Giriş
Qanunsuz heyvan kəsiminin qarşısının alınması istiqamətində tədbirlər davam etdirilir
13 Avqust 2024 10:46
Azərbaycan Respublikasının Qida Təhlükəsizliyi Agentliyi (AQTA) ölkədə heyvan kəsiminin normativ tələblərə uyğunlaşdırılması, müasir kəsim məntəqələrinin təşkil olunması və qanunsuz heyvan kəsimi fəaliyyətinin qarşısının alınması istiqamətində nəzarət tədbirlərini davam etdirir.
5-9 avqust 2024-cü il tarixində Agentlik əməkdaşları tərəfindən aparılan monitorinqlər zamanı Bakı şəhəri, Abşeron, İsmayıllı, Lənkəran və Ağcabədi rayonları üzrə fəaliyyət göstərən 21 heyvan kəsimi və ət satışı məntəqəsində bir sıra nöqsanlar aşkar olunub. Aşkarlanan uyğunsuzluqlarla əlaqədar inzibati tədbir görülüb.
Baytarlıq-sanitariya ekspertizası aparılmadan heyvan kəsimi və ət satışı fəaliyyəti ilə məşğul olan və barələrində inzibati xəta haqqında protokol tərtib edilən məntəqələr aşağıdakılardır:
|
№ |
Sahibkarlıq subyekti |
Ünvan |
Görülən tədbir |
|
Bakı |
|||
|
1. |
Əliyev İlham İsmayıl oğlu |
Səbail rayonu, Badamdar qəsəbəsi, Nurəddin Paşayev küçəsi 8 |
İnzibati xəta haqqında protokol tərtib edilmişdir. |
|
2. |
Kərimov İlham İslam oğlu |
Nəsimi rayonu, Cavadxan küçəsi 48A |
İnzibati xəta haqqında protokol tərtib edilmişdir. |
|
3. |
Şirinov Şirin Siyasət oğlu |
Səbail rayonu, Badamdar qəsəbəsi, Tofiq Məmmədov küçəsi 23 |
İnzibati xəta haqqında protokol tərtib edilmişdir. |
|
4. |
Əhmədov Aqil Rəfail oğlu |
Nərimanov rayonu, Çaykovski küçəsi 2A |
İnzibati xəta haqqında protokol tərtib edilmişdir. |
|
5. |
Şükürzadə Zəfər Rəşid oğlu |
Nərimanov rayonu, Asif Məmmədov küçəsi 30 |
İnzibati xəta haqqında protokol tərtib edilmişdir. |
|
6. |
Mahmudov Şahin Vaqif oğlu |
Binəqədi rayonu, Biləcəri qəsəbəsi, Məlik Aslanov küçəsi |
İnzibati xəta haqqında protokol tərtib edilmişdir. |
|
7. |
Həsənov Rəhim Xudaverdi oğlu |
Binəqədi rayonu,Biləcəri qəsəbəsi, M.S.Ordubadi küçəsi 117 |
İnzibati xəta haqqında protokol tərtib edilmişdir. |
|
8. |
Məmmədov Namiq Məhəmməd oğlu |
Nərimanov rayonu, Əliyar Əliyev küçəsi 17 |
İnzibati xəta haqqında protokol tərtib edilmişdir. |
|
9. |
İlyasov Vüsal Qalib oğlu |
Nərimanov rayonu, Əliyar Əliyev küçəsi 326 |
İnzibati xəta haqqında protokol tərtib edilmişdir. |
|
10. |
Məmmədov Qadir Güloğlan oğlu |
Nərimanov rayonu, Y. V. Çəmənzəminli küçəsi 123 |
İnzibati xəta haqqında protokol tərtib edilmişdir. |
|
11. |
Məmmədov Mehman Sovet oğlu |
Nərimanov rayonu, Ağa Nemətulla küçəsi 186 |
İnzibati xəta haqqında protokol tərtib edilmişdir. |
|
12. |
İbrahimov Şamo Yaşar oğlu |
Nərimanov rayonu, Ağa Nemətulla küçəsi 40 |
İnzibati xəta haqqında protokol tərtib edilmişdir. |
|
Abşeron |
|||
|
13. |
Əmralıyev Valeh Əmirxan oğlu |
Abşeron rayonu, Masazır qəsəbəsi, Qaçaq Nəbi küçəsi |
İnzibati xəta haqqında protokol tərtib edilmişdir. |
|
14. |
Süleymanov Mərkəz Məcid oğlu |
