Giriş
AQTA koronavirusun profilaktikası çərçivəsində monitorinqləri davam etdirir
4 May 2021 16:59
Azərbaycan Respublikasının Qida Təhlükəsizliyi Agentliyi (AQTA) qanunvericiliyin tələblərinin yerinə yetirilməsinə, həmçinin Nazirlər Kabinetinin qərarı ilə təsdiq edilmiş koronavirusun (COVID-19) profilaktikasına dair metodiki göstərişlərin icrasına nəzarət məqsədilə ictimai iaşə obyektlərində reydləri davam etdirir.
Nəzarət tədbirləri çərçivəsində 2021-ci il mayın 3-də ölkə üzrə 457 ictimai iaşə obyektində 770 monitorinq keçirilib. Monitorinqlər zamanı 23 müəssisədə qanunvericiliyin tələblərinin kobud şəkildə pozulması faktları aşkar olunub. Aşkar edilmiş nöqsanlarla bağlı İnzibati Xətalar Məcəlləsinə uyğun olaraq müvafiq tədbirlər görülüb.
Pozuntular aşkar edilmiş ictimai iaşə müəssisələri aşağıdakılardır:
1. Bakı şəhəri, Səbail rayonu, Əziz Əliyev 11 ünvanında yerləşən, fiziki şəxs Əliyev Cavid Cabir oğluna məxsus restoran;
2. Bakı şəhəri, Yasamal rayonu, Ə. Salamzadə küç., ev 3m ünvanında yerləşən, fiziki şəxs Allahverdi Teymur Tofiq oğluna məxsus restoran;
3. Bakı şəhəri, Binəqədi rayonu, Şövkət Məmmədova küçəsində yerləşən, hüquqi şəxs “Retro Holding” MMC-yə məxsus “Retro Şam” restoranı;
4. Bakı şəhəri, Nizami rayonu, Qarayev pr., ev 34S ünvanında yerləşən, hüquqi şəxs "AZEMAT" MMC-yə məxsus “Dominos pizza” evi;
5. Bakı şəhəri, Xətai rayonu, Lütfi Zadə küçəsi 7 ünvanında yerləşən, fiziki şəxs Axundov Fuad Taryel oğluna məxsus çay evi;
6. Bakı şəhəri, Xəzər rayonu, Şüvəlan ştq, Almas İldırım küçəsində yerləşən, fiziki şəxs Şəkərov İmran İslam oğluna məxsus kafe;
7. Bakı şəhəri, Binəqədi rayonu, S. Axundov küç., ev 15/1 ünvanında yerləşən, fiziki şəxs Şükürov Fariz Hümmət oğluna məxsus kafe;
8. Bakı şəhəri, Binəqədi rayonu, Əhməd Rəcəbli küç., ev 5 ünvanında yerləşən, fiziki şəxs Kərimov Cahangir Xalid oğluna məxsus kafe;
9. Bakı şəhəri, Yasamal rayonu, Zahid Xəlilov 43b ünvanında yerləşən, fiziki şəxs Məmmədov Abubəkr Bəhram oğluna məxsus “Darçın” restoranı;
10. Bakı şəhəri, Sabunçu rayonu, Xasməmmədov 5 ünvanında yerləşən, fiziki şəxs Məcidov Mahir Şirxan oğluna məxsus kafe;
11. Bakı şəhəri, Binəqədi rayonu, S. Axundov 249 E/F ünvanında yerləşən, fiziki şəxs Mamedova Həqiqət Müzəffər qızına məxsus “Taksim Kebab” restoranı;
12. Bakı şəhəri, Binəqədi rayonu, S. Axundov 7D ünvanında yerləşən, fiziki şəxs Həşimov Elburus Yaşar oğluna məxsus kafe;
13. Bakı şəhəri, Nəsimi rayonu, Füzuli küçəsi ilə Səməd Vurğun və M. Əliyev küçələrinin kəsişməsində yerləşən, hüquqi şəxs "ÖZSÜT AZƏRBAYCAN" MMC-yə məxsus "Özsüt qış parkı" restoranı;
14. Bakı şəhəri, Nəsimi rayonu, Qış Parkı ərazisində yerləşən, fiziki şəxs Qüdrətzadə İmran Ziyafət oğluna məxsus çay evi;
15. Bakı şəhəri, Nəsimi rayonu, Rəşid Behbudov küç., ev 17 ünvanında yerləşən, fiziki şəxs Tağıyev Yunis Həsənalı oğluna məxsus dönər evi;
16. Bakı şəhəri, Nəsimi rayonu, Aslanov 101 ünvanında yerləşən, fiziki şəxs Salmanova Səbinə Etibar qızına məxsus “Road” pub;
17. Sumqayıt şəhəri, Azərbaycan küçəsi, 18-ci məhəllədə yerləşən, fiziki şəxs Abdulhəşimova Xatın Bəxtiyar qızına məxsus "Sünbül" kafesi;
