Giriş
AQTİ-nin Milli Referens Laboratoriyasında qida məhsullarında pestisidlərin qalıq miqdarının təyini yüksək peşəkarlıqla analiz olunur
6 Dekabr 2022 10:52
Azərbaycan Qida Təhlükəsizliyi İnstitutunun (AQTİ) Milli Referens Laboratoriyasında beynəlxalq metodlardan istifadə edilərək pestisidlərin qalıq miqdarının təyini sınaqları həyata keçirilir. Mərkəzləşmiş Nümunə Qəbulu Məntəqəsinə təqdim edilən meyvə-tərəvəz məhsullarında müxtəlif qruplara aid pestisidlərin qalıq miqdarı təyin olunması üçün Milli Referens Laboratoriyasına təhvil verilir.
Müayinə beynəlxalq EN 15662,AOAC 2007.01 metodlarına uyğun aparılır. Müayinələrin keyfiyyətinə nəzarəti təmin etmək məqsədilə analitik standartlardan, standart və sertifikatlı referans materiallardan istifadə ilə sınaqların düzgünlüyü və dəqiqliyi təmin olunur. Nümunələr QUECHERS üsulu ilə ikimərhələli hazırlıq prosesindən keçirilir. Birinci mərhələdə nümunələr homogen hala gətirilərək həlledicilər vasitəsilə ekstaksiya olunur. Sonra bərk fazalı ekstaksiya mərhələsindən keçirilir. Hazır nümunələr pestisidlərin təyinatından asılı olaraq, yüksək həssaslığa malik pestisid qalıqlarının ən aşağı miqdarını mikroqram səviyyəsində belə dəqiqliklə təyin etməyə imkan yaradan mass detektorlu LC/MS/MS 8045 ikiqat kütlə spektrofotometrli maye xromatoqrafı və GC/MS QP 2010 qaz xromatoqrafı cihazında müayinə olunur.
Qida məhsullarında pestisidlərin qalıq miqdarının təyini sınaqları Azərbaycanda qüvvədə olan normativ texniki sənədlərlə yanaşı, Avropa Databazası və Kodeks Alimentarius kimi beynəlxalq standartlarda qeyd olunan parametrlərə uyğun aparılır.
Qeyd edək ki, Milli Referens Laboratoriyası pestisidlərin qalıq miqdarının təyini üzrə Böyük Britaniyanın FAPAS şirkəti tərəfindən təşkil olunan beynalxalq səriştəlilik sınağında pomidor matriksində 8 paramertr üzrə yüksək nəticələr əldə edib. Laboratoriya tərəfindən tətbiq edilən pestisidlərin qalıq miqdarının təyini metodu isə Azərbaycan Akkreditasiya Mərkəzi (AzAK) və Almaniya Akkreditasiya Mərkəzi (DAKKS) tərəfindən akkreditə olunaraq beynəlxalq akkreditasiyadan keçib.
Oxşar xəbərlər
Gəncədə yaşayış evində saxta alkoqollu içkilərin istehsal edildiyi aşkarlanıb
Gizli fəaliyyət göstərən saxta alkoqollu spirtli içki istehsalı ilə bağlı daxil olan məlumat əsasında Qida Təhlükəsizliyi Agentliyinin və yerli polis idarəsinin əməkdaşları Gəncə şəhəri, M.Ə.Sabir küçəsində Fituri Əsmər Mehman qızına məxsus yaşayış evində reyd keçirib. Yoxlama zamanı müxtəlif əmtəə nişanlı şüşə butulkaların yuyulub təmizlənərək, saxta üsullarla alkoqollu içkilərin qablaşdırıldığı müəyyən olunub. 13 ədəd 1 l-lik, 9 ədəd 0.7 l-lik, 4 ədəd 0.5 l-lik “Banketnaya Yubiley”, 19 ədəd 1 l-lik, 7 ədəd 0.7 l-lik, 5 ədəd 0.5 l-lik “Organic Line”, 1 ədəd 1 l-lik, 3 ədəd 0.7 l-lik “Banketnaya”, 1 ədəd 1 l-lik, 1 ədəd 0.5 l-lik “Старый Доктор” əmtəə nişanlı satış məqsədilə qablaşdırılmış saxta alkoqollu içki, həmçinin müxtəlif yerli və xarici brend markalı içkilərə məxsus butulka və qapaqlar, içərisində 25 litr su-spirt qarışığı olan plastik çəllək aşkarlanıb. Faktla bağlı qanunvericiliyə uyğun müvafiq tədbirlər görülüb. Məhsullardan nümunələr götürülərək laborator müayinələrə cəlb edilib. Qanunsuz istehsal olunan alkoqollu içkilərin satış yerlərinin müəyyən edilməsi istiqamətində zəruri tədbirlər həyata keçirilməkdədir. Araşdırmalar davam etdirilir.