Abşeron rayonu, Masazır qəsəbəsi, Qaçaq Nəbi küçəsi |
İnzibati xəta haqqında protokol tərtib edilmişdir. |
|
15. |
Sadiqov Sadiq Ədalət oğlu |
Abşeron rayonu, Masazır qəsəbəsi, Qaçaq Nəbi küçəsi |
İnzibati xəta haqqında protokol tərtib edilmişdir. |
|
İsmayıllı |
|||
|
16. |
Həsrətov Novruz Teymur oğlu |
İsmayıllı rayonu, Ərəstun Mahmudov küçəsi |
İnzibati xəta haqqında protokol tərtib edilmişdir. |
|
Lənkəran |
|||
|
17. |
Həsənov Atəş Əhmədağa oğlu |
Lənkəran şəhəri, Koroğlu küçəsi (Lənkəran bazarı) |
İnzibati xəta haqqında protokol tərtib edilmişdir. |
|
18. |
Babayev Cavid Hacıhəsən oğlu |
Lənkəran şəhəri, Koroğlu küçəsi (Lənkəran bazarı) |
İnzibati xəta haqqında protokol tərtib edilmişdir. |
|
Ağcabədi |
|||
|
19. |
Xasıyev Emin Eynullah oğlu |
Ağcabədi şəhəri, Eldəniz Sadıqov küçəsi |
İnzibati xəta haqqında protokol tərtib edilmişdir. |
|
20. |
Xasıyev Elçin Əlizadə oğlu |
Ağcabədi şəhəri, Üzeyir Hacıbəyov küçəsi |
İnzibati xəta haqqında protokol tərtib edilmişdir. |
|
21. |
Quliyev Teymur Sabir oğlu |
Ağcabədi şəhəri, Üzeyir Hacıbəyov küçəsi |
İnzibati xəta haqqında protokol tərtib edilmişdir. |
AQTA bir daha qanunsuz heyvan kəsimi fəaliyyəti ilə məşğul olan şəxsləri qanunvericiliyin tələblərinə əməl etməyə və qanunazidd fəaliyyətdən çəkinməyə çağırır.
Oxşar xəbərlər
Kütləvi qidalanmanın həyata keçirildiyi obyektlərə nəzarət gücləndirilib
Azərbaycan Respublikasının Qida Təhlükəsizliyi Agentliyi (AQTA) şadlıq saraylarının, mərasim evlərinin və insanların kütləvi qidalanmasının həyata keçirildiyi digər qida obyektlərinin sahiblərinə müraciət edib. Bildirilir ki, aparılan nəzarət tədbirləri zamanı bir çox hallarda ziyafətlərdə ilkin və dövri tibbi müayinədən keçməmiş təsadüfi şəxslərin xidmət göstərdiyi məlum olur. Belə şəxslərin birbaşa, yaxud dolayısı ilə qida ilə təmasda olması isə insanlarda kütləvi mədə-bağırsaq pozuntuları ilə müşahidə edilən halların baş verməsinə və zəhərlənməyə səbəb ola bilər. Eyni zamanda bir çox hallarda, xüsusilə də regionlarda qidaların ev şəraitində hazırlanaraq şadlıq saraylarına, mərasim evlərinə və digər belə yerlərə gətirildiyi müşahidə edilir. Qida məhsullarının sanitar-gigiyenik norma və qaydalara uyğun olmayan şəraitdə, texnoloji ardıcıllıq gözlənilmədən, çarpaz çirklənməyə şərait yaratmaqla hazırlanması, həmçinin hazır qidaların isti və soyuq zəncir gözlənilmədən antisanitar şəraitdə şəxsi nəqliyyat vasitələri ilə tədbir məkanına daşınması isə qanunvericiliyin tələblərinin pozulması ilə yanaşı, insan həyat və sağlamlığına ciddi təhlükə yarada bilər. Agentlik bəyan edir ki, sadalanan hallar yolverilməzdir. Qeyd olunan hallarda baş verə biləcək hər hansı xoşagəlməz hadisəyə görə obyekt sahibləri birbaşa məsuliyyət daşıyır. Eyni zamanda bildirilir ki, sözügedən sahədəki mövcud vəziyyətin qiymətləndirilməsi, zəhərlənmə və qida mənşəli xəstəliklərin baş verməsi riskinin azaldılması məqsədilə