18. Bərdə rayonu, Nazırlı küçəsində yerləşən, fiziki şəxs İbrahimov Allahverdi Səyyat oğluna məxsus kafe;
19. Bərdə rayonu, Hacılar kəndində yerləşən, fiziki şəxs Yahyalı Musa Zahid oğluna məxsus kafe;
20. Saatlı rayonu, H. Əliyev prospekti 285 ünvanında yerləşən, fiziki şəxs Süleymanov Ülvi Nazim oğluna məxsus kafe;
21. Gəncə şəhəri, Hacıkənd qəsəbəsində yerləşən, fiziki şəxs Əliyev Seymur Davud oğluna məxsus kafe;
22. Cəlilabad rayonu, Qurtuluş prospektində yerləşən, fiziki şəxs Əliyev Emin Nazim oğluna məxsus kafe;
23. Kürdəmir rayonu, Xırdapay ünvanında yerləşən, fiziki şəxs İsrafilov Azər Rza oğluna məxsus kafe.
Qeyd edək ki, AQTA tərəfindən Bakıda, eləcə də regionlarda fəaliyyət göstərən ictimai iaşə obyektlərində monitorinqlərin miqyası genişləndirilib. Hazırda AQTA müfəttişləri tərəfindən respublika üzrə monitorinqlər davam etdirilir və qaydalara əməl etməyən sahibkarlıq subyektləri barədə ən sərt tədbirlər görüləcəkdir.
Oxşar xəbərlər
Oğuzda qəhvəyi mərmər bağacığı ilə bağlı maarifləndirmə tədbirləri keçirilib
Qəhvəyi mərmər bağacığının yayılmasının qarşısının alınması, kənd təsərrüfatı bitkilərinə vura biləcəyi zərərin minimuma endirilməsi və əhalinin məlumatlılığının artırılması məqsədilə Azərbaycan Respublikası Qida Təhlükəsizliyi Agentliyinin (AQTA) Şəki–Zaqatala regional bölməsinin əməkdaşları tərəfindən Oğuz rayonunda maarifləndirmə tədbirləri keçirilib. Tədbirlər çərçivəsində rayonun Kərimli, Bayan, Bucaq və Qumlaq kəndlərində sakinlərlə görüşlər təşkil olunub. Görüşlərdə zərərvericinin biologiyası, yayılma xüsusiyyətləri, kənd təsərrüfatı bitkilərinə vurduğu zərər və ona qarşı mübarizə üsulları barədə ətraflı məlumat verilib. Havaların soyuması ilə əlaqədar bağacığın qışlamaq üçün yaşayış evlərinə və yardımçı tikililərə sığındığı diqqətə çatdırılıb. Bildirilib ki, evlərdə və digər tikililərdə aşkar edilən zərərvericilərin toplanaraq mexaniki üsulla məhv edilməsi onların sayının azaldılmasına kömək edir. Qışlama dövründə bu istiqamətdə görülən tədbirlər növbəti vegetasiya mövsümündə zərərvericinin yayılma riskinin minimuma endirilməsi baxımından mühüm əhəmiyyət daşıyır. Maarifləndirmə tədbirləri zamanı sakinlərə bukletlər paylanılıb, onları maraqlandıran suallar cavablandırılıb və zərərvericiyə qarşı mübarizə ilə bağlı müvafiq tövsiyələr verilib.
Ağdam, Xocavənd və Xocalı rayonlarında fitosanitar monitorinqlər keçirilib
Azərbaycan Respublikası Qida Təhlükəsizliyi Agentliyinin Qarabağ regional bölməsinin əməkdaşları tərəfindən Ağdamın Şıxbabalı, Muğanlı, Xaçındərbətli, Qızılı Kəngərli, Xıdırlı, Şelli, Gülablı kəndlərində, Xocavəndin Tuğ qəsəbəsi və Şexer kəndində, Xocalının Əsgəran qəsəbəsində yerləşən nar və üzüm bağlarında monitorinqlər keçirilib. Karantin tətbiq edilən zərərli orqanizmlərin vaxtında aşkar olunması və yayılmasının qarşısının alınması məqsədilə həyata keçirilən monitorinqlər zamanı fitosanitar müşahidələr aparılıb, sirayətlənmə əlamətləri olan bitkilərdən nümunələr götürülərək laborator müayinələrə cəlb edilib. Bununla yanaşı, sahibkarlar meyvə bağlarında rast gəlinən təhlükəli zərərvericilər və xəstəliklər barədə məlumatlandırılıb. İxrac potensialının artırılması üçün profilaktik fitosanitar tədbirlərin görülməsi, istehsal sahələrində bitki sağlamlığının izlənilməsinin təmin edilməsi, bitki mühafizə vasitələrinin tətbiqi zamanı qanunvericiliyin tələblərinə və təhlükəsizlik qaydalarına, aqrotexniki qaydalara riayət olunması barədə müvafiq tövsiyələr verilib və maarifləndirici söhbətlər aparılıb.
Fındıq istehsalçıları və ixracatçıları ilə görüş keçirilib
Azərbaycan Respublikasının Qida Təhlükəsizliyi Agentliyi (AQTA) fındıq istehsalçıları və ixracatçılarının iştirakı ilə onlayn görüş keçirib. Görüşdə fındıq bağlarında zərərli orqanizmlərin, xüsusilə qəhvəyi mərmər bağacığının (Halyomorpha halys) yayılmasının qarşısının alınması, mütəmadi monitorinqlərin aparılması və kompleks mübarizə tədbirlərinin tətbiqi müzakirə olunub. Həmçinin bitki mühafizə vasitələrindən düzgün istifadə, pestisid qalıqlarına dair normalar və ixrac ölkələrinin fitosanitar tələbləri barədə məlumat verilib. İstehsalçı və ixracatçıların qarşılaşdıqları problemlər dinlənilib, onların həlli yolları və müvafiq tədbirlərin görülməsi məsələləri ətrafında fikir mübadiləsi aparılıb.
