Giriş
Ölkəmizə məhsulları idxal olunan 1221 xarici qida obyekti reyestrə daxil edilib
6 Sentyabr 2024 15:47
Azərbaycan Respublikasının Qida Təhlükəsizliyi Agentliyi (AQTA) xarici ölkələrdə fəaliyyət göstərən yüksək risk qrupuna aid qida və yem məhsulları istehsal olunan müəssisələrin reyestrə daxil edilməsi prosesini davam etdirir.
Proses çərçivəsində 2023-cü ilin 1 yanvar tarixindən indiyədək 33 ölkə üzrə 1221 müəssisə reyestrə daxil edilib. Bunlardan 368-i süd və süd məhsulları, 357-si balıq məhsulları, 171-i ət və ət məhsulları, 161-i yem və yem məhsulları, 100-ü quş əti, 64-ü digər heyvan mənşəli məhsullar istehsal edən müəssisələrdir. Bu obyektlərdən süd və süd məhsulları üzrə 192, ət və ət məhsulları üzrə 86, balıq məhsulları üzrə 82, quş əti üzrə 49, yem və yem əlavələri üzrə 39 olmaqla, 448-i təsdiq edilib. Balıq məhsulları üzrə 275, süd və süd məhsulları üzrə 176, yem və yem əlavələri üzrə 122, ət və ət məhsulları üzrə 85, quş əti üzrə 51, heyvan mənşəli digər məhsullar üzrə 64 olmaqla, 773 müəssisənin ekvivalentliyi tanınıb.
Qeyd edək ki, “Qida təhlükəsizliyi haqqında” Azərbaycan Respublikası Qanununa əsasən, ölkə ərazisinə yüksək risk qrupuna aid qida və yem məhsullarının idxalı üçün həmin məhsulların istehsal olunduğu xarici obyektlər AQTA tərəfindən müvafiq reyestrə daxil edilməlidir. Bununla bağlı həmin qida subyektləri və ya onların səlahiyyətli nümayəndələri Agentliyə müraciət etməlidirlər. Müraciət əsasında həmin obyektlərin (fiziki və ya onlayn formatda yoxlama əsasında) qida təhlükəsizliyi sahəsində texniki normativ hüquqi aktların tələblərinə uyğunluğu qiymətləndirilir. Qiymətləndirmənin nəticəsinə uyğun olaraq, obyekt təsdiq edilir və ya təsdiqdən imtina olunur.
AQTA tərəfindən reyestrə daxil edilən yüksək risk qrupuna aid qida və yem məhsullarının istehsal olunduğu xarici qida obyektlərinin sayı və yerləşdiyi ölkələrlə aşağıdakı cədvəl vasitəsilə tanış ola bilərsiniz:
|
Ölkələr |
Ət və ət məhsulları |
Quş əti |
Süd və süd məhsulları |
Yem və yem əlavələri |
Balıq məhsulları |
Heyvan mənşəli digər məhsullar |
Cəmi |
|
Almaniya |
2 |
2 |
3 |
1 |
|
8 |
|
|
Argentina |
1 |
|
1 |
||||
|
Belarus |
7 |
8 |
49 |
1 |
4 |
1 |
70 |
|
Belçika |
1 |
|
1 |
||||
|
Bolqarıstan |
1 |
1 |
1 |
|
3 |
||
|
Braziliya |
5 |
1 |
|
6 |
|||
|
C.Koreya |
1 |
|
1 |
||||
|
Çexiya |
1 |
|
1 |
||||
|
Çin |
1 |
1 |
15 |
|
17 |
||
|
Danimarka |
2 |
|
2 |
||||
|
Fransa |
5 |
1 |
|
6 |
|||
|
Gürcüstan |
1 |
2 |
2 |
3 |
|
8 |
|
|
