AQTA əməkdaşları üçün COP29 tədbiri ilə bağlı təlimlər təşkil edilir
7 May 2024 09:28
![AQTA əməkdaşları üçün COP29 tədbiri ilə bağlı təlimlər təşkil edilir](https://afsa.gov.az/resized/resize649/center/pages/8982/cop29-telim-aqti.jpg)
Azərbaycan Respublikasının Qida Təhlükəsizliyi Agentliyi (AQTA) Bakıda təşkil olunacaq BMT-nin İqlim Dəyişikliyi üzrə Çərçivə Konvensiyasının Tərəflər Konfransının 29-cu sessiyasına (COP29) hazırlıq işlərini davam etdirir. COP29 zamanı görüləcək işlərə dair Agentlik tərəfindən hazırlanan Tədbirlər Planında nəzərdə tutulan işlərin vaxtında və keyfiyyətlə icra olunması, habelə qida təhlükəsizliyinin təmin edilməsi məqsədilə müvafiq tədbirlər görülür.
Tədbirlər çərçivəsində Agentliyin strukturuna daxil olan bölmələrdə çalışan əməkdaşlar üçün təlimlər təşkil edilir. Azərbaycan Qida Təhlükəsizliyi İnstitutunun mütəxəssisləri tərəfindən keçirilən təlimlərdə Bakı və Sumqayıt şəhərlərində yerləşən keytrinq, otel və sanatoriyalarda qida təhlükəsizliyi vəziyyətinin öyrənilməsi məqsədilə müvafiq qiymətləndirmə, eləcə də sahibkarlarla bu istiqamətdə maarifləndirilmə işləri aparan, həmçinin tədbir zamanı qonaqlara yüksək səviyyədə və təhlükəsiz xidmətlərin göstərilməsi üçün ticarət və ictimai iaşə müəssisələrində monitorinqlər həyata keçirən əməkdaşlar iştirak edir.
Bu çərçivədə AQTA əməkdaşları üçün növbəti onlayn təlim “Qida obyektlərində təmizlik və dezinfeksiya tədbirlərinin planlaşdırılması və tətbiqi, təmizləmə üsulları və prosedurları” mövzusunda olub. Təlimdə iştirakçılara qida obyektlərində təmizlik və dezinfeksiya tədbirləri barədə ətraflı məlumat verilib. Qida məhsulları ilə təmasda olan bütün alət və avadanlıqların çirklənmə hallarının baş verməsini istisna edən materiallardan hazırlanmasının vacib olduğu vurğulanıb. Belə alət və avadanlıqların təmiz saxlanılmasının və dezinfeksiya edilməsinin zəruriliyi önə çəkilib. Eyni zamanda şəxsi gigiyena qaydalarına əməl olunmasının əhəmiyyəti qeyd edilib.
Təlim zamanı müzakirələr aparılıb, iştirakçıların sualları cavablandırılıb.
Oxşar xəbərlər
![COP29 tədbiri ilə əlaqədar ticarət və ictimai iaşə müəssisələrində monitorinqlər davam etdirilir](https://afsa.gov.az/resized/resize224/center/pages/9278/cop29-21-25-iyun-2024.jpg)
COP29 tədbiri ilə əlaqədar ticarət və ictimai iaşə müəssisələrində monitorinqlər davam etdirilir
Cari ilin 21-25 iyun tarixlərində 18 ticarət və 35 ictimai iaşə müəssisəsində monitorinq keçirilib. Monitorinqlər zamanı 9 ticarət və 24 ictimai iaşə müəssisəsində qida təhlükəsizliyi sahəsində texniki normativ hüquqi aktların tələblərinin pozulduğu aşkar edilib.
![COP29 tədbiri ilə əlaqədar ticarət və ictimai iaşə müəssisələrində monitorinqlər davam etdirilir](https://afsa.gov.az/resized/resize224/center/pages/9181/cop29-6-10-iyun.jpg)
COP29 tədbiri ilə əlaqədar ticarət və ictimai iaşə müəssisələrində monitorinqlər davam etdirilir
Cari ilin 6-10 iyun tarixlərində 54 ticarət və 115 ictimai iaşə müəssisəsində monitorinq keçirilib. Monitorinqlər zamanı 54 ticarət və 114 ictimai iaşə müəssisəsində qida təhlükəsizliyi sahəsində texniki normativ hüquqi aktların tələblərinin pozulduğu aşkar edilib.
![COP29 tədbiri ilə əlaqədar ticarət və ictimai iaşə müəssisələrində monitorinqlər davam etdirilir](https://afsa.gov.az/resized/resize224/center/pages/9151/cop29-5-iyun.jpg)
COP29 tədbiri ilə əlaqədar ticarət və ictimai iaşə müəssisələrində monitorinqlər davam etdirilir
Cari ilin 5 iyun tarixində 15 ticarət və 48 ictimai iaşə müəssisəsində monitorinq keçirilib. Monitorinqlər zamanı 13 ticarət və 47 ictimai iaşə müəssisəsində qida təhlükəsizliyi sahəsində texniki normativ hüquqi aktların tələblərinin pozulduğu aşkar edilib.
![AQTA bioloji aktiv qida məhsullarının qeydiyyatına başladı](https://img.youtube.com/vi/ZD6Dt0TQg58/hqdefault.jpg)