AQTİ baytar həkimləri Bakıda və bölgələrdə işə dəvət edir

15 İyul 2022 15:24

Azərbaycan Qida Təhlükəsizliyi İnstitutu (AQTİ) baytar həkimləri Bakı və bölgələrdə işə dəvət edir. Namizədlərdən müvafiq sahə üzrə ali təhsil və ixtisası üzrə iş təcrübəsi tələb olunur.

Namizədlər, həmçinin baytarlıq sahəsində qanunvericiliyi, heyvan mənşəli xammal və məhsulların baytarlıq-sanitariya ekspertizasının aparılması qaydalarını bilməli, müvafiq inzibati ərazi vahidinin iqtisadi potensialı haqqında məlumata sahib olmalıdırlar.

Namizədlər üçün yaş həddi - 45 yaşa qədərdir.

İşə qəbul vaxtı magistratura təhsili olan namizədlərə üstünlük veriləcək. Üstünlüklərdən biri də əmək fəaliyyəti zamanı istehsalatdan ayrılmadan aidiyyəti təlim, təkmilləşmə və yenidənhazırlanma təlimlərinə cəlb olunmaqdır.

İşə qəbul müsahibə əsasında aparılacaq. Namizədlər CV-lərini mövzu yerinə “Baytar həkim” yazaraq hr.aqti@afsa.gov.az e-poçt ünvanına göndərə bilərlər.

Göstərilən tələblərə cavab verən namizədlərin CV-ləri təhlil ediləndən sonra müsahibəyə dəvət olunacaqlar.

Əlaqə nömrəsi: (+994 12) 377-00-20 (daxili: 530).

Oxşar xəbərlər

18 Sentyabr 2026 17:27

Nəzarət tədbirləri - İcmal

AQTA tərəfindən keçirilən plandankənar yoxlamalar zamanı Bakı şəhərində, Bərdə və Masallı rayonlarında fəaliyyət göstərən qida obyektlərində sanitariya-gigiyena tələblərinin pozulması və digər nöqsanlar müəyyən edilib. Aşkarlanmış pozuntularla bağlı obyektlərin fəaliyyətinin məhdudlaşdırılması istiqamətində tədbirlər görülüb.

17 Sentyabr 2026 15:55

İdxal olunan bitki tərkibli spred yağı istehsalçı ölkəyə geri qaytarılıb

Azərbaycan Respublikasının Qida Təhlükəsizliyi Agentliyi (AQTA) tərəfindən həyata keçirilən nəzarət tədbirləri çərçivəsində "Vita Milk" MMC-nin idxal etdiyi bitki tərkibli spred yağı məhsulundan nümunələr götürülərək müayinələrə cəlb edilib.