Giriş
AQTA koronavirusun profilaktikası çərçivəsində monitorinqləri davam etdirir
4 Mart 2021 17:13
Azərbaycan Respublikasının Qida Təhlükəsizliyi Agentliyi (AQTA) tərəfindən qanunvericiliyin tələblərinə, həmçinin Nazirlər Kabinetinin qərarı ilə təsdiq edilmiş koronavirusun (COVID-19) profilaktikasına dair metodiki göstərişlərin icrasına nəzarət məqsədilə ictimai iaşə obyektlərində reydlər davam etdirilir.
Nəzarət tədbirləri çərçivəsində 3 mart 2021-ci il tarixində ölkə üzrə 357 ictimai iaşə obyektində 647 monitorinq keçirilib. Monitorinqlər zamanı 33 müəssisədə qanunvericiliyin tələblərinin kobud şəkildə pozulması faktları aşkar olunub. Aşkar olunmuş nöqsanlara bağlı İnzibati Xətalar Məcəlləsinə uyğun olaraq müvafiq tədbirlər görülüb.
Uyğunsuzluqlar aşkar edilən ictimai iaşə müəssisələri aşağıdakılardır:
1. Bakı şəhəri, Nizami rayonu, Ş. Mirzəyev küçəsi 47 ünvanında yerləşən, fiziki şəxs Qurbanov Mahir Akif oğluna məxsus çayxana;
2. Bakı şəhəri, Suraxanı rayonu, Hövsan qəs., İ. Əhlimanov küçəsində yerləşən, fiziki şəxs Əhmədxanov Rövşən Oktay oğluna məxsus “Xırdalan” kafesi;
3. Bakı şəhəri, Nizami rayonu, R. Rüstəmov, ev 29 m ünvanında yerləşən, fiziki şəxs Qəhrəmanov Tofiq Qalib oğluna məxsus kafe;
4. Bakı şəhəri, Xətai rayonu, Həsən Salmani 5/7 ünvanında yerləşən, fiziki şəxs Zeynalov Anar Elyar oğluna məxsus kafe;
5. Bakı şəhəri, Xətai rayonu, Afiyəddin Cəlilov 4B ünvanında yerləşən, fiziki şəxs Nəbiyev Malik Bəkir oğluna məxsus "Qədim Qəbələ" restoranı;
6. Bakı şəhəri, Xətai rayonu, Xocalı prospektində yerləşən, fiziki şəxs Hidayət Ramil Yurik oğluna məxsus kafe;
7. Bakı şəhəri, Səbail rayonu, Gülbala Əliyev küçəsi 2 a ünvanında yerləşən, fiziki şəxs İmanov Aqil Qabil oğluna məxsus "Rio" pub;
8. Bakı şəhəri, Nərimanov rayonu, Nazim Hacıyev küç., ev7 ünvanında yerləşən, fiziki şəxs Qədirzadə Nicat Bəxtiyar oğluna məxsus "Köz" dönər evi;
9. Bakı şəhəri, Yasamal rayonu, S. Əsgərova, ev 64 ünvanında yerləşən, fiziki şəxs Məcidli Rəhimə Əyyub qızına məxsus kafe;
10. Bakı şəhəri, Sabunçu rayonu, Bakıxanov qəsəbəsi, Gənclik küçəsi ilə Bünyadzadə küçəsinin kəşməsində yerləşən, fiziki şəxs Manafov Ceyhun Mikayil oğluna məxsus kafe;
11. Bakı şəhəri, Səbail rayonu, Məmmədəmin Rəsulzadə, ev.2 ünvanında yerləşən, hüquqi şəxs “FBCO” MMC-yə məxsus kafe;
12. Bakı şəhəri, Səbail rayonu, Əbdülkərim Əlizadə, ev.1 ünvanında yerləşən, fiziki şəxs Rzayev Zamir Səfər oğluna məxsus “Turkish Street Food“ restoranı;
