Giriş
AQTA koronavirusun profilaktikası çərçivəsində monitorinqləri davam etdirir
17 May 2021 17:30
Azərbaycan Respublikasının Qida Təhlükəsizliyi Agentliyi (AQTA) qanunvericiliyin tələblərinin yerinə yetirilməsinə, həmçinin Nazirlər Kabinetinin qərarı ilə təsdiq edilmiş koronavirusun (COVID-19) profilaktikasına dair metodiki göstərişlərin icrasına nəzarət məqsədilə ictimai iaşə obyektlərində reydləri davam etdirir.
Nəzarət tədbirləri çərçivəsində 2021-ci il mayın 16-da ölkə üzrə 438 ictimai iaşə obyektində 774 monitorinq keçirilib. Monitorinqlər zamanı 11 müəssisədə qanunvericiliyin tələblərinin kobud şəkildə pozulması faktları aşkar olunub. Aşkar edilmiş nöqsanlarla bağlı İnzibati Xətalar Məcəlləsinə uyğun olaraq müvafiq tədbirlər görülüb.
Pozuntular aşkar edilmiş ictimai iaşə müəssisələri aşağıdakılardır:
1. Bakı şəhəri, Binəqədi rayonu, Novxanı qəsəbəsində yerləşən, hüquqi şəxs "Tanar" firmasına məxsus “My Beach” restoranı;
2. Bakı şəhəri, Binəqədi rayonu, Əcəmi Naxçıvani küçəsində yerləşən, fiziki şəxs Qasımov Sərxan Aslan oğluna məxsus kafe;
3. Bakı şəhəri, Xəzər rayonu, Mərdəkan ştq, B. Əliyev küç., ev 10/14a ünvanında yerləşən, fiziki şəxs Əliyev Yusif Yaşar oğluna məxsus yeməkxana;
4. Bakı şəhəri, Nizami rayonu, Abbasov küç., ev 38 ünvanında yerləşən, fiziki şəxs Süleymanov Yaqub Nazir oğluna məxsus “Seven” pub;
5. Sumqayıt şəhəri, Corat qəsəbəsində yerləşən, fiziki şəxs Yarışev Teyyub Əyyub oğluna məxsus "Tolishon" restoranı;
6. Bakı şəhəri, Yasamal Rayonu, Tbilisi pr., ev 49C ünvanında yerləşən, fiziki şəxs Alməmmədov İsgəndər İsmayıl oğluna məxsus “Çıraq Plaza” mehmanxanasının tərkibində fəaliyyət göstərən kafe;
7. İsmayıllı rayonu, Heydər Əliyev prospektində yerləşən, fiziki şəxs Mikayılov Emin Bəxtiyar oğluna məxsus kafe;
8. Qusar rayonu, Xuray kəndində yerləşən, fiziki şəxs Yüzbəyov Zahid Novruz oğluna məxsus kafe;
9. Ağstafa rayonu, H. Əliyev prospektində yerləşən, fiziki şəxs Abdullayeva Aksana Əmrah qızına məxsus kafe;1
0. Masallı rayonu, Z. Əliyeva küç., Bakı-Astara şosesində yerləşən, fiziki şəxs Məmmədova Aytəkin Xalıq qızına məxsus “Ulduz” kafesi;
11. Gəncə şəhəri, Adil İskəndərov küçəsi 59 ünvanında yerləşən, hüquqi şəxs "Sehirli Naftalan" MMC-yə məxsus mehmanxananın tərkibində fəaliyyət göstərən kafe.
Qeyd edək ki, AQTA tərəfindən Bakıda, eləcə də regionlarda fəaliyyət göstərən ictimai iaşə obyektlərində monitorinqlərin miqyası genişləndirilib. Hazırda AQTA müfəttişləri tərəfindən respublika üzrə monitorinqlər davam etdirilir və qaydalara əməl etməyən sahibkarlıq subyektləri barədə ən sərt tədbirlər görüləcəkdir.
Oxşar xəbərlər
Marketdə istehlaka yararsız qida məhsulları aşkarlanıb
Daxil olan müraciət əsasında Masallı rayonu, Köhnə Alvadı kəndində fəaliyyət göstərən, Abuşov Ümid Alış oğluna məxsus “Alış” marketdə Qida Təhlükəsizliyi Agentliyinin əməkdaşları tərəfindən keçirilmiş plandankənar yoxlama zamanı normativ tələblərin pozulduğu müəyyən olunub. Belə ki, ticarət obyektində istifadə müddəti bitmiş müxtəlif əmtəə nişanlı qida məhsulları (qənnadı, makaron, süd, kolbasa) aşkarlanıb. İstifadə müddəti bitmiş məhsulların satışının qarşısı alınıb və faktla bağlı qanunvericiliyə uyğun müvafiq tədbirlər görülüb.
Bakıda nöqsanlar aşkarlanan ictimai iaşə müəssisəsinin fəaliyyəti məhdudlaşdırılıb
Qida Təhlükəsizliyi Agentliyinin əməkdaşları tərəfindən Bakı şəhəri, Qaradağ rayonu, Müşfiqabad qəsəbəsi ərazisində fəaliyyət göstərən fiziki şəxs Abbasov Zahir Həsən oğluna məxsus “Ay işığı” ictimai iaşə müəssisəsinin plandankənar yoxlama keçirilib. Yoxlama zamanı ictimai iaşə müəssisəsində qida təhlükəsizliyi sahəsində texniki normativ hüquqi aktların, həmçinin sanitariya norma və qaydalarının bir sıra tələblərinin pozulduğu aşkarlanıb. Belə ki, müəssisənin qida təhlükəsizliyi qeydiyyatından keçmədiyi, ayrıca manqal sahəsinin təşkil edilmədiyi, mətbəx sahəsinin divar, döşəmə və tavan səthlərinin su keçirməyən, yuyula bilən, yuyucu maddələrin və dezinfeksiyaedici vasitələrin təsirinə davamlı materiallarından üzlənmədiyi, havalandırma sisteminin quraşdırılmadığı, ayrıca yuma çanaqlarının təşkil olunmadığı, ağzı kip bağlanan, qoxu yaymayan tullantı qablarından istifadə edilmədiyi, işçilərin tibbi müayinədən keçmədiyi, xüsusi geyimlə təmin edilmədiyi, eyni zamanda gigiyenik təlimlərə cəlb olunmadığı, müvafiq təmizlik işlərinin aparılmadığı və digər nöqsanlar müəyyən olunub. Faktla bağlı fiziki şəxs barəsində inzibati protokol tərtib olunub, müəssisədə işlərin görülməsi və xidmətlərin göstərilməsinin dayandırılması barədə məhdudlaşdırıcı tədbirlərin tətbiqinə dair qərar qəbul edilib.
Lənkəranda fəaliyyət göstərən mağazada istehlaka yararsız məhsullar aşkarlanıb
Lənkəran rayonu, Lənkəran şəhəri, M.Mustafaxan küçəsi 20B ünvanında fəaliyyət göstərən, Baxşızadə Elnur Şahin oğluna məxsus “ZZ Şərab №1” mağazasında Qida Təhlükəsizliyi Agentliyinin əməkdaşları tərəfindən keçirilmiş planlı yoxlama zamanı istifadə müddəti bitmiş müxtəlif əmtəə nişanlı içki və qida məhsulu aşkarlanıb. Faktla bağlı qanunvericiliyə uyğun müvafiq tədbirlər görülərək istehlaka yararsız ümumilikdə 60.5 litr içki və 1.4 kq qida məhsulunun satışının qarşısı alınıb. Araşdırmalar davam etdirilir.
