Giriş
AQTA koronavirusun profilaktikası çərçivəsində reydləri davam etdirir
30 İyun 2020 16:01
Nazirlər Kabinetinin qərarı ilə təsdiq edilmiş koronavirusun (COVID-19) profilaktikasına dair metodiki göstərişlərin icrasına nəzarət məqsədi ilə Azərbaycan Respublikasının Qida Təhlükəsizliyi Agentliyi (AQTA) tərəfindən ictimai iaşə və qida məhsullarının ticarəti ilə məşğul olan sahibkarlıq subyektlərində reydlər davam etdirilir.
Belə ki, AQTA əməkdaşları tərəfindən 29 iyun 2020-ci il tarixində Bakıda, eləcə də regionlarda fəaliyyət göstərən 68 ictimai iaşə obyekti, 181 ərzaq satışı mağazası olmaqla ümumilikdə 249 müəssisədə reyd keçirilib. Sahibkarlıq subyektlərinə qida təhlükəsizliyi sahəsində qanunvericiliyin tələbləri izah edilib, icrası məcburi göstərişlər və maarifləndirici tövsiyələr verilib.
Reyd keçirilən obyektlərdən 98-də Nazirlər Kabinetinin qərarı ilə təsdiq edilmiş metodiki göstərişlərin tələblərindən irəli gələn bir sıra qaydalara əməl olunmaması və kobud şəkildə pozulması faktları aşkarlanıb. Aşkarlanmış faktlarla bağlı həmin müəssisələr barədə qanunvericiliyin tələbləri çərçivəsində inzibati tədbirlər görülüb. Sözügedən müəssisələr arasında daha çox uyğunsuzluqlar aşkar edilən ictimai iaşə və ərzaq mağazaları aşağıdakılardır.
Bakı şəhəri üzrə:
“Bolmart” (Xətai rayonu), “Oba” (Nizami rayonu), “Qardaşlar”, “Yeni market”, “Elita”, “Step”, “Oba” (Yasamal rayonu), “025”, “Oba” (Xətai rayonu), “Baba”, “Bazarstore” (Xətai rayonu), “Al market” (Xətai rayonu), “Buta”, “Aqil” marketlər, Əhədov Əlizadə Mənəf oğluna, Həşimov Vüsal Qılman oğluna, Nəcəfov Vüsal Mirzağa oğluna, Hüseynov Cavid Saleh oğluna, Hacıyev Şəhruz Əsgər oğluna, Əlizadə Asif Nazim oğluna, Məmmədov Qulu Mirzə oğluna, Hümbətov Xəqani Məhəmmədəli oğluna, Əliyeva Ülviyyə Həsən qızına məxsus ərzaq mağazaları
Digər şəhər və rayonlar üzrə:
Abşeron rayonu, Xırdalan şəhərində “Al” və “Oba” marketlər
Bərdə rayonunda Süleymanov Rəşid Salman oğluna məxsus yeməkxana, İsiyev Rafael Qalib oğluna məxsus “Samux” və Həsənov Rüfət Eldəniz oğluna məxsus “Uğur” marketlər, Adıgözəlov Şamxal Zaur oğluna, Əliyev İlham Əlisəfa oğluna, Həsənov Vüsal Sərdar oğluna, Əkbərli Kənan Azər oğluna, Məlikov Bəhlul Vəli oğluna, Bayramov Asim Nadim oğluna, Sadıqov Sadiq Bakir oğluna, Qurbanov Elgiz Mehralı oğluna, Həsənov Musa Xanlar oğluna və Qurbanov Şahin Əli oğluna məxsus ərzaq mağazaları, Əhmədov Zahid Habil oğluna, Zeynalov Səxavət Əli oğluna, Həsənov Tural Nizami oğluna, Qasımov Dadaş Mürşüd oğluna, Səmədov Elman Həsən oğluna, Mirzəyev Məhəmməd Məhəmməd oğluna, Bəylərov Habil İldırım oğluna, Əlihüseynov Əfqan Sultan oğluna, Əliyev Niyaməddin Nazim oğluna, Kərimov Murad Maarif oğluna məxsus kafelər
Gəncə şəhəri, Sadıllı qəsəbəsində “Kəmalə” market
Göygöl rayonu, Aşıqlı kəndində “Gilavar” restoranı
Quba rayonunda “Aynur”, “Yüksəl” restoranları, Kərimov Seyran Rəşid oğluna məxsus “Mahir şirniyyat” mağazası
Xaçmaz rayonunda Şıxəliyev Gülbala Novruz oğluna, Ağayev Nizami Əmirağa oğluna, Seyidov Zaur Buludxan oğluna, Kərimov Eyvaz Kərəm oğluna, Yusifov Mütəllim Məmmədşah oğluna məxsus ət satışı mağazaları