13. Bakı şəhəri, Səbail rayonu, Əziz Əliyev, ev.4 ünvanında yerləşən, fiziki şəxs Əbdülhüseynov Toğrul Bəhman oğluna məxsus "Cookshop" restoranı;
14. Bakı şəhəri, Xətai rayonu, M. Rüstəmov küçəsində yerləşən, fiziki şəxs Əbilova İlhamə Zəkəriyyə qızına məxsus kafe;
15. Bakı şəhəri, Xətai rayonu, M. Rüstəmov küçəsində yerləşən, fiziki şəxs Qurbanov Ceyhun Rauf oğluna məxsus çayxana;
16. Bakı şəhəri, Xətai rayonu, M. Rüstəmov küçəsində yerləşən, fiziki şəxs Həsənov Eldar Səfərəli oğluna məxsus çayxana;
17. Bakı şəhəri, Xətai rayonu, M. Rüstəmov küçəsində yerləşən, fiziki şəxs Hüseynli Rövşən Elxan oğluna məxsus kafe;
18. Bakı şəhəri, Binəqədi rayonu, Ağasadiq Gəraybəyli, ev 128 n ünvanında yerləşən fiziki şəxs Əsədov Rafiq Ramiz oğluna məxsus restoran;
19. Bakı şəhəri, Binəqədi rayonu, S. S. Axundov küçəsi, ev 1 ünvanında yerləşən fiziki şəxs Zaxarova Ayidə Yaqub qızına məxsus "Alyanın mətbəxi" restoranı;
20. Bakı şəhəri, Nəsimi rayonu, S. Vurğun, ev 116, m 52 ünvanında yerləşən, fiziki şəxs Əliyev Zaur Sabir oğluna məxsus kafe;
21. Bakı şəhəri, Nərimanov rayonu, Ə. Rəcəbli küçəsində yerləşən, hüquqi şəxs "Təmir-Tikinti" MMC-yə məxsus "Paradise" mehmanxanasının tərkibində fəaliyyət göstərən restoran;
22. Sumqayıt şəhəri, H. Z. Tağıyev, S. Vurğun və S. Bəhlulzadə küçəsinin kəsişməsində yerləşən, fiziki şəxs Ələsgərov Elşad Qüdrətli oğluna məxsus "Bulaq" çay evi;
23. Abşeron rayonu, Məhəmmədi kəndində yerləşən, fiziki şəxs Əliyev Bakir Şakir oğluna məxsus "949" kafesi;
24. Yevlax şəhəri, Xanabad (Yevlax) ünvanında yerləşən, fiziki şəxs Əliyev Qismət Muxtar oğluna məxsus kafe;
25. Bərdə rayonu H. Əliyev prospektində yerləşən, fiziki şəxs İsgəndərov Azər Rasim oğluna məxsus kafe;
26. Gəncə şəhəri, Ə. Mehmandarov küçəsində yerləşən, fiziki şəxs Quliyev Şöhrət Fərrux oğluna məxsus kafe;
27. Oğuz rayonu, Bucaq (Oğuz) kəndində yerləşən, fiziki şəxs Səmədov Gündüz İbad oğluna məxsus kafe;
28. Qəbələ rayonu H. Əliyev prospektində yerləşən, fiziki şəxs Bayramov Vüqar Şahin oğluna məxsus "Assarti" restoranı;
29. Salyan rayonu, Ələt Astara magistralının 134 km ünvanında yerləşən, fiziki şəxs Hacıyev Gəncəli Hacı oğluna məxsus kafe;
30. Ağstafa rayonu, Rafiq Alacanov küçəsində yerləşən, fiziki şəxs Mustafayev Mehman Hüseyn oğluna məxsus kafe;
31. Şamaxı rayonu, Heydər Əliyev prospektində yerləşən, fiziki şəxs Babayev Saleh Müşfiq oğluna məxsus kafe;
32. Göyçay rayonu, Mirzəhüseynli qəsəbəsində yerləşən, fiziki şəxs Yusifov Neman Şahlar oğluna məxsus kafe;
33. İsmayıllı rayonu, Topçu kəndində yerləşən, fiziki şəxs Kərimli Səlim İbrahim oğluna məxsus kafe.
