Giriş
AQTA koronavirusun profilaktikası çərçivəsində monitorinqləri davam etdirir
18 İyun 2021 17:03
Azərbaycan Respublikasının Qida Təhlükəsizliyi Agentliyi (AQTA) pandemiya dövrünün tələblərinə, bu sahədə müvafiq qanunvericiliyin icrasına, həmçinin yeni növ koronavirusun (COVID-19) profilaktikasına dair Nazirlər Kabinetinin Qərarı ilə təsdiq edilmiş metodiki göstərişlərin icrasına nəzarət məqsədilə ictimai iaşə obyektlərində reydləri davam etdirir.
Nəzarət tədbirləri çərçivəsində 2021-ci il iyunun 17-də ölkə üzrə 418 ictimai iaşə obyektində 732 monitorinq keçirilib. Monitorinqlər zamanı 14 müəssisədə qanunvericiliyin tələblərinin kobud şəkildə pozulması faktları aşkar olunub. Aşkar edilmiş nöqsanlarla bağlı İnzibati Xətalar Məcəlləsinə uyğun olaraq müvafiq tədbirlər görülüb.
Pozuntular aşkar edilmiş ictimai iaşə müəssisələri aşağıdakılardır:
1. Bakı şəhəri, Nizami rayonu, Qara Qarayev prospekti 39 ünvanında yerləşən, hüquqi şəxs "Es-Er" MMC-yə məxsus "Biz-bizə" restoranı;
2. Bakı şəhəri, Sabunçu rayonu, Bakıxanov qəsəbəsi Y. Əliyev küçəsi 82 ünvanında yerləşən, fiziki şəxs Osmanov Fərid Eldar oğluna məxsus "Kahkaha" restoranı;
3. Bakı şəhəri, Sabunçu rayonu, Bakıxanov qəsəbəsi, Rüstəm Qəmərov küçəsində yerləşən, fiziki şəxs Mustafayev Murad Əcələt oğluna məxsus "Ankara" restoranı;
4. Bakı şəhəri, Sabunçu rayonu, Sülh küçəsi 2 ünvanında yerləşən, fiziki şəxs Mürşüdova Şəlalə Pəsərək qızına məxsus kafe;
5. Bakı şəhəri, Xəzər rayonu, Buzovna qəs., Heydər Eyvazov küçəsində yerləşən, hüquqi şəxs "Fryday" MMC-yə məxsus kafe;
6. Bakı şəhəri, Nərimanov rayonu, Ə. Rəcəbli küç., ev 5 ünvanında yerləşən, fiziki şəxs Kazımova Nəsibə Bəşir qızına məxsus "Doyum" restoranı;
7. Bakı şəhəri, Yasamal rayonu, R. Şərifzadə küçəsi 13 ünvanında yerləşən, fiziki şəxs Nəbiyev Arif Əli oğluna məxsus "Daşfırın" restoranı;
8. Bakı şəhəri, Nəsimi rayonu, Lev Tolstoy küç., ev 15 ünvanında yerləşən, hüquqi şəxs "İce Pack" MMC-yə məxsus kafe;
9. Bakı şəhəri, Nərimanov rayonu, Nizami Hacıyev küç., ev 7 ünvanında yerləşən, fiziki şəxs Qədirzadə Nicat Bəxtiyar oğluna məxsus köz dönər evi;
10. Abşeron rayonu, Məhəmmədi kəndində yerləşən, fiziki şəxs Cəfərli Hüseyn Səfəralı oğluna məxsus "Altun lahmacun" kafesi;
11. Ağsu rayonu, Bakı-Qazax şosesinin 160-cı kilometrliyində yerləşən, fiziki şəxs Miriyev Əlisahab Əlisa oğluna məxsus kafe;
12. Quba rayonu, Qəçrəş kəndində yerləşən, fiziki şəxs Əliyev Firdovsi Fəxrəddin oğluna məxsus restoran;
13. Qəbələ rayonu, Vəndam kəndində yerləşən, fiziki şəxs Qasımov Abil Şamil oğluna məxsus kafe;
14. Tovuz rayonu, Abulbəyli kəndində yerləşən, fiziki şəxs Ələkbərov Kamran Vilayət oğluna məxsus restoran.
Qeyd edək ki, AQTA tərəfindən Bakıda, eləcə də regionlarda fəaliyyət göstərən ictimai iaşə obyektlərində monitorinqlərin miqyası genişləndirilib. Hazırda AQTA müfəttişləri tərəfindən respublika üzrə monitorinqlər davam etdirilir və qaydalara əməl etməyən sahibkarlıq subyektləri barədə ən sərt tədbirlər görüləcəkdir.
