Giriş
AQTA koronavirusun profilaktikası çərçivəsində monitorinqləri davam etdirir
9 İyun 2021 17:42
Azərbaycan Respublikasının Qida Təhlükəsizliyi Agentliyi (AQTA) pandemiya dövrünün tələblərinə, bu sahədə müvafiq qanunvericiliyin icrasına, həmçinin yeni növ koronavirusun (COVID-19) profilaktikasına dair Nazirlər Kabinetinin Qərarı ilə təsdiq edilmiş metodiki göstərişlərin icrasına nəzarət məqsədilə ictimai iaşə obyektlərində reydləri davam etdirir.
Nəzarət tədbirləri çərçivəsində 2021-ci il iyunun 8-də ölkə üzrə 420 ictimai iaşə obyektində 733 monitorinq keçirilib. Monitorinqlər zamanı 16 müəssisədə qanunvericiliyin tələblərinin kobud şəkildə pozulması faktları aşkar olunub. Aşkar edilmiş nöqsanlarla bağlı İnzibati Xətalar Məcəlləsinə uyğun olaraq müvafiq tədbirlər görülüb.
Pozuntular aşkar edilmiş ictimai iaşə müəssisələri aşağıdakılardır:
1. Bakı şəhəri, Nizami rayonu, R. Teymurov küçəsi 36 ünvanında yerləşən, fiziki şəxs Rzayev Elxan Rizvan oğluna məxsus “Beercode pub” restoranı;
2. Bakı şəhəri, Nizami rayonu, Qara Qarayev küçəsi 54 ünvanında yerləşən, fiziki şəxs Rzayev Pərviz Aslan oğluna məxsus “Köz Halil Usta” restoranı;
3. Bakı şəhəri, Suraxanı rayonu, V yaşayış sahəsində yerləşən, fiziki şəxs Ənvərov Rafiq Əbdulvahidoviç oğluna məxsus çay evi;
4. Bakı şəhəri, Nərimanov rayonu, Təbriz küç., ev 35 ünvanında yerləşən, fiziki şəxs Qasımov Elşad Elxan oğluna məxsus restoran;
5. Bakı şəhəri, Nərimanov rayonu, Təbriz küç., ev 49 ünvanında yerləşən, hüquqi şəxs “X-S Firmasına” məxsus restoran;
6. Bakı şəhəri, Xəzər rayonu, Mərdəkan qəsəbəsində yerləşən, fiziki şəxs Nəbiyev Asif Mürşid oğluna məxsus “Qədim qəbələ” restoranı;
7. Bakı şəhəri, Nərimanov rayonu, Əliyar Əliyev küç., ev 161D ünvanında yerləşən, hüquqi şəxs “Shah Group Of Companies” MMC-yə məxsus “Friends Central park” kafesi;
8. Bakı şəhəri, Nərimanov rayonu, Y. Çəmənzəminli küç., ev 106 ünvanında yerləşən, fiziki şəxs Şahverdiyev Vüqar İlyas oğluna məxsus kafe;
9. Bakı şəhəri, Yasamal rayonu, C. Cabbarlı küçəsi 38, m. 2 ünvanında yerləşən, hüquqi şəxs “Əjdaha” MMC-yə məxsus “Əjdaha” dönər evi;
10. Bakı şəhəri, Yasamal rayonu, C. Cabbarlı küçəsi 44 ünvanında yerləşən, hüquqi şəxs “Shah Group Of Companies” MMC-yə məxsus “Baku Friends” restoranı;
11. Bakı şəhəri, Yasamal rayonu, M. Naxçıvani küçəsi 15 ünvanında yerləşən, fiziki şəxs Abbasov Rəşad Ramiz oğluna məxsus çay evi;
12. Abşeron rayonu, Xırdalan şəhəri, Nizami Gəncəvi küçəsində yerləşən, fiziki şəxs Abbasov Hüseyn İsmayıl oğluna məxsus “Dadlı Süfrə” kafesi;
13. Şəmkir rayonu, Bakı-Qazax yolunda yerləşən, fiziki şəxs Məmmədov Elşən Əli oğluna məxsus dönər evi;
14. İsmayıllı rayonu, Cavanşir küçəsində yerləşən, fiziki şəxs Babayev Röyal Vahid oğluna məxsus kafe;
15. Bərdə rayonu, Arabaçılar kəndində yerləşən, fiziki şəxs Əliyev Xəlil Mahmud oğluna məxsus kafe;
16. Astara rayonu, Gənclər küçəsində yerləşən, fiziki şəxs Mikayılova Aynur Adil qızına məxsus kafe.
Qeyd edək ki, AQTA tərəfindən Bakıda, eləcə də regionlarda fəaliyyət göstərən ictimai iaşə obyektlərində monitorinqlərin miqyası genişləndirilib. Hazırda AQTA müfəttişləri tərəfindən respublika üzrə monitorinqlər davam etdirilir və qaydalara əməl etməyən sahibkarlıq subyektləri barədə ən sərt tədbirlər görüləcəkdir.
