Giriş
AQTA yanında İctimai Şurada təmsil olunmaq üçün müraciət edən şəxslərin namizəd kimi qeydə alınması ilə bağlı məlumat
29 Oktyabr 2020 00:00
Azərbaycan Respublikası Qida Təhlükəsizliyi Agentliyinin (AQTA) yanında yaradılacaq İctimai Şuranın fəaliyyətində iştirak etmək istəyən namizədlərin müraciət müddəti artıq başa çatıb. Təqdim olunan sənədlər İctimai şuranın seçki komissiyası tərəfindən qiymətləndirilmiş və aşağıda qeyd edilən namizədlərin müraciəti qeydə alınmışdır.
Namizədliyi qeydə alınmış 16 şəxsdən 9-u birgə yığıncaqda iştirak edəcək vətəndaş cəmiyyəti institutlarının təmsilçiləri tərəfindən gizli səsvermə yolu ilə seçiləcək. Vətəndaş cəmiyyəti institutlarının təmsilçiləri fəaliyyət göstərəcək İctimai Şuranın üzvlərinin say həddinə uyğun və ya bundan az sayda namizədə səs verə bilərlər.
İctimai şuranın tərkibini müəyyən etmək məqsədilə Azərbaycan Respublikası Nazirlər Kabinetinin 2014-cü il 30 may tarixli 171 nömrəli qərarı ilə təsdiq edilmiş “İctimai Şuranın vətəndaş cəmiyyəti institutları tərəfindən seçilməsinə dair Əsasnamə”nin 3.2-ci maddəsinə əsasən səsvermə prosesində təmsilçilərinin iştirak etməsini istəyən vətəndaş cəmiyyəti institutları səsvermədə iştirak edəcək şəxslər barədə zəruri məlumatları (adı, soyadı, atasının adı, təvəllüdü, yaşayış yeri, əlaqə vasitəsi) cari ilin 20 noyabr tarixinədək seçki komissiyasına (e-mail: shura@afsa.gov.az, əlaqə: (+994 12) 565-12-72 (daxili 137) ) təqdim etməlidirlər.
Qeyd edək ki, birgə yığıncağın forması və vaxtı barədə məlumat dünyada mövcud olan koronavirus (COVID-19) pandemiyası ilə bağlı vəziyyət nəzərə alınmaqla yaxın günlərdə Agentliyin rəsmi saytında elan ediləcəkdir.
Qeyd: Əlavə rəy və təkliflər üçün Agentliyin Qeydiyyat və sahibkarlarla iş şöbəsinə və ya yuxarıda qeyd edilən nömrələrə müraciət edə bilərsiniz.
Namizədliyi qeydə alınmış şəxslər:
Qaraşov Fərhad Arif oğlu - Azərbaycan Nar İstehsalçıları və İxracatçıları Assosiasiyası
Eyvazov Vüqar Eldar oğlu - Azərbaycan Həkimlər Assosasiyası
Abbasov Pərvin Əkbər oğlu - Report İnformasiya Agentliyinin baş redaktorunun müavini
Salmanlı Zaur Salman oğlu - Azərbaycan Balıq İstehsalçıları və Emalçıları Assosiasiyası
Quliyev Bəşir Şain oğlu – “Azərbaycan Meyvə-Tərəvəz İstehsalçıları və İxracatçıları Assosasiyası” İctimai Birliyi
Hüseynov Eyyub Mahmud oğlu - Azad İstehlakçılar İctimai Birliyi (AİİB)
Muxtarov Orxan Fərhad oğlu - Azərbaycan Kulinariya Mütəxəssislərinin Assosasiyası
Səfərov Nazim Faiq oğlu - Azərbaycan Heyvandarlıq Assosiasiyası
Şamilov İlqar Şahvələd oğlu- "Qidalanma və sağlamlıq" İctimai Birliyi
Dostiyari Emin Nadir oğlu- Azərbaycan Qida və İçki Sənayeçiləri Assosasiyası
Babazadə Samir İsmayıl oğlu - DAİR Hotellər və Restoranlar Assosiasiyası
Əsgərova Ceyran Əsgər qızı - Azərbaycan Milli Kulinariya Assosiasiyası
Sultanova Yeganə Teymur qızı - “Azərbaycan Diabet Liqası” İctimai Birliyi
Vəliyev Asim Nazim oğlu - "Gənclərə Qayğı" İctimai Birliyi
Hüseynova Məshəti Əli qızı - “Gənclərin Töhfəsi” İctimai Birliyi
Quliyev Zaur Yunis oğlu - “Hüquq Dünyası” Hüquqi Təbliğat İctimai Birliyi
Oxşar xəbərlər
Ölkədə fəaliyyətə başlayan heyvan bazarlarının sayı 20-yə çatıb
