Giriş
AQTA tərəfindən koronavirusun profilaktikası çərçivəsində 229 müəssisədə reyd keçirildi
14 İyul 2020 11:15
Nazirlər Kabinetinin qərarı ilə təsdiq edilmiş koronavirusun (COVID-19) profilaktikasına dair metodiki göstərişlərin icrasına nəzarət məqsədi ilə Azərbaycan Respublikasının Qida Təhlükəsizliyi Agentliyi (AQTA) tərəfindən ictimai iaşə və qida məhsullarının ticarəti ilə məşğul olan sahibkarlıq subyektlərində reydlər davam etdirilir.
13 iyul 2020-ci il tarixində AQTA əməkdaşları tərəfindən Bakıda, eləcə də regionlarda fəaliyyət göstərən 44 ictimai iaşə obyekti, 185 ərzaq satışı mağazası olmaqla ümumilikdə 229 müəssisədə reyd keçirilib. Sahibkarlıq subyektlərinə qida təhlükəsizliyi sahəsində qanunvericiliyin tələbləri izah edilib, icrası məcburi göstərişlər və maarifləndirici tövsiyələr verilib.
Reyd keçirilən obyektlərdən 81-də Nazirlər Kabinetinin qərarı ilə təsdiq edilmiş metodiki göstərişlərin tələblərindən irəli gələn bir sıra qaydalara əməl olunmaması və kobud şəkildə pozulması faktları aşkarlanıb. Aşkarlanmış faktlarla bağlı həmin müəssisələr barədə qanunvericiliyin tələbləri çərçivəsində inzibati tədbirlər görülüb. Sözügedən müəssisələr arasında daha çox uyğunsuzluqlar aşkar edilən ictimai iaşə və ərzaq mağazaları aşağıdakılardır.
Bakı şəhəri üzrə:
Ağayev Yusif Əli oğluna, Mirzəyev Valeh İbrahim oğluna, Əhmədzadə Fərid Mirağa oğluna, Ocaqverdiyev Natiq Durasan oğluna, Aşımov Akif İnqilab oğluna, Babayev Hüseyn Rza oğluna, Məmmədov Əhəd Həmzə oğluna, İsmayılov Elməddin Şakir oğluna, Məhərrəmov Elməddin Sultanhəmid oğluna və Quliyev Yusif Mirzə oğluna məxsus ərzaq mağazaları, “Güvən” market, “ƏVOA” MMC-yə məxsus Yasamal və Səbail rayonunda marketlər
Digər şəhər və rayonlar üzrə:
Abşeron rayonu, Mehdiabad qəsəbəsində “Rahat” market
Siyəzən rayonunda “Göl” kafesi
Xaçmaz rayonunda Ağayev Nizami Əmirağa oğluna məxsus ət satışı mağazası
Quba rayonunda “Şane”, “Roman”, “Shisha garden”, “Olimp” restoranları, “Göl” kafesi
Göyçay rayonunda “Panorama”, “Tontiş”, “Qədiş” kafelər, Həsənov Neyman Gülbala oğluna, Xəlilov Müqəddəs Sirac oğluna, İbrahimov Ehtibar Rafiq oğluna məxsus dönərxanalar, Məmmədov Yasin Vahid oğluna, Səfərəliyeva Afaq Əsgərağa oğluna məxsus yeməkxanalar, Rüstəmov Atakişi Xəqani oğluna və Zamanov Rafiq Gülməmməd oğluna məxsus restoranlar
Ağdaş rayonunda “Sərin”, “Bir inci”, “Ağdaş”, “Xırdalan”, “İKA”, “Ailəvə”, “Halal”, “1001 Gecə”, “Kral”, “Çinar” restoranları, “Şamil”, “Elxan”, “Su səsi” kafeləri, Qarayev Telman Şahmurad oğluna məxsus kafe və Əhmədov Natiq Mahmud oğluna məxsus yeməkxana
Zaqatala rayonunda Bayramova Hürü Qürbət qızına, İsmayılova Səidə Kamal qızına, Aydayeva Ayşə Məhəmməd qızına məxsus ərzaq mağazaları
Balakən rayonunda Kiçiliyeva Arzu Şəmsəddin qızına məxsus ərzaq mağazası
Qəbələ rayonunda “Kabab” və “Dönər evi” dönərxanaları və “Dondurma” kafe
Astara rayonunda “Rahat” və “Qardaşlar” ərzaq mağazaları
Goranboy rayonunda Babayeva Gülnar Rüstəm qızına məxsus ərzaq mağazası
Daşkəsən rayonunda Həlilzadə Səadət Ellər qızına məxsus kafe, “Versal” restoranı, Əliyev Maarif Əsgər oğluna, Hüseynov Şahbar Novruz oğluna, Qurbanova Ahuzər İlyas qızına məxsus yeməkxanalar, "Araz supermarket", “Bizim” marketlər, İmamverdiyeva Niyar Abbas qızına və Məmmədov Xəyal Akif oğluna məxsus ərzaq mağazaları
Naftalan şəhərində “Bahar” və “Turan” yeməkxanaları, Rəhimov Rahib Arzu oğluna məxsus dönərxana
Qazax rayonunda “Loğman”, “Şamlıq” kafelər, Nəbiyev Mehdi Akif oğluna və Ərəbov Hacı Murad oğluna məxsus ət satışı mağazaları
Ağstafa rayonunda “Şans” kafe
Şəmkir rayonunda Hadıyev Anar Sadəddin oğluna, İsmayılov Elçin Firudin oğluna, Camalzadə Anar Nəriman oğluna məxsus ət satışı mağazaları
Ucar rayonunda “24 saat” market
İmişli rayonunda “Tərəkəmə”, “Gilavar” restoranları
Beyləqan rayonunda “Xan çinarı”, Səmədov Rəvan Həmzəağa oğluna məxsus yeməkxana
Qeyd edək ki, AQTA Bakıda, eləcə də regionlarda fəaliyyət göstərən ictimai iaşə obyektləri və ərzaq mağazalarında yoxlama-nəzarət tədbirlərini bundan sonra da davam etdirəcək və Nazirlər Kabinetinin qərarı ilə təsdiq edilmiş metodiki göstərişlərə əməl etməyən sahibkarlıq subyektləri barədə ən sərt tədbirlər görüləcəkdir.
