218 müəssisədə reyd keçirildi, 84-ü barədə inzibati qaydada tədbir görüldü

29 İyun 2020 16:13

Nazirlər Kabinetinin qərarı ilə təsdiq edilmiş koronavirusun (COVID-19) profilaktikasına dair metodiki göstərişlərin icrasına nəzarət məqsədi ilə Azərbaycan Respublikasının Qida Təhlükəsizliyi Agentliyi (AQTA) tərəfindən ictimai iaşə və qida məhsullarının ticarəti ilə məşğul olan sahibkarlıq subyektlərində reydlər davam etdirilir.

28 iyun 2020-ci il tarixində AQTA əməkdaşları tərəfindən Bakıda, eləcə də regionlarda fəaliyyət göstərən 63 ictimai iaşə obyekti, 155 ərzaq satışı mağazası olmaqla ümumilikdə 218 müəssisədə reyd keçirilib. Sahibkarlıq subyektlərinə qida təhlükəsizliyi sahəsində qanunvericiliyin tələbləri izah edilib, icrası məcburi göstərişlər və maarifləndirici tövsiyələr verilib.

Reyd keçirilən obyektlərdən 84-də Nazirlər Kabinetinin qərarı ilə təsdiq edilmiş metodiki göstərişlərin tələblərindən irəli gələn bir sıra qaydalara əməl olunmaması və kobud şəkildə pozulması faktları aşkarlanıb. Aşkarlanmış faktlarla bağlı həmin müəssisələr barədə qanunvericiliyin tələbləri çərçivəsində inzibati tədbirlər görülüb. Sözügedən müəssisələr arasında daha çox uyğunsuzluqlar aşkar edilən ictimai iaşə və ərzaq mağazaları aşağıdakılardır.

Bakı şəhəri üzrə:

Əhmədov Rəşad Musa oğluna, Həsənov Hüseyn Vəli oğluna, Kazımov Elşən Şücayət oğluna, Şahbazi Zahid Musa oğluna, Əhmədov Yusif  Natiq oğluna, Davudzadə Günay Elşən qızına, Rzayev Samir İlyaz oğluna, Bağırova İrina Vladimirovna, Sayılova Mətanət İslam qızına, Mirzəyev Samir Rafət oğluna, Umudov Elşad Fərhad oğluna, Quliyev Kərim Mehdi oğluna, Hümbətov Xəqani Məhəmmədəli oğluna, Qəhrəmanov Ramin Soltan oğluna, Seyidov Mirağa Sabir oğluna, Hacıyeva Lətafət Tərif qızına, Şamilov Zülfiqar Kamandar oğluna məxsus ərzaq mağazaları, “Xudafərin AN”, “ƏVOA” MMC-lərə məxsus marketlər və “EF” market

Digər şəhər və rayonlar üzrə:

Gəncə şəhərində “Elmanoğlu”, “Oba”, “Murad”, “NN”, “Moskva” marketlər və Əliyev İbrahim Fəxrəddin oğluna məxsus ərzaq mağazası

Oğuz rayonunda “Royal Garden”, “Sərin bağ” restoranları

Qəbələ rayonunda Məlikov Vüqar Abduhəlim oğluna məxsus kafe, Əzizov Tərlan Əziz oğluna, Bəxtiyarlı Bəxtiyar Rəfail oğluna, Qədirov Adil Nizam oğluna, Məmmədov Sənan Əlövsət oğluna, Ədilov Sərxan Fizuli oğluna məxsus ərzaq mağazaları

Balakən rayonunda Mustafayev Səttar İbrahim oğluna məxsus ərzaq mağazası

Zaqatala rayonunda Hudulov Hüsən Fətulla oğluna və İsmayılov Şirinbəy Mövlüd oğluna məxsus kafelər

İsmayıllı rayonunda Gözəlov Xəyal Münasib oğluna məxsus ərzaq mağazası, Məmmədov Yunis Ramiz oğluna məxsus “Az Granata” mağazası, Əliyeva Sevda Ağahüseyn qızına məxsus şirniyyat mağazası

Göyçay rayonunda Məmmədov Zaur Yalçın oğluna, Məcidov İlkin Xəqani oğluna, Məmmədov Zamiq Qədir oğluna və Abbasov Taleh Qoçu oğluna məxsus ərzaq mağazaları

Şəmkir rayonunda “Ulu Göyçə”, “Vedili”, “Murad”, “Sabir”, “Kür balığı” kafeləri, “Sadiq” ərzaq mağazası

