Qanunsuz fəaliyyət göstərən heyvan kəsimi məntəqələrində reydlər davam edir

5 Mart 2022 16:15

Azərbaycan Respublikasının Qida Təhlükəsizliyi Agentliyi (AQTA) ölkədə heyvan kəsiminin müasir tələblərə uyğunlaşdırılması, müasir kəsim məntəqələrinin təşkil olunması və qanunsuz heyvan kəsimi fəaliyyətinin qarşısının alınması istiqamətində nəzarət tədbirlərini davam etdirir.  

Nəzarət tədbirləri çərçivəsində Agentlik müfəttişləri tərəfindən Binəqədi Rayon İcra Hakimiyyətinin və Rayon Polis İdarəsinin əməkdaşları ilə birgə keçirilən reyd zamanı Bakı şəhəri, Binəqədi rayonu ərazisində Rəsulzadə qəsəbəsi, A. Hüseynov küçəsində fiziki şəxslər Nağıyev Sabit Malik oğluna, Məmmədov Ramin Nazim oğluna, Xutor yaşayış massivi, E. Babayev küçəsində fiziki şəxslər Səmədov Əli Rəhbər oğluna, Bədəlov Ağamoğlan Sucu oğluna, M. Ə. Rəsulzadə qəsəbəsi, ev 22 ünvanında Maqsudov Müşviq İntiqam oğluna, Mir Cəlal küçəsində fiziki şəxslər Talıbov Elçin Ağalı oğluna, Abdurrəhmanov Zaur Şahid oğluna, Salmanov Naim Rafiq oğluna, Mənsimov Sərxan Məhər oğluna, İ. Cümşüdov küçəsində fiziki şəxslər Quliyev Elbəy Məhəmməd oğluna, Qaraşov Hikmət Telman oğluna, S. Məmmədova küçəsində fiziki şəxslər Kərimov Akif Kamal oğluna, Alıyev Nazim Şahpələng oğluna, A. Məmmədov küçəsində fiziki şəxslər Əmirov Anar Səfər oğluna, Şirinov Rəfail Ələkbər oğluna, H. Babaşov küçəsi 6 ünvanında Qımrıyev Vidadi Şamil oğluna, M. Kazımovski küçəsi 130 ünvanında Bağırov Eşqin Hüseyn oğluna məxsus məntəqələrdə qanunsuz heyvan kəsiminin və ət satışının həyata keçirildiyi aşkar edilib. Aşkar olunmuş faktlarla bağlı məntəqə sahiblərinə ciddi xəbərdarlıq edilib, yol kənarlarında qanunsuz olaraq quraşdırılmış, qida təhlükəsizliyi tələblərinə uyğun olmayan bir sıra kəsim qurğuları yerli icra orqanlarının əməkdaşları tərəfindən sökülüb.

Agentlik bir daha qanunsuz heyvan kəsimi fəaliyyəti ilə məşğul olan şəxsləri qanunvericiliyin tələblərinə əməl etməyə və qanunazidd fəaliyyətdən yayınmağa çağırır.

Oxşar xəbərlər

21 May 2025 11:39

Xırdalanda ictimai iaşə obyektində normativ tələblərin pozulduğu aşkarlanıb

Qida Təhlükəsizliyi Agentliyinin əməkdaşları Xırdalan şəhəri, S.Bəhlulzadə küçəsində fəaliyyət göstərən, fiziki şəxs Məmmədov Məmməd Tofiq oğluna məxsus “Məhəllə” kafesində yoxlama keçirib. Baxış zamanı kafedə qida təhlükəsizliyi sahəsində texniki normativ hüquqi aktların tələblərinin pozulduğu, sanitar-gigiyenik və sanitar-texniki vəziyyətin qənaətbəxş olmadığı aşkarlanıb. Etiket məlumatları və müvafiq müşayiətedici sənədləri olmayan məhsulların satışa çıxarıldığı müəyyən edilib. Faktla bağlı nöqsanlar aradan qaldırılanadək kafenin fəaliyyəti məhdudlaşdırılıb, rəhbəri  barəsində inzibati qərar qəbul edilərək cərimə tətbiq olunub.

15 May 2025 10:31

Bərdədə bazarda nöqsanlar aşkarlanıb

Qida Təhlükəsizliyi Agentliyinin əməkdaşları tərəfindən Bərdə rayonu, Güloğlular kəndində fəaliyyət göstərən “Ticarət Mərkəzi” MMC-yə məxsus bazarda keçirilmiş yoxlama zamanı aşkarlanan nöqsanların icra vəziyyəti ilə bağlı yenidən yoxlama keçirilib. Baxış zamanı bazarda süd və süd məhsullarının mənşəyinin məlum olmadığı və temperatur rejiminə əməl edilmədiyi, məhsulların açıq şəkildə satışa çıxarıldığı, işçilərin gigiyena qaydalarına diqqət yetirmədiyi və xüsusi geyimlə təmin edilmədiyi, əl yuma çanaqlarının mövcud olmadığı və digər nöqsanlar müəyyən edilib. Faktla bağlı sahibkar barəsində inzibati protokol tərtib edilib, qeyd edilən məhsullar satışdan kənarlaşdırılıb və icrası məcburi göstərişlər verilib.

12 May 2025 15:47

İmişlidə fəaliyyət göstərən çörək emalı müəssisəsində nöqsanlar aşkarlanıb

Qida Təhlükəsizliyi Agentliyinin əməkdaşları İmişli şəhəri, N.Savalanov küçəsində fəaliyyət göstərən, Fərmanov Dirbaş Veysəl oğluna məxsus çörək emalı müəssisəsində yoxlama keçirib. Baxış zamanı müəssisənin qida təhlükəsizliyi qeydiyyatından keçmədən fəaliyyət göstərdiyi məlum olub. Həmçinin məhsulların saxlanma şəraitinə və temperatur rejiminə əməl olunmadığı, emal prosesinin qaydalara uyğun həyata keçirilmədiyi, müvafiq təmizlik işlərinin görülmədiyi və digər nöqsanlar aşkarlanıb. Faktla bağlı müəssisənin fəaliyyəti nöqsanlar aradan qaldırılanadək məhdudlaşdırılıb, rəhbəri inzibati məsuliyyətə cəlb olunub.