AQTA əhalinin kütləvi qidalandığı məkanlarda, o cümlədən şadlıq saraylarında nəzarət tədbirlərini gücləndirib. Tədbirlər zamanı qanunvericiliyin tələblərinə zidd faktlar aşkarlandığı təqdirdə, obyekt və onların rəhbərləri barədə zəruri tədbirlər görüləcək. Qeyd edək ki, “Qida təhlükəsizliyi haqqında” Azərbaycan Respublikası Qanununa və Azərbaycan Respublikası Nazirlər Kabinetinin müvafiq Qərarı ilə təsdiq olunmuş “Azərbaycan Respublikasında ticarət, ictimai iaşə, məişət və digər növ xidmət Qaydaları”na əsasən, qida subyektlərində çalışan və qida məhsulları ilə bilavasitə təmasda olan əməkdaşlar müvafiq qaydada ilkin və dövri tibbi müayinədən keçməli, gigiyenik təlimlərə cəlb olunmalı, fəaliyyətləri zamanı qida təhlükəsizliyi sahəsində texniki normativ hüquqi aktların tələblərinə və şəxsi gigiyena qaydalarına əməl etməlidirlər. Həmçinin ictimai iaşə xidmətinin təşkili zamanı qanunvericiliklə müəyyən olunmuş sanitariya qaydalarının və gigiyenik normativlərin tələblərinə ciddi riayət edilməlidir.
HACCP sisteminin tətbiqi daxili və xarici bazarlarda rəqabət üstünlüyü yaradır
Azərbaycan Qida Təhlükəsizliyi İnstitutu (AQTİ) ölkədə qida təhlükəsizliyinin inkişafı və beynəlxalq standartların geniş tətbiqi üçün tədbirləri davam etdirir. Bu istiqamətdə AQTİ qida istehsalı və emalı sektorunda fəaliyyət göstərən müəssisələr üçün beynəlxalq səviyyədə tanınmış Təhlükə Analizi və Kritik Nəzarət Nöqtələri (HACCP) prinsiplərinə əsaslanan qiymətləndirmə xidmətini təklif edir. HACCP sistemləri müəssisələrin istehsal prosesində potensial təhlükələri müəyyən etməsinə, kritik nöqtələri nəzarət altında saxlamasına və riskləri minimuma endirməsinə imkan yaradır. AQTİ-nin təklif etdiyi HACCP sistemi üzrə qiymətləndirmə xidməti bir neçə mərhələni əhatə edir: • HACCP prinsiplərinin mövcud vəziyyətə uyğunluğunu müəyyən etmək üçün ilkin qiymətləndirmə aparılır; • Qida məhsullarının emalındakı risklər təhlil edilirək qiymətləndirilir və risklərin idarə olunması üçün təkliflər verilir; • HACCP sisteminin beynəlxalq və ya milli standartlara uyğunluğu ilə bağlı sənədlər və prosedurlar yoxlanılır; • HACCP sisteminin davamlılığını təmin etmək üçün müəssisəyə dəstək göstərilir; • Müəssisə əməkdaşları arasında yeni texnologiyalar, qaydalar və standartlarla bağlı məlumatlandırma aparılır. Bu mərhələlər, HACCP sisteminin effektiv şəkildə qurulması və müəssisənin qida təhlükəsizliyi sahəsində beynəlxalq standartlara uyğun fəaliyyət göstərməsini təmin edir. İnstitut, HACCP sistemlərinin tətbiqi zamanı müəssisələrə tələb olunan sənədlərin hazırlanmasında, personalın təlimatlandırılmasında və proseslərin optimallaşdırılmasında dəstək göstərir. AQTİ mütəxəssisləri bu proseslərin hər birində müəssisələrə dəstək göstərərək onların istehlakçılara keyfiyyətli və təhlükəsiz qida məhsulları təqdim etməsinə şərait yaradır. Qiymətləndirmə xidməti vasitəsilə