Giriş
Qanunsuz heyvan kəsiminin qarşısının alınması istiqamətində tədbirlər davam etdirilir
20 İyul 2023 17:39
Azərbaycan Respublikasının Qida Təhlükəsizliyi Agentliyi (AQTA) ölkədə heyvan kəsiminin müasir tələblərə uyğunlaşdırılması, müasir kəsim məntəqələrinin təşkil olunması və qanunsuz heyvan kəsimi fəaliyyətinin qarşısının alınması istiqamətində nəzarət tədbirlərini davam etdirir.
18-19 iyul tarixlərində Agentlik əməkdaşları tərəfindən respublika üzrə fəaliyyət göstərən ət satışı və heyvan kəsimi məntəqələrində aparılan monitorinqlər zamanı Bakı şəhərində və İsmayıllı, Masallı, Şamaxı rayonlarında bir sıra nöqsanlar aşkar olunub. Aşkarlanmış uyğunsuzluqlarla əlaqədar 13 heyvan kəsimi və ət satışı məntəqəsi ilə bağlı inzibati tədbir görülüb.
Baytarlıq-sanitariya ekspertizası aparılmadan heyvan kəsimi və ət satışı fəaliyyəti ilə məşğul olan və barələrində inzibati protokol tərtib edilmiş məntəqələr aşağıdakılardır:
|
№ |
Sahibkarlıq subyekti |
Ünvan |
Görülən tədbir |
||
|
Bakı şəhəri üzrə |
|||||
|
|
Vəliyev Füzuli Nizami oğlu |
Binəqədi rayonu, 7 - ci mkr., S.S Axundov küçəsi |
İnzibati protokol tərtib edilib |
||
|
|
Qasımov Kamil Musa oğlu |
Binəqədi rayonu, 7 - ci mkr., A. Kunaybayev küçəsi 185B |
İnzibati protokol tərtib edilib |
||
|
|
Vəliyev Rasim İnqilab oğlu |
Binəqədi rayonu, 8-ci mkr.,İ. Dadaşov küçəsi 74 |
İnzibati protokol tərtib edilib |
||
|
|
Əliyev Zahid Xəlil oğlu |
Binəqədi rayonu, 8-ci mkr., İ. Dadaşov küçəsi 354 |
İnzibati protokol tərtib edilib |
||
|
İsmayıllı rayonu üzrə |
|||||
|
|
Comərdov Xalid Həbib oğlu |
İsmayıllı şəhəri, Cavanşir küçəsi |
İnzibati protokol tərtib edilib |
||
|
Masallı rayonu üzrə |
|||||
|
|
Qubadov Sərdar Qurban oğlu |
Masallı rayonu, Boradigah qəsəbəsi |
İnzibati protokol tərtib edilib |
||
|
|
Abbasov Nizami Ağamusa oğlu |
Masallı rayonu, Boradigah qəsəbəsi |
İnzibati protokol tərtib edilib |
||
|
|
Cəfərov Siruz Pərviz oğlu |
Masallı rayonu, Boradigah qəsəbəsi |
İnzibati protokol tərtib edilib |
||
|
|
Qəniyev Məsləhət İsmayıl oğlu |
Masallı rayonu, Boradigah qəsəbəsi |
İnzibati protokol tərtib edilib |
||
|
|
Cəfərov Qasım Söhrab oğlu |
Masallı rayonu, Ərkivan qəsəbəsi |
İnzibati protokol tərtib edilib |
||
|
|
Kəlbiyev Seymur Faiq oğlu |
Masallı rayonu, Ərkivan qəsəbəsi |
İnzibati protokol tərtib edilib |
||
|
|
Niftullayev Atabəy Balabey oğlu |
Masallı rayonu, Ərkivan qəsəbəsi |
İnzibati protokol tərtib edilib |
||
|
Şamaxı rayonu üzrə |
|||||
|
|
Osmanov Zakir Əmirağa oğlu |
Şamaxı şəhər, N.Nərimanov küçəsi |
İnzibati protokol tərtib edilib |
||
AQTA bir daha qanunsuz heyvan kəsimi fəaliyyəti ilə məşğul olan şəxsləri qanunvericiliyin tələblərinə əməl etməyə və qanunazidd fəaliyyətdən yayınmağa çağırır.