Hindistan |
7 |
4 |
|
11 |
|||
|
İordaniya |
1 |
|
1 |
||||
|
İran |
4 |
1 |
30 |
1 |
7 |
|
43 |
|
İslandiya |
2 |
|
2 |
||||
|
İsrail |
1 |
|
1 |
||||
|
İtaliya |
2 |
|
2 |
||||
|
Latviya |
1 |
|
1 |
||||
|
Litva |
1 |
1 |
7 |
|
9 |
||
|
Macarıstan |
1 |
|
1 |
||||
|
Moldova |
1 |
|
1 |
||||
|
Monqolustan |
5 |
|
5 |
||||
|
Özbəkistan |
1 |
|
1 |
||||
|
Polşa |
1 |
4 |
2 |
3 |
|
10 |
|
|
Qazaxıstan |
1 |
4 |
|
5 |
|||
|
Rusiya |
93 |
68 |
162 |
124 |
247 |
63 |
757 |
|
Tailand |
1 |
2 |
|
3 |
|||
|
Türkiyə |
29 |
6 |
75 |
19 |
60 |
|
189 |
|
Türkmənistan |
1 |
|
1 |
||||
|
Ukrayna |
15 |
7 |
18 |
2 |
3 |
|
45 |
|
Vyetnam |
4 |
|
4 |
||||
|
Yeni Zellandiya |
5 |
|
5 |
||||
|
Cəmi |
171 |
100 |
368 |
161 |
357 |
64 |
1221 |
Qeyd edək ki, hazırda bu istiqamətdə tədbirlər davam etdirilməkdədir. Xarici ölkələrdə fəaliyyət göstərən ölkəmizə yüksək risk qrupuna aid qida və yem məhsulları idxal edən subyektlər və ya onların nümayəndələri bununla bağlı qeydiyyata alınaraq reyestrə daxil olmaq üçün AQTA-ya müraciət edə bilərlər.
Oxşar xəbərlər
AQTA sədri Ağcabədidə vətəndaşları qəbul edəcək
Mərkəzi icra hakimiyyəti orqanları rəhbərlərinin 2025-ci ilin yanvar ayı üzrə regionlarda vətəndaş qəbulu qrafikinə uyğun olaraq, Azərbaycan Respublikası Qida Təhlükəsizliyi Agentliyinin (AQTA) sədri Qoşqar Təhməzli yanvarın 17-si saat 10:00-da Yeni Azərbaycan Partiyası Ağcabədi rayon təşkilatının inzibati binasında Ağcabədi, Ağdam, Bərdə, Tərtər, Laçın rayonlarından olan vətəndaşları qəbul edəcək. Vətəndaşlar Agentliyin səlahiyyət dairəsinə aid məsələlərlə (qida məhsullarının təhlükəsizliyi, baytarlıq və fitosanitar nəzarətinə dair normativ tənzimləmə, qida təhlükəsizliyi sahəsində fəaliyyət göstərən subyektlərin qeydiyyatı, qida təhlükəsizliyi, fitosanitar və baytarlıq sertifikatlarının verilməsi və s.) bağlı adını, soyadını, atasının adını, müraciətinin məzmununu, yaşadığı ünvanı və telefon nömrəsini göstərməklə, info@afsa.gov.az elektron ünvanına rəsmi şəkildə müraciət edərək və ya “1003-Çağrı Mərkəzi” ilə əlaqə saxlayaraq yanvarın 16-dək qəbula yazıla bilərlər. Eyni zamanda AQTA-nın region üzrə yerli bölmələrində işlə təmin olunmaq istəyən, qida məhsulları mühəndisliyi, istehlak mallarının ekspertizası və marketinqi, metrologiya, standartlaşdırma və sertifikasiya mühəndisliyi, tibbi profilaktika, aqronomluq, bitki mühafizəsi, kimya, biologiya, torpaqşünaslıq və aqrokimya, baytarlıq ixtisasına yiyələnmiş vətəndaşlar müraciət edə bilərlər.
