Giriş
AQTA koronavirusun profilaktikası çərçivəsində monitorinqləri davam etdirir
11 İyun 2021 17:00
Azərbaycan Respublikasının Qida Təhlükəsizliyi Agentliyi (AQTA) qanunvericiliyin tələblərinin yerinə yetirilməsinə, həmçinin Nazirlər Kabinetinin qərarı ilə təsdiq edilmiş koronavirusun (COVID-19) profilaktikasına dair metodiki göstərişlərin icrasına nəzarət məqsədilə ictimai iaşə obyektlərində reydləri davam etdirir.
Nəzarət tədbirləri çərçivəsində 2021-ci il iyunun 10-da ölkə üzrə 425 ictimai iaşə obyektində 738 monitorinq keçirilib. Monitorinqlər zamanı 14 müəssisədə qanunvericiliyin tələblərinin kobud şəkildə pozulması faktları aşkar olunub. Aşkar edilmiş nöqsanlarla bağlı İnzibati Xətalar Məcəlləsinə uyğun olaraq müvafiq tədbirlər görülüb.
Pozuntular aşkar edilmiş ictimai iaşə müəssisələri aşağıdakılardır:
1. Bakı şəhəri, Səbail rayonu, M.Rəsulzadə 5 ünvanında yerləşən, hüquqi şəxs "Latteria Operating Company" Məhdud Məsuliyyətli Cəmiyyətinə məxsus "Kaspar" restoranı;
2. Bakı şəhəri, Nizami rayonu, Rüstəmov 45 ünvanında yerləşən, fiziki şəxs Abdullayev Samik Qabil oğluna məxsus kafe;
3. Bakı şəhəri, Binəqədi rayonu, S.Axundov 84 ünvanında yerləşən, fiziki şəxs Əliyeva Gülnur Səlim qızına məxsus kafe;
4. Bakı şəhəri, Yasamal rayonu, Tbilisi pr. 47 ünvanında yerləşən, hüquqi şəxs "D. Group" Məhdud Məsuliyyətli Cəmiyyətinə məxsus "Suşi" restoranı;
5. Bakı şəhəri, Nəsimi rayonu, Qış parkında yerləşən, fiziki şəxs Baqişov Zaur Mirbəşir oğluna məxsus kafe;
6. Bakı şəhəri, Nərimanov rayonu, Əhməd Rəcəbli ev 38 A mərtəbə 1 ünvanında yerləşən, fiziki şəxs Aslanov Rafiq Zabit oğluna məxsus restoran;
7. Bakı şəhəri, Nərimanov rayonu, Əhməd Rəcəbli 40 ünvanında yerləşən, hüquqi şəxs " Neşve Azərbaycan" Məhdud Məsuliyyətli Cəmiyyətinə məxsus restoran;
8. Abşeron rayonu, Xırdalan şəhəri, "Yetər" şadlıq evinin yanında yerləşən, fiziki şəxs Məmmədov Arslan Tahir oğluna məxsus "Ocaq çörək evi” kafesi;
9. Lənkəran şəhəri, Rvo qəsəbəsində yerləşən, fiziki şəxs Ağayev Əli Hacıağa oğluna məxsus kafe;
10. Kürdəmir rayonu, Atakişili ünvanında yerləşən, fiziki şəxs Mahmudov Fəxrəddin Məzahir oğluna məxsus kafe;
11. Quba rayonu, Dəvədabanı massivində yerləşən, fiziki şəxs İsayev İmam Sərxan oğluna məxsus kafe;
12. Gəncə şəhəri, D.Qorqud və M.Bağırov küçələrinin kəsişməsində yerləşən, fiziki şəxs Alıyev Rəşad Etibar oğluna məxsus kafe;
13. Ucar rayonu, N.Nərimanov küçəsində yerləşən, fiziki şəxs Qasımov Sənan Mahir oğluna məxsus kafe;
14. Masallı rayonu, ,Qəriblər kəndində yerləşən, hüquqi şəxs "Viləş Palace" Məhdud Məsuliyyətli Cəmiyyətinə məxsus "Viləş Palace" mehmanxanasının tərkibində fəaliyyət göstərən restoran.
