Giriş
Qanunsuz heyvan kəsiminin qarşısının alınması istiqamətində tədbirlər davam etdirilir
25 May 2023 16:24
Azərbaycan Respublikasının Qida Təhlükəsizliyi Agentliyi (AQTA) ölkədə heyvan kəsiminin müasir tələblərə uyğunlaşdırılması, müasir kəsim məntəqələrinin təşkil olunması və qanunsuz heyvan kəsimi fəaliyyətinin qarşısının alınması istiqamətində nəzarət tədbirlərini davam etdirir.
24 may tarixində Agentlik əməkdaşları tərəfindən respublika üzrə fəaliyyət göstərən heyvan kəsimi və ət satışı məntəqələrində aparılan monitorinqlər zamanı Bakı şəhəri və Qobustan, Xaçmaz, Tovuz, Lənkəran rayonlarında bir sıra nöqsanlar aşkar olunub. Aşkarlanmış uyğunsuzluqlarla əlaqədar 19 heyvan kəsimi və ət satışı məntəqəsi ilə bağlı inzibati tədbir görülüb.
Baytarlıq-sanitariya ekspertizası aparılmadan heyvan kəsimi və ət satışı fəaliyyəti ilə məşğul olan və barələrində inzibati protokol tərtib edilmiş məntəqələr aşağıdakılardır:
|
№ |
Sahibkarlıq subyekti |
Ünvan |
Görülən tədbir |
|
Bakı şəhəri üzrə |
|||
|
1. |
Cəfərov Nəcəf Nəzir oğlu |
Nərimanov rayonu, T.Şıxəliyev küçəsi 13 |
İnzibati protokol tərtib edilib |
|
2. |
Əhmədov Aqil Rafili oğlu |
Nərimanov rayonu, P.Çaykovski küçəsi |
İnzibati protokol tərtib edilib |
|
3. |
Həsənov İldırım Musa oğlu |
Nərimanov rayonu, Z.Xəlilov küçəsi 23 |
İnzibati protokol tərtib edilib |
|
4. |
Göyüşov Pərvin Nəsimi oğlu |
Nərimanov rayonu, Daş Karxanası küçəsi 106 |
İnzibati protokol tərtib edilib |
|
5. |
Həsənov Elburus Əlifağa oğlu |
Nərimanov rayonu, C.Hacıbəyli küçəsi |
İnzibati protokol tərtib edilib |
|
6. |
Məmmədov Qalib Xasay oğlu |
Nərimanov rayonu, Daş Karxanası küçəsi 106 |
İnzibati protokol tərtib edilib |
|
7. |
Abdullayev Barat Yusif oğlu |
Nizami rayonu, Keşlə qəsəbəsi, N.Abdullayev küçəsi |
İnzibati protokol tərtib edilib |
|
8. |
Hacıxanov Vüqar İdris oğlu |
Nizami rayonu, A.Mirzəyev küçəsi |
İnzibati protokol tərtib edilib |
|
9. |
Verdiyev Şəmşir Əliş oğlu |
Nizami rayonu, O.Vəliyev küçəsi |
İnzibati protokol tərtib edilib |
|
10. |
İbrahimov Hüseyn Əbdülhüseyn oğlu |
Nizami rayonu, O.Vəliyev küçəsi |
İnzibati protokol tərtib edilib |
|
Qobustan rayonu üzrə |
|||
|
11. |
Sərxanlı Qorxmaz Adil oğlu |
Qobustan şəhəri, Bakı-Qazax yolu, 90-cı km |
İnzibati protokol tərtib edilib |
|
Xaçmaz rayonu üzrə |
|||
|
12. |
Burcəliyev Mövlan Gəncəli oğlu |
Xaçmaz-Xudat yolu |
İnzibati protokol tərtib edilib |
|
13. |
Seyidov Zaur Buludxan oğlu |
Köhnə Xaçmaz kəndi |
İnzibati protokol tərtib edilib |
|
14. |
Ağayev Nizami Əmirağa oğlu |
Köhnə Xaçmaz kəndi |
İnzibati protokol tərtib edilib |
|
15. |
Almazov Şıxsəddin |
Xaçmaz-Quba yolu, Yergüc kəndi |
İnzibati protokol tərtib edilib |
|
Tovuz rayonu üzrə |
|||
|
16. |
Mehralıyev Hafiz Oruc oğlu |
Aşağı Öysüzlü kəndi |
İnzibati protokol tərtib edilib |
|
Lənkəran rayonu üzrə |
|||
|
17. |
Hüseynov Rövşən Musaxan oğlu |
Mir Mustafa Xan küçəsi |
İnzibati protokol tərtib edilib |
|
18. |
Hüseynov Nail Xosrov oğlu |
Mir Mustafa Xan küçəsi |
İnzibati protokol tərtib edilib |
|
19. |
Əsgərov Sərhad Məlik oğlu |
Mir Mustafa Xan küçəsi |
İnzibati protokol tərtib edilib |
AQTA bir daha qanunsuz heyvan kəsimi fəaliyyəti ilə məşğul olan şəxsləri qanunvericiliyin tələblərinə əməl etməyə və qanunazidd fəaliyyətdən yayınmağa çağırır.
