AQTİ-nin nümayəndəsi AEBA-nın sessiyasında iştirak edib
2 Oktyabr 2024 17:15
Azərbaycan Qida Təhlükəsizliyi İnstitutunun (AQTİ) Analitik Ekspertiza Mərkəzinin müdiri Tünzalə Qocayeva Avstriyanın Vyana şəhərində Atom Enerjisi üzrə Beynəlxalq Agentliyin (AEBA) Baş konfransının 68-ci sessiyasında iştirak edib.
T. Qocayeva sessiya çərçivəsində “Atoms4Food - Daha yaxşı həyat üçün daha yaxşı kənd təsərrüfatı” mövzusunda təşkil olunan elmi foruma qatılıb. Forumda nüvə texnologiyalarının və atom enerjisinin heyvan xəstəlikləri və zərərvericilərlə mübarizədə tətbiqi üsulları ilə bağlı təşkil olunan müzakirələrdə iştirak edib. Mərkəz müdiri AEBA-nın laboratoriyalarına təşkil olunan səfərlərə də qatılıb. Səfərlər zamanı AQTİ-nin AEBA-nın dəstəklədiyi yerli və regional layihələrdə iştirakına dair müzkirələr aparılıb. AQTİ-nin nümayəndəsi tədbir çərçivəsində Azərbaycan və AEBA-nın birgə təşkilatçılığı ilə keçirilən “COP29-İqlim dəyişikliyində nüvə texnologiyalarının rolunun yaradılması” adlı tədbirdə də iştirak edib.
Qeyd edək ki, AEBA-nın Baş konfransının 68-ci sessiyasına quruma üzv dövlətlərin və beynəlxalq təşkilatların nümayəndələri qatılıb.
Oxşar xəbərlər
AQTA sədri Qoşqar Təhməzli Qarabağ Universitetində olub
Azərbaycan Respublikası Qida Təhlükəsizliyi Agentliyinin (AQTA) sədri Qoşqar Təhməzli Xankəndi şəhərində yerləşən Qarabağ Universitetində olub. Universitetin rektoru Şahin Bayramov AQTA sədrinə ali təhsil müəssisəsinin fəaliyyəti barədə ətraflı məlumat verib. Prezident İlham Əliyevin birbaşa diqqət və qayğısı nəticəsində qısa müddət ərzində Universitetdə müasir tədris infrastrukturunun yaradıldığını bildirib. Eyni zamanda söhbət zamanı birgə əməkdaşlıq məsələləri müzakirə edilib. AQTA-nın tabeliyindəki Azərbaycan Qida Təhlükəsizliyi İnstitutu ilə Qarabağ Universiteti arasında birgə işlərin həyata keçirilməsi imkanları nəzərdən keçirilib.
AQTİ laboratoriyası İngiltərədə keçirilən beynəlxalq səriştəlilik sınağında uğurlu nəticə əldə edib
Qida təhlükəsizliyi sahəsində laboratoriya sisteminin inkişafı ilə bağlı Azərbaycan Qida Təhlükəsizliyi İnstitutunun (AQTİ) Analitik Ekspertiza Mərkəzinin nəzdində fəaliyyət göstərən laboratoriyaların maddi-texniki bazasının gücləndirilməsi və modernləşdirilməsi istiqamətində mütəmadi olaraq tədbirlər həyata keçirilir. Həmçinin laboratoriyalarda qabaqcıl texnologiyaların tətbiqi, səriştəliliyin artırılması üçün kadrların təlimlərdə və beynəlxalq laboratoriyalararası səriştəlilik sınaqlarında iştirakı təmin edilir.
İdxal olunan bioloji aktiv qida məhsulunda uyğunsuzluq aşkarlanıb
Nəzarət tədbirləri çərçivəsində "Novator Farma" MMC-nin İtaliyadan idxal etdiyi "Gricar Chemical S.r.l" müəssisəsinin istehsalı olan, ümumi sayı 15034 ədəd “Zeolimed, Kapsul №60” əmtəə nişanlı bioloji aktiv qida məhsulu partiyasından (06.05.2024-06.05.2027-ci il istehsal və son istifadə tarixli, P119 partiya nömrəli) Qida Təhlükəsizliyi Agentliyinin müfəttişləri tərəfindən götürülmüş nümunələrin Qida Təhlükəsizliyi İnstitutunun müvafiq laboratoriyasında müayinəsi nəticəsində qurğuşunun miqdarının normadan artıq olduğu müəyyən edilib.