Qeyd edək ki, AQTA tərəfindən Bakıda, eləcə də regionlarda fəaliyyət göstərən ictimai iaşə obyektlərində monitorinqlərin miqyası genişləndirilib. Hazırda AQTA müfəttişləri tərəfindən respublika üzrə monitorinqlər davam etdirilir və qaydalara əməl etməyən sahibkarlıq subyektləri barədə ən sərt tədbirlər görüləcəkdir.
Oxşar xəbərlər
İctimai iaşə müəssisələrində aşkar edilmiş nöqsanlar aradan qaldırılıb
Azərbaycan Respublikası Qida Təhlükəsizliyi Agentliyinin apardığı plandankənar yoxlamalar zamanı Bakı şəhərində fəaliyyət göstərən bir sıra ictimai iaşə və qida məhsullarının satışı ilə məşğul olan müəssisələrdə aşkarlanmış nöqsanların aradan qaldırılması istiqamətində müvafiq sağlamlaşdırma tədbirləri həyata keçirilib. Belə ki, Xətai, Yasamal və Suraxanı rayonlarında fəaliyyət göstərən 3 müəssisədə keçirilmiş yoxlamalar zamanı müəyyən edilmiş nöqsanlar müəssisə sahibləri tərəfindən aradan qaldırılıb. Görülmüş tədbirlər nəticəsində ictimai iaşə müəssisələrində aşkar edilmiş uyğunsuzluqlar aradan qaldırılıb və fəaliyyətin davam etdirilməsinə şərait yaradılıb. Sağlamlaşdırma tədbirləri həyata keçirilən müəssisələr aşağıdakılardır: 1. Fiziki şəxs Rəhimov Fərid Mübariz oğluna məxsus Bakı şəhəri, Nəsimi rayonu, Mir Cəlal 4 mkr, ev 18A ünvanında yerləşən “Köhnə ciyərxana” kafesi; 2. Fiziki şəxs Zamanov Nəsimi Səməd oğluna məxsus Bakı şəhəri, Nəsimi rayonu, Mir Cəlal küçəsi, 18/3 (93 saylı mağaza) ünvanında yerləşən “Köhnə ciyərxana” kafesi; 3.Fiziki şəxs Bayramov Emin Varımcan oğluna məxsus Bakı şəhəri, Xəzər rayonu, Şüvəlan qəsəbəsi, A.İldırım küçəsi, 37C ünvanında yerləşən “Halva” kafesi;
Masallıda qanunsuz toyuq kəsimi sexləri aşkarlandı – Fəaliyyətləri məhdudlaşdırıldı
Azərbaycan Respublikası Qida Təhlükəsizliyi Agentliyinin əməkdaşları Masallı rayonu, İsgəndərli qəsəbəsində Rəsulov Taleh Seyran oğluna məxsus toyuq kəsimi sexində, Digah kəndində isə Paşayev Füzuli İbrahim oğluna məxsus toyuq kəsimi sahəsində yoxlama keçirib. Yoxlama zamanı hər iki qida obyektində quşların müvafiq müşayiətedici sənədlərinin olmaması, sanitar-gigiyenik və sanitar-texniki tələblərin pozulması və digər nöqsanlar aşkarlanıb. Hər iki sahibkar barəsində inzibati protokol tərtib edilib, məhdudlaşdırıcı tədbirlərin tətbiqi barədə qərar qəbul olunub, toyuq məhsullarından nümunələr götürülərək laborator müayinələrə cəlb edilib. Araşdırmalar davam etdirilir.
Nəzarət tədbirləri - İcmal
AQTA tərəfindən keçirilən plandankənar yoxlamalar zamanı Bakı şəhərində, Bərdə və Masallı rayonlarında fəaliyyət göstərən qida obyektlərində sanitariya-gigiyena tələblərinin pozulması və digər nöqsanlar müəyyən edilib. Aşkarlanmış pozuntularla bağlı obyektlərin fəaliyyətinin məhdudlaşdırılması istiqamətində tədbirlər görülüb.