müəssisələr istehsal prosesində qida təhlükəsizliyini təmin etməklə yanaşı, ixrac potensiallarını artırmaq üçün yeni imkanlar əldə edir, həm daxili, həm də xarici bazarlarda rəqabət üstünlüyü qazanırlar. Qanunvericiliyə əsasən, sahibkarlıq subyektləri HACCP-a əsaslanan prosedurları tətbiq etməli və qida təhlükəsizliyinə daxili nəzarət sisteminə malik olmalıdır. Azərbaycan Respublikasının Qida Təhlükəsizliyi Agentliyi tərəfindən aparılan planlı yoxlamalar zamanı müəssisədə HACCP sisteminin tətbiqi vəziyyəti yoxlanılır, aşkar edilmiş uyğunsuzluqların aradan qaldırılması ilə bağlı icrası məcburi göstərişlər verilir. Sahibkarlar AQTİ-nin təklif etdiyi HACCP mövzusunda qiymətləndirmə, təlim və məsləhət xidmətlərindən istifadə etmək üçün info@afsi.gov.az elektron poçt ünvanına məktub göndərə və ya “1003-Çağrı Mərkəzi”nə zəng edə bilərlər.
Qoyun əti quzu əti ilə müqayisədə istehlak üçün daha faydalı hesab edilir
Azərbaycanda əhali tərəfindən qoyun əti daha çox istehlak edildiyi üçün ölkəmizdə qoyunçuluğa xüsusi diqqət yetirilir. Yetişdirilən qoyun cinslərinin ət, süd, pendir, dəri, piy və yunundan istifadə edilir. Təəssüflə qeyd etmək lazımdır ki, yüksək məhsuldarlığına və digər müsbət keyfiyyətlərinə baxmayaraq, son illərdə respublikamızda qoyunçuluğun inkişaf dinamikasında azalma müşahidə edilib. BMT-nin Ərzaq və Kənd Təsərrüfatı Təşkilatı ilə Azərbaycan arasındakı Tərəfdaşlıq Proqramı çərçivəsində reallaşdırılan “Qoyunçuluğun davamlı inkişafı və ərzaq məhsullarının istehsalı üzrə dəyər zəncirinin yaradılması və həyata keçirilməsi” layihəsi üzrə hazırlanan hesabatda Azərbaycanda qoyun populyasiyasının inkişaf dinamikasındakı azalmanın bir sıra səbəblərlə bağlı olduğu göstərilib. İqlim dəyişiklikləri və torpaqların deqradasiyası və tələblə təklifin dəyişməsi fonunda tələbin artması ilə yanaşı, ən narahatedici məqamlardan biri də təəssüf hissi ilə qeyd edək ki, əhalinin damaq dadı və ət seçimində əsasən quzu ətinə üstünlük verməsidir. Bu da nəticə etibarilə qoyunçuluğun inkişaf perspektivlərinə mənfi təsir göstərir. Qeyd edək ki, qoyun ətinin qida dəyəri tərkibindəki əzələ və piy toxumasının nisbətindən asılı olaraq dəyişir. Müəyyən yaşa çatmış qoyun ətinin tərkibindəki zəngin zülallar sayəsində qoyun əti dadlı və şirəli olmaqla yanaşı, həm də tez həzm olunur. Araşdırmalar göstərir ki, qoyun ətinin tərkibi quzu əti ilə müqayisədə Ca, P, Na, K, Cl, J, Zn, Co, Cu, Ni, Fe, Mn, Mo, F, S, Se və digər makro və mikroelementlər, B1, B2, B3, B6, B12, A, K, E, D, biotin, fol turşusu və başqa vitaminlər, həmçinin digər bioloji aktiv maddələrlə daha zəngindir. Beləliklə, insan orqanizmi üçün zəruri sayılan qida maddələri və digər komponentlərlə zəngin olan yetkinlik və sonrakı yaş mərhələlərindəki qoyunun əti cinsi yetişkənlik dövründə, yəni 6-12 aylıqda olan quzu əti ilə müqayisədə istehlak üçün daha faydalı hesab edilir.