Oxşar xəbərlər
Lənkəranda normativ tələblərin pozulduğu ət satışı məntəqəsinin fəaliyyəti məhdudlaşdırılıb
Daxil olan müraciət əsasında Lənkəran şəhəri, Koroğlu küçəsi, Böyük bazar ərazisində fəaliyyət göstərən, fiziki şəxs Həsənov Allahşükür Atəş oğluna məxsus ət satışı məntəqəsində Qida Təhlükəsizliyi Agentliyinin əməkdaşları tərəfindən keçirilmiş plandankənar yoxlama zamanı qida təhlükəsizliyi sahəsində texniki normativ hüquqi aktların tələblərinin pozulduğu aşkarlanıb. Belə ki, məntəqədə sanitar-gigiyenik tələblərə əməl edilmədiyi, ətlərin üzərində baytarlıq nəzarətindən keçirildiyinə dair möhürün olmadığı, əlyuma çanağının, havalandırma sisteminin, eləcə də ət məhsullarının saxlanması üçün soyuducu və dondurucuların mövcud olmadığı, işçi heyətin tibbi müayinədən keçmədiyi və fərdi qoruyucu vasitələrdən istifadə etmədiyi, dezinfeksiya işlərinin aparılmadığı müəyyən edilib.
Qanunsuz fəaliyyət göstərən dönərxanada bir sıra nöqsanlar aşkarlanıb
Ağdam rayonu, Quzanlı qəsəbəsində fəaliyyət göstərən, fiziki şəxs Əliyev İbrahim Şirin oğluna məxsus dönərxanada Qida Təhlükəsizliyi Agentliyinin əməkdaşları tərəfindən plandankənar yoxlama keçirilib. Baxış zamanı dönərxanada qida məhsulları üzrə gigiyena qaydalarına və qida təhlükəsizliyi tələblərinə əməl edilmədiyi, sanitar-texniki və sanitar-gigiyenik vəziyyətin qüvvədə olan normativlərə cavab vermədiyi müəyyən edilib. Belə ki, iaşə obyektinin qida təhlükəsizliyi qeydiyyatından keçmədən fəaliyyət göstərdiyi məlum olub, həmçinin obyektdə xammal olaraq istifadə edilən məhsulların (xiyar, pomidor, mayonez) açıq şəkildə saxlandığı, çarpaz çirklənmənin qarşısının alınması məqsədilə texnoloji prosesin ardıcıllığına riayət edilmədiyi, əlyuma çanaqlarının isti su və gigiyenik tələblərə cavab verən qurutma vasitələri ilə təmin edilmədiyi, havalandırma sisteminin quraşdırılmadığı, çirklənməyə qarşı müdafiə və zərərvericilərlə mübarizə üçün müvafiq şəraitin olmadığı, döşəmə, divar səthlərinin təmirsiz olduğu və dezinfeksiyaedici vasitələrin təsirinə davamlı materialla üzlənmədiyi, mütəmadi olaraq müvafiq təmizlik işlərinin aparılmadığı, tullantıların ağzı kip bağlanan və qoxu yaymayan qablara toplanmadığı və digər nöqsanlar aşkarlanıb.
Qida təhlükəsizliyi tələblərinin pozulduğu iki dönərxananın fəaliyyəti məhdudlaşdırılıb
Ağcabədi rayonunun N.Nərimanov küçəsində yerləşən, fiziki şəxs Alıyev Xəyyam Mirzəli oğluna məxsus “01” dönərxanasında və Xocavənd kəndində yerləşən, fiziki şəxs Hüseynov Elmir Əmirxan oğluna məxsus “Dostluq” dönərxanasında Qida Təhlükəsizliyi Agentliyinin əməkdaşları tərəfindən plandankənar yoxlama keçirilib. Baxış zamanı dönərxanalarda qida məhsulları üzrə gigiyena qaydalarına və qida təhlükəsizliyi tələblərinə əməl edilmədiyi, sanitar-texniki və sanitar-gigiyenik vəziyyətin qüvvədə olan normativlərə cavab vermədiyi müəyyən olunub. Belə ki, iaşə obyektlərində çarpaz çirklənmənin qarşısının alınması məqsədilə texnoloji prosesin ardıcıllığına əməl olunmadığı, qabaqcıl gigiyena təcrübəsinin, o cümlədən çirklənməyə qarşı müdafiə və zərərvericilərlə mübarizə üçün müvafiq şəraitin təmin edilmədiyi, döşəmə, divar səthlərinin təmirsiz olduğu və dezinfeksiyaedici vasitələrin təsirinə davamlı materialla üzlənmədiyi, mütəmadi olaraq müvafiq təmizlik işlərinin görülmədiyi, tullantıların ağzı kip bağlanan və qoxu yaymayan qablara toplanmadığı, işçi heyətin gigiyenik təlimlərə cəlb edilmədiyi və digər nöqsanlar aşkarlanıb.
