Qanunsuz heyvan kəsiminin qarşısının alınması istiqamətində tədbirlər davam etdirilir

2 Sentyabr 2024 12:11

Azərbaycan Respublikasının Qida Təhlükəsizliyi Agentliyi ölkədə heyvan kəsiminin normativ tələblərə uyğunlaşdırılması, müasir kəsim məntəqələrinin təşkil olunması və qanunsuz heyvan kəsimi fəaliyyətinin qarşısının alınması istiqamətində nəzarət tədbirlərini davam etdirir.

2024-cü il 26-29 avqust tarixlərində Agentlik əməkdaşları tərəfindən aparılan monitorinqlər zamanı Bakı şəhəri və Ağcabədi, Qazax rayonlarında fəaliyyət göstərən 13 heyvan kəsimi və ət satışı məntəqəsində bir sıra nöqsanlar aşkar olunub. Aşkarlanmış uyğunsuzluqlarla əlaqədar inzibati tədbir görülüb.

Baytarlıq-sanitariya ekspertizası aparılmadan heyvan kəsimi və ət satışı fəaliyyəti ilə məşğul olan və barələrində inzibati xəta haqqında protokol tərtib edilmiş məntəqələr aşağıdakılardır:

№	Sahibkarlıq subyekti	Ünvan	Görülən tədbir
Bakı şəhəri üzrə
	İbrahimov Camal Kamal oğlu	Xətai rayonu, X.Əlizadə küçəsi 2	İnzibati protokol tərtib edilib
	Əliyev Şahin Əyyub oğlu	Xətai rayonu, Gəncə prospekti 16	İnzibati protokol tərtib edilib
	Allahverdiyev Saleh İntizar oğlu	Xətai rayonu, Gəncə prospekti 82	İnzibati protokol tərtib edilib
	Mirzəyev Rahim Rzaxan oğlu	Xətai rayonu, P.Həşimov küçəsi 33	İnzibati protokol tərtib edilib
	Məmmədov Yaşar Cavad oğlu	Xətai rayonu, R.Bağırov küçəsi 36	İnzibati protokol tərtib edilib
	Gülgəzov Sahib Novruz oğlu	Xətai rayonu, R.Bağırov küçəsi 32	İnzibati protokol tərtib edilib
	Məmiyev Fuad Mətləbxan oğlu	Xətai rayonu, K.Kərimov küçəsi 134	İnzibati protokol tərtib edilib
	Əmirov Rauf Sərvər oğlu	Suraxanı rayonu, Bülbülə qəsəbəsi, N.Nərimanov küçəsi 2	İnzibati protokol tərtib edilib
	Hacıyev Yaşar Aydın oğlu	Suraxanı rayonu, Bülbülə qəsəbəsi, S.Bəhlulzadə küçəsi 71	İnzibati protokol tərtib edilib
Ağcabədi rayonu üzrə
	Hüseynov Arif Hüseyn oğlu	H.Əliyev prospekti	İnzibati protokol tərtib edilib
	Quliyev Teymur Sabir oğlu	Ü.Hacıbəyov küçəsi	İnzibati protokol tərtib edilib
	Quliyev Əfər Həmid oğlu	H.Əliyev prospekti	İnzibati protokol tərtib edilib
Qazax rayonu üzrə
	Ayralov Sarı Qədir oğlu	Qazax şəhəri, M.Ə.Rəsulzadə küçəsi	İnzibati protokol tərtib edilib

