Türkiyədən olan mütəxəssislər və FAO-nun nümayəndələri AQTİ-də olublar
3 Sentyabr 2024 15:25
Bitki sağlamlığı üzrə Türkiyə Respublikasından olan mütəxəssislər və BMT-nin Ərzaq və Kənd Təsərrüfatı Təşkilatının (FAO) Azərbaycan nümayəndəliyinin təmsilçiləri FAO-Türkiyə Tərəfdaşlıq Proqramı (FTPP II) çərçivəsində Azərbaycan Qida Təhlükəsizliyi İnstitutunda (AQTİ) olublar.
AQTİ-də təşkil edilən görüşdə qonaqlara İnstitutun fəaliyyət istiqamətləri barədə ətraflı məlumat verilib. Bildirilib ki, ölkədə qida təhlükəsizliyinin təmin olunması və əhalinin sağlamlığının qorunması məqsədilə AQTİ-nin nəzdində qida təhlükəsizliyi, kompleks tədqiqatlar, bitki və heyvan sağlamlığı üzrə ixtisaslaşmış laboratoriyalar fəaliyyət göstərir. Laboratoriyalarda müxtəlif qida məhsullarının təhlükəsizlik və keyfiyyət göstəriciləri üzrə müayinələri aparılır.
Həmçinin görüş zamanı Azərbaycanın FTPP II-də iştirakı çərçivəsində böhran vəziyyətlərdə bitki sağlamlığının qiymətləndirilməsi, xəbərdarlıq prosedurlarının və fövqəladə hallara cavab tədbirlərinin formalaşdırılması ilə bağlı məsələlər müzakirə olunub. İki ölkənin müvafiq qurumları arasında təcrübə mübadiləsinin aparılması və digər məsələlər üzrə əməkdaşlığın genişləndirilməsinin zəruri olduğu vurğulanıb, mövcud imkanlar nəzərdən keçirilib, təkliflər irəli sürülüb.
Görüşdən sonra qonaqlar iş prinsipini öyrənmək məqsədilə İnstitutun Mərkəzi Fitosanitar Laboratoriyasına baxış keçiriblər. Onlar laborator sınaqların həyata keçirildiyi otaqlara baş çəkib, sınaqların aparılması prosesini izləyib, cihaz və avadanlıqlara baxıblar. Eləcə də bitki və bitkiçilik məhsullarında karantin ekspertiza və molekulyar bioloji müayinə üsulları ilə tanış olub, qarşılıqlı maraq doğuran məsələlər ətrafında fikir mübadiləsi aparıblar.
Oxşar xəbərlər
Azərbaycanla Yunanıstan qida təhlükəsizliyi sahəsində əməkdaşlığı genişləndirir
Azərbaycan Respublikasının Qida Təhlükəsizliyi Agentliyi (AQTA) ilə Yunanıstan Respublikasının Kənd Təsərrüfatı və Ərzaq Nazirliyinin nümayəndələri arasında əməkdaşlıq perspektivlərinin müzakirəsi məqsədilə onlayn görüş keçirilib. Görüşdə Yunanıstan tərəfi ölkədə tətbiq olunan heyvanların identifikasiyası və qeydiyyatı sistemi barədə ətraflı məlumat təqdim edib. Müzakirələr zamanı heyvan növlərinə uyğun tətbiq olunan identifikasiya vasitələri (qulaq nişanları, elektron çiplər və s.), həmçinin identifikasiya və qeydiyyat sisteminə riayət olunmasına nəzarət məsələləri diqqət mərkəzində olub. Bundan başqa, Yunanıstan tərəfi ölkəmizə süd və balıqçılıq məhsullarının idxalına maraq göstərdiyini bildirib. Sonda maraq doğuran digər məsələlər ətrafında müzakirələr aparılıb.
AQTA və Qətər Bələdiyyə Nazirliyi arasında baytarlıq sahəsində əməkdaşlıq müzakirə olunub
Azərbaycan Respublikasının Qida Təhlükəsizliyi Agentliyi (AQTA) ilə Qətər Dövlətinin Bələdiyyə Nazirliyinin təmsilçiləri arasında onlayn görüş keçirilib. Görüşdə baytarlıq sahəsində əməkdaşlığa dair Anlaşma Memorandumunun layihəsinin müddəaları müzakirə olunub. Eyni zamanda, qurumlar arasında qida, baytarlıq və fitosanitar sahədə gələcək əməkdaşlıq imkanları nəzərdən keçirilib.
AQTA nümayəndəsi Daşkənddə Beynəlxalq Toxum Ticarəti Konqresində iştirak edib
Özbəkistanda İqtisadi Əməkdaşlıq Təşkilatının (İƏT) Toxum Assosiasiyasının (ECOSA) 9-cu Beynəlxalq Toxum Ticarəti Konqresi keçirilib. Azərbaycan Respublikası Qida Təhlükəsizliyi Agentliyinin əməkdaşının iştirak etdiyi tədbirdə dövlət qurumlarının, özəl sektorun, beynəlxalq təşkilatların və toxum sənayesinin təmsilçiləri bir araya gəlib. Konqresdə regional əməkdaşlığın genişləndirilməsi, toxum ticarətinin inkişafı və beynəlxalq standartların uyğunlaşdırılması məsələləri müzakirə olunub. Keyfiyyətli toxum materialının ərzaq təhlükəsizliyinin təmin edilməsində və kənd təsərrüfatı məhsuldarlığının artırılmasında mühüm rolu vurğulanıb. Konqresin yekununda regional toxum əməkdaşlığının gücləndirilməsini, toxum ticarətinin inkişafını və beynəlxalq standartların uyğunlaşdırılmasını nəzərdə tutan Bəyannamə qəbul edilib.
- Qida obyektləri
- Qida subyektləri
- Qida məhsulları ilə təmasda olan material və məmulatların istehsalını və emalını həyata keçirən obyektlər
- Xarici qida obyektləri
- Məhsullar
- Pestisidlər, bioloji preparatlar və aqrokimyəvi maddələr
- Baytarlıq preparatları
- Təhlükəli məhsulların reyestri
- Qida məhsullarının təhlükəli hesab edilməsinə əsas verən halların açıq reyestri
Giriş