Giriş
Qida təhlükəsizliyi sahəsində innovativ həllərin tətbiqi uğurla davam etdirilir
18 May 2021 10:06
Azərbaycan Qida Təhlükəsizliyi İnstitutunun tabeliyində fəaliyyət göstərən laboratoriyalarda innovativ həllərin tətbiqi uğurla davam edir. Hazırda respublikanın müxtəlif bölgələrində qida təhlükəsizliyi sahəsində fəaliyyət göstərən 15 laboratoriya vahid korporativ elektron şəbəkədə birləşdirilib. Laboratoriyaların idarə edilməsində və işlərin icrasında operativliyin təmin edilməsi üçün Avtomatlaşdırılmış Qida Təhlükəsizliyi İnformasiya Sisteminin (AQTİS) daxili alt sistemi olan “Laboratoriya İdarəetmə Sistemi” 15 laboratoriyada tətbiq edilib. Sistemin əsas funksionallığı sınaq üçün tətbiq edilən nümunələrin izlənməsindən və təhlükəsizliyinin təmin edilməsindən, eləcə də ödənişlərin onlayn qaydada həyata keçirilməsindən ibarətdir. Bütün bu proseslər sistem ilə icra edilir, yekun protokol sahibkarlara operativ təqdim edilir. Protokollarda məlumat təhlükəsizliyinin və tamlığının qorunması üçün QR kod ilə yoxlama və təsdiqləmə funksiyaları da mövcuddur. Bununla yanaşı, sahibkarlar və fərdi müştərilər E-AQTA mobil tətbiqindən istifadə edərək sınaq nəticələri barədə məlumatları operativ şəkildə əldə edə və ödənişlərini vaxt itirmədən onlayn qaydada həyata keçirə bilərlər. Sistemin tətbiqi idxal-ixrac prosesinin operativliyinə təkan verməklər yanaşı, sahibkarlara vaxt itkisi olmadan öz müraciətlərinin icra vəziyyətini izləməsinə imkan verir.
Azərbaycan Qida Təhlükəsizliyi İnstitutunda xidmət keyfiyyətinin yüksəldilməsi və innovativ həllərin tətbiqi və laboratoriyalarda müasir texnologiyaların tətbiq edilməsi istiqamətində işlər uğurla davam etdirilir.
Oxşar xəbərlər
İctimai iaşə müəssisələrində aşkar edilmiş nöqsanlar aradan qaldırılıb
Azərbaycan Respublikası Qida Təhlükəsizliyi Agentliyinin apardığı plandankənar yoxlamalar zamanı Bakı şəhərində fəaliyyət göstərən bir sıra ictimai iaşə və qida məhsullarının satışı ilə məşğul olan müəssisələrdə aşkarlanmış nöqsanların aradan qaldırılması istiqamətində müvafiq sağlamlaşdırma tədbirləri həyata keçirilib. Belə ki, Xətai, Yasamal və Suraxanı rayonlarında fəaliyyət göstərən 3 müəssisədə keçirilmiş yoxlamalar zamanı müəyyən edilmiş nöqsanlar müəssisə sahibləri tərəfindən aradan qaldırılıb. Görülmüş tədbirlər nəticəsində ictimai iaşə müəssisələrində aşkar edilmiş uyğunsuzluqlar aradan qaldırılıb və fəaliyyətin davam etdirilməsinə şərait yaradılıb. Sağlamlaşdırma tədbirləri həyata keçirilən müəssisələr aşağıdakılardır: 1. Fiziki şəxs Rəhimov Fərid Mübariz oğluna məxsus Bakı şəhəri, Nəsimi rayonu, Mir Cəlal 4 mkr, ev 18A ünvanında yerləşən “Köhnə ciyərxana” kafesi; 2. Fiziki şəxs Zamanov Nəsimi Səməd oğluna məxsus Bakı şəhəri, Nəsimi rayonu, Mir Cəlal küçəsi, 18/3 (93 saylı mağaza) ünvanında yerləşən “Köhnə ciyərxana” kafesi; 3.Fiziki şəxs Bayramov Emin Varımcan oğluna məxsus Bakı şəhəri, Xəzər rayonu, Şüvəlan qəsəbəsi, A.İldırım küçəsi, 37C ünvanında yerləşən “Halva” kafesi;
Masallıda qanunsuz toyuq kəsimi sexləri aşkarlandı – Fəaliyyətləri məhdudlaşdırıldı
Azərbaycan Respublikası Qida Təhlükəsizliyi Agentliyinin əməkdaşları Masallı rayonu, İsgəndərli qəsəbəsində Rəsulov Taleh Seyran oğluna məxsus toyuq kəsimi sexində, Digah kəndində isə Paşayev Füzuli İbrahim oğluna məxsus toyuq kəsimi sahəsində yoxlama keçirib. Yoxlama zamanı hər iki qida obyektində quşların müvafiq müşayiətedici sənədlərinin olmaması, sanitar-gigiyenik və sanitar-texniki tələblərin pozulması və digər nöqsanlar aşkarlanıb. Hər iki sahibkar barəsində inzibati protokol tərtib edilib, məhdudlaşdırıcı tədbirlərin tətbiqi barədə qərar qəbul olunub, toyuq məhsullarından nümunələr götürülərək laborator müayinələrə cəlb edilib. Araşdırmalar davam etdirilir.
Nəzarət tədbirləri - İcmal
AQTA tərəfindən keçirilən plandankənar yoxlamalar zamanı Bakı şəhərində, Bərdə və Masallı rayonlarında fəaliyyət göstərən qida obyektlərində sanitariya-gigiyena tələblərinin pozulması və digər nöqsanlar müəyyən edilib. Aşkarlanmış pozuntularla bağlı obyektlərin fəaliyyətinin məhdudlaşdırılması istiqamətində tədbirlər görülüb.