Saxta süd məhsullarının sosial media səhifəsində satışa çıxarıldığı müəyyən edilib
Sosial media platformasında satışı həyata keçirilən qaymağın keyfiyyətinin aşağı olması ilə bağlı Qida Təhlükəsizliyi Agentliyinə daxil olan müraciət əsasında Abşeron rayonu, Masazır qəsəbəsi, Ə.Vahid küçəsi, “Salty Park” yaşayış kompleksi, giriş 1, ev 295 ünvanında yoxlama keçirilib. Baxış zamanı fiziki şəxs Nəzərova Könül Sabir qızının istehsalçı müəssisələrdən tərkibində quru süd və süd yağı əvəzedicisi olan müxtəlif növ süd məhsullarını (qaymaq, pendir və s.) alıb etiketini çıxararaq, “təbii süd məhsulu” adı altında, müşayiətedici sənədləri olmadan “TikTok” və “İnstagram” sosial media səhifələrində satışını həyata keçirdiyi aşkarlanıb. Eyni zamanda süd məhsullarının temperatur rejimi gözlənilmədən, soyuducu avadanlıqla təmin edilməyən minik avtomobili vasitəsilə müştərilərə çatdırıldığı müəyyən edilib. Faktla bağlı qanunvericiliyə uyğun zəruri tədbirlər görülüb, qanunsuz fəaliyyətin qarşısı alınıb. Qeyd edək ki, saxta məhsulların satışı istehlakçıların hüquqlarının pozulmasıdır. Saxlama şəraitinə riayət olunmadan məhsulların satışı isə mikrobioloji çirklənməyə səbəb ola bilər ki, bu da insan sağlamlığı üçün təhlükəli hesab olunur. Vətəndaşlar qida təhlükəsizliyi sahəsində istehlakçı hüquqlarının pozulması və qanunazidd hallarla rastlaşdıqda, bu barədə konkret faktlarla Agentliyin “1003-Çağrı Mərkəzi”nə məlumat verə bilərlər. Müraciət daxil olduqdan dərhal sonra araşdırmalara başlanılacaq və qanunvericiliyə uyğun müvafiq tədbirlər görüləcəkdir.
Bərdədə heyvan satışı bazarında ciddi nöqsanlar müəyyən edilib
Bərdə rayonu, Alpoud kəndində fəaliyyət göstərən “Ticarət Mərkəzi” MMC-yə məxsus heyvan satışı bazarında Qida Təhlükəsizliyi Agentliyinin əməkdaşları tərəfindən keçirilmiş yoxlama zamanı aşkarlanan nöqsanların icra vəziyyəti ilə bağlı plandankənar yoxlama aparılıb. Baxış zamanı bazarda satışa çıxarılan müxtəlif çeşiddə ət məhsullarının və unlu qənnadı məmulatlarının temperatur rejiminə əməl edilmədən və birbaşa günəş şüaları altında saxlandığı, əl yuma çanaqlarının mövcud olmadığı, qida məhsulları ilə təmasda olan səthlərin korroziyaya uğradığı və natəmiz olduğu, qida məhsulları üçün ayrıca yuma sahəsinin təşkil edilmədiyi, işçi heyətin gigiyena qaydalarına riayət etmədiyi və xüsusi geyimlə təmin olunmadığı, müvafiq təmizlik işlərinin görülmədiyi aşkarlanıb. Faktla bağlı sahibkar barəsində inzibati protokol tərtib olunub, qeyd edilən məhsullar satışdan kənarlaşdırılıb və icrası məcburi göstərişlər verilib.
