Giriş
Qanunsuz heyvan kəsimi fəaliyyətinin qarşısının alınması istiqamətində tədbirlər davam etdirilir
7 İyun 2021 18:31
“Heyvan kəsimi fəaliyyətinin tənzimlənməsi haqqında” Azərbaycan Respublikası Prezidentinin 2018-ci il 11 iyun tarixli 199 nömrəli Sərəncamının icrası ilə bağlı olaraq baytarlıq-sanitariya və sanitariya-gigiyena normalarına cavab verməyən yerlərdə, küçələrdə, yol kənarlarında satış məqsədi üçün heyvan kəsimi hallarının qarşısının alınması istiqamətində Azərbaycan Respublikası Qida Təhlükəsizliyi Agentliyi (AQTA) aidiyyəti dövlət orqanları ilə birlikdə ardıcıl monitorinqlər, yoxlama-nəzarət tədbirləri həyata keçirir.
Əhalinin sağlam qida məhsulları ilə təmin olunmasında heyvan kəsimi məntəqələrinin və bu istiqamətdə fəaliyyət göstərən sahibkarlıq subyektlərinin üzərinə böyük məsuliyyət düşür. Bu məsuliyyətdən irəli gələn vəzifələrin yerinə yetirilməsi üçün heyvan kəsimi məntəqələrinin qida təhlükəsizliyi tələblərinə, gigiyenik norma və qaydalara uyğun fəaliyyət göstərməsi zəruri şərtlərdəndir.
Qeyd edək ki, aparılan müntəzəm yoxlama-nəzarət zamanı qanunsuz heyvan kəsimi fəaliyyəti ilə bağlı aşkar olunmuş faktlar üzrə məlumatlar Agentlik tərəfindən müvafiq tədbirlərin görülməsi üçün yerli icra hakimiyyəti orqanlarına göndərilsə də, bir sıra heyvan kəsimi məntəqələri qanunsuz fəaliyyətini hələ də davam etdirməkdədir.
Belə ki, 2021-ci il 19 aprel–4 iyun tarixlərində Bakı şəhərinin Yasamal və Binəqədi rayonları üzrə keçirilən monitorinqlər zamanı sanitar-gigiyenik norma və qaydalara əməl olunmadan fəaliyyət göstərən 28 heyvan kəsimi və ət satışı məntəqələrinə dəfələrlə rəsmi xəbərdarlıq edilməsinə və inzibati tədbirlər görülməsinə baxmayaraq, onlardan bəzilərinin qanunsuz fəaliyyəti davam etdirdikləri aşkar olunub.
Nöqsan aşkarlanan heyvan kəsimi məntəqələrinin ünvanları aşağıdakılardır:
Binəqədi rayonu üzrə:
1. Biləcəri qəsəbəsi,Ordubadi küçəsi 1A ünvanında yerləşən, fiziki şəxs Ələkbərov Rövşən Sərdar oğluna məxsus heyvan kəsimi məntəqəsi;
2. Biləcəri qəsəbəsi,Ordubadi küçəsində yerləşən, fiziki şəxs İsmayılov Elmir Marif oğluna məxsus heyvan kəsimi məntəqəsi;
3. Rəsulzadə qəsəbəsi,Ağamalıyev 22 ünvanında yerləşən, fiziki şəxs Maqsudov Müşviq İntiqam oğluna məxsus heyvan kəsimi məntəqəsi;
4. Axundov küçəsi 4A ünvanında yerləşən, fiziki şəxs Novruzov Vəzir Vəkil oğluna məxsus heyvan kəsimi məntəqəsi;
5. Biləcəri qəsəbəsi,Ordubadi küçəsi, Abidə dairəsində yerləşən, fiziki şəxs Süleymanov Mübariz Əjdər oğluna məxsus heyvan kəsimi məntəqəsi;
6. 7-ci mikrorayon,Xarici dairəvi 1 ünvanında yerləşən, fiziki şəxs Zeynalov Saday Zeynal oğluna məxsus heyvan kəsimi məntəqəsi;
7. 7-ci mikrorayon,S.S.Axundov küçəsində yerləşən, fiziki şəxs Cəfərov Mehman Vəli oğluna məxsus heyvan kəsimi məntəqəsi;
