Giriş
Qida təhlükəsizliyi sahəsində laboratoriya üzrə fəaliyyət göstərən mütəxəssis və tələbələr üçün təlim keçirilib
16 Mart 2022 15:48
Azərbaycan Qida Təhlükəsizliyi İnstitutu (AQTİ) laboratoriya üzrə qida təhlükəsizliyi sahəsində fəaliyyət göstərən mütəxəssis və tələbələr üçün təşkil etdiyi təlimləri davam etdirir. Qida təhlükəsizliyi üzrə elmi bazanın təkmilləşdirilməsi və mövcud kadr potensialının gücləndirilməsi məqsədi daşıyan növbəti təlim İnstitutun müasir tələblər əsasında qurulmuş Bakı Regional Sınaq laboratoriyasında baş tutub.
Təlim proqramı “Klassik mikrobioloji müayinələr və ISO 7218 Qida məhsulları və heyvan yemlərinin mikrobiologiyası. Mikrobioloji müayinələrə dair ümumi tələblər” mövzusunu əhatə edən nəzəri və praktiki hissələrdən ibarət olub.
İştirakçılar təlimin ilk günündə AQTİ-nin strukturu, daha sonra adıçəkilən laboratoriyada təhlükəsizlik qaydaları və mikrobioloji laboratoriyaya dair sterillik qaydalara əməl olunması ilə bağlı təqdimatla tanış olublar. Təlim çərçivəsində mütəxəssis və tələbələrə ISO 7218 standartının tələbləri ətraflı izah edilib.
Təlim boyu geniş nəzəri biliklər əldə edən iştirakçılar praktiki məşğələlərdə mikrobioloji laboratoriyada mütəxəssislər tərəfindən məlumatlandırılıb, müayinə metodlarının tətbiqini həyata keçiriblər.
Oxşar xəbərlər
İctimai iaşə müəssisələrində aşkar edilmiş nöqsanlar aradan qaldırılıb
Azərbaycan Respublikası Qida Təhlükəsizliyi Agentliyinin apardığı plandankənar yoxlamalar zamanı Bakı şəhərində fəaliyyət göstərən bir sıra ictimai iaşə və qida məhsullarının satışı ilə məşğul olan müəssisələrdə aşkarlanmış nöqsanların aradan qaldırılması istiqamətində müvafiq sağlamlaşdırma tədbirləri həyata keçirilib. Belə ki, Xətai, Yasamal və Suraxanı rayonlarında fəaliyyət göstərən 3 müəssisədə keçirilmiş yoxlamalar zamanı müəyyən edilmiş nöqsanlar müəssisə sahibləri tərəfindən aradan qaldırılıb. Görülmüş tədbirlər nəticəsində ictimai iaşə müəssisələrində aşkar edilmiş uyğunsuzluqlar aradan qaldırılıb və fəaliyyətin davam etdirilməsinə şərait yaradılıb. Sağlamlaşdırma tədbirləri həyata keçirilən müəssisələr aşağıdakılardır: 1. Fiziki şəxs Rəhimov Fərid Mübariz oğluna məxsus Bakı şəhəri, Nəsimi rayonu, Mir Cəlal 4 mkr, ev 18A ünvanında yerləşən “Köhnə ciyərxana” kafesi; 2. Fiziki şəxs Zamanov Nəsimi Səməd oğluna məxsus Bakı şəhəri, Nəsimi rayonu, Mir Cəlal küçəsi, 18/3 (93 saylı mağaza) ünvanında yerləşən “Köhnə ciyərxana” kafesi; 3.Fiziki şəxs Bayramov Emin Varımcan oğluna məxsus Bakı şəhəri, Xəzər rayonu, Şüvəlan qəsəbəsi, A.İldırım küçəsi, 37C ünvanında yerləşən “Halva” kafesi;
Masallıda qanunsuz toyuq kəsimi sexləri aşkarlandı – Fəaliyyətləri məhdudlaşdırıldı
Azərbaycan Respublikası Qida Təhlükəsizliyi Agentliyinin əməkdaşları Masallı rayonu, İsgəndərli qəsəbəsində Rəsulov Taleh Seyran oğluna məxsus toyuq kəsimi sexində, Digah kəndində isə Paşayev Füzuli İbrahim oğluna məxsus toyuq kəsimi sahəsində yoxlama keçirib. Yoxlama zamanı hər iki qida obyektində quşların müvafiq müşayiətedici sənədlərinin olmaması, sanitar-gigiyenik və sanitar-texniki tələblərin pozulması və digər nöqsanlar aşkarlanıb. Hər iki sahibkar barəsində inzibati protokol tərtib edilib, məhdudlaşdırıcı tədbirlərin tətbiqi barədə qərar qəbul olunub, toyuq məhsullarından nümunələr götürülərək laborator müayinələrə cəlb edilib. Araşdırmalar davam etdirilir.
Nəzarət tədbirləri - İcmal
AQTA tərəfindən keçirilən plandankənar yoxlamalar zamanı Bakı şəhərində, Bərdə və Masallı rayonlarında fəaliyyət göstərən qida obyektlərində sanitariya-gigiyena tələblərinin pozulması və digər nöqsanlar müəyyən edilib. Aşkarlanmış pozuntularla bağlı obyektlərin fəaliyyətinin məhdudlaşdırılması istiqamətində tədbirlər görülüb.