Qeyd edək ki, AQTA tərəfindən Bakıda, eləcə də regionlarda fəaliyyət göstərən ictimai iaşə obyektlərində monitorinqlərin miqyası genişləndirilib. Hazırda respublika üzrə AQTA müfəttişləri tərəfindən monitorinqlər davam etdirilir və qaydalara əməl etməyən sahibkarlıq subyektləri barədə ən sərt tədbirlər görüləcəkdir.
Oxşar xəbərlər
Quş qripi xəstəliyinə qarşı epizootoloji monitorinqlərin nəticələri açıqlanıb
Azərbaycan Respublikasının Qida Təhlükəsizliyi Agentliyi quş qripi xəstəliyinin qarşısının alınması üzrə dövlət qurumlarının və digər aidiyyəti subyektlərin əlaqəli Fəaliyyət Planına uyğun olaraq 2024-cü ilin 16-20 dekabr tarixlərində həyata keçirilmiş epizootoloji monitorinqlərin nəticələrini açıqlayıb. Tədbir zamanı epizootik risk əsasında müəyyən olunmuş dövlət təbiət qoruqlarının, ovçuluq təsərrüfatlarının və milli parkların su-bataqlıq, dənizsahili zonalar və digər ərazilərini əhatə etməklə, su anbarları və çaysahili ərazilərdə ümumi müşahidələr aparılaraq vəhşi quşlara klinik baxış keçirilib, xəstəlik törədicisinin aşkar edilməsi məqsədilə ovlanmış 60 baş müxtəlif növ vəhşi quşdan diaqnostik material nümunələri götürülüb. Bundan əlavə, 27 sənaye əsaslı müxtəlif həcmli quşçuluq müəssisəsində 270 baş, 20 rayonun (şəhər) 223 ailə təsərrüfatında isə ümumilikdə müxtəlif növ 685 baş ev quşundan laborator müayinə üçün qan və yaxma nümunələri götürülüb. Monitorinq çərçivəsində təbiət ərazilərinə, müxtəlif növ quşçuluq müəssisələrinə, ailə təsərrüfatlarına, su hövzələri, parklar və zooparklara, dekorativ quşların saxlandığı obyektlərə, diri quş satışının həyata keçirildiyi bazarlara ümumi baxış keçirilib, bununla yanaşı, baytarlıq norma və qaydalarına əməl olunması üçün məqsədyönlü maarifləndirmə-təbliğat tədbirləri görülüb. Toplanmış epizootoloji məlumatlar və götürülmüş nümunələr barədə məlumatlar müvafiq proqrama daxil edilib. Monitorinqlər müddətində vəhşi və ev quşlarından götürülmüş nümunələr müvafiq laboratoriyalarda müayinə edilib. Aparılmış müayinələrin ümumi təhlili nəticəsində quş qripi xəstəliyinin törədicisi və xəstəliyə şübhəli klinik əlamətləri olan quşa rast gəlinməyib. Ev quşlarından götürülmüş diaqnostik nümunələr Nyukasl xəstəliyinə görə də müayinə edilib və yoluxmaya şübhəli hala rast gəlinməyib.
