Giriş
Qanunsuz heyvan kəsiminin qarşısının alınması istiqamətində tədbirlər davam etdirilir
17 Mart 2025 12:04
Nəzarət tədbirləri çərçivəsində 2025-ci il 10-14 mart tarixlərində Agentliyin əməkdaşları tərəfindən aparılan monitorinqlər zamanı Bakı şəhəri və Şamaxı, Lənkəran, İmişli rayonlarında fəaliyyət göstərən 35 heyvan kəsimi və ət satışı məntəqəsində bir sıra nöqsanlar aşkar olunub. Aşkarlanmış uyğunsuzluqlarla əlaqədar inzibati tədbir görülüb.
Baytarlıq-sanitariya ekspertizası aparılmadan heyvan kəsimi və ət satışı fəaliyyəti ilə məşğul olan və barələrində inzibati xəta haqqında protokol tərtib edilmiş məntəqələr aşağıdakılardır:
|
№ |
Sahibkarlıq subyekti |
Ünvan |
Görülən tədbir |
|
Bakı şəhəri üzrə |
|||
|
|
Qasımov Sahib İslam oğlu |
Suraxanı rayonu, Qaraçuxur qəsəbəsi |
İnzibati protokol tərtib edilib |
|
|
Heydərov Ramil İmran oğlu |
Suraxanı rayonu, Qaraçuxur qəsəbəsi |
İnzibati protokol tərtib edilib |
|
|
Gülməmmədov Eltun Əvəz oğlu |
Suraxanı rayonu, Qaraçuxur qəsəbəsi |
İnzibati protokol tərtib edilib |
|
|
Bədəlov Faiq Tahir oğlu |
Suraxanı rayonu, Qaraçuxur qəsəbəsi |
İnzibati protokol tərtib edilib |
|
|
Quliyev Zöhrab Bulud oğlu |
Suraxanı rayonu, Qaraçuxur qəsəbəsi |
İnzibati protokol tərtib edilib |
|
|
Pənəliyev Tehran Novruz oğlu |
Suraxanı rayonu, Qaraçuxur qəsəbəsi |
İnzibati protokol tərtib edilib |
|
|
Əliyev Bəhman Mehman oğlu |
Suraxanı rayonu, Qaraçuxur qəsəbəsi |
İnzibati protokol tərtib edilib |
|
|
Əliyev Rauf Əhliman oğlu |
Binəqədi rayonu, 9-cu mkr, M.Cəlal küçəsi 65 |
İnzibati protokol tərtib edilib |
|
|
Musayev Şakir Musa oğlu |
Nizami rayonu, Özbəkistan küçəsi 3 |
İnzibati protokol tərtib edilib |
|
|
Mustafazadə Bəhruz Eldar oğlu |
Xətai rayonu, Neapol dairəsi, Lütfizadə küçəsi 132 |
İnzibati protokol tərtib edilib |
|
|
Məmmədov Sumbat Əyyub oğlu |
Xətai rayonu, Neapol dairəsi, Lütfizadə küçəsi 128 |
İnzibati protokol tərtib edilib |
|
|
Rüstəmov Taleh Şükür oğlu |
Xətai rayonu, Neapol dairəsi, Telnov küçəsi 19 |
İnzibati protokol tərtib edilib |
|
|
Sadıqov Oruc Urşan oğlu |
Xətai rayonu, Neapol dairəsi, Lütfizadə küçəsi 26 |
İnzibati protokol tərtib edilib |
|
|
İbrahimov Ələsgər Mərdan oğlu |
Yasamal rayonu,1-ci Alatava, S.Mehdiyev küçəsi 97A |
İnzibati protokol tərtib edilib |
|
|
Osmansoylu Vüsal Osman oğlu |
Yasamal rayonu, H.Abbasov küçəsi 1 |
İnzibati protokol tərtib edilib |
|
|
Qafarov Rəfail Raqif oğlu |
Yasamal rayonu, A.Abbasov küçəsi 16 |
İnzibati protokol tərtib edilib |
|
|
Bayramov Ehtiram Əlisəfa oğlu |
Yasamal rayonu, A.M.Şərifzadə küçəsi |