8. 7-ci mikrorayon,Abay Kumanbayev küçəsi 85B ünvanında yerləşən, fiziki şəxs Qasımov Kamil Musi oğluna məxsus heyvan kəsimi məntəqəsi;
9. Gərarbəyli küçəsində yerləşən, fiziki şəxs Novruzov Ruslan Əsəd oğluna məxsus heyvan kəsimi məntəqəsi;
10. Binəqədi kəndi,Məscidin yanı ünvanında yerləşən, fiziki şəxs Cəfərov Fərid İsmət oğluna məxsus heyvan kəsimi məntəqəsi;
11. Binəqədi kəndi,Qız qalası marketin daxili ünvanında yerləşən, fiziki şəxs Kərimov Etibar İsmayıl oğluna məxsus heyvan kəsimi məntəqəsi;
12. Binəqədi kəndi,Mərkəzi küçə 1-ci mədən ünvanında yerləşən, fiziki şəxs Quliyev Rauf Çingiz oğluna məxsus heyvan kəsimi məntəqəsi;
13. Binəqədi kəndi,Sentralni ünvanında yerləşən, fiziki şəxs Rzayev Etimada məxsus heyvan kəsimi məntəqəsi;
14. Biləcəri qəsəbəsi,Rəşid Zeynalov küçəsi 9 ünvanında yerləşən, fiziki şəxs Axundov Lətif İslam oğluna məxsus heyvan kəsimi məntəqəsi;
15. Biləcəri qəsəbəsi,Yahya Hüseynov küçəsi 1 döngədə yerləşən, fiziki şəxs Cəfərov Cavid Rasim oğluna məxsus heyvan kəsimi məntəqəsi;
16. Biləcəri qəsəbəsi,Kolxoz bazarı daxilində yerləşən, fiziki şəxs Ədamov Araz Eldar oğluna məxsus heyvan kəsimi məntəqəsi;
17. Biləcəri qəsəbəsi,Yahya Hüseynov küçəsi 64 ünvanında yerləşən, fiziki şəxs Əkbərov Əkbər Əlişan oğluna məxsus heyvan kəsimi məntəqəsi;
18. Biləcəri qəsəbəsi,Rəşid İsmayılov küçəsi 8 ünvanında yerləşən, fiziki şəxs Heydərov Elçin Hacıağa oğluna məxsus heyvan kəsimi məntəqəsi;
19. Biləcəri qəsəbəsi,Arif Hüseynov küçəsi 10 ünvanında yerləşən, fiziki şəxs Məmmədov Ramin Ramiz oğluna məxsus heyvan kəsimi məntəqəsi;
20. Biləcəri qəsəbəsi,Yahya Hüseynov küçəsi 7 ünvanında yerləşən, fiziki şəxs Quliyev Abbas Əli oğluna məxsus heyvan kəsimi məntəqəsi;
21. Biləcəri qəsəbəsi,Nətavan küçəsi 8 ünvanında yerləşən, fiziki şəxs Quliyev Rəşid Qurban oğluna məxsus heyvan kəsimi məntəqəsi;
22. Biləcəri qəsəbəsi,Asəf Zeynallı küçəsi 35 ünvanında yerləşən, fiziki şəxs Şükürov Ceyhun Fuad oğluna məxsus heyvan kəsimi məntəqəsi;
23. Biləcəri qəsəbəsi,Yahya Hüseynov küçəsində yerləşən, fiziki şəxs Xəlilov Ədalət Möhbətdin oğluna məxsus heyvan kəsimi məntəqəsi;
24. Xırdalan binəqədi şossesi, 4 cü keçid ünvanında yerləşən, fiziki şəxs Namazov İlqar Akif oğluna məxsus heyvan kəsimi məntəqəsi.
Yasamal rayonu üzrə:
1. Şərifzadə küçəsi 39 ünvanında yerləşən, fiziki şəxs Eyvazov Bəhruz Oktay oğluna məxsus heyvan kəsimi məntəqəsi;
2. Şərifzadə küçəsi 163A ünvanında yerləşən, fiziki şəxs Quliyev Mehman Yusif oğluna məxsus heyvan kəsimi məntəqəsi;
3. Abbasov küçəsi 1 ünvanında yerləşən, fiziki şəxs Şirəliyev Murad Şakir oğluna məxsus heyvan kəsimi məntəqəsi;
4. Bəşir Səfəroğlu küçəsində yerləşən, fiziki şəxs Quliyev Urxan Elxan oğluna məxsus heyvan kəsimi məntəqəsi.
AQTA bəyan edir ki, qanunsuz heyvan kəsimi fəaliyyətinə nəzarətlə bağlı müvafiq orqanlar haqqında qanunvericiliyə uyğun tədbirlər həyata keçiriləcəkdir.
