Giriş
AQTA nümayəndə heyətinin Rusiyaya işgüzar səfəri başa çatıb
13 Noyabr 2023 09:15
Azərbaycan Respublikası Qida Təhlükəsizliyi Agentliyinin (AQTA) nümayəndə heyətinin Rusiya Federasiyasına işgüzar səfəri yekunlaşıb.
Səfərin sonuncu günü nümayəndə heyəti Rusiyanın Baytarlıq və Fitosanitar Nəzarət üzrə Federal Xidmətinin (“Rosselxoznadzor”) tabeliyində olan Heyvan Sağlamlığının Mühafizəsi üzrə Federal Mərkəzə və süd emalı müəssisəsinə baş çəkib. Həmçinin “Rosselxoznadzor”un laboratoriyalarının işi və məhsulların monitorinqi proqramları ilə yaxından tanış olub.
Səfərin ilk günü isə nümayəndə heyəti işçi qaydada “Rosselxoznadzor”un əməkdaşları ilə görüşüb. Görüş zamanı heyvandarlıq və bitkiçilik məhsulları üzrə hər iki ölkədə nəzarət sisteminin ekvivalentliyinin tanınması ilə bağlı müzakirələr aparılıb.
Səfərin nəticəsi olaraq, AQTA-nın və “Rosselxoznadzor”un baytarlıq nəzarəti sahəsində informasiya sistemlərinin daha da təkmilləşdirməsi istiqamətdə əməkdaşlığın genişləndirilməsi məqsədəuyğun hesab edilib. Eyni zamanda iki qurum arasında əlaqələrin daha da gücləndirilməsinin və qarşılıqlı səfərlərin davam etdirilməsinin vacibliyi önə çəkilib. Eləcə də “Rosselxoznadzor” tərəfindən AQTA-nın əməkdaşları üçün təlimlərin təşkil olunmasının səmərəli ola biləcəyi vurğulanıb.
Qeyd edək ki, səfər Agentliyin nümayəndələrinin Rusiyanın baytarlıq nəzarəti sistemi və “Rosselxoznadzor”un informasiya sistemlərinin imkanları ilə tanış olması məqsədilə həyata keçirilib.
Oxşar xəbərlər
Romada keçirilən Qlobal Konfransda Azərbaycanın aqrar-qida sistemi barədə məlumat verilib
BMT-nin Ərzaq və Kənd Təsərrüfatı Təşkilatının (FAO) təşkilatçılığı ilə İtaliyanın paytaxtında “Aqrar-qida sistemlərində Vahid Sağlamlıq hər kəsin sağlamlığı, hər kəsin məsuliyyəti və hər kəsin fəaliyyətidir” mövzusunda Qlobal Konfrans keçirilir. Tədbirdə Azərbaycan Respublikasının Qida Təhlükəsizliyi Agentliyinin Beynəlxalq əməkdaşlıq şöbəsinin müdiri Anar Əzimov iştirak edir. Sentyabrın 22-də baş tutan xüsusi paneldə ölkəmizin aqrar-qida sistemində həyata keçirilən islahatlar, biotəhlükəsizlik sahəsindəki tədbirlər və qabaqcıl təcrübələr barədə geniş məlumat verilib.
Bitkiçilik məhsullarının ixracı davam etdirilir
Payız ixrac mövsümü ilə əlaqədar Azərbaycanın xurma, nar, üzüm və digər bitkiçilik məhsullarının ixracı davam edir. İxrac edilən bitkiçilik məhsullarının təhlükəsizliyinin təmin edilməsi məqsədilə məhsul partiyalarına fitosanitar karantin baxışı keçirilir, müvafiq analizlərin aparılması üçün nümunələr götürülür və eynilik nəzarəti həyata keçirilir. Məhsul partiyalarının idxalçı ölkələrin, eləcə də beynəlxalq standartların tələblərinə uyğunluğu yoxlanılır. Müəyyən edilmiş tələblərə cavab verən məhsul partiyalarına fitosanitar sertifikat verilir və onların ixracına icazə verilir. Azərbaycan Respublikasının Qida Təhlükəsizliyi Agentliyi idxal və ixrac əməliyyatlarının daha çevik, şəffaf və sahibkarlar üçün əlçatan şəkildə həyata keçirilməsi məqsədilə göstərilən xidmətləri tam elektronlaşdırıb. Daha ətraflı:
Samuxda sahibkar müraciəti əsasında 165 baş heyvan identifikasiya olunub
Heyvanların identifikasiyası və uçotu üzrə tədbirlər davam etdirilir. Samux rayonunda təsərrüfat sahibi Elmar Əliyevin müraciəti əsasında 165 baş heyvana fərdi birkalar vurularaq qeydiyyata alınıb. Proses baytar həkim tərəfindən təlimata uyğun həyata keçirilib. Heyvanların fərdi uçotu onların hərəkətinin izlənilməsi, baytarlıq nəzarətinin gücləndirilməsi, eləcə də epizootik sabitliyin qorunması baxımından mühüm əhəmiyyət daşıyır. Qeyd edək ki, AQTA tərəfindən təsərrüfatlarda heyvanların uçotunun dəqiqləşdirilməsi və baytarlıq xidmətlərinin səmərəliliyinin artırılması məqsədilə bu istiqamətdə tədbirlər mütəmadi olaraq həyata keçirilir.