İnzibati protokol tərtib edilib |
|
|
Alyarov Qurban Kamran oğlu |
Yasamal rayonu, D.Bünyadzadə küçəsi |
İnzibati protokol tərtib edilib |
|
|
Zülfüqarov Hüseyn Zaur oğlu |
Yasamal rayonu, 7-ci Alatava, M.C.Məmmədzadə küçəsi 113 |
İnzibati protokol tərtib edilib |
|
|
Əliyev Bayram Sədaqət oğlu |
Yasamal rayonu, Ə.Əhmədov küçəsi |
İnzibati protokol tərtib edilib |
|
|
Mikayılov Şamxal Bağı oğlu |
Nəsimi rayonu, A.Mirzəyev küçəsi 21 |
İnzibati protokol tərtib edilib |
|
|
Əzizli Kənan Teymur oğlu |
Nəsimi rayonu, M.Kazımovski küçəsi 1 |
İnzibati protokol tərtib edilib |
|
|
Əmrəliyev Racu Cəfər oğlu |
Nəsimi rayonu, 4-cü mkr, M.Cəlal küçəsi 18 |
İnzibati protokol tərtib edilib |
|
|
Şükürov Hümbət Cabbar oğlu |
Nəsimi rayonu, M.Qaşqay küçəsi 28 |
İnzibati protokol tərtib edilib |
|
Şamaxı rayonu üzrə |
|||
|
|
Həmidov Yusif Qaroğlan oğlu |
Şamaxı şəhəri, N.Nərimanov küçəsi |
İnzibati protokol tərtib edilib |
|
|
Qəniyev Hacalı Davud oğlu |
Şamaxı şəhəri, N.Nərimanov küçəsi |
İnzibati protokol tərtib edilib |
|
Lənkəran rayonu üzrə |
|||
|
|
Şabanov Anar Allahverdi oğlu |
Digah- Şiləvar magistralı |
İnzibati protokol tərtib edilib |
|
|
Becanov Nəzail Orucəli oğlu |
Kərgəlan kəndi |
İnzibati protokol tərtib edilib |
|
|
Həsənov Allahşükür Atəş oğlu |
Lənkəran şəhəri, M.Ə.Sabir küçəsi |
İnzibati protokol tərtib edilib |
|
|
Babayev Cavid Hacıhəsən oğlu |
Lənkəran şəhəri, M.Ə.Sabir küçəsi |
İnzibati protokol tərtib edilib |
|
|
Mustafayev Əhməd Naib oğlu |
Lənkəran şəhəri, M.Ə.Sabir küçəsi |
İnzibati protokol tərtib edilib |
|
|
Baxşıyev Mehman Vahab oğlu |
Lənkəran şəhəri, M.Mustafaxan küçəsi |
İnzibati protokol tərtib edilib |
|
|
Həsənov Atəş Əhmədağa oğlu |
Lənkəran şəhəri, Nizami küçəsi |
İnzibati protokol tərtib edilib |
|
İmişli rayonu üzrə |
|||
|
|
Məmmədov Səftər Feyruz oğlu |
İmişli şəhəri, N.Savalanov küçəsi |
İnzibati protokol tərtib edilib |
|
|
Əsgərov Namiq Xaliq oğlu |
İmişli şəhəri, Q.İsmayılzadə küçəsi |
İnzibati protokol tərtib edilib |
Oxşar xəbərlər
Belarusun “BelAqroGen” Elmi İstehsalat Mərkəzi ilə AQTİ arasında əməkdaşlıq genişləndirilir
Azərbaycan Qida Təhlükəsizliyi İnstitutunda (AQTİ) Belarus Respublikasının Azərbaycandakı fövqəladə və səlahiyyətli səfiri Dmitri Pineviçin başçılıq etdiyi nümayəndə heyəti və “BelAqroGen” Elmi İstehsalat Mərkəzinin rəhbərliyi ilə görüş keçirilib. Azərbaycan Qida Təhlükəsizliyi Agentliyinin (AQTA) sədr müavini Balarəhim Quliyev AQTİ-nin Bakı və regionlarda fəaliyyət göstərən ixtisaslaşmış laboratoriyalarının ölkədə qida təhlükəsizliyinin təmin olunması, heyvan