Oxşar xəbərlər
Füzuli rayonunda “Məsumə” şirniyyat sexində nöqsanlar aşkarlanıb
Qida Təhlükəsizliyi Agentliyinin əməkdaşları Füzuli rayonunun Kərimbəyli kəndində fəaliyyət göstərən, İmanova Fəxriyyə Süleyman qızına məxsus “Məsumə” şirniyyat emalı sexində yoxlama keçirib. Baxış zamanı müəssisədə divar səthlərinin asan təmizlənən materialla üzlənmədiyi, emal prosesində istifadə edilən suyun filtrdən keçirilmədiyi, müvafiq təmizlik işlərinin aparılmadığı, havalandırma sisteminin quraşdırılmadığı və digər nöqsanlar aşkarlanıb. Faktla bağlı sahibkar barəsində inzibati protokol tərtib edilib və icrası məcburi göstərişlər verilib.
Hövsanda bazar və bazarətrafı qida obyektlərində nöqsanlar aşkarlanıb - VİDEO
Qida Təhlükəsizliyi Agentliyi tərəfindən Bakı şəhəri, Suraxanı rayonu, Hövsan qəsəbəsində fəaliyyət göstərən “Zeytun Park” MMC-yə məxsus “Nar Kəndli” bazarında və bazarətrafı qida obyektlərində nəzarət tədbirləri həyata keçirilib. Yoxlamalar zamanı bazar daxilində fəaliyyət göstərən ət satış obyektində ət və ət məhsullarının temperatur rejiminə əməl edilmədən, işlək olmayan soyuducu avadanlıqlarda və baytarlıq ekspertizasından keçirilmədən satışa çıxarıldığı müəyyən edilib. Həmçinin bazar ərazisində balıqların saxlanılması və kəsimi üçün qanunsuz təşkil olunmuş sahələr aşkarlanıb, kəsim və satışın antisanitar şəraitdə aparıldığı məlum olub. Baxış zamanı diri və ölü balıqların uyğun olmayan məişət tipli vannalarda birlikdə saxlanıldığı, ölü balıqların vaxtında kənarlaşdırılmadığı, suyun müntəzəm dəyişdirilmədiyi, balıq məhsullarının açıq hava şəraitində və soyuducu avadanlıq olmadan satışa çıxarıldığı faktları qeydə alınıb. Eyni zamanda süd və süd məhsullarının müşayiətedici sənədlərinin olmadığı, markalanma tələblərinə əməl edilmədiyi, saxlanma şəraiti və son istifadə müddəti barədə məlumatların göstərilmədiyi, eləcə də ev üsulunda hazırlanmış, etiket məlumatları olmayan müxtəlif növ turşuların satışa təqdim edildiyi müəyyən edilib. Aşkar edilmiş nöqsanların aradan qaldırılması məqsədilə bazar rəhbərliyinə icrası məcburi göstərişlər verilib. Qida təhlükəsizliyinin təmin olunması və istehlakçıların sağlamlığının qorunması istiqamətində nəzarət tədbirləri davam etdirilir. Daha ətraflı məlumatı videosüjetdən əldə edə bilərsiniz:
Xırdalan bazarında yoxlama aparılıb - VİDEO
Mediada yayılan məlumat əsasında Qida Təhlükəsizliyi Agentliyinin əməkdaşları Abşeron rayonu, Xırdalan şəhəri M.Hüseynzadə küçəsində fəaliyyət göstərən “Qar-Daş Company” MMC-yə məxsus kənd təsərrüfatı məhsullarının satış bazarında yoxlama aparıb. Baxış zamanı bazarda qida məhsullarının saxlanılması və satışına dair qanunvericiliyin tələblərinin pozulduğu müəyyən edilib. Belə ki, bəzi quş əti və süd məhsullarının müşayiətedici sənədlərinin olmadığı, məhsulların müvafiq temperatur rejiminə əməl edilmədən saxlanıldığı, həmçinin mal qonşuluğu qaydalarının pozulduğu aşkarlanıb. Eyni zamanda markalanması olmayan müxtəlif növ turşuların satıldığı məlum olub. Bununla yanaşı, ərazidə dezinfeksiya işlərinin aparılmadığı, zərərvericilərə qarşı mübarizə tədbirlərinin görülmədiyi, bazarda çalışan bəzi işçilərin sanitar geyimlə təmin olunmadığı, qida ilə təmasda olan səthlərin gigiyenik tələblərə cavab vermədiyi və digər nöqsanlar qeydə alınıb. Aşkarlanmış faktlarla bağlı müəssisə rəhbəri barəsində qanunvericiliyə uyğun olaraq inzibati qərar qəbul edilib, bazar isə nəzarətə götürülüb. Ətraflı məlumat üçün linkə keçid edə bilərsiniz:
