Giriş
Qəhvəyi mərmər bağacığına qarşı monitorinqlər davam etdirilir
25 Fevral 2026 17:52
Qida Təhlükəsizliyi Agentliyinin Şəki-Zaqatala regional bölməsinin fitosanitar müfəttişləri tərəfindən qəhvəyi mərmər bağacığına qarşı qışlama ocaqlarının aşkar edilməsi və məhv edilməsi məqsədilə monitorinq tədbirləri davam etdirilir.
Monitorinqlər Balakən, Zaqatala və Qax rayonları ərazilərində həyata keçirilir. Bu çərçivədə zərərvericinin qışlama ehtimalı olan yaşayış evləri, yardımçı tikililər, anbarlar və təsərrüfat sahələri, eləcə də digər potensial sığınacaq yerlərinə baxış keçirilir. Aşkar edilən qəhvəyi mərmər bağacığı fərdləri mexaniki üsulla məhv olunur.
Eyni zamanda vətəndaşlarla maarifləndirici söhbətlər aparılır, zərərvericinin yaratdığı təhlükələr və düzgün mübarizə üsulları izah edilir, ictimaiyyətin bu prosesdə fəal iştirakının vacibliyi vurğulanır.
Monitorinq və maarifləndirmə tədbirləri məktəblərdə, uşaq bağçalarında, kənd icra nümayəndəliklərində və insanların kütləvi toplaşdığı digər ictimai məkanlarda da həyata keçirilir.
Oxşar xəbərlər
AQTA və Dövlət Məşğulluq Agentliyi arasında peşə hazırlığı layihəsi müzakirə olunub
Azərbaycan Respublikasının Qida Təhlükəsizliyi Agentliyi (AQTA) və Əmək və Əhalinin Sosial Müdafiəsi Nazirliyinin tabeliyində Dövlət Məşğulluq Agentliyinin (DMA) nümayəndələri arasında peşə hazırlığı layihəsinin müzakirəsinə həsr olunmuş görüş keçirilib.
Qida allergiyası: Əlamətləri tanımaq həyati əhəmiyyət daşıyır - VİDEO
Qida allergiyası - immun sisteminin bəzi qidaların tərkibindəki zülallara qarşı həddindən artıq reaksiyası nəticəsində yaranan allergik vəziyyətdir. Qida allergiyası zamanı orqanizm müəyyən qida zülallarını təhlükə kimi qəbul edir və buna cavab olaraq allergik reaksiya inkişaf etdirir. Süd, yumurta, yerfındığı, qoz-fındıq, buğda, soya, balıq, dəniz məhsulları və küncüt allergik reaksiyalara daha çox səbəb olan qidalar sırasında yer alır.
Amerika ağ kəpənəyinə qarşı mübarizə üçün hansı tədbirlər görülməlidir?
Amerika ağ kəpənəyi respublika ərazisində məhdud dairədə yayılan, karantin tətbiq edilən zərərvericidir. Azərbaycanda Bakı, Abşeron-Xızı, Quba-Xaçmaz, Lənkəran-Astara və Şəki-Zaqatala iqtisadi rayonlarının bəzi ərazilərində rast gəlinir.