və bitki sağlamlığının qorunması sahəsindəki rolunu vurğulayıb. Belarus səfiri Dmitri Pineviç iki ölkənin müvafiq qurumları arasında heyvan sağlamlığı sahəsində əməkdaşlığın genişləndirilməsi perspektivlərinin olduğunu qeyd edib. Məlumat verilib ki, “BelAqroGen” Elmi İstehsalat Mərkəzi heyvan xəstəliklərinin müalicəsi və profilaktikası üçün müasir baytarlıq preparatları, zərərvericilərə qarşı mübarizə vasitələri və baytarlıq təyinatlı vasitələrin istehsalçısıdır. Şirkətin təqdim etdiyi bir çox baytarlıq preparatlarının effektivliyi müxtəlif kənd təsərrüfatı müəssisələrində uğurla tətbiq olunaraq sübut edilib. Görüş zamanı respublikamızda baytarlıq preparatlarının Belarusla birgə istehsalının təşkili məsələsi gündəmə gətirilib. Daha sonra Belarus nümayəndə heyəti AQTİ laboratoriyalarına baş çəkib, müasir standartlara uyğun həyata keçirilən müayinələrlə tanış olub.
Quş qripi xəstəliyinə qarşı keçirilmiş epizootoloji monitorinqin nəticələri açıqlanıb
Quş qripi xəstəliyinə qarşı cari ilin 7-11 aprel tarixlərində keçirilmiş epizootoloji monitorinqin nəticələri açıqlanıb. Tədbir zamanı epizootik risk əsasında müəyyən olunmuş dövlət təbiət yasaqlıqlarının, ovçuluq təsərrüfatlarının və milli parkların su-bataqlıq, dənizsahili zonalar və digər ərazilərini əhatə etməklə, su anbarları və çaysahili ərazilərdə ümumi müşahidələr aparılaraq vəhşi quşlara klinik baxış keçirilib, 62 baş müxtəlif növ vəhşi quşdan diaqnostik nümunələr götürülüb. Bundan əlavə, 40 sənaye əsaslı müxtəlif həcmli quşçuluq müəssisəsində 400 baş, habelə 21 rayonun (şəhər) 243 ailə təsərrüfatından ümumilikdə müxtəlif növ 742 baş ev quşundan laborator müayinə üçün qan və yaxma nümunələri götürülüb. Monitorinq çərçivəsində təbiət ərazilərinə, müxtəlif növ quşçuluq müəssisələrinə, ailə təsərrüfatlarına, su hövzələri, parklar və zooparklara, dekorativ quşların saxlandığı obyektlərə, diri quş satışının həyata keçirildiyi bazarlara ümumi baxış keçirilib, baytarlıq norma və qaydalarına əməl olunması üçün məqsədyönlü maarifləndirmə-təbliğat tədbirləri həyata keçirilib. Monitorinq müddətində vəhşi və ev quşlarından götürülmüş nümunələr müvafiq laboratoriyalarda müayinə edilib. Aparılmış müayinələrin ümumi təhlili zamanı quş qripi xəstəliyinin törədicisi və xəstəliyə şübhəli klinik əlamətləri olan quşa rast gəlinməyib. Ev quşlarından götürülmüş diaqnostik nümunələr Nyukasl xəstəliyinə görə də müayinə edilib və yoluxmaya şübhəli hala rast gəlinməyib. Epizootoloji vəziyyət və götürülmüş nümunələr barədə məlumatlar müvafiq elektron sistemə daxil edilib.