Agentlik bir daha qanunsuz heyvan kəsimi fəaliyyəti ilə məşğul olan şəxsləri qanunvericiliyin tələblərinə əməl etməyə və qanunazidd fəaliyyətdən yayınmağa çağırır.
Oxşar xəbərlər
Lənkəranda fəaliyyət göstərən “Hər Gün” marketdə istehlaka yararsız məhsullar aşkarlanıb
Lənkəran rayonu, Şiləvar kəndində fəaliyyət göstərən, fiziki şəxs Abbasov Abbasqulu Nuri oğluna məxsus “Hər Gün” marketdə Qida Təhlükəsizliyi Agentliyinin əməkdaşları tərəfindən keçirilmiş plandankənar yoxlama zamanı normativ hüquqi aktların tələblərinin pozulduğu aşkarlanıb. Belə ki, marketdə istifadə müddəti bitmiş müxtəlif əmtəə nişanlı ümumi çəkisi 86.84 kq qida məhsulu və ümumi həcmi 9.5 litr alkoqolsuz içki müəyyən edilərək satışdan kənarlaşdırılıb. Faktla bağlı qanunvericiliyə uyğun müvafiq tədbirlər görülərək sahibkar barəsində inzibati protokol tərtib edilib.
Sabunçuda “019” ət mağazasında baytarlıq ekspertizasından keçməmiş ət aşkarlanıb - VİDEO
Sabunçu Rayonu, Yeni Ramana qəsəbəsi, Şuşa şəhərciyi, 4 yol adlanan ünvanda fəaliyyət göstərən fiziki şəxs Cəfərov Əbülfət Qarakişi oğluna məxsus “019” adlı ət satışı obyektində qanunsuz heyvan kəsiminin həyata keçirilməsi ilə bağlı sosial şəbəkədə görüntülər yayılıb. Bununla əlaqədar Qida Təhlükəsizliyi Agentliyi Sabunçu rayonu İcra Hakimiyyəti və rayon polis idarəsinin əməkdaşları ilə birgə sözügedən ünvanda monitorinq keçirib. Monitorinq zamanı baytarlıq ekspertizasından keçməmiş, baytarlıq müşayiətedici sənədləri olmadan heyvan mənşəli məhsulların satışının həyata keçirildiyi müəyyən olunub. Faktla bağlı obyekt rəhbərliyi barəsində inzibati protokol tərtib edilib, qanunsuz heyvan kəsimi məqsədilə quraşdırılan dəmir konstruksiyalar ləğv edilib. Baytarlıq ekspertizasından keçirilməmiş ətlərdən müayinələrin aparılması məqsədilə nümunələr götürülüb.
Suraxanıda unlu qənnadı məmulatlarının emalı müəssisəsində normativ tələblər pozulub
Qida Təhlükəsizliyi Agentliyinin əməkdaşları Bakı şəhəri, Suraxanı rayonu, Zığ qəsəbəsi, R.Göyüşov küçəsi, ev 36 ünvanında fəaliyyət göstərən, fiziki şəxs Salehov Mahir Hikmət oğluna məxsus unlu qənnadı məmulatlarının emalı müəssisəsində plandankənar yoxlama keçirib. Baxış zamanı müəssisədə texniki normativ hüquqi aktların, sanitariya norma və qaydalarının tələblərinin pozulduğu müəyyən edilib. Belə ki, texnoloji ardıcıllıq prinsipinə riayət edilmədiyi, mal qonşuluğu prinsipinə və məhsulların saxlanma şəraitinə əməl olunmadığı, anbar sahəsinin təşkil edilmədiyi, hazırlanan kremlərin üzərində etiket məlumatlarının (hazırlanma tarixi, saxlama müddəti, şəraiti və s.) qeyd olunmadığı, divar, döşəmə və tavanın tamlığının pozulduğu, qida ilə təmasda olan səthlərin dezinfeksiyaya davamlı materialla üzlənmədiyi, havalandırma sisteminin qurulmadığı, istifadə olunan avadanlıqların çirkli vəziyyətdə olduğu, emal sahəsinin həşəratlarla çirkləndiyi, müvafiq təmizlik işlərinin görülmədiyi, işçi heyətin dövri tibbi müayinədən keçmədiyi və digər nöqsanlar aşkarlanıb. Müəssisədə emal olunan şirniyyatlardan nümunələr götürülərək laborator müayinələrə cəlb olunub. Uyğunsuzluqlarla bağlı obyekt rəhbərliyi barəsində inzibati protokol tərtib edilib, müəssisədə nöqsanlar aradan qaldırılanadək istehsal dayandırılıb.