Oxşar xəbərlər

16 Yanvar 2026 16:18

Novxanıda fəaliyyət göstərən kəsim məntəqəsində nöqsanlar aşkarlanıb

Mediada yayımlanan məlumatlar əsasında Qida Təhlükəsizliyi Agentliyinin əməkdaşları Abşeron rayonunun Novxanı kəndində fəaliyyət göstərən, fiziki şəxs Quliyev Qulu Salman oğluna məxsus kəsim məntəqəsində plandankənar yoxlama keçirib. Yoxlama zamanı müəssisədə sanitar-gigiyenik və sanitar-texniki tələblərə əməl olunmadığı aşkarlanıb. Belə ki, ölçmə vasitələrinin yoxlanmadan keçməsini təsdiq edən sənədlər təqdim edilməyib. Eyni zamanda müəssisədə tullantı sularının kanalizasiya sisteminə axıdılmazdan əvvəl müvafiq qurğular vasitəsilə təmizlənmədiyi müəyyən edilib. Müəssisədə dezinseksiya və deratizasiya işlərinin aparılmadığı, tullantıların ağzı kip bağlanan qablarda toplanmadığı, işçilərin əksəriyyətinin xüsusi geyim forması ilə təmin edilmədiyi və digər nöqsanlar aşkarlanıb. Müəyyən edilən nöqsanlarla bağlı qanunvericiliyin tələblərinə uyğun olaraq inzibati protokol tətbiq edilib. Qeyd edilən nöqsanların aradan qaldırılması üçün işlərə başlanılıb.

16 Yanvar 2026 11:12

İmişlidə antisanitar şəraitdə fəaliyyət göstərən çörək emalı müəssisəsi aşkarlanıb

Qida Təhlükəsizliyi Agentliyinin əməkdaşları İmişli şəhəri, H.Əliyev prospektində fəaliyyət göstərən, Məhərrəmov Kamil Vırıcıxan oğluna məxsus çörək emalı müəssisəsində yoxlama keçirib. Baxış zamanı müəssisədə bir sıra nöqsanlar aşkarlanıb. Belə ki, emal sahəsində divar səthləri təmirsizdir və dezinfeksiyaya davamlı materialdan hazırlanmayıb, xəmirin hazırlanmasında istifadə edilən avadanlıqlar korroziyaya uğrayıb, qida məhsulu ilə təmasda olan masa, alət və avadanlıqlar təmiz saxlanılmır, temperatur rejiminə əməl olunmur, emal prosesində istifadə olunan su filtrasiyadan keçirilmir, müvafiq təmizlik işləri görülmür, işçilər xüsusi geyimlə təmin edilməyib və digər tələblər pozulub. Faktla bağlı müəssisə rəhbəri inzibati məsuliyyətə cəlb olunub, çörək emalı müəssisəsinin fəaliyyəti nöqsanlar aradan qaldırılanadək məhdudlaşdırılıb.

16 Yanvar 2026 10:54

“Dağlılar Balıq” restoranında nöqsanlar aşkarlanıb

Qida Təhlükəsizliyi Agentliyinin əməkdaşları Bakı şəhəri, Binəqədi rayonu, Novxanı bağları, ev 679 ünvanında fəaliyyət göstərən, fiziki şəxs Niftəliyev Pərviz Şakir oğluna məxsus “Dağlılar Balıq” ictimai iaşə müəssisəsində yoxlama keçirib. Baxış zamanı obyektdə balıq və balıq məhsullarının baytarlıq sənədlərinin olmadığı, yararlılıq müddəti bitmiş qida məhsullarının istehlaka təqdim edildiyi aşkarlanıb. Eyni zamanda sanitar-texniki və sanitar-gigiyenik qaydalara əməl olunmur, texnoloji ardıcıllıq və mal qonşuluğu prinsipi pozulub, bəzi qida məhsulları birbaşa döşəmənin üzərində saxlanılır, soyuducularda rəflər korroziyaya uğrayıb, işçilər ilkin və dövrü tibbi müayinədən keçirilmir, müvafiq təmizlik işləri aparılmır və digər nöqsanlar müəyyən edilib. Balıq məhsullarından nümunələr götürülərək təhlükəsizlik göstəricilərinin yoxlanılması məqsədilə laborator müayinələrə cəlb olunub. Faktla bağlı sahibkar barəsində inzibati protokol tərtib edilib, nöqsanlar aradan qaldırılanadək qida obyektinin fəaliyyəti müvvəqəti dayandırılıb.