Quba rayonunda “Ucuz” market, “Bizim Bağ” restoranı, Rzayev Xoşbəxt Zeynal oğluna və Xəlilov Toğrul Rza oğluna məxsus kafelər,

Neftçala rayonu, Bankə qəsəbəsində Müslümova Rahilə Ramazan oğluna, Xantəmirov Böyükağa Sarı oğluna məxsus ərzaq mağazaları

Ağcabədi rayonunda “Favorit”, “Uğur”, “Lider”, “Zahir”, “Afem”, “Real” və “Ramiz” ərzaq mağazaları, “Çinarlıq”, “Ay işığı” kafeləri

Füzuli rayonunda “Mandarin”, “Elçin”, “Melisa”, “Nurlan”, “Oba” ərzaq mağazaları, “Xan bağı”, “Təbriz” restoranları, “Nicat”, “Qarabağ”, “Çinar” kafeləri

İmişli rayonunda “Elçin”, “Sakit göl”, “Tərəkəmə”, “61”, “Meşə” kafeləri

Zərdab rayonunda  “Buta”, “Dalğa”, “Gündüzün kafesi” və “Kür” kafeləri

Qeyd edək ki, AQTA Bakıda, eləcə də regionlarda fəaliyyət göstərən ictimai iaşə obyektləri və ərzaq mağazalarında yoxlama-nəzarət tədbirlərini bundan sonra da davam etdirəcək və Nazirlər Kabinetinin qərarı ilə təsdiq edilmiş metodiki göstərişlərə əməl etməyən sahibkarlıq subyektləri barədə ən sərt tədbirlər görüləcəkdir.

Oxşar xəbərlər

29 Oktyabr 2026 17:13

Zaqatalada qəhvəyi mərmər bağacığı ilə bağlı Regional Əlaqələndirmə Mərkəzinin iclası keçirilib

Qəhvəyi mərmər bağacığının ölkə ərazisində yayılmasının qarşısının alınması və zərərvericiyə qarşı mübarizə tədbirlərinin gücləndirilməsi istiqamətində kompleks tədbirlər davam etdirilir. Bu çərçivədə payız-qış mövsümündə həyata keçirilən fitosanitar monitorinqlərin nəticələrinin qiymətləndirilməsi, mövcud vəziyyətin və qarşıda duran vəzifələrin müzakirəsi məqsədilə Mərkəzi və Yerli icra orqanlarının iştirakı ilə Zaqatala rayonunda Regional Əlaqələndirmə Mərkəzinin növbəti iclası keçirilib.  Regional Əlaqələndirmə Mərkəzinin rəhbəri, Azərbaycan Respublikasının Qida Təhlükəsizliyi Agentliyinin sədr müavini Əli Nəbiyevin iştirakı ilə keçirilən toplantıda qəhvəyi mərmər bağacığının mövcud yayılma vəziyyəti, aparılmış fitosanitar monitorinqlərin nəticələri, zərərvericinin aşkar edildiyi ərazilər və mövcud yayılma ocaqlarında həyata keçirilən mübarizə tədbirlərinin effektivliyi müzakirə olunub.  Bildirilib ki, havaların soyuması ilə əlaqədar zərərvericinin qışlama yerlərinin müəyyənləşdirilməsi məqsədilə monitorinqlər intensivləşdirilib, potensial riskli ərazilər nəzarətdə saxlanılır. Qeyd olunub ki, payız-qış mövsümündə qəhvəyi mərmər bağacığı qışlamaq məqsədilə yaşayış evlərinə, anbarlara, təsərrüfat tikililərinə və digər qapalı məkanlara sığınır. Bu dövrdə zərərvericinin kütləvi toplandığı yerlərin vaxtında aşkar edilməsi və mexaniki üsullarla məhv olunması onun populyasiyasının azaldılmasına xidmər edir.   Eyni zamanda, zərərvericiyə qarşı mübarizədə əhalinin fəal iştirakının təmin edilməsi və maarifləndirmə tədbirlərinin genişləndirilməsinin vacibliyi diqqətə çatdırılıb.  İclasda, həmçinin qəhvəyi mərmər bağacığının transsərhəd yayılma riskləri, aidiyyəti dövlət qurumları arasında məlumat mübadiləsinin gücləndirilməsi və birgə monitorinqlərin təşkili məsələlərinə toxunulub. Yekunda qışlama dövründə zərərvericiyə qarşı mexaniki mübarizə tədbirlərinin prioritet istiqamət kimi həyata keçirilməsi, monitorinqlərin intensivləşdirilməsi, əhalinin mübarizə tədbirlərinə fəal cəlb olunması və aidiyyəti qurumlar arasında fəaliyyətin əlaqələndirilməsinin gücləndirilməsi ilə bağlı müvafiq tapşırıqlar verilib.  Daha sonra fermer təsərrüfatlarına baxış keçirilib.