AQTA sədri “InterFood Azerbaijan” və “Caspian Agro” sərgilərinin açılış mərasimində iştirak edib
Mayın 13-də Bakı Ekspo Mərkəzində 30-cu Yubiley Azərbaycan Beynəlxalq Qida Sənayesi “InterFood Azerbaijan” və 18-ci Azərbaycan Beynəlxalq Kənd Təsərrüfatı “Caspian Agro” sərgiləri öz işinə başlayıb. “Caspian Agro” və “InterFood Azerbaijan” sərgiləri Kənd Təsərrüfatı Nazirliyinin təşkilati dəstəyi ilə keçirilir. Həmçinin Azərbaycan Respublikasının Qida Təhlükəsizliyi Agentliyi (AQTA), Kiçik və Orta Biznesin İnkişafı Agentliyi (KOBİA), Azərbaycan Respublikasının İxracın və İnvestisiyaların Təşviqi Agentliyi (AZPROMO), Azərbaycan Respublikası Sahibkarlar (İşəgötürənlər) Təşkilatları Milli Konfederasiyası (ASK), Azərbaycan Qida və İçki Sənayeçiləri Assosiasiyası (AQİSA), BMT-nin Ərzaq və Kənd Təsərrüfatı Təşkilatı (FAO) və Azərbaycan Sərgi Təşkilatçıları Assosiasiyası (ASTA) sərgiləri fəal şəkildə dəstəkləyirlər. AQTA sədri Qoşqar Təhməzli “InterFood Azerbaijan” və “Caspian Agro” sərgilərinin açılış mərasimində çıxış edib. Q.Təhməzli diqqətə çatdırıb ki, “Azərbaycan Respublikasında qida təhlükəsizliyinin təmin edilməsinə dair 2019-2025-ci illər üçün Dövlət Proqramı”nın icrası ilə əlaqədar Azərbaycan Respublikasının Qida Təhlükəsizliyi Agentliyi tərəfindən ölkədə insan, heyvan və bitki sağlamlığı üçün təhlükə törədən müvafiq risklərin idarə edilməsi, biotəhlükəsizliyin qorunması və təmin olunması istiqamətində ardıcıl və məqsədyönlü tədbirlər həyata keçirilməkdədir. Qida təhlükəsizliyi sisteminin hüquqi bazasının beynəlxalq təcrübəyə uyğun formalaşdırılması məqsədilə “Qida təhlükəsizliyi haqqında” Azərbaycan Respublikasının Qanununun qəbul edildiyini və həmin Qanunun icrasından irəli gələrək 15 qaydanın təsdiq olunduğunu və uyğunlaşdırma çərçivəsində 79 sayda normativ hüquqi akta dəyişikliklər edildiyini bildirən AQTA sədri əlavə edib ki, ötən dövr ərzində qida təhlükəsizliyi, baytarlıq və fitosanitar sahədə sanitar norma və qaydaların beynəlxalq standartlara uyğunlaşdırılması məqsədilə Agentliyin Kollegiyasının Qərarı ilə 24 sayda texniki normativ hüquqi akt qəbul edilib. Q.Təhməzli “Bitki sağlamlığı haqqında” Azərbaycan Respublikasının Qanunu layihəsinin hazırlandığını sərgi iştirakçılarının diqqətinə çatdıraraq, layihənin aidiyyəti dövlət qurumlarına rəy üçün göndərildiyini, hazırda maraqlı tərəflərin iştirakı ilə geniş ictimai müzakirəsinin keçirildiyini vurğulayıb: “Eyni zamanda heyvan sağlamlığı sahəsində mövcud qanunvericiliyi beynəlxalq tələblərə uyğunlaşdırmaq məqsədilə beynəlxalq ekspertlərin tövsiyələri də nəzərə alınmaqla, “Heyvan sağlamlığı haqqında” Azərbaycan Respublikasının Qanunu layihəsi