Fəaliyyəti məhdudlaşdırılan müəssisələrdə sağlamlaşdırma işləri davam edir

10 Sentyabr 2025 11:10

Qida Təhlükəsizliyi Agentliyinin Şəki-Zaqatala regional bölməsinin əməkdaşları tərəfindən cari ilin 8 ayı ərzində keçirilən yoxlamalar zamanı 96 ictimai iaşə müəssisəsində texniki normativ hüquqi aktların tələblərinin pozulduğu aşkarlanıb. Bunlardan insan həyatı və sağlamlığı üçün təhlükə yaradan 16 müəssisənin fəaliyyəti nöqsanlar aradan qaldırılanadək məhdudlaşdırılıb. Həmin müəssisələrdən 2-si tam sağlamlaşdırılaraq, yəni qida obyektinin qida təhlükəsizliyi tələblərinə uyğunluğu tam təmin edilərək fəaliyyəti bərpa olunub, 14-də isə müvafiq tədbirlər görülməkdədir.

Sözügedən müəssisələr aşağıdakılardır:

№	Sahibkarlıq subyekti	Obyekt	Fəaliyyət ünvanı	Sağlamlaşdırma işləri
1	Məsimov Cəlil Feyruz oğlu	"Sərin" kafesi	Qəbələ rayonu, Nohurqışlaq kəndi	Sağlamlaşdırılma işləri davam edir
2	Məhərrəmov Rafiq Əlimurad oğlu	"Nihat" kafesi	Qəbələ rayonu, Tikanlı kəndi	Sağlamlaşdırılma işləri davam edir
3	Məmmədov Namiq Murtuz oğlu	"Qədim Laza" kafesi	Qəbələ rayonu, Laza kəndi	Sağlamlaşdırılma işləri davam edir
4	Əliyev Rahim Dadaş oğlu	"Qəbələmiz" kafesi	Qəbələ şəhəri, 28 May küçəsi	Sağlamlaşdırılma işləri davam edir
5	Mustafayev Ramin Muxtad oğlu	"Sülhan" kafesi	Qəbələ şəhəri, H.Əliyev prospekti, Laza körpüsünün yaxınlığı	Sağlamlaşdırılma işləri davam edir
6	Xəlilov Ruslan Mahir oğlu	"Kübar" kafesi	Qəbələ şəhəri, H.Əliyev prospekti	Sağlamlaşdırılma işləri davam edir
7	Ukalayeva Rəisət Şəmsəddin qızı	"Xalanın" kafesi	Balakən şəhəri, H.Əliyev prospekti	Sağlamlaşdırılma işləri davam edir
8	Səfərəliyev Seymur Kərəm oğlu	"Seymur" kafesi	Şəki rayonu, Baş Kəldək kəndi	Sağlamlaşdırılma işləri davam edir
9	Bəkirov Orxan Söhrab oğlu	"Əsgər" kafesi	Şəki rayonu, Cəfərabad kəndi	Sağlamlaşdırılma işləri davam edir
10	Güliyev Rza Cahangir oğlu	kafe	Şəki rayonu, Baş Şabalıd kəndi	Sağlamlaşdırılma işləri davam edir
11	Süleymanov Gündüz Abduləli oğlu	kafe	Şəki şəhəri, M.Ə.Rəsulzadə prospekti	Sağlamlaşdırılma işləri davam edir
12	Xəlilov Ceyhun Məhəmməd oğlu	"Xan Bulağı" kafesi	Qax rayonu, Laza kəndi	Sağlamlaşdırılma işləri davam edir
13	İbrahimov Fəryad Fərhad oğlu	"Fəryad" kafesi	Zaqatala şəhəri, Ç.Atalov küçəsi 1A	Sağlamlaşdırılma işləri davam edir
14	Balacayev Eldar Yəhya oğlu	"Elte" kafesi	Zaqatala rayonu, Əliabad qəsəbəsi	Sağlamlaşdırılma işləri davam edir
15	Zurabov Azad Feyzullah oğlu	"Ayxan" kafesi	Zaqatala şəhəri, M.Məmmədov küçəsi	Tam sağlamlaşdırılaraq fəaliyyəti bərpa olunub
16	Məmmədov Fərhad Məhəmməd oğlu	"Vağzal" kafesi	Zaqatala şəhəri, V.İsmayılov küçəsi 40A	Tam sağlamlaşdırılaraq fəaliyyəti bərpa olunub

