Giriş
Fəaliyyəti məhdudlaşdırılan müəssisələrdə sağlamlaşdırma işləri davam edir
9 Sentyabr 2025 11:17
Qida Təhlükəsizliyi Agentliyinin Abşeron-Xızı regional bölməsinin əməkdaşları tərəfindən cari ilin 8 ayı ərzində keçirilən yoxlamalar zamanı 78 ictimai iaşə müəssisəsində texniki normativ hüquqi aktların tələblərinin pozulduğu aşkarlanıb. Bunlardan insan həyatı və sağlamlığı üçün təhlükə yaradan 10 müəssisənin fəaliyyəti nöqsanlar aradan qaldırılanadək məhdudlaşdırılıb. Həmin müəssisələrdən 8-i tam sağlamlaşdırılaraq, yəni qida obyektinin qida təhlükəsizliyi tələblərinə uyğunluğu tam təmin edilərək fəaliyyəti bərpa olunub, 2-də isə müvafiq tədbirlər görülməkdədir.
Sözügedən müəssisələr aşağıdakılardır:
|
№ |
Sahibkarlıq subyekti |
Obyekt |
Fəaliyyət ünvanı |
Sağlamlaşdırma işləri |
|
1 |
Nəcəfova Almaz Nəriman qızı |
"Balaca" çay evi |
Abşeron rayonu, Xırdalan şəhəri, M.Hüseynzadə küçəsi, 28-ci məhəllə |
Tam sağlamlaşdırılaraq fəaliyyəti bərpa olunub |
|
2 |
Məmmədov Məmməd Tofiq oğlu |
"Məhəllə" kafesi |
Abşeron rayonu, Xırdalan şəhəri, S.Bəhlulzadə küçəsi |
Tam sağlamlaşdırılaraq fəaliyyəti bərpa olunub |
|
3 |
Hüseynov Fəxrəddin İsa oğlu |
kafe |
Abşeron rayonu, Novxanı kəndi |
Tam sağlamlaşdırılaraq fəaliyyəti bərpa olunub |
|
4 |
Məmişov Qoşqar Sabit oğlu |
“Dağlılar Balıq Evi” restoranı |
Abşeron rayonu, Novxanı qəsəbəsi |
Sağlamlaşdırılma işləri davam edir |
|
5 |
Həsənov Əhməd Mirəli oğlu |
"Qardaşlar" kafesi |
Abşeron rayonu, Aşağı Güzdək qəsəbəsi |
Tam sağlamlaşdırılaraq fəaliyyəti bərpa olunub |
|
6 |
Hacıyev Ceyhun Telman oğlu |
“Diana” ailəvi istirahət mərkəzi |
Sumqayıt şəhəri, Novxanı-Sumqayıt yolu |
Tam sağlamlaşdırılaraq fəaliyyəti bərpa olunub |
|
7 |
Bəxtiyarov Ayaz Mövlud oğlu |
"İstanbul" kafesi |
Sumqayıt şəhəri, M.Lermantov küçəsi 33 |
Sağlamlaşdırılma işləri davam edir |
|
8 |
Rəhimov Səxavət İmran oğlu |
"Dostluq" kafesi |
Sumqayıt şəhəri, 5-ci mkr, N.Nərimanov küçəsi 36 |
Tam sağlamlaşdırılaraq fəaliyyəti bərpa olunub |
|
9 |
Kərimli İbrahim Əlisa oğlu |
“Xan” dönər evi |
Sumqayıt şəhəri, 6-cı mkr, Yeni Corat qəsəbəsi |
Tam sağlamlaşdırılaraq fəaliyyəti bərpa olunub |
|
10 |
Abdurrahmanov Vüsal Şamil oğlu |
"Hokkan" pub-kafe |
Sumqayıt şəhəri, S.Vurğun küçəsi 43E |
Tam sağlamlaşdırılaraq fəaliyyəti bərpa olunub |
Oxşar xəbərlər
Beyləqanda süd qəbulu məntəqəsində yoxlama keçirilib
Qida Təhlükəsizliyi Agentliyinin əməkdaşları Beyləqan rayonu, Dünyamalılar kəndində fəaliyyət göstərən, Təhməzov Qaryağdı Əsəd oğluna məxsus süd qəbulu məntəqəsində yoxlama keçirib. Yoxlama zamanı bir sıra nöqsanlar aşkarlanıb. Məntəqəyə və ya məntəqədən daşınan hər bir süd partiyasının müvafiq müşayiətedici baytarlıq sənədləri ilə təmin olunmadığı, qida məhsulunun komponenti kimi istifadə olunan suyun filtrdən keçirilmədiyi, temperaturun monitorinqi və qeydiyyatının aparılmadığı məlum olub. Həmçinin döşəmə, divar səthlərinin təmirsiz olduğu və asan təmizlənən materialla üzlənmədiyi, havalandırma sisteminin quraşdırılmadığı, işçi heyətin xüsusi geyim və fərdi mühafizə vasitələri ilə təmin edilməyib, müvafiq təmizlik işlərinin görülmədiyi və digər nöqsanlar müəyyən edilib. Müəssisə rəhbəri inzibati məsuliyyətə cəlb olunaraq süd qəbulu məntəqəsinin fəaliyyəti nöqsanlar aradan qaldırılanadək məhdudlaşdırılıb.
Ölkədə at xəstəlikləri üzrə epizootoloji monitorinqlər keçiriləcək
Respublika ərazisində (Naxçıvan Muxtar Respublikası daxil) mövcud olan atlar və digər təkdırnaqlı heyvanların xəstəlikləri üzrə epizootoloji vəziyyəti qiymətləndirmək üçün 2026-cı il 20-30 aprel tarixlərində monitorinqlər keçiriləcək. Monitorinqlər çərçivəsində sözügedən heyvanların həssas olduqları xüsusi təhlükəli xəstəliklər üzrə klinik müşahidələr aparılacaq, laborator müayinələr üçün diaqnostik nümunələr götürüləcək. Həmçinin təsərrüfatlara ümumi baxış keçiriləcək, baytarlıq norma və qaydalarına riayət olunması məqsədilə maarifləndirmə-təbliğat tədbirləri görüləcək, epizootoloji məlumatlar toplanaraq təhlil ediləcək. Monitorinqlərdə Qida Təhlükəsizliyi Agentliyinin, Kənd Təsərrüfatı Nazirliyi yanında Aqrar Xidmətlər Agentliyinin rayon (şəhər) Heyvan Sağlamlığı və Baytarlıq Xidmətləri idarələrinin mütəxəssisləri iştirak edəcəklər.
Füzulidə “Mandarin” marketdə yoxlama zamanı nöqsanlar aşkar edilib
Qida Təhlükəsizliyi Agentliyinin Qarabağ regional bölməsinin əməkdaşları tərəfindən Füzuli rayonu, Horadiz şəhəri, 20 yanvar küçəsində fəaliyyət göstərən Kərimli Oqtay Seymur oğluna məxsus “Mandarin” marketdə yoxlama keçirilib. Yoxlama zamanı marketdə satış sahəsinin divar və tavan səthlərinin təmirli olmadığı, işçilərin soyunub-geyinməsi üçün otağın təşkil edilmədiyi, əllərin yuyulması üçün əl yuma çanağının təşkil edilmədiyi, təmizlik vasitələrinin saxlanması üçün ayrıca sahənin təşkil edilmədiyi, mexaniki və avtonom havalandırma sisteminin quraşdırılmadığı və digər nöqsanlar aşkarlanıb. Nöqsanlarla bağlı sahibkar barəsində inzibati protokol tərtib edilib və icrası məcburi göstərişlər verilib.
