Giriş
Xətai rayonunda fəaliyyət göstərən bazarda plandankənar yoxlama keçirilib
24 İyun 2024 17:14
Azərbaycan Respublikası Qida Təhlükəsizliyi Agentliyinin əməkdaşları Bakı şəhəri, Xətai rayonu, Cavanşir küçəsi, ev 17 ünvanında fəaliyyət göstərən, fiziki şəxs Əlişov Elman Şükür oğluna məxsus “20 saylı bazar”da plandankənar yoxlama keçirib.
Baxış zamanı bazarın qida təhlükəsizliyi qeydiyyatından keçmədiyi, mənşəyi məlum olmayan və üzərində etiket məlumatları qeyd edilməyən bir sıra qida məhsullarının (yumurta, konservləşdirilmiş turşular, ət və s.) satışa çıxarıldığı, ət məhsullarının açıq halda saxlandığı və temperatur rejiminə əməl olunmadığı, ətin müvafiq baytarlıq arayışı, konservləşdirilmiş turşuların müşayiətedici sənədləri, meyvə-tərəvəz məhsullarının idxal sağlamlıq aktı və ya daxili karantin sertifikatı ilə müşayiət olunmadan satışının həyata keçirildiyi, müxtəlif mal qruplarının satışı üçün xüsusi şərait yaradılmış sahələrin ayrılmadığı, qida məhsullarının, əllərin, alət və ləvazimatların yuyulması üçün yetərli sayda yuma çanağının təşkil olunmadığı və axar isti su sisteminin təchiz edilmədiyi, satış sahəsində döşəmə və tavanın tamlığının pozulduğu, piştaxtaların asan yuyulub-təmizlənə bilən, suya, korroziyaya və dezinfeksiyaedici maddələrin təsirinə davamlı materialla üzlənmədiyi, mütəmadi olaraq müvafiq təmizlik işlərinin aparılmadığı, bazarda çalışan şəxslərin dövri tibbi müayinədən keçmədiyi və digər nöqsanlar müəyyən olunub.
Faktla bağlı bazar rəhbərliyi barəsində inzibati protokol tərtib edilib. Satışa təqdim edilən ət və konservləşdirilmiş turşu məhsullarından nümunələr götürülərək müayinələrin aparılması məqsədilə Azərbaycan Qida Təhlükəsizliyi İnstitutunun müvafiq laboratoriyasına təqdim edilib. Araşdırmalar davam etdirilir.
Oxşar xəbərlər
AQTA sədri Şəmkirdə istixana təsərrüfatlarında olub
Azərbaycan Respublikası Qida Təhlükəsizliyi Agentliyinin (AQTA) sədri Qoşqar Təhməzli Şəmkir rayonunda fəaliyyət göstərən “Shamkir Greenhouse” MMC və “AM Brothers Agro” MMC-nin istixana təsərrüfatlarında olub.
Ölkədə fəaliyyətinə icazə verilən heyvan bazarlarının sayı 22-ə çatdı - VİDEO
Qazax və Gədəbəy rayonlarında yerləşən heyvan bazarlarının biotəhlükəsizlik, həmçinin müasir standartlara uyğun yenidənqurma və abadlaşdırma işlərindən sonra fəaliyyətinə icazə verilib. Belə ki, bazarların giriş-çıxış qapısında dezbaryerlər quraşdırılıb, baytarlıq nəzarəti zamanı xəstəlik əlamətləri aşkar edilən heyvanların digər heyvanlardan təcrid olunaraq saxlanılması məqsədilə xüsusi izolyatorlar tikilib.
Ölkənin 33 rayon və şəhərində müasir heyvan kəsimi məntəqələri qurulmalıdır - VİDEO
Ət və ət məhsullarının təhlükəsizliyinin təmin edilməsi baxımından heyvanların kəsiminin müvafiq baytarlıq-sanitariya və sanitariya-gigiyena tələblərinə cavab verən ixtisaslaşdırılmış kəsim məntəqələrində həyata keçirilməsi mühüm əhəmiyyət daşıyır. Azərbaycan Respublikasının Qida Təhlükəsizliyi Agentliyi (AQTA) tərəfindən aparılan monitorinqlər göstərir ki, hazırda ölkənin 33 rayon və şəhərində heyvan kəsimi məntəqəsi ya mövcud deyil, ya da fəaliyyət göstərmir. Əhalinin sıx məskunlaşdığı bu bölgələrdə heyvan kəsimi məntəqələrinin mövcud olmaması heyvanların kəsiminin əksər hallarda küçələrdə, yol kənarlarında həyata keçirilməsinə şərait yaradır. Bu da öz növbəsində kəsim prosesinin, eləcə də əldə olunan ət və ət məhsullarının təhlükəsizliyinə nəzarətin təmin edilməsində birbaşa çətinliklər yaradır.
