Giriş
Qida sahəsində nümunəvi fəaliyyət göstərən sahibkarlıq subyektlərində maarifləndirici görüşlər təşkil olunub
10 Dekabr 2021 17:55
Azərbaycan Respublikasının Qida Təhlükəsizliyi Agentliyi (AQTA) sahibkarlıq subyektlərinin qeydiyyatı və sahibkarlarla işin təkmilləşdirilməsi, ölkədə fəaliyyət göstərən nümunəvi müəssisələrin müəyyənləşdirilməsi məqsədilə müvafiq sahələr üzrə fəaliyyət göstərən sahibkarların həmin müəssisələrə təcrübə səfərlərini təşkil edir.
Bununla əlaqədar olaraq, bir neçə ictimai iaşə müəssisəsi nümayəndələrinin iştirakı ilə AQTA əməkdaşları tərəfindən Bakı şəhəri, Nizami rayonu, 2-ci köndələn küçəsi 2 ünvanında yerləşən, fiziki şəxs Bayramlı Salman Kamal oğluna məxsus toyuq dönərinin ilkin emalı müəssisəsinə, Yasamal rayonu, Şərifzadə küç., ev 17 ünvanında yerləşən, fiziki şəxs Kazımov İlqar Orucəli oğluna məxsus “Doneretto” və Xətai rayonu, Süleyman Vəzirov küç., ev 2 ünvanında yerləşən, fiziki şəxs Əkbərov Nicat Nazir oğluna məxsus “Adana” ictimai iaşə obyektlərinə, həmçinin Binə qəsəbəsində fəaliyyət göstərən, “Nürəddinoğlu” MMC-yə məxsus iri və xırdabuynuzlu heyvanların kəsim məntəqəsinə, Suraxanı rayonunda fəaliyyət göstərən, fiziki şəxs Rəhimov Abdullaya məxsus ev quşlarının kəsim sexinə təcrübə səfəri təşkil olunub, görülən işlər, göstərilən xidmətlərlə yaxından tanış olunub, qida təhlükəsizliyi ilə bağlı maarifləndirici söhbətlər və təcrübə mübadiləsi aparılıb.
Oxşar xəbərlər
İctimai iaşə müəssisələrində aşkar edilmiş nöqsanlar aradan qaldırılıb
Azərbaycan Respublikası Qida Təhlükəsizliyi Agentliyinin apardığı plandankənar yoxlamalar zamanı Bakı şəhərində fəaliyyət göstərən bir sıra ictimai iaşə və qida məhsullarının satışı ilə məşğul olan müəssisələrdə aşkarlanmış nöqsanların aradan qaldırılması istiqamətində müvafiq sağlamlaşdırma tədbirləri həyata keçirilib. Belə ki, Xətai, Yasamal və Suraxanı rayonlarında fəaliyyət göstərən 3 müəssisədə keçirilmiş yoxlamalar zamanı müəyyən edilmiş nöqsanlar müəssisə sahibləri tərəfindən aradan qaldırılıb. Görülmüş tədbirlər nəticəsində ictimai iaşə müəssisələrində aşkar edilmiş uyğunsuzluqlar aradan qaldırılıb və fəaliyyətin davam etdirilməsinə şərait yaradılıb. Sağlamlaşdırma tədbirləri həyata keçirilən müəssisələr aşağıdakılardır: 1. Fiziki şəxs Rəhimov Fərid Mübariz oğluna məxsus Bakı şəhəri, Nəsimi rayonu, Mir Cəlal 4 mkr, ev 18A ünvanında yerləşən “Köhnə ciyərxana” kafesi; 2. Fiziki şəxs Zamanov Nəsimi Səməd oğluna məxsus Bakı şəhəri, Nəsimi rayonu, Mir Cəlal küçəsi, 18/3 (93 saylı mağaza) ünvanında yerləşən “Köhnə ciyərxana” kafesi; 3.Fiziki şəxs Bayramov Emin Varımcan oğluna məxsus Bakı şəhəri, Xəzər rayonu, Şüvəlan qəsəbəsi, A.İldırım küçəsi, 37C ünvanında yerləşən “Halva” kafesi;
Masallıda qanunsuz toyuq kəsimi sexləri aşkarlandı – Fəaliyyətləri məhdudlaşdırıldı
Azərbaycan Respublikası Qida Təhlükəsizliyi Agentliyinin əməkdaşları Masallı rayonu, İsgəndərli qəsəbəsində Rəsulov Taleh Seyran oğluna məxsus toyuq kəsimi sexində, Digah kəndində isə Paşayev Füzuli İbrahim oğluna məxsus toyuq kəsimi sahəsində yoxlama keçirib. Yoxlama zamanı hər iki qida obyektində quşların müvafiq müşayiətedici sənədlərinin olmaması, sanitar-gigiyenik və sanitar-texniki tələblərin pozulması və digər nöqsanlar aşkarlanıb. Hər iki sahibkar barəsində inzibati protokol tərtib edilib, məhdudlaşdırıcı tədbirlərin tətbiqi barədə qərar qəbul olunub, toyuq məhsullarından nümunələr götürülərək laborator müayinələrə cəlb edilib. Araşdırmalar davam etdirilir.
Nəzarət tədbirləri - İcmal
AQTA tərəfindən keçirilən plandankənar yoxlamalar zamanı Bakı şəhərində, Bərdə və Masallı rayonlarında fəaliyyət göstərən qida obyektlərində sanitariya-gigiyena tələblərinin pozulması və digər nöqsanlar müəyyən edilib. Aşkarlanmış pozuntularla bağlı obyektlərin fəaliyyətinin məhdudlaşdırılması istiqamətində tədbirlər görülüb.
