs Həsənov Həsənə məxsus kafe;
12. Bakı şəhəri, Yasamal rayonu, Şəfaət Mehdiyev küçəsi 75 ünvanında yerləşən, fiziki şəxs Bünyatov Seymur Kamalxan oğluna məxsus "75 restoran";
13. Bakı şəhəri, Yasamal rayonu, N. Hikmət küçəsində yerləşən, fiziki şəxs Hüseynov Rəşad Zilfi oğluna məxsus "Cafepark" kafesi;
14. Bakı şəhəri, Binəqədi rayonu, Adil Məmmədov küç., 9-cu mkr-da yerləşən, fiziki şəxs Mustafayev Samir Mais oğluna məxsus kafe;
15. Bakı şəhəri, Qaradağ rayonu, Lökbatan ştq ünvanında yerləşən, fiziki şəxs Əmirov Afat Vəkil oğluna məxsus kafe;
16. Bakı şəhəri, Qaradağ rayonu, Lökbatan ştq, keçid 1596 ünvanında yerləşən, fiziki şəxs Elməddin Əliyev Nazim oğluna məxsus "Lion Garden" kafesi;
17. Bakı şəhəri, Xətai rayonu, M. Hadi küçəsi 41m ünvanında yerləşən, fiziki şəxs İbişov Emil Xaləddin oğluna məxsus çay evi;
18. Bakı şəhəri, Xətai rayonu, M. Hadi küçəsi 41m ünvanında yerləşən, fiziki şəxs Zülfüqarov Şakir Şahin oğluna məxsus kafe;
19. Bakı şəhəri, Nizami rayonu, Q. Qarayev prospektində yerləşən, fiziki şəxs Babayev İlham Məmmədəli oğluna məxsus "Anatoliya" restoranı;
20. Bakı şəhəri, Nəsimi rayonu, Süleyman Rüstəm küç., ev 55, m. 92 ünvanında yerləşən, fiziki şəxs Tatyana Rezniçenko Viktorovna qızına məxsus "U Tani" kafesi;
21. Bakı şəhəri, Nizami rayonu, B. Nuriyev küç., ev 20/116 ünvanında yerləşən, fiziki şəxs Abdullayev Tural Abdul oğluna məxsus "Park Fırın" kafesi;
22. Abşeron rayonu, Xırdalan şəhərində yerləşən, fiziki şəxs Əliyev Nemət Yadigar oğluna məxsus "Məkan Buratino" kafesi;
23. Abşeron rayonu, Xırdalan şəhəri, 27-ci məhəllədə yerləşən, fiziki şəxs Həsənov Elşad Fərman oğluna məxsus "Kristal 515" kafesi;
24. Hacıqabul rayonu, Navahi kəndində yerləşən, fiziki şəxs Ağamaliyev Rəfaət Mənsim oğluna məxsus kafe;
25. Göygöl rayonu, H. Əliyev pr., ev 18, m. 3 ünvanında yerləşən, fiziki şəxs Cəbrayılov Fariz Hömmət oğluna məxsus kafe;
26. Şamaxı rayonu, Nəriman Nərimanov küçəsində yerləşən, fiziki şəxs Maniyev Eldar İntiqam oğluna məxsus kafe.
Qeyd edək ki, AQTA tərəfindən Bakıda, eləcə də regionlarda fəaliyyət göstərən ictimai iaşə obyektlərində monitorinqlərin miqyası genişləndirilib. Hazırda respublika üzrə AQTA müfəttişləri tərəfindən monitorinqlər davam etdirilir və qaydalara əməl etməyən sahibkarlıq subyektləri barədə ən sərt tədbirlər görüləcəkdir.