Oxşar xəbərlər
Xankəndi və Xocalıda zərərvericilərə qarşı maarifləndirmə tədbirləri keçirilib
Azərbaycan Respublikası Qida Təhlükəsizliyi Agentliyinin əməkdaşları tərəfindən Xankəndi şəhərində, eləcə də Xocalı rayonunun Şuşakənd, Malıbəyli və Quşçular kəndlərində fitosanitar nəzarət və maarifləndirmə tədbirləri keçirilib. Tədbirlərin əsas məqsədi qəhvəyi mərmər bağacığı və Amerika ağ kəpənəyinin ölkə ərazisində yayılmasının qarşısının alınması, bu zərərvericilərin vaxtında aşkar edilməsi və sakinlərin bu sahədə məlumatlılıq səviyyəsinin artırılmasıdır. Yerli sakinlərə karantin tətbiq edilən zərərvericilərin bioloji xüsusiyyətləri, yayılma yolları, xarakterik əlamətləri, habelə kənd təsərrüfatı bitkilərinə və yaşıllıqlara vura biləcəyi zərərlər barədə ətraflı məlumat verilib. Zərərvericilərin yayılmasının qarşısını almaq üçün xüsusilə payız-qış mövsümündə həyata keçirilməsi tövsiyə olunan mexaniki və profilaktik mübarizə tədbirləri izah olunub. Tədbirlər çərçivəsində zərərvericilərin vaxtında müəyyən edilməsi, onların mümkün yayılma ocaqlarının aşkarlanması və müvafiq mübarizə tədbirlərinin görülməsinin əhəmiyyəti diqqətə çatdırılıb, sakinlərə maarifləndirici çap materialları paylanıb.
Amerika ağ kəpənəyi və Qəhvəyi mərmər bağacığı ilə bağlı maarifləndirmə tədbirləri davam etdirilir
Amerika ağ kəpənəyi və Qəhvəyi mərmər bağacığının ölkə ərazisində yayılmasının qarşısının alınması və zərərvericilərlə mübarizə məqsədilə Azərbaycan Respublikasının Qida Təhlükəsizliyi Agentliyi tərəfindən fitosanitar nəzarət və maarifləndirmə tədbirləri davam etdirilir. Zərərvericilərə qarşı bitki mühafizəsi tədbirləri çərçivəsində Şəki-Zaqatala regional bölməsinin əməkdaşları tərəfindən Oğuz rayonunun Bucaq, Bayan, Qəbələ rayonunun isə Mirzəbəyli kəndlərində sakinlərlə maarifləndirici görüşlər keçirilib. Görüşlər zamanı zərərvericilərin bioloji xüsusiyyətləri, yayılma səbəbləri, bitkilərə vurduğu zərər, xüsusilə Amerika ağ kəpənəyinin tırtıl mərhələsində yaratdığı təhlükə və ona qarşı mübarizə tədbirləri barədə vətəndaşlara məlumat verilib. Eyni zamanda, zərərvericilərin vaxtında aşkarlanmasının və onların yayılmasının qarşısının alınması məqsədilə mütəmadi müşahidə və monitorinqlərin aparılmasının vacibliyi diqqətə çatdırılıb. Tədbirlər çərçivəsində kənd sakinlərinə zərərvericilərlə bağlı maarifləndirici bukletlər təqdim olunub, onların sualları cavablandırılıb və müvafiq fitosanitar tələblərə əməl olunması ilə bağlı tövsiyələr verilib.
Qəhvəyi mərmər bağacığı ilə bağlı maarifləndirmə tədbirləri davam etdirilir
Qəhvəyi mərmər bağacığının ölkə ərazisində yayılmasının qarşısının alınması məqsədilə Qida Təhlükəsizliyi Agentliyi tərəfindən fitosanitar nəzarət və maarifləndirmə tədbirləri davam etdirilir. Zərərvericiyə qarşı bitki mühafizəsi tədbirləri çərçivəsində Quba-Xaçmaz regional bölməsinin əməkdaşları tərəfindən Xaçmaz rayonunun Arzu kəndində kənd sakinləri ilə maarifləndirici görüşlər keçirilib. Görüşlər zamanı qəhvəyi mərmər bağacığının payız aylarında açıq sahələri tərk edərək qışlama məqsədilə evlərə, anbarlara və digər qapalı tikililərə toplanması barədə sakinlərə məlumat verilib. Eyni zamanda, zərərvericinin sayının azaldılmasında effektiv üsullardan biri olan mexaniki mübarizə tədbirləri və onların tətbiqi qaydaları izah edilib, kənd sakinlərinə qəhvəyi mərmər bağacığı haqqında məlumat kitabçaları paylanıb.
