“Qida məhsulları ilə təmasda olan material və məmulatlara dair sanitariya norma və qaydaları” qüvvəyə minib

20 Avqust 2025 16:19

Azərbaycan Respublikası Qida Təhlükəsizliyi Agentliyinin Kollegiyasının Qərarı ilə  təsdiq edilmiş “Qida məhsulları ilə təmasda olan material və məmulatlara dair sanitariya norma və qaydaları” 2025-ci ilin 20 avqust tarixindən qüvvəyə minib.

Bu Qaydalar qida məhsulları ilə təmas edən, qida məhsulları ilə təmas etməsi nəzərdə tutulan və ehtimal olunan material və məmulatlara dair tələbləri müəyyən edir.

Sözügedən Qaydaların əhatə dairəsinə aid edilən material və məmulatlar insan sağlamlığına təhlükə yaratmamalı, qida məhsulunun tərkibini mənfi istiqamətdə dəyişməməli və qida məhsulunun orqanoleptik xüsusiyyətlərinin pisləşməsinə səbəb olmamalıdır.

Bununla yanaşı, Qaydalarda aktiv və ağıllı, kağız, metal və şüşə əsaslı materiallara dair xüsusi tələblər, eyni zamanda plastik material və məmulatlardakı müəyyən maddələr üçün məhdudiyyətlər göstərilib. Əlavə olaraq, sənəd qida məhsulları ilə təmasda olan material və məmulatların etiketlənməsi ilə bağlı tələbləri əhatə edir.

Qaydalarla ətraflı linkdən tanış ola bilərsiniz:
https://afsa.gov.az/storage/pages/10877/56-qida-mehsullari-ile-temasda-olan-material-ve-memulatlara-dair-sanitariya-norma-ve-qaydalarinin-tesdiq-edilmesi-barede-1.pdf

Oxşar xəbərlər

13 Avqust 2026 16:34

Qoşqar Təhməzli “ATS Food” MMC-nin fəaliyyəti ilə tanış olub

Azərbaycan Respublikası Qida Təhlükəsizliyi Agentliyinin (AQTA) sədri Qoşqar Təhməzli avqust ayının 13-də “ATS Food” MMC-nin “Bismak” əmtəə nişanlı istehsal xəttinin fəaliyyəti ilə tanış olub. Müəssisədə istehsal prosesinin müxtəlif mərhələləri, tətbiq olunan texnologiyalar, unlu qənnadı və digər qənnadı məmulatlarının emalı və qablaşdırılması proseslərini izləyib.

7 Avqust 2026 17:14

Heyvan kəsimi məntəqələrində monitorinqlər aparılıb

Azərbaycan Respublikasının Qida Təhlükəsizliyi Agentliyi (AQTA) tərəfindən qida təhlükəsizliyinin təmin olunması, baytarlıq-sanitariya və sanitariya-gigiyena qaydalarına əməl olunmasına nəzarət məqsədilə respublika üzrə fəaliyyət göstərən kəsim məntəqələrində növbəti monitorinqlər həyata keçirilib.

7 Avqust 2026 17:00

Malayziyadan idxal olunan bəzi bioloji aktiv qida məhsullarında uyğunsuzluq aşkarlanıb

Azərbaycan Respublikasının Qida Təhlükəsizliyi Agentliyi (AQTA) tərəfindən həyata keçirilən nəzarət tədbirləri çərçivəsində Malayziya mənşəli bioloji aktiv qida məhsullarında uyğunsuzluq aşkarlanıb.