Cəlilabad və Zaqatala rayonlarında yerləşən heyvan bazarlarının biotəhlükəsizlik, həmçinin müasir standartlara uyğun yenidənqurma və abadlaşdırma işlərindən sonra fəaliyyətinə icazə verilib. Belə ki, bazarların giriş-çıxış qapısında dezbaryerlər quraşdırılıb, baytarlıq nəzarəti zamanı xəstəlik əlamətləri aşkar edilən heyvanların digər heyvanlardan təcrid olunaraq saxlanılması məqsədilə xüsusi izolyatorlar tikilib. Bazar əraziləri asfaltlanıb, heyvanların rahat və təhlükəsiz hərəkətini təmin etmək məqsədilə rampalar və çardaqlar quraşdırılıb. Eyni zamanda, baytar həkimlərin nəzarəti həyata keçirməsi üçün xüsusi məntəqə yaradılıb. Aparılan qiymətləndirmə nəticəsində heyvan bazarında bioloji təhlükəsizlik və dövlət baytarlıq nəzarətinin həyata keçirilməsi üçün zəruri şəraitin yaradıldığı müəyyən edilib. Bundan başqa yeni tikilən və yenidən qurulan heyvan bazarlarında identifikasiya sisteminin tətbiqi üçün də şərait təmin olunub. Bu sistem heyvanların təsərrüfatlar arasında, eləcə də təsərrüfatlardan kəsimxanalara qədər izlənilməsinə imkan verir. Qeyd edək ki, ölkə üzrə artıq 20 heyvan bazarı AQTA Kollegiyasının 50 nömrəli Qərarı ilə təsdiq edilmiş “Heyvan bazarlarına dair baytarlıq-sanitariya norma və qaydaları”na uyğun yenidən qurularaq istifadəyə verilib. Hazırda ölkənin bir sıra heyvan bazarlarında yenidənqurma və abadlaşdırma işləri davam etdirilir. Link:
Heyvanların uçotu və qeydiyyatı üzrə tədbirlər davam etdirilir - VİDEO
Heyvanların fərdi uçotunun aparılması və qeydiyyatının təmin edilməsi istiqamətində tədbirlər davam etdirilir. Növbəti tədbir Bərdə rayonunda fəaliyyət göstərən təsərrüfatlardan birində həyata keçirilib. Burada saxlanılan 200 baş heyvana fərdi birkalar vurulub, onların nömrələri üzrə müvafiq məlumatlar qeydiyyata alınıb. Proses baytar həkim tərəfindən həyata keçirilib və təsərrüfatda mövcud heyvanların uçota alınması təmin edilib. Heyvanların fərdi uçotu onların hərəkətinin izlənilməsi, baytarlıq nəzarətinin gücləndirilməsi, eləcə də epizootik sabitliyin qorunması baxımından mühüm əhəmiyyət daşıyır. Qeyd edək ki, təsərrüfatlarda heyvanların uçotunun dəqiqləşdirilməsi və baytarlıq xidmətlərinin səmərəliliyinin artırılması məqsədilə bu istiqamətdə tədbirlər mütəmadi olaraq həyata keçirilir. Daha ətraflı:
AQTA: İctimai iaşə və qida satışı müəssisələrində aşkar edilən nöqsanlar aradan qaldırılır
Azərbaycan Respublikası Qida Təhlükəsizliyi Agentliyinin apardığı plandankənar yoxlamalar zamanı Bakı şəhərində fəaliyyət göstərən bir sıra ictimai iaşə və qida məhsullarının satışı ilə məşğul olan müəssisələrdə aşkar edilən nöqsanların aradan qaldırılması istiqamətində müvafiq sağlamlaşdırma tədbirləri həyata keçirilib. Belə ki, Bakı şəhərinin Xətai, Yasamal və Suraxanı rayonlarında fəaliyyət göstərən 3 müəssisədə keçirilən yoxlamalar zamanı müəyyən edilən nöqsanlar müəssisə sahibləri tərəfindən aradan qaldırılıb. Görülən tədbirlər nəticəsində müəssisələrdə aşkar edilmiş uyğunsuzluqlar aradan qaldırılıb və fəaliyyətin davam etdirilməsinə şərait yaradılıb. Sağlamlaşdırma tədbirləri həyata keçirilən müəssisələr aşağıdakılardır: • Fiziki şəxs Məmmədov Elvin Əli oğluna məxsus Bakı şəhəri, Xətai rayonu, Zakir Yusifov küçəsi, ev 40H ünvanında yerləşən “Təndirxana” ictimai iaşə müəssisəsi; • Fiziki şəxs Qafarov Əşrəf Nüslət oğluna məxsus Bakı şəhəri, Yasamal rayonu, Müzəffər Həsənov küçəsi, 49A ünvanında yerləşən “Minkənd” kafesi; • Fiziki şəxs Quliyev Cavanşir Tair oğluna məxsus Bakı şəhəri, Suraxanı rayonu, Əmircan qəsəbəsi, Qulu Quliyev küçəsi, ev 114, 114 saylı məktəbin yaxınlığında fəaliyyət göstərən “Unlu qənnadı məmulatların emalı və satışı” mağazası.
