Giriş
AQTA sədri BMT-nin Azərbaycandakı rezident əlaqələndiricisi və ixtisaslaşmış qurumlarının rəhbərləri ilə görüşüb
14 May 2024 18:08
Azərbaycan Respublikası Qida Təhlükəsizliyi Agentliyinin (AQTA) sədri Qoşqar Təhməzli BMT-nin ölkəmizdəki rezident əlaqələndiricisi Vladanka Andreyeva ilə görüşüb. Görüşdə həmçinin BMT-nin ixtisaslaşmış qurumları olan Ümumdünya Səhiyyə Təşkilatının ölkəmizdəki nümayəndəsi Hande Harmancı, Ərzaq və Kənd Təsərrüfatı Təşkilatının (FAO) ölkəmizdəki nümayəndəsi Nasar Hayat iştirak ediblər.
Görüşdə AQTA sədri son illər ölkəmizdə qida təhlükəsizliyinin təmin olunması istiqamətində görülən işlər, eyni zamanda BMT-nin İqlim Dəyişikliyi üzrə Çərçivə Konvensiyasının Tərəflər Konfransının 29-cu sessiyası (COP29) zamanı görüləcək işlərə dair Agentlik tərəfindən hazırlanan Tədbirlər Planı və icrası ilə bağlı qonaqları məlumatlandırıb.
Görüş zamanı Azərbaycanda COP29-un təşkili sahəsində əməkdaşlıq çərçivəsində qida təhlükəsizliyi tələblərinin əldə olunmasına dəstək, keytrinq və mehmanxanalara dair qida təhlükəsizliyi tələbləri ilə bağlı birgə təlimlərin keçirilməsi, ictimai iaşə obyektləri üçün birgə çap materiallarının hazırlanması və paylanması, “Vahid Sağlamlıq” sessiyasının təşkil edilməsi, FAO-nun dəstəyi ilə cari ilin iyul ayının birinci yarısında COP tədbirinin təşkili sahəsində qabaqcıl təcrübələrin öyrənilməsi məqsədilə COP27-yə ev sahibliyi etmiş Misir Ərəb Respublikasına təcrübə səfərinin həyata keçirilməsi istiqamətində müzakirələr aparılıb. Eyni zamanda “Vahid Sağlamlığ”ın təmin edilməsi üzrə qurumlararası icra mexanizminin səmərəli və koordinasiyalı tətbiqi üçün fəaliyyət planının hazırlanması, beynəlxalq ekspertlərin cəlb edilməsi və təlimlərin keçirilməsi, antimikrob rezistentliyi üzrə birgə əməkdaşlığın həyata keçirilməsi məsələləri müzakirə mövzusu olub.
Tədbirdə əməkdaşlığın genişləndirilməsi istiqamətində həyata keçirilən layihələr nəzərdən keçirilib.
Sonda qarşılıqlı maraq doğuran bir sıra məsələlər müzakirə olunub.
Oxşar xəbərlər
Azərbaycanla Serbiya Hökuməti arasında qida təhlükəsizliyi sahəsində əməkdaşlıq haqqında Saziş imzalanıb
Fevralın 15-də Belqradda Azərbaycan Respublikasının Prezidenti İlham Əliyevin və Serbiya Respublikasının Prezidenti Aleksandar Vuçiçin iştirakı ilə Azərbaycan-Serbiya sənədlərinin mübadiləsi mərasimi olub. “Azərbaycan Respublikası Hökuməti ilə Serbiya Respublikası Hökuməti arasında qida təhlükəsizliyi sahəsində əməkdaşlıq haqqında Saziş”i Azərbaycanın maliyyə naziri Sahil Babayev və Serbiyanın kənd təsərrüfatı, meşəçilik və su təsərrüfatı naziri Draqan Qlamoçiç mübadilə ediblər.Fevralın 15-də Belqradda Azərbaycan Respublikasının Prezidenti İlham Əliyevin və Serbiya Respublikasının Prezidenti Aleksandar Vuçiçin iştirakı ilə Azərbaycan-Serbiya sənədlərinin mübadiləsi mərasimi olub. “Azərbaycan Respublikası Hökuməti ilə Serbiya Respublikası Hökuməti arasında qida təhlükəsizliyi sahəsində əməkdaşlıq haqqında Saziş”i Azərbaycanın maliyyə naziri Sahil Babayev və Serbiyanın kənd təsərrüfatı, meşəçilik və su təsərrüfatı naziri Draqan Qlamoçiç mübadilə ediblər.