hazırlanmışdır” – sitatın sonu. AQTA sədri çıxışında həmçinin qeyd edib ki, idxal və ixrac əməliyyatları zamanı qida təhlükəsizliyinə nəzarətin operativ həyata keçirilməsi məqsədilə Qazax rayonunun Gürcüstan Respublikası ilə sərhəd buraxılış məntəqəsinə yaxın ərazisində yaradılmış “Qırmızı körpü” Qida təhlükəsizliyi nəzarəti məntəqəsi lazımi bütün avadanlıqlarla təchiz edilib və fəaliyyətə başlayıb. “Son illər mütərəqqi beynəlxalq təcrübəyə uyğun olaraq, respublikamızın insan və heyvan sağlamlığı üçün təhlükə törədən, habelə ətraf mühitdə bioloji təhlükəsizliyin pozulmasına səbəb olan xəstəliklərə görə sağlamlıq statusunun təsdiq edilməsi istiqamətində ciddi işlər aparılıb”, – deyən Q.Təhməzli əlavə edib ki, bu çərçivədə Azərbaycan 2024-cü ildə Ümumdünya Heyvan Sağlamlığı Təşkilatı tərəfindən xırdabuynuzlu heyvanların taunu və yüksək patogen quş qripi xəstəliyindən azad ölkə kimi tanınıb, eyni zamanda əvvəlki illərdə əldə edilmiş atların afrika xəstəliyi və donuzların afrika taunu xəstəliyindən azad olma statusu qorunub saxlanılır. Agentlik sədri onu da bildirib ki, əldə edilən bütün bu nailiyyətlər, ölkədə bioloji təhlükəsizliyin təmin olunması istiqamətində aparılan məqsədyönlü tədbirlər, dünyada mövcud olan bir sıra heyvan xəstəliklərindən azad statusların əldə edilməsi, beynəlxalq əməkdaşlıq əlaqələrinin inkişaf etdirilməsi və yeni əlaqələrin qurulması ölkəmizdə istehsal olunan bir sıra qida məhsullarının ixrac potensialı üçün münbit şərait yaradır. Sitat: “Belə ki, Azərbaycan Respublikasından bir sıra ölkələrə, o cümlədən Rusiya Federasiyası və Amerika Birləşmiş Ştatlarına ərzaqlıq yumurtanın ixracına başlanılıb. Akvakulturada yetişdirilən nərəkimilər cinsindən olan balıqlardan əldə olunmuş kürü məhsullarının Avropa İttifaqı ölkələrinə ixracı üçün icazənin davamlılığı təmin edilmişdir”. Bununla yanaşı, qeyd olunub ki, Azərbaycan Respublikası Prezidentinin müvafiq Sərəncamı ilə təsdiq edilmiş “Azərbaycan Respublikasının işğaldan azad edilmiş ərazilərinə Böyük Qayıdışa dair I Dövlət Proqramı”nda qida təhlükəsizliyi sahəsində qarşıya qoyulmuş tədbirlərin icrası uğurla davam etdirilib. Ümumdünya Heyvan Sağlamlığı Təşkilatının tələblərinə uyğun olaraq, işğaldan azad edilmiş ərazilərdə yaradılacaq heyvan xəstəliklərindən azad zona ilə bağlı təsərrüfatlarda epizootoloji monitorinq və digər zəruri tədbirlər həyata keçirilib. “InterFood Azerbaijan” və “Caspian Agro” sərgilərində 30-dan artıq ölkədən 450-dək şirkət öz iştirakını təsdiq edib. Sərgilər Bakı Ekspo Mərkəzinin bütün pavilyonlarını və açıq sahəsini əhatə edir. Xatırladaq ki, “InterFood Azerbaijan” və “Caspian Agro” sərgiləri bu il 4 gün ərzində təşkil ediləcək.
