Qida məhsullarının daşınması və çatdırılması sahəsində fəaliyyət göstərən bir sıra müəssisələr qida təhlükəsizliyi qeydiyyatından keçib
4 Sentyabr 2023 09:25
Qida təhlükəsizliyi haqqında Azərbaycan Respublikasının müvafiq qanunvericiliyini rəhbər tutaraq və əhalinin qida təhlükəsizliyinin təmin edilməsi istiqamətində ölkə ərazisində qida zəncirinin bütün mərhələlərində, o cümlədən qida məhsullarının ilkin istehsalı, istehsalı, emalı, dövriyyəsi, utilizasiyası, daşınması və digər fəaliyyətləri həyata keçirən sahibkarlıq subyektlərinin qida təhlükəsizliyi qeydiyyatına alınması prosesi davam etdirilir.
Qida məhsullarının daşınması və çatdırılması fəaliyyəti ilə məşğul olan "Bolt Services AZ" MMC, "Ozio" MMC, "İndi Market" MMC və "Bazarstore" MMC qida təhlükəsizliyi qeydiyyatına alınması üçün Agentliyə müraciət edib. Müraciət əsasında bu fəaliyyət sahəsi üzrə adları qeyd olunan şirkətlər müvafiq qaydada qeydiyyata alınıb. Qeydiyyatdan keçmiş müəssisələrə Agentlik tərəfindən qida təhlükəsizliyinin təmin edilməsi ilə bağlı metodiki dəstəyin verilməsi, müvafiq tələblərin mərhələli şəkildə icrasının təmin olunması və fəaliyyətin qida təhlükəsizliyi tələblərinə uyğunlaşdırılması ilə bağlı köməklik göstəriləcək. Həmçinin qarşılıqlı əməkdaşlıq çərçivəsində ödənişsiz olaraq Azərbaycan Qida Təhlükəsizliyi İnstitutu tərəfindən qeydiyyatdan keçmiş bu şirkətlərin əməkdaşları üçün müvafiq təlimlərin keçirilməsinə başlanılacaq.
Qeyd edək ki, qida zəncirinin bütün mərhələləri, o cümlədən qida məhsullarının daşınması və çatdırılması sahəsində fəaliyyət göstərən sahibkarlar “Qida təhlükəsizliyi haqqında” Azərbaycan Respublikası Qanunundan irəli gələn tələblərə, o cümlədən qeydiyyatdan keçməklə bağlı tələblərə əməl etmələri zəruridir. Bildirilir ki, qida sahəsində fəaliyyət göstərən sahibkarlıq subyektlərinin qeydiyyatdan keçmədən fəaliyyəti qanunvericiliklə qadağandır.
Onu da bildirək ki, Agentlik tərəfindən qida təhlükəsizliyi qeydiyyatına dair müraciətlərin qəbulu prosesi elektronlaşdırılıb. Elektron sistem vasitəsilə qida təhlükəsizliyi qeydiyyatından keçmək istəyən sahibkarlar AQTA-nın rəsmi internet saytına (www.afsa.gov.az) daxil olaraq, onlayn qeydiyyat üçün müraciət edə bilərlər. Qeydiyyat üçün dövlət rüsumu tələb olunmur.
Oxşar xəbərlər
Dönərxanalarda aparılan monitorinqlərin nəticələri açıqlanıb
Azərbaycan Respublikasının Qida Təhlükəsizliyi Agentliyi (AQTA) tərəfindən dönərxanalarda hazırlanan dönərlərin minimum keyfiyyət və təhlükəsizlik göstəricilərinin qiymətləndirilməsi məqsədilə monitorinqlər həyata keçirilir.
Lerikdə su istehsalı müəssisəsində yoxlama aparılıb
Azərbaycan Respublikasının Qida Təhlükəsizliyi Agentliyinin əməkdaşları tərəfindən Lerik rayonu Monidigah kəndində fəaliyyət göstərən “Şəfa” MMC-yə məxsus su istehsalı müəssisəsində yoxlama həyata keçirilib.
AQTİ növbəti səriştəlilik sınağı ilə bağlı müraciətlərin qəbulunu davam etdirir
Azərbaycan Qida Təhlükəsizliyi İnstitutu ölkədə fəaliyyət göstərən laboratoriyalar üçün elan olunan növbəti, su nümunəsində codluq, xloridlər, konduktivlik və pH parametrlərinin müayinəsi üzrə səriştəlilik sınağı ilə bağlı müraciətlərin qəbulunu davam etdirir.