Dünyadakı epizootik vəziyyətə uyğun olaraq müvafiq tədbirlər görülür
Azərbaycan Respublikasının Qida Təhlükəsizliyi Agentliyi başqa ölkələrdən respublikamızın ərazisinə keçə biləcək yoluxucu heyvan xəstəliklərindən qorunmaq məqsədilə Ümumdünya Heyvan Sağlamlığı Təşkilatından daxil olan məlumatlar əsasında dünyadakı epizootik vəziyyətə uyğun olaraq müvafiq tədbirlər həyata keçirir. Ümumdünya Heyvan Sağlamlığı Təşkilatının (WOAH) rəsmi məlumatlarına əsasən, Monqolustanın Xovd vilayətində xırdabuynuzlu heyvanların taun və keçilərin yoluxucu plevropnevmoniyası, Avstriya Respublikasının Aşağı Avstriya, Yuxarı Avstriya, Burqenland, Tirol, Zalsburq ştatlarında blutanq, Polşa Respublikasının Mazoviesk, Lyubelinsk inzibati ərazilərində Nyukasl, Fransa Respublikasının Normandiya regionunda, İsrail Dövlətinin Mərkəz dairəsində isə yüksək patogen quş qripi xəstəliyi qeydə alınıb. Respublika ərazisinin qeyd olunan yoluxucu xəstəliklərdən qorunması üçün zonalaşma prinsipi nəzərə alınmaqla, Xovd vilayətində xırdabuynuzlu heyvanların taun xəstəliyi baş vermiş təsərrüfatdan 10 km radiusda olan məsafədən xəstəliyə həssas diri ev və vəhşi xırdabuynuzlu heyvanların, onlara aid genetik materialların, həmçinin bu ev heyvanlarından alınan məhsulların (virusun məhv edilməsini təmin edən termik emala məruz qalan məhsullar istisna olmaqla) idxalına, habelə qeyd olunan heyvanların Azərbaycan Respublikasının ərazisindən tranzitinə, eləcə də Xovd vilayətində keçilərin yoluxucu plevropnevmoniyası xəstəliyi baş vermiş təsərrüfatdan 10 km radiusda olan məsafədən xəstəliyə həssas diri ev və vəhşi xırdabuynuzlu heyvanların, onlara aid genetik materialların idxalına, habelə Azərbaycan Respublikasının ərazisindən qeyd olunan heyvanların tranzitinə, Aşağı Avstriya, Yuxarı Avstriya, Burqenland, Tirol və Zalsburq ştatlarında xəstəlik baş vermiş təsərrüfatdan 150 km radiusda olan məsafədən bütün növ diri iri və xırdabuynuzlu heyvanların, dəvələrin, həmçinin onlara aid genetik materialların idxalına, Mazoviesk və Lyubelinsk inzibati ərazilərində xəstəlik baş vermiş təsərrüfatdan 10 km radiusda olan məsafədə yerləşən müəssisələrdən diri quş və inkubasiya yumurtalarının, quş ətinin, tərkibində quş emalı məhsulları olan quş ətindən və bütün növ quşçuluq məhsulundan alınan hazır ət məhsullarının (Nyukasl viruslarının məhv edilməsini təmin edən termik emala məruz qalan mallar istisna olmaqla), quş yemləri və quş üçün yem əlavələrinin (bitki mənşəli, kimyəvi və mikrobioloji sintez yolu ilə alınmış yemlər və yem əlavələri istisna olmaqla), quşların saxlanması, kəsilməsi və emalı üçün istifadə olunmuş avadanlıqların idxalına, Normandiya regionunda və Mərkəz dairəsində xəstəlik baş vermiş təsərrüfatdan 10 km radiusda olan məsafədə yerləşən müəssisələrdən diri quş və inkubasiya yumurtalarının, quş ətinin, tərkibində quş emalı məhsulları olan quş ətindən və bütün növ quşçuluq məhsulundan alınan hazır ət məhsullarının (quş qripi viruslarının məhv edilməsini təmin edən termik emala məruz qalan mallar istisna olmaqla), quş yemləri və quş üçün yem əlavələrinin (bitki mənşəli, kimyəvi və mikrobioloji sintez yolu ilə alınmış yemlər və yem əlavələri istisna olmaqla), quşların saxlanması, kəsilməsi və emalı üçün istifadə olunmuş avadanlıqların idxalına WOAH-nin “Quruda yaşayan heyvanların sağlamlıq Məcəlləsi”nə uyğun olaraq müvəqqəti məhdudiyyət tətbiq olunub. Eyni zamanda nəzarət tədbirlərinin gücləndirilməsi məqsədilə qeyd olunan ərazilərdən gələn, yaxud tranzitlə keçib respublikamıza daxil olan, habelə respublika ərazisindən tranzitlə digər ölkələrə gedən nəqliyyat vasitələri ilə bağlı müvafiq tədbirlərin görülməsi üçün Azərbaycan Respublikasının Dövlət Gömrük Komitəsinə müraciət olunub.