Qoşqar Təhməzli heyvandarlıq məhsullarının istehsalı, emalı, həmçinin heyvan və quş kəsimi sahəsində fəaliyyət göstərən sahibkarları qəbul edəcək
Azərbaycan Respublikası Qida Təhlükəsizliyi Agentliyinin sədri Qoşqar Təhməzli hər həftə Agentliyin inzibati binasında vətəndaşları qəbul edir. Qida zəncirinin bütün mərhələlərində fəaliyyət göstərən sahibkarlar, o cümlədən qida məhsullarının istehsalı, emalı, idxal-ixracı sahəsində çalışan şəxslər onları narahat edən məsələlərlə bağlı Agentlik sədri ilə görüşə bilərlər. Bu çərçivədə növbəti qəbul yanvarın 9-u saat 15:30-da heyvandarlıq məhsullarının istehsalı, emalı, həmçinin heyvan və quş kəsimi sahəsində fəaliyyət göstərən sahibkarlarla keçiriləcək. Görüşdə iştirak etmək istəyən şəxslər ad, soyad, fəaliyyət sahəsi, müraciətin məzmunu və telefon nömrələrini göstərərək info@afsa.gov.az elektron poçtu vasitəsilə müraciət etməklə və ya (+994 50) 515 51 87 nömrəsinə zəng etməklə, həmçinin vatsap üzərindən əlaqə saxlamaqla qəbula yazıla bilərlər.
AQTİ sahibkarlıq subyektlərinin əməkdaşları üçün təlimləri davam etdirir
Azərbaycan Qida Təhlükəsizliyi İnstitutu (AQTİ) ölkəmizdə qida təhlükəsizliyi sahəsində fəaliyyət göstərən sahibkarlıq subyektlərinin işinin mövcud qanunvericiliyin və beynəlxalq standartların tələblərinə uyğun təşkili məqsədilə mütəmadi olaraq təlimlər keçirir. AQTİ-nin Təlim Mərkəzi tərəfindən növbəti təlim sahibkarlıq subyektlərinin əməkdaşları üçün “Qida sahəsində gigiyena tələbləri” mövzusunda təşkil edilib. “Qida təhlükəsizliyi haqqında” Azərbaycan Respublikasının Qanununa uyğun olaraq keçirilən təlim iştirakçılara müəssisələrin fəaliyyətinin qanunvericiliyin və sanitariya-gigiyena qaydalarının tələbləri çərçivəsində təşkil edilməsi üçün zəruri məlumatlar vermək məqsədilə keçirilib. Təlimdə sahibkarlıq subyektlərinin əməkdaşları “Qida təhlükəsizliyi haqqında” Qanun və bu Qanundan irəli gələn tələblər haqqında ətraflı məlumatlandırılıb. İştirakçılara müəssisələrdə qida məhsullarının qəbulu, emalı, saxlanması, daşınması zamanı gigiyena qaydalarının tətbiqi, eləcə də təhlükəli amillər, çirklənmə növləri və digər məsələlər barədə məlumat verilib. İnteraktiv formada təşkil edilən təlimin sonunda müzakirələr aparılıb və iştirakçıların mövzu ilə bağlı bilik səviyyəsi qiymətləndirilib. Təlimdən sonra iştirakçılar nümunəvi ictimai-iaşə müəssisəsinin fəaliyyəti, o cümlədən orada gigiyena qaydalarına əməl edilməsi vəziyyəti ilə tanış olublar. Qeyd edək ki, qanunvericiliyə əsasən, qida subyektlərinin qida məhsulları ilə bilavasitə təmasda olan əməkdaşları gigiyenik təlimlərə cəlb olunmalıdırlar. Bu tələbə əməl edilməməsi Azərbaycan Respublikasının Qida Təhlükəsizliyi Agentliyi tərəfindən keçirilən monitorinq və yoxlamalar zamanı uyğunsuzluq kimi qiymətləndirilir. Xatırladaq ki, AQTİ-nin Təlim Mərkəzi tərəfindən “Qida sahəsində gigiyena tələbləri” və digər mövzularda keçirilən təlimlərdə iştirak etmək istəyən sahibkarlıq subyektləri "1003-Çağrı Mərkəzi"nə zəng edə bilərlər.