Oxşar xəbərlər

11 Mart 2026 17:29

AQTİ-də “Qida subyektlərinə dair gigiyena tələbləri” mövzusunda təlim keçirilib

AQTİ mütəxəssisləri tərəfindən növbəti təlim “Qida subyektlərinə dair gigiyena tələbləri” mövzusunda təşkil olunub. Təlim iştirakçılarına “Qida təhlükəsizliyi haqqında” Azərbaycan Respublikasının Qanunu və bu qanundan irəli gələn tələblər haqqında ətraflı məlumat verilib. Qida subyektlərinin nümayəndələri müəssisələrdə qida məhsullarının qəbulu, emalı, saxlanması, daşınması zamanı gigiyena qaydalarının tətbiqi, eləcə də təhlükəli amillər, çirklənmə növləri və digər məsələlər barədə məlumatlandırılıb. İnteraktiv formada təşkil edilən təlimin sonunda bəhs olunan mövzu ətrafında müzakirələr aparılıb və iştirakçıların mövzu ilə bağlı bilik səviyyəsi qiymətləndirilib. Qiymətləndirmənin nəticəsinə uyğun olaraq iştirakçılara sertifikatlar təqdim ediləcək.

11 Mart 2026 14:52

“Gəncə Təndiri"ndə keçirilən yoxlama zamanı nöqsanlar aşkarlanıb

Qida Təhlükəsizliyi Agentliyinin əməkdaşları tərəfindən həyata keçirilən nəzarət tədbirləri çərçivəsində Ağsu şəhəri, S.Vurğun küçəsində fəaliyyət göstərən “Gəncə Təndiri” ictimai iaşə obyektində yoxlama aparılıb. Yoxlama zamanı ictimai iaşə obyektində sanitar-gigiyenik tələblərin pozulduğu müəyyən edilib. Belə ki, obyektin ümumi sanitar vəziyyətinin qənaətbəxş olmadığı, müvafiq təmizlik işlərinin aparılmadığı, havalandırma sisteminin quraşdırılmadığı, həmçinin döşəmə və divar səthlərinin asan təmizlənən, dezinfeksiyaya davamlı materialla üzlənmədiyi, qida ilə təmasda olan səthlərin təmirsiz vəziyyətdə olduğu və digər nöqsanlar müəyyən edilib. Nöqsanlar aradan qaldırılanadək ictimai iaşə obyektinin fəaliyyəti müvəqqəti məhdudlaşdırılıb, rəhbəri barəsində inzibati tədbir görülüb.

10 Mart 2026 17:11

Azərbaycan Dabaq Xəstəliklərinə Nəzarət üzrə Avropa Komissiyasına üzv seçilib

Azərbaycan Dabaq Xəstəliklərinə Nəzarət üzrə Avropa Komissiyasına (EuFMD) üzv seçilib. Üzvlük çərçivəsində ölkəmiz dabaq xəstəliyinə və oxşar transsərhəd heyvan xəstəliklərə qarşı hazırlığın və nəzarətin gücləndirilməsində Komissiya ilə sıx əməkdaşlıq edəcək. Azərbaycan EuFMD proqramı vasitəsilə təklif olunan geniş texniki dəstək və imkanlardan faydalanacaq. Azərbaycan Respublikası Qida Təhlükəsizliyi Agentliyinin mütəxəssisləri iki il ərzində təlim proqramlarında iştirak edəcəklər. Qeyd edək ki, üzv ölkələr dabaq və oxşar transsərhəd heyvan xəstəliklərinə nəzarət ilə bağlı bütün məsələlər üzrə texniki məsləhətlər ala biləcək, fövqəladə hallar zamanı yardım, o cümlədən böhranların koordinasiyası və cavab tədbirlərində dəstək göstəriləcək.