Neftçala rayonunda Mirzəli Xəyal Hüseynbala oğluna məxsus ərzaq mağazası
Sabirabad rayonunda Miriyev Rasim Adil oğluna və Miriyev Şahin Adil oğluna məxsus ərzaq mağazaları
Salyan rayonunda Cəfərov Toğrul Mahir oğluna məxsus kafe
Göyçay rayonunda Zülfüqarov Əhmədağa Əlisahib oğluna, İsrafilov Ənvər Sirac oğluna, İbadov Varis Maarif oğluna, Ələkbərov İkram Şaban oğluna, Kərimov Elşad Aqil oğluna məxsus ərzaq mağazaları, Süleymanov Pünhan İlham oğluna məxsus şirniyyat mağazası
İsmayıllı rayonunda “Sərhəd” və “Girdiman” ərzaq mağazaları, “Qoşa samovar” kafesi, Əliyev Tamerlan İntiqam oğluna, Əhmədov Yunis Yusif oğluna məxsus kafelər, Xanagah kəndində “Qız Qalası” restoranı, Topçu kəndində Həsrətov Vüsal Sehran oğluna məxsus ərzaq mağazası, Nağıyev Ramiz Mirəhməd oğluna və Nağıyev Mübariz Mirəhməd oğluna məxsus kafelər, Kərimli Elxan Yavər oğluna məxsus yeməkxana, Dəmirov Sübhan Xalı oğluna məxsus ərzaq mağazası, Novruzov Süleyman Əlikazım oğluna məxsus “Ülvi” market
Oğuz rayonunda Qafulova İlqarə Nüsrət qızına, Rəhimov Ayaz Əlfəddin oğluna məxsus kafelər, Yusifov Vüqar Rusxət oğluna məxsus ərzaq mağazası
Qax rayonunda Bayramova Gülxar Saat qızına, Qasımov İsa Emin oğluna, Hasilov Tərlan Hüseyn oğluna, Rəhimov Məmməd Rəhim oğluna məxsus ərzaq mağazaları
Şəmkir rayonunda “Ozan”, “Dolce Vita” restoranları
Tovuz rayonunda “Çinar”, “Balıq”, “Məkan”, “Nuş olsun” kafeləri
Masallı rayonunda “Viləş”, “Şərq”, “Aslan” ərzaq mağazaları
Ucar rayonunda “Elit”, “Soltan” ərzaq mağazaları
Qeyd edək ki, AQTA Bakıda, eləcə də regionlarda fəaliyyət göstərən ictimai iaşə obyektləri və ərzaq mağazalarında yoxlama-nəzarət tədbirlərini bundan sonra da davam etdirəcək və Nazirlər Kabinetinin qərarı ilə təsdiq edilmiş metodiki göstərişlərə əməl etməyən sahibkarlıq subyektləri barədə ən sərt tədbirlər görüləcəkdir.
Oxşar xəbərlər
Qəhvəyi mərmər bağacığına qarşı mübarizə tədbirləri davam etdirilir
Azərbaycan Respublikasının Nazirlər Kabineti tərəfindən təsdiq edilmiş “Qəhvəyi mərmər bağacığına qarşı bitki mühafizəsinə dair Tədbirlər Planı”nın icrası məqsədilə Qida Təhlükəsizliyi Agentliyi Qəhvəyi mərmər bağacığının ölkə ərazisində yayılmasının qarşısının alınması istiqamətində müvafiq fitosanitar nəzarət və maarifləndirmə tədbirlərini davam etdirir. Tədbirlər çərçivəsində Qida Təhlükəsizliyi Agentliyinin, Daşkəsən Rayon İcra Hakimiyyətinin və Kənd Təsərrüfatı Nazirliyi yanında Aqrar Xidmətlər Agentliyinin yerli bölmələrinin əməkdaşlarının və rayon sakinlərinin iştirakı ilə görüş keçirilib. Görüşdə Qəhvəyi mərmər bağacığının kütləvi aşkarlandığı ərazilərdə müvafiq mübarizə tədbirlərinin gücləndirilməsi, mümkün qışlama yerlərində müşahidələrin aparılması və zərərvericinin aşkarlandığı təqdirdə mexaniki yollarla məhv edilməsi, habelə mübarizə tədbirlərində vətəndaşların aktiv iştirakının zəruriliyi barədə məlumatlar verilib. Qəhvəyi mərmər bağacığına qarşı mübarizə yolları ilə bağlı maarifləndirici çap materialları paylanıb.
