Giriş
AQTİ-də “Təlimçilər üçün təlim” proqramına start verilib
6 Fevral 2024 16:04
Azərbaycan Qida Təhlükəsizliyi İnstitutunda (AQTİ) “Təlimçilər üçün təlim” proqramı başlayıb.
Proqram çərçivəsində keçirilən təlimlərdə İnstitutun sahibkarlıq subyektlərinin əməkdaşlarına təlim keçən mütəxəssisləri iştirak edirlər.
5 həftə davam edəcək təlimlər AQTİ-nin "Təlimçi Bazası"na üzv olan mütəxəssislərin bilik, bacarıq və peşəkarlıqlarının daha da artırılması, onların sahibkarlıq subyektlərinin əməkdaşlarına yüksək səviyyədə təlim keçməsinin təmin olunması məqsədilə reallaşdırılır.
Təlimlərdə iştirakçılara hədəf auditoriyanın tədris ehtiyaclarını müəyyənləşdirmək, həmin ehtiyacları ödəyəcək təlimi planlaşdırmaq, hazırlamaq, həyata keçirmək, nəzarət etmək, qiymətləndirmək və s. barədə məlumat verilir.
İnteraktiv formada keçirilən təlimlərdə mövzular ətrafında müzakirələr aparılır və iştirakçıların sualları cavablandırılır.
Qeyd edək ki, “Təlimçilər üçün təlim” proqramı bu sahədə müstəqil fəaliyyət göstərən mütəxəssis və ekspertlər tərəfindən keçirilir.
Oxşar xəbərlər
Heyvanların identifikasiyası niyə vacibdir? – Maarifləndirici çap məhsulları hazırlanıb
Azərbaycan Respublikasının Qida Təhlükəsizliyi Agentliyi (AQTA) tərəfindən Heyvanların İdentifikasiyası və Qeydiyyatı Sisteminin (HİQS) əhəmiyyəti ilə bağlı maarifləndirici çap məhsulları hazırlanıb. Materiallarda heyvanların fərdi identifikasiyasının baytarlıq tədbirlərinin daha dəqiq və effektiv həyata keçirilməsinə, xəstəliklərin vaxtında aşkarlanmasına və yayılmasının qarşısının alınmasına imkan verdiyi qeyd olunur. Həmçinin heyvanların identifikasiyasının Avtomatlaşdırılmış Qida Təhlükəsizliyi İnformasiya Sistemi (AQTİS) vasitəsilə həyata keçirildiyi, fermer və sahibkarların bu məqsədlə AQTA-nın regional bölmələrinə və Azərbaycan Qida Təhlükəsizliyi İnstitutuna (AQTİ) müraciət edə biləcəyi barədə məlumat verilir. Çap məhsulları fermerlər və təsərrüfat sahibləri arasında paylanılacaq və onların maarifləndirilməsi məqsədilə istifadə olunacaq.
AQTA sədri Şəmkirdə istixana təsərrüfatlarında olub
Azərbaycan Respublikası Qida Təhlükəsizliyi Agentliyinin (AQTA) sədri Qoşqar Təhməzli Şəmkir rayonunda fəaliyyət göstərən “Shamkir Greenhouse” MMC və “AM Brothers Agro” MMC-nin istixana təsərrüfatlarında olub.
Ölkədə fəaliyyətinə icazə verilən heyvan bazarlarının sayı 22-ə çatdı - VİDEO
Qazax və Gədəbəy rayonlarında yerləşən heyvan bazarlarının biotəhlükəsizlik, həmçinin müasir standartlara uyğun yenidənqurma və abadlaşdırma işlərindən sonra fəaliyyətinə icazə verilib. Belə ki, bazarların giriş-çıxış qapısında dezbaryerlər quraşdırılıb, baytarlıq nəzarəti zamanı xəstəlik əlamətləri aşkar edilən heyvanların digər heyvanlardan təcrid olunaraq saxlanılması məqsədilə xüsusi izolyatorlar tikilib.