Oxşar xəbərlər
Masallıda qanunsuz fəaliyyət göstərən toyuq sexi aşkarlanıb-VİDEO
Qida Təhlükəsizliyi Agentliyinin Lənkəran-Astara Regional Bölməsinin əməkdaşları Masallı rayonunun Banbaşı kəndində Cəfərov Rövşən Cəfərbala oğluna məxsus toyuq kəsimi sexində plandankənar yoxlama aparıblar. Yoxlama zamanı obyektin qida təhlükəsizliyi ilə bağlı tələbləri ciddi şəkildə pozduğu müəyyən edilib. Belə ki, sexin sanitar-gigiyenik tələblərə cavab vermədiyi, təmizlik və dezinfeksiya üçün uyğun şəraitin olmadığı, həmçinin dezinfeksiya işlərinin aparılmadığı, qida ilə təmasda olan səthlərin korroziyaya davamlı və yuyula bilən materiallarla üzlənmədiyi, təmizləyici vasitələr üçün ayrıca yerin olmadığı müəyyən edilib. Bundan başqa, kəsim üçün gətirilən quşların müşayiətedici baytarlıq sənədlərinin də mövcud olmadığı aşkarlanıb. Nöqsanlarla bağlı inzibati protokol tərtib edilib və obyektin fəaliyyəti qanunvericiliyə uyğun olaraq məhdudlaşdırılıb. Daha ətraflı:
Lənkəranda kafedə mənşəyi məlum olmayan alkoqollu içkilər aşkarlanıb
Lənkəranda sanitar-gigiyenik tələblərə cavab vermədən fəaliyyət göstərən qida obyektində Qida Təhlükəsizliyi Agentliyinin əməkdaşları tərəfindən yoxlama keçirilib. M.Mustafaxan küçəsi 69 ünvanında yerləşən, fiziki şəxs Bağırov Xaqani Əlimirzə oğluna məxsus kafedə normativ hüquqi aktların tələblərinin pozulduğu müəyyən edilib. Həmçinin “Ruskiy Dozor”, “Magnat” əmtəə nişanlı mənşəyi məlum olmayan alkoqollu içkilər aşkar edilərək satışdan kənarlaşdırılıb. Sahibkar barəsində inzibati protokol tərtib edilib və nöqsanların aradan qaldırılması üçün vaxt verilib.
“Volt”, “Megastore” və “The Place”da istehlaka yararsız qida məhsulları aşkarlanıb
Qida Təhlükəsizliyi Agentliyinin əməkdaşları Bakı şəhərinin Nəsimi rayonu, X.Şuşinski küçəsində yerləşən, “Volt Services Azərbaycan” MMC-yə məxsus “Volt” marketdə, Nərimanov rayonu, A.Alı küçəsində yerləşən, “Grand-Mart” MMC-yə məxsus “Megastore” ticarət obyektində, Nəsimi rayonu, C.Məmmədquluzadə küçəsində yerləşən, “Our Company” MMC-yə məxsus “The Place” ictimai iaşə obyektində yoxlama keçirib. Baxış zamanı yararlılıq müddəti bitmiş qida məhsullarının satışa çıxarıldığı və istehlaka təqdim edildiyi aşkarlanıb. “Megastore” supermarketdə və “The Place” ictimai iaşə obyektində həmçinin sanitariya norma və qaydalarının tələblərinin pozulduğu müəyyən edilib. Yoxlama zamanı aşkarlanan istehlaka yararsız ət və süd məhsulları, dondurulmuş yarımfabrikatlar, unlu məmulatlar və alkoqolsuz içkilər dövriyyədən çıxarılaraq məhv edilib. Sahibkarlıq subyektləri barəsində inzibati protokol tərtib olunub.
