AQTA-nın KOB evlərində xidmət göstərən əməkdaşlarına təlim keçirilib

27 Avqust 2026 09:35

Azərbaycan Qida Təhlükəsizliyi Agentliyinin (AQTA) Kiçik və Orta Biznes evlərində (“KOB” evləri) vətəndaşlara xidmət göstərən əməkdaşları üçün “Etik davranış qaydaları” mövzusunda onlayn təlim keçirilib.
Təlimdə dövlət qulluqçularının etik davranış qaydaları, etik davranışın əhəmiyyəti, həmçinin korrupsiya ilə mübarizə və etik davranış normalarının tətbiqi ilə bağlı əsas tələblər iştirakçılara izah edilib. Tədbirin sonunda iştirakçıların mövzu ilə bağlı sualları cavablandırılıb.
KOB evlərində xidmət göstərən əməkdaşların vətəndaşlarla ünsiyyət zamanı nəzakətli, məsuliyyətli və peşəkar davranış nümayiş etdirməsi, ünsiyyət və izah etmək bacarıqlarının inkişaf etdirilməsi istiqamətində bu cür təlimlərin keçirilməsinə xüsusi diqqət yetirilir.

Oxşar xəbərlər

18 Sentyabr 2026 18:35

AQTA sədri Şəmkirdə istixana təsərrüfatlarında olub

Azərbaycan Respublikası Qida Təhlükəsizliyi Agentliyinin (AQTA) sədri Qoşqar Təhməzli Şəmkir rayonunda fəaliyyət göstərən “Shamkir Greenhouse” MMC və “AM Brothers Agro” MMC-nin istixana təsərrüfatlarında olub.

18 Sentyabr 2026 16:56

Ölkədə fəaliyyətinə icazə verilən heyvan bazarlarının sayı 22-ə çatdı - VİDEO

Qazax və Gədəbəy rayonlarında yerləşən heyvan bazarlarının biotəhlükəsizlik, həmçinin müasir standartlara uyğun yenidənqurma və abadlaşdırma işlərindən sonra fəaliyyətinə icazə verilib. Belə ki, bazarların giriş-çıxış qapısında dezbaryerlər quraşdırılıb, baytarlıq nəzarəti zamanı xəstəlik əlamətləri aşkar edilən heyvanların digər heyvanlardan təcrid olunaraq saxlanılması məqsədilə xüsusi izolyatorlar tikilib.

18 Sentyabr 2026 16:03

Ölkənin 33 rayon və şəhərində müasir heyvan kəsimi məntəqələri qurulmalıdır - VİDEO

Ət və ət məhsullarının təhlükəsizliyinin təmin edilməsi baxımından heyvanların kəsiminin müvafiq baytarlıq-sanitariya və sanitariya-gigiyena tələblərinə cavab verən ixtisaslaşdırılmış kəsim məntəqələrində həyata keçirilməsi mühüm əhəmiyyət daşıyır. Azərbaycan Respublikasının Qida Təhlükəsizliyi Agentliyi (AQTA) tərəfindən aparılan monitorinqlər göstərir ki, hazırda ölkənin 33 rayon və şəhərində heyvan kəsimi məntəqəsi ya mövcud deyil, ya da fəaliyyət göstərmir. Əhalinin sıx məskunlaşdığı bu bölgələrdə heyvan kəsimi məntəqələrinin mövcud olmaması heyvanların kəsiminin əksər hallarda küçələrdə, yol kənarlarında həyata keçirilməsinə şərait yaradır. Bu da öz növbəsində kəsim prosesinin, eləcə də əldə olunan ət və ət məhsullarının təhlükəsizliyinə nəzarətin təmin edilməsində birbaşa çətinliklər yaradır.