Giriş
AQTA koronovirusun profilaktikası çərçivəsində monitorinqləri davam etdirir
7 Oktyabr 2021 16:59
Azərbaycan Respublikasının Qida Təhlükəsizliyi Agentliyi (AQTA) pandemiya dövrünün tələblərinə, bu sahədə müvafiq qanunvericiliyin icrasına, həmçinin yeni növ koronavirusun (COVID-19) profilaktikasına dair Nazirlər Kabinetinin Qərarı ilə təsdiq edilmiş metodiki göstərişlərin icrasına nəzarət məqsədilə ictimai iaşə obyektlərində reydləri davam etdirir.
Nəzarət tədbirləri çərçivəsində 2021-ci il oktyabrın 6-da ölkə üzrə 407 ictimai iaşə obyektində 690 monitorinq keçirilib. Monitorinqlər zamanı 11 müəssisədə qanunvericiliyin tələblərinin kobud şəkildə pozulması faktları aşkar olunub. Aşkar edilmiş nöqsanlarla bağlı İnzibati Xətalar Məcəlləsinə uyğun olaraq müvafiq tədbirlər görülüb.
Pozuntular aşkar edilmiş ictimai iaşə müəssisələri aşağıdakılardır:
1. Bakı şəhəri, Nərimanov rayonu, Ağa Nemətulla küç., ev 23 ünvanında yerləşən, hüquqi şəxs “Resant Consulting and Managment” MMC-yə məxsus “Xaçapuri Home” restoranı;
2. Bakı şəhəri, Yasamal rayonu, Əsəd Əhmədov küçəsi 47B ünvanında yerləşən, fiziki şəxs Səmədov Nazim Allahverdi oğluna məxsus kafe;
3. Bakı şəhəri, Nərimanov rayonu, Əliyar Əliyev küç., ev 69a ünvanında yerləşən, fiziki şəxs Seyfullayev Ceyhun Qüdrət oğluna məxsus “Sherif” restoranı;
4. Bakı şəhəri, Binəqədi rayonu, Cəfər Xəndan küçəsi 13 ünvanında yerləşən, fiziki şəxs İbrahimov Yaqub Hüseyn oğluna məxsus “Ziya” kafesi;
5. Bakı şəhəri, Səbail rayonu, Badamdar qəs., massiv 1 ünvanında yerləşən, fiziki şəxs Kərimov Azər Bayram oğluna məxsus çay evi;
6. Bakı şəhəri, Yasamal rayonu, N. Aşurbəyova küçəsi 202 ünvanında yerləşən, fiziki şəxs Novruzov Rüstəm Yaqub oğluna məxsus “ARBO” kafesi;
7. Bakı şəhəri, Yasamal rayonu, M. Naxçıvani küçəsi 14 ünvanında yerləşən, fiziki şəxs Rəsul Elvin İlham oğluna məxsus kafe;
8. Bakı şəhəri, Nəsimi rayonu, M. Qardaşları küç., ev 18 ünvanında yerləşən, fiziki şəxs Yusifov Akif Yusif oğluna məxsus kafe;
9. Bakı şəhəri, Nəsimi rayonu, H. Aslanov küçəsi 101 ünvanında yerləşən, fiziki şəxs Salmanova Səbinə Etibar qızına məxsus “Road Cafe-Pub” kafesi;
10. Şəmkir rayonu, 20 Yanvar küçəsində yerləşən, fiziki şəxs Verdiyev Həşim Zabit oğluna məxsus mağaza;
11. Gəncə şəhəri, Atatürk pr., ev 226A ünvanında yerləşən, fiziki şəxs Ayaz Mehmet Halis oğluna məxsus “Osmanlı” kafesi.
Qeyd edək ki, AQTA tərəfindən Bakıda, eləcə də regionlarda fəaliyyət göstərən ictimai iaşə obyektlərində monitorinqlərin miqyası genişləndirilib. Hazırda AQTA müfəttişləri tərəfindən respublika üzrə monitorinqlər davam etdirilir və qaydalara əməl etməyən sahibkarlıq subyektləri barədə ən sərt tədbirlər görüləcəkdir.
Oxşar xəbərlər
Toyuq kəsimi sexinin qanundankənar fəaliyyət göstərdiyi aşkarlanıb
Azərbaycan Respublikası Qida Təhlükəsizliyi Agentliyinin əməkdaşları Lənkəran rayonu, Girdəni kəndində yerləşən, Hüseynova Ruhəngiz Davud qızına məxsus toyuq kəsimi sexində plandankənar yoxlama keçirib. Obyektdə qida təhlükəsizliyi sahəsində normativ hüquqi aktların tələblərinə əməl olunmadığı aşkarlanıb. Baxış zamanı sexin qida təhlükəsizliyi qeydiyyatından keçmədən qanunsuz fəaliyyət göstərdiyi məlum olub. Həmçinin diri quşların müşayiətedici sənədlərinin olmadığı, antisanitar şəraitdə, baytarlıq-sanitariya nəzarətindən keçmədən kəsiminin aparıldığı, məhsulların etiketlənmədiyi və digər normativ tələblərin pozulduğu müəyyən edilib. Faktla bağlı inzibati protokol tərtib edilib, sexin fəaliyyəti məhdudlaşdırılıb və nümunələr götürülərək laborator müayinələrə cəlb edilib.
Qanunsuz toyuq əti emalı müəssisəsində plandankənar yoxlama keçirilib
Azərbaycan Respublikası Qida Təhlükəsizliyi Agentliyinin “1003 - Çağrı Mərkəzi”nə daxil olan vətəndaş müraciəti və sosial mediada paylaşılan məlumat əsasında Abşeron rayonu, Fatmayı kəndində fəaliyyət göstərən, fiziki şəxs Orucov Abbas Tahir oğluna məxsus obyektdə yoxlama keçirilib. Baxış zamanı müəssisənin qanunsuz fəaliyyət göstərdiyi, eləcə də sanitar-gigiyenik və sanitar-texniki qaydaların tələblərinin pozulduğu müəyyən edilib. Müəssisədə toyuq məhsullarının müşayiətedici sənədlərinin və etiketlərin mövcud olmadığı və digər nöqsanlar aşkarlanıb. Müəssisənin fəaliyyəti nöqsanlar aradan qaldırılanadək məhdudlaşdırılıb. Fakt əsasında qanunvericiliyin tələbinə uyğun müvafiq tədbirlər görülməkdədir.
Siyəzəndə ərzaq bazarında yoxlama keçirilib
Azərbaycan Respublikası Qida Təhlükəsizliyi Agentliyinin əməkdaşları Siyəzən şəhəri, Xətai küçəsi 56 ünvanında fəaliyyət göstərən, “Xətai” Ticarət Mərkəzinə məxsus ərzaq bazarında plandankənar yoxlama keçirib. Yoxlama zamanı bazarda qida təhlükəsizliyi sahəsində texniki normativ hüquqi aktların tələblərinin pozulduğu aşkarlanıb. Aşkar edilmiş nöqsanların aradan qaldırılması ilə bağlı icrası məcburi göstərişlər verilib, sahibkar barəsində inzibati protokol tərtib edilib.
