Giriş
AQTA koronavirusun profilaktikası çərçivəsində monitorinqləri davam etdirir
10 Mart 2021 16:26
Azərbaycan Respublikasının Qida Təhlükəsizliyi Agentliyi (AQTA) tərəfindən qanunvericiliyin tələblərinə, həmçinin Nazirlər Kabinetinin qərarı ilə təsdiq edilmiş koronavirusun (COVID-19) profilaktikasına dair metodiki göstərişlərin icrasına nəzarət məqsədilə ictimai iaşə obyektlərində reydlər davam etdirilir.
Nəzarət tədbirləri çərçivəsində 09 mart 2021-ci il tarixində ölkə üzrə 338 ictimai iaşə obyektində 581 monitorinq keçirilib. Monitorinqlər zamanı 23 müəssisədə qanunvericiliyin tələblərinin kobud şəkildə pozulması faktları aşkar olunub. Aşkar olunmuş nöqsanlarla bağlı İnzibati Xətalar Məcəlləsinə uyğun olaraq müvafiq tədbirlər görülüb.
Uyğunsuzluqlar aşkar edilən ictimai iaşə müəssisələri aşağıdakılardır:
1. Bakı şəhəri, Səbail rayonu, Kiçik qala 15 ünvanında yerləşən, fiziki şəxs Məmmədli Məzahir Fərman oğluna məxsus “Qəbələ” restoranı;
2. Bakı şəhəri, Nərimanov rayonu, Fətəli xan Xoyski 121 ünvanında yerləşən, fiziki şəxs Demirtaş Talata məxsus kafe;
3. Bakı şəhəri, Xətai rayonu, M.Hadi ev.76 ünvanında yerləşən, Nurəddin Behbudov İbiş oğluna məxsus Dənizçi kafe;
4. Bakı şəhəri, Xətai rayonu 2944-cü küç. ev.4m blok 1 ünvanında yerləşən, fiziki şəxs Manaf Heydərov Teymur oğluna məxsus çayxana;
5. Bakı şəhəri, Suraxanı rayonu, İlqar Əhlimanov ünvanında yerləşən, fiziki şəxs Məhəmməd Cəlilov Yasin oğluna məxsus kafe;
6. Bakı şəhəri, Nizami rayonu, Məhsəti küç 51 ünvanında yerləşən, fiziki şəxs Əliyev Tuncay Səməd oğluna məxsus “Provan” pub;
7. Bakı şəhəri, Yasamal rayonu, Ağayev ev 547-ci məhəllə ünvanında yerləşən, fiziki şəxs Kərimov Şahin Saleh oğluna məxsus kafe;
8. Bakı şəhəri, Xətai rayonu, Sabit Orucov ev1188 ünvanında yerləşən, fiziki şəxs Qurbanov İbrahim İlham oğluna məxsus kafe;
9. Bakı şəhəri, Xətai rayonu, Fəzail Bayramov küçəsində yerləşən, fiziki şəxs Əsgərov Qoşqar Vidadi oğluna məxsus “Tamlı” kafe;
10. Bakı şəhəri, Nərimanov rayonu, Fətəli xan Xoyski küç. ev120 ünvanında yerləşən, fiziki şəxs Tərlan Cəfərov Rauf oğluna məxsus “045 Club”
11. Bakı şəhəri, Nəsimi rayonu, Zabitlər parkında yerləşən, fiziki şəxs Muxtar Xəlilov Abdulla oğluna məxsus “Qəbələ xanlar“ kafe;
12. Bakı şəhəri, Nizami rayonu, Şirin Mirzəyev 5 ünvanında yerləşən, fiziki şəxs Vüsal Əskərov Mirtahir Oğluna məxsus çayxana;
13. Bakı şəhəri, Binəqədi rayonu, Xəndan 52 C ünvanında yerləşən, fiziki şəxsElməddin Kərimov Ələddin oğluna məxsus “Zirinc” restoranı;