28 Oktyabr 2026 16:52

İstifadəyə yararsız pestisidlərlə çirklənmiş ərazilərdə aparılan işlərlə bağlı mediatur keçirilib

Azərbaycan Qida Təhlükəsizliyi Agentliyinin (AQTA) təşkilatçılığı ilə istifadəyə yararsız pestisidlərlə çirklənmiş ərazilərin təmizlənməsi işləri ilə bağlı media nümayəndələri üçün mediatur keçirilib. Mediatur çərçivəsində jurnalistlər Hacıqabul rayonunun Muğan qəsəbəsində aparılan təmizləmə işləri ilə tanış olublar. Bildirilib ki, hazırda pestisid qalıqlarının və həmin maddələrlə çirklənmiş torpaqların təhlükəsizlik tələblərinə uyğun qablaşdırılması həyata keçirilir. Növbəti mərhələdə qablaşdırılmış qalıqların “Cəngi pestisid poliqonu”na daşınaraq xüsusi bunkerlərdə yerləşdirilməsi nəzərdə tutulur. Tədbirlərin əsas məqsədi ətraf mühitin və insan sağlamlığının qorunması, çirklənmə mənbələrinin yarada biləcəyi risklərin azaldılmasıdır.

28 Oktyabr 2026 12:12

İstifadəyə yararsız pestisidlərlə çirklənmiş ərazilərin təmizlənməsi davam edir

Azərbaycan Qida Təhlükəsizliyi Agentliyi  (AQTA) tərəfindən istifadəyə yararsız və istifadəsi qadağan olunmuş pestisidlərin, eləcə də həmin maddələrlə çirklənmiş torpaqların təhlükəsiz şəkildə ərazilərdən çıxarılması istiqamətində tədbirlər davam etdirilir. Bu çərçivədə Hacıqabul rayonunun Muğan qəsəbəsi, Saatlı rayonunun Sarıcalar kəndi və Sabirabad rayonunun Qaratəpə kəndində istifadəyə yararsız pestisidlərlə çirklənmiş ərazinin təmizlənməsi üzrə işlərə başlanılıb. Ərazinin mövcud vəziyyətinin qiymətləndirilməsi başa çatdırılıb, hazırda isə pestisid qalıqlarının və həmin maddələrlə çirklənmiş torpaqların qablaşdırılması üzrə işlər aparılır. Növbəti mərhələdə isə qablaşdırılmış pestisid qalıqlarının və çirklənmiş torpaqların müvafiq təhlükəsizlik tələblərinə uyğun xüsusi nəqliyyat vasitələri ilə “Cəngi pestisid poliqonu”na daşınması və müəyyən edilmiş qaydada yerləşdirilməsi nəzərdə tutulur. Tədbirlər AQTA tərəfindən cəlb edilmiş müvafiq lisenziyaya malik ixtisaslaşmış şirkət tərəfindən aidiyyəti dövlət qurumları ilə əlaqələndirilmiş şəkildə həyata keçirilir. Yaxın günlərdə Salyan, Biləsuvar və Cəlilabad rayonlarının 8 məntəqəsi üzrə keçmiş “Kənd kimya” birliklərinin ərazisində də analoji tədbirlərin həyata keçirilməsi planlaşdırılır.  Qeyd edək ki, əvvəlki illərdə həyata keçirilmiş tədbirlər nəticəsində Ağstafa, Beyləqan, İmişli, Samux və Füzuli rayonlarından ümumilikdə 2000 tondan artıq istifadəyə yararsız pestisid və həmin maddələrlə çirklənmiş torpaq təhlükəsizlik tələblərinə uyğun qablaşdırılaraq “Cəngi pestisid poliqonu”na daşınıb və xüsusi bunkerlərdə yerləşdirilib. Görülən işlərin əsas məqsədi uzun illər ərzində formalaşmış çirklənmə mənbələrinin ətraf mühitə və insan sağlamlığına yaratdığı risklərin azaldılması, ekoloji təhlükəsizliyin təmin edilməsi və dayanıqlı kənd təsərrüfatının inkişafına töhfə verilməsidir.