Özbəkistanda səfərdə olan AQTA nümayəndə heyəti fitosanitar laboratoriya ilə tanış olub
Azərbaycan Respublikasının Qida Təhlükəsizliyi Agentliyinin (AQTA) nümayəndə heyətinin Özbəkistan Respublikasına işgüzar səfəri davam edir. Səfərin növbəti günündə nümayəndə heyəti Özbəkistanın Fitosanitar laboratoriyasına baş çəkib. Nümayəndə heyəti laboratoriyanın fəaliyyəti, maddi-texniki bazası, mövcud infrastruktur imkanları, kadr potensialı və tətbiq olunan nəzarət mexanizmləri ilə tanış olub. Eyni zamanda nümunəgötürmə prosesi, laborator müayinələr, fitosanitar risklərin qiymətləndirilməsi istiqamətində görülən işlər barədə ətraflı məlumat verilib. Nümayəndə heyəti, həmçinin itlərin iştirakı ilə həyata keçirilən fitosanitar yoxlamaların təşkili, istifadə olunan nəqliyyat vasitələri və beynəlxalq ticarət əməliyyatlarına nəzarət məqsədilə yaradılmış struktur bölmələrin fəaliyyəti ilə tanış olub. Daha sonra Asiya İnkişaf Bankının ekspertləri ilə onlayn formatda görüş keçirilib. Görüş zamanı Özbəkistan tərəfinin hazırladığı sənəd nəzərdən keçirilib, qida təhlükəsizliyi sahəsində Azərbaycanın təcrübəsi bölüşülüb, həmçinin Özbəkistanda yaradılması planlaşdırılan qurumla bağlı fikir mübadiləsi aparılıb. Qeyd edək ki, AQTA nümayəndə heyəti Azərbaycanın qida təhlükəsizliyi sahəsində formalaşdırdığı idarəetmə modelinin Özbəkistanda tətbiqi məqsədilə Daşkənddə işgüzar səfərdədir.
Qurban Qurbanov: Futbolçularımız sağlam qidalanmada peşəkar yanaşmanın faydasını görür
“Laboratoriyalarla tanışlıqdan sonra təəssüratlarım çox xoşdur. Biz Azərbaycan Qida Təhlükəsizliyi Agentliyi (AQTA) yarandığı gündən əməkdaşlıq edirik. İdmançının sağlamlığı çox önəmlidir, onun sağlam qidaya daima ehtiyacı var. AQTA rəhbərliyi ilə söhbətlərimiz əsnasında həmişə vurğulayırıq ki, komanda üzvlərinin qidalanması sağlam olmalıdır”. Bu fikirləri “Qarabağ” futbol klubunun baş məşqçisi Qurban Qurbanov Azərbaycan Qida Təhlükəsizliyi İnstitutunun laboratoriyaları ilə tanışlıqdan sonra deyib. Baş məşqçi vurğulayıb ki, İnstitutun əməkdaşı həm də klubun diyetoloqu kimi fəaliyyət göstərir: “Futbolçular peşəkar yanaşmanın faydasını görür. Sağlam qidalanmanın nəticələrimizdə çox böyük rolu var” – deyə, baş məşqçi əlavə edib. Q. Qurbanov yaradılan şəraitə görə təşəkkürünü bildirib və bu cür təşəbbüslərin ölkədə sağlam nəslin formalaşmasına, gənclərin inkişafına və idmanın daha da güclənməsinə töhfə verdiyini əlavə edib.