Oxşar xəbərlər
Qurbanlıq heyvanın kəsimi zamanı hansı tələblərə əməl edilməlidir?
6-7 iyun tarixlərində Qurban bayramı qeyd olunacaq. Qurbanlıq heyvanlar yalnız xüsusi ayrılmış və sanitariya-gigiyena tələblərinə cavab verən məntəqələrdə kəsilməlidir. Küçə, yol kənarı, məhəllə araları kimi qanunsuz və antisanitar yerlərdə aparılan kəsimlər xəstəliklərin yayılmasına səbəb ola bilər. Kəsim həm də ətraf mühitin, insan sağlamlığının qorunmasına yönəlməlidir. Heyvan kəsimi məntəqələrində fasiləsiz su təminatı olmalı, qəssablar xüsusi geyimdə və tibbi yoxlamadan keçmiş vəziyyətdə fəaliyyət göstərməlidir. Alətlər daim dezinfeksiya olunmalı, tullantılar isə vaxtında və düzgün şəkildə ərazidən kənarlaşdırılmalıdır. Ət məhsullarının satışını həyata keçirən məkanlar sanitar və baytarlıq tələblərinə cavab verməlidir. Cəmdəklərin saxlanıldığı yerlər soyuducu avadanlıqlarla təchiz edilməli, soyuq zəncir prinsipi qorunmalıdır. Diri heyvanların satışına bu nöqtələrdə yol verilməməlidir. Tələb olunan infrastruktur və nəzarət sistemi olmadan həyata keçirilən satış və kəsimlər həm təhlükəli, həm də qanunsuzdur. Qurbanlıq heyvanın kəsimi zamanı gözlənilməli olan tələblərlə linkdən tanış ola bilərsiniz: https://www.youtube.com/shorts/HSNsy3uRsAk
Xırdalanda ictimai iaşə obyektində normativ tələblərin pozulduğu aşkarlanıb
Qida Təhlükəsizliyi Agentliyinin əməkdaşları Xırdalan şəhəri, S.Bəhlulzadə küçəsində fəaliyyət göstərən, fiziki şəxs Məmmədov Məmməd Tofiq oğluna məxsus “Məhəllə” kafesində yoxlama keçirib. Baxış zamanı kafedə qida təhlükəsizliyi sahəsində texniki normativ hüquqi aktların tələblərinin pozulduğu, sanitar-gigiyenik və sanitar-texniki vəziyyətin qənaətbəxş olmadığı aşkarlanıb. Etiket məlumatları və müvafiq müşayiətedici sənədləri olmayan məhsulların satışa çıxarıldığı müəyyən edilib. Faktla bağlı nöqsanlar aradan qaldırılanadək kafenin fəaliyyəti məhdudlaşdırılıb, rəhbəri barəsində inzibati qərar qəbul edilərək cərimə tətbiq olunub.
Dünyadakı epizootik vəziyyətə uyğun olaraq müvafiq tədbirlər görülür
Ümumdünya Heyvan Sağlamlığı Təşkilatının (ÜHST) rəsmi məlumatlarına əsasən, Kamboca Krallığının Kamponq Speu əyalətində yüksək patogen quş qripi, İsrail Dövlətinin Şimal bölgəsində isə xırdabuynuzlu heyvanların taun xəstəliyi qeydə alınıb. Respublika ərazisinin bu yoluxucu xəstəliklərdən qorunması üçün qeyd olunan ərazilərdə zonalaşma prinsipi nəzərə alınmaqla, diri quş və quşçuluq məhsullarının idxalı, xırdabuynuzlu heyvanların və onlara aid məhsulların idxalı, habelə tranzit daşınması ilə bağlı Qida Təhlükəsizliyi Agentliyi tərəfindən ÜHST-nin “Quruda yaşayan heyvanların sağlamlıq Məcəlləsi”nə uyğun olaraq müvəqqəti məhdudiyyət tətbiq olunub. Eyni zamanda müvafiq tədbirlərin görülməsi üçün Azərbaycan Respublikasının Dövlət Gömrük Komitəsinə müraciət olunub.