Oxşar xəbərlər
Gəncədə yaşayış evində saxta alkoqollu içkilərin istehsal edildiyi aşkarlanıb
Gizli fəaliyyət göstərən saxta alkoqollu spirtli içki istehsalı ilə bağlı daxil olan məlumat əsasında Qida Təhlükəsizliyi Agentliyinin və yerli polis idarəsinin əməkdaşları Gəncə şəhəri, M.Ə.Sabir küçəsində Fituri Əsmər Mehman qızına məxsus yaşayış evində reyd keçirib. Yoxlama zamanı müxtəlif əmtəə nişanlı şüşə butulkaların yuyulub təmizlənərək, saxta üsullarla alkoqollu içkilərin qablaşdırıldığı müəyyən olunub. 13 ədəd 1 l-lik, 9 ədəd 0.7 l-lik, 4 ədəd 0.5 l-lik “Banketnaya Yubiley”, 19 ədəd 1 l-lik, 7 ədəd 0.7 l-lik, 5 ədəd 0.5 l-lik “Organic Line”, 1 ədəd 1 l-lik, 3 ədəd 0.7 l-lik “Banketnaya”, 1 ədəd 1 l-lik, 1 ədəd 0.5 l-lik “Старый Доктор” əmtəə nişanlı satış məqsədilə qablaşdırılmış saxta alkoqollu içki, həmçinin müxtəlif yerli və xarici brend markalı içkilərə məxsus butulka və qapaqlar, içərisində 25 litr su-spirt qarışığı olan plastik çəllək aşkarlanıb. Faktla bağlı qanunvericiliyə uyğun müvafiq tədbirlər görülüb. Məhsullardan nümunələr götürülərək laborator müayinələrə cəlb edilib. Qanunsuz istehsal olunan alkoqollu içkilərin satış yerlərinin müəyyən edilməsi istiqamətində zəruri tədbirlər həyata keçirilməkdədir. Araşdırmalar davam etdirilir.
Saxta süd məhsullarının sosial media səhifəsində satışa çıxarıldığı müəyyən edilib
Sosial media platformasında satışı həyata keçirilən qaymağın keyfiyyətinin aşağı olması ilə bağlı Qida Təhlükəsizliyi Agentliyinə daxil olan müraciət əsasında Abşeron rayonu, Masazır qəsəbəsi, Ə.Vahid küçəsi, “Salty Park” yaşayış kompleksi, giriş 1, ev 295 ünvanında yoxlama keçirilib. Baxış zamanı fiziki şəxs Nəzərova Könül Sabir qızının istehsalçı müəssisələrdən tərkibində quru süd və süd yağı əvəzedicisi olan müxtəlif növ süd məhsullarını (qaymaq, pendir və s.) alıb etiketini çıxararaq, “təbii süd məhsulu” adı altında, müşayiətedici sənədləri olmadan “TikTok” və “İnstagram” sosial media səhifələrində satışını həyata keçirdiyi aşkarlanıb. Eyni zamanda süd məhsullarının temperatur rejimi gözlənilmədən, soyuducu avadanlıqla təmin edilməyən minik avtomobili vasitəsilə müştərilərə çatdırıldığı müəyyən edilib. Faktla bağlı qanunvericiliyə uyğun zəruri tədbirlər görülüb, qanunsuz fəaliyyətin qarşısı alınıb. Qeyd edək ki, saxta məhsulların satışı istehlakçıların hüquqlarının pozulmasıdır. Saxlama şəraitinə riayət olunmadan məhsulların satışı isə mikrobioloji çirklənməyə səbəb ola bilər ki, bu da insan sağlamlığı üçün təhlükəli hesab olunur. Vətəndaşlar qida təhlükəsizliyi sahəsində istehlakçı hüquqlarının pozulması və qanunazidd hallarla rastlaşdıqda, bu barədə konkret faktlarla Agentliyin “1003-Çağrı Mərkəzi”nə məlumat verə bilərlər. Müraciət daxil olduqdan dərhal sonra araşdırmalara başlanılacaq və qanunvericiliyə uyğun müvafiq tədbirlər görüləcəkdir.
Bərdədə heyvan satışı bazarında ciddi nöqsanlar müəyyən edilib
Bərdə rayonu, Alpoud kəndində fəaliyyət göstərən “Ticarət Mərkəzi” MMC-yə məxsus heyvan satışı bazarında Qida Təhlükəsizliyi Agentliyinin əməkdaşları tərəfindən keçirilmiş yoxlama zamanı aşkarlanan nöqsanların icra vəziyyəti ilə bağlı plandankənar yoxlama aparılıb. Baxış zamanı bazarda satışa çıxarılan müxtəlif çeşiddə ət məhsullarının və unlu qənnadı məmulatlarının temperatur rejiminə əməl edilmədən və birbaşa günəş şüaları altında saxlandığı, əl yuma çanaqlarının mövcud olmadığı, qida məhsulları ilə təmasda olan səthlərin korroziyaya uğradığı və natəmiz olduğu, qida məhsulları üçün ayrıca yuma sahəsinin təşkil edilmədiyi, işçi heyətin gigiyena qaydalarına riayət etmədiyi və xüsusi geyimlə təmin olunmadığı, müvafiq təmizlik işlərinin görülmədiyi aşkarlanıb. Faktla bağlı sahibkar barəsində inzibati protokol tərtib olunub, qeyd edilən məhsullar satışdan kənarlaşdırılıb və icrası məcburi göstərişlər verilib.