Fitosanitar monitorinqlər davam etdirilir
Karantin tətbiq edilən, o cümlədən potensial təhlükəli zərərli orqanizmləri, onların mənbələrini, sərhədlərini, yayılma səbəblərini vaxtında müəyyənləşdirmək və ölkə ərazisində fitosanitar sabitliyin təmin edilməsi məqsədilə Qida Təhlükəsizliyi Agentliyinin fitosanitar müfəttişləri tərəfindən Milli Monitorinq Planına uyğun olaraq meyvə bağlarında monitorinqlər aparılıb. Monitorinq zamanı Beyləqan rayonunda, İmişli rayonunun Murğuzallı, Qaralar, Sabirabad rayonunun Qasımbəyli, Əsgərbəyli, Yuxarı Axtaçı, Muradbəyli, Qəzli, Quruzma, Yenikənd, Mürsəlli, Ulacalı, Bulduq, Ətcələr, Məmişlər, Həşimxanlı, Beşdəli kəndlərində, Saatlı rayonunun Mustafabəyli, Məzrəli, Azadkənd kəndlərində yerləşən nar, xurma və heyva bağlarında zərərli orqanizmlərlə sirayətlənmə əlamətləri olan bitkilərdən nümunələr götürülərək Qida Təhlükəsizliyi İnstitutunun müvafiq laboratoriyasına təqdim edilib. Müayinələr nəticəsində Meyvə milçəyi, Nar meyvəyeyəni, Meyvə çürüməsi, Afrika əncir milçəyi ilə yanaşı, karantin tətbiq edilən zərərli orqanizmlərdən Komstok yastıcası və Yaponiya mumlu yalançı qalxanlı yastıcası, bir təsərrüfatda isə Asiya giləmeyvə drozofilası aşkarlanıb. Agentlik əməkdaşları tərəfindən Astara rayonunun Astara şəhəri, Kijəbə qəsəbəsi, Şiyəkəran, Təngərüd, Siyakü, Velədi, Maşxan, Vaqo kəndlərində, habelə Lənkəran rayonunun Şağlaser kəndində 38 təsərrüfat subyektinə məxsus 119.3 hektar sitrus bağında aparılmış monitorinq zamanı Sitrus ağqanadlısı və Qırmızı tor gənəsi ilə yanaşı, karantin tətbiq edilən zərərli orqanizmlərdən Sitrus tristeza virusu və Yaponiya yalançı qalxanlı mumlu yastıcası müəyyən edilib. Bundan əlavə, Astara rayonunun Şiyəkəran kəndində yerləşən bir neçə sitrus bağında Kənd Təsərrüfatı Nazirliyi yanında Aqrar Xidmətlər Agentliyinin Astara rayon Bitki Mühafizə Mərkəzinin əməkdaşları ilə birgə monitorinq təşkil edilib və Sitrus ağqanadlısına qarşı Mərkəzin əməkdaşları tərəfindən bitki mübarizə tədbirləri həyata keçirilib.
Qəhvəyi mərmər bağacığı ilə ev şəraitində necə mübarizə aparmaq olar?
Azərbaycan Respublikasının Qida Təhlükəsizliyi Agentliyi (AQTA) Qəhvəyi mərmər bağacığının ölkə ərazisində yayılmasının qarşısını almaq məqsədilə maarifləndirmə tədbirlərini davam etdirir. Tədbirlər çərçivəsində 300-dən çox bitki ilə qidalanaraq onların məhsuldarlığını əhəmiyyətli dərəcədə aşağı salan Qəhvəyi mərmər bağacığının müşahidə olunduğu ölkəmizin şimal-qərb və qərb rayonlarının bəzi kəndlərində yerli əhali və sahibkarlarla maarifləndirici görüşlər keçirilir. Görüşlərdə ev şəraitində zərərvericiyə qarşı mümkün mübarizə tədbirləri barədə məlumatlar çatdırılır. Qəhvəyi mərmər bağacığı evlərin çardaqlarında, qapı və pəncərə boşluqlarında, taxta və odun yığınları arasında qışlaya bilir. Zərərvericinin qışlama yerlərini maksimum məhdudlaşdırmaq məqsədilə evlərdə, çardaqlarda, bağlara yaxın tikililərdə vaxtında təmizləmə və təmir işləri aparılmalıdır. Bundan başqa, bağacığın qışlamaq üçün yaşayış və köməkçi binalara daxil olmasının qarşısını almaq üçün bu tikililərdə pəncərələr torla bağlanmalıdır. Aşkar edildikləri təqdirdə onları süpürgə, tozsoran və s. vasitəsilə toplamaq və məhv etmək lazımdır. Qeyd edək ki, beynəlxalq təcrübədə Qəhvəyi mərmər bağacığı ilə mübarizədə aldadıcı tələlərdən, süni yaradılmış sığınacaq yerlərindən istifadə xüsusi əhəmiyyət kəsb edir. Bağacıq üçün süni qışlama yerləri əsasən boş karton və ya qəzetlə doldurulmuş adi bir qutudan hazırlanır. Bunun üçün boş qutuya kəsilmiş karton və ya kağız parçaları doldurulur. Hazırlanmış sığınacaqlar evin günəş düşən tərəfində, binaların cənub və qərb tərəflərinə və yaxud çardaqda (damda), bağacığın qışlamaya getdiyi yerlərdə yerləşdirilir və ya 2-3 metr hündürlükdə asılır. Bu cür qutulara yığılan bağacıqlar mexaniki yolla toplanaraq məhv edilməlidir.