Azərbaycan ÜHST-nin İdarəetməyə Nəzarət Komitəsinə üzv seçilib
Azərbaycan Respublikası Ümumdünya Heyvan Sağlamlığı Təşkilatının (ÜHST) İdarəetməyə Nəzarət Komitəsinin üzvü seçilib. Komitədə Azərbaycan, Çin, Avstraliya, Avstriya, Norveç, İrlandiya, Kanada, Çili də daxil olmaqla, ümumilikdə, 16 dövlət təmsil olunur. Bu il ÜHST-nin 91-ci Ali Baş Sessiyasında yaradılan komitənin məqsədi sözügedən təşkilatın normativ sənədlərinin yenilənməsi, maliyyə idarəçiliyi və dünyada sahə üzrə prioritet məsələlərin tənzimlənməsi vəziyyətinin monitorinqinin aparılması və təkmilləşdirilməsindən ibarətdir. Komitənin işi ÜHST-nin Baş Qərargahında yerləşən katiblik tərəfindən koordinasiya ediləcək. Üzv ölkələrin nümayəndələri arasında müxtəlif görüşlərin keçirilməsi, müvafiq sahələr üzrə məsləhətçi və ekspertlərin də iştirakı nəzərdə tutulur. Komitə tərəfindən “İnstitusional, texniki və maliyyə idarəçiliyi üzrə qiymətləndirilmənin nəticələrinə dair hesabat” hazırlanaraq ÜHST-nin rəhbərliyinə təqdim olunacaq. Ölkəmizi İdarəetməyə Nəzarət Komitəsində Azərbaycanın ÜHST-dəki nümayəndəsi, Azərbaycan Respublikası Qida Təhlükəsizliyi Agentliyinin (AQTA) Heyvan sağlamlığı və bioloji təhlükəsizlik şöbəsinin müdiri, respublikanın baş dövlət baytarlıq müfəttişi Qalib Əbdüləliyev təmsil edəcək. Qeyd edək ki, son illər AQTA tərəfindən ölkədə heyvan sağlamlığı və bioloji təhlükəsizliyin təmin edilməsi, başqa ölkələrdən keçə biləcək yoluxucu heyvan xəstəliklərinin qarşısının alınması, habelə ətraf mühitdə biotəhlükəsizliyin pozulmasına səbəb olan xəstəliklərə görə sağlamlıq statusunun təsdiq edilməsi istiqamətində kompleks tədbirlər həyata keçirilməkdədir. Eyni zamanda Azərbaycanın təşəbbüsü ilə heyvan sağlamlığı sahəsində regional əməkdaşlığın gücləndirilməsi ÜHST tərəfindən yüksək qiymətləndirilir. Belə ki, ölkəmiz dabaq xəstəliyi üzrə Şərqi Avropa və Mərkəzi Asiya regionu üzrə məsləhət qrupuna sədr, həmçinin ÜHST-nin “Avropa heyvan rifahı platforması”nın rəhbər komitəsinə üzv seçilib. Cari ildə ölkəmizin xırdabuynuzlu heyvanların taunu və yüksək patogen quş qripi xəstəliklərindən azad olma statusu ÜHST tərəfindən təsdiqlənib. Heyvan sağlamlığı və bioloji təhlükəsizliyin təmin edilməsi sahəsində icra edilən institusional islahatlar nəticəsində ölkəmizə yüksək etimad göstərilərək Azərbaycan Ümumdünya Heyvan Sağlamlığı Təşkilatının İdarəetməyə Nəzarət Komitəsinə üzv seçilib.