14. Bakı şəhəri, Nərimanov rayonu, Mustafa Kamal Atatürk Ev.41/47, 1-ci Mərtəbə, Qeyri Yaşayış Sahəsi M.- ünvanında yerləşən, fiziki şəxsAğazadə Rövşən Zahir oğluna məxsus kafe;
15. Bakı şəhəri, Qaradağ rayonu, Lökbatan Ştq, Ev "Sədərək" TM, Şıxov girişinin sağ tərəfində yerləşən, hüquqi şəxs "Sədərək" Firmasına məxsus “Murad Hotel” tərkibində fəaliyyət göstərən restoran;
16. Şirvan şəhəri, G.Şıxbala küçəsində yerləşən, fiziki şəxs Qurbanov Rövşən Məcid oğluna məxsus çay evi;
17. Şəki şəhəri, M.Müşfiq küçəsində yerləşən, fiziki şəxs Əliyev Fazil Əfqan oğluna məxsus kafe;
18. Gəncə şəhəri, Azərbaycan əsgəri küçəsində yerləşən, fiziki şəxs Qasımov Zaur Rasim oğluna məxsus kafe;
19. Göygöl rayonu, Topalhəsənli kəndində yerləşən, fiziki şəxs Abbasov Anar Qəmbər oğluna məxsus kafe;
20. Tovuz rayonu, Aşağı Quşçu kəndində yerləşən, fiziki şəxs Həsənov Elmar Aslan oğluna məxsus kafe;
21. Şamaxı rayonu, Əzizbəyov Ev.D 1 Ev 4 m. ünvanında yerləşən, fiziki şəxs Maqsudov İlham Yusif oğluna məxsus “Kafe Delfin”;
22. Göyçay rayonu, M.Ə.Rəsulzadə küçəsində yerləşən, fiziki şəxs Salmanov Feyzi Alik oğluna məxsus kafe;
23. Ucar rayonu, Oğuz küçəsində yerləşən, fiziki şəxs Şamxal İsmayılov Tahir oğluna məxsus "Dostlar " kafesi.
Qeyd edək ki, AQTA tərəfindən Bakıda, eləcə də regionlarda fəaliyyət göstərən ictimai iaşə obyektlərində monitorinqlərin miqyası genişləndirilib. Hazırda respublika üzrə AQTA müfəttişləri tərəfindən monitorinqlər davam etdirilir və qaydalara əməl etməyən sahibkarlıq subyektləri barədə ən sərt tədbirlər görüləcəkdir.
Oxşar xəbərlər
Gəncədə yaşayış evində saxta alkoqollu içkilərin istehsal edildiyi aşkarlanıb
Gizli fəaliyyət göstərən saxta alkoqollu spirtli içki istehsalı ilə bağlı daxil olan məlumat əsasında Qida Təhlükəsizliyi Agentliyinin və yerli polis idarəsinin əməkdaşları Gəncə şəhəri, M.Ə.Sabir küçəsində Fituri Əsmər Mehman qızına məxsus yaşayış evində reyd keçirib. Yoxlama zamanı müxtəlif əmtəə nişanlı şüşə butulkaların yuyulub təmizlənərək, saxta üsullarla alkoqollu içkilərin qablaşdırıldığı müəyyən olunub. 13 ədəd 1 l-lik, 9 ədəd 0.7 l-lik, 4 ədəd 0.5 l-lik “Banketnaya Yubiley”, 19 ədəd 1 l-lik, 7 ədəd 0.7 l-lik, 5 ədəd 0.5 l-lik “Organic Line”, 1 ədəd 1 l-lik, 3 ədəd 0.7 l-lik “Banketnaya”, 1 ədəd 1 l-lik, 1 ədəd 0.5 l-lik “Старый Доктор” əmtəə nişanlı satış məqsədilə qablaşdırılmış saxta alkoqollu içki, həmçinin müxtəlif yerli və xarici brend markalı içkilərə məxsus butulka və qapaqlar, içərisində 25 litr su-spirt qarışığı olan plastik çəllək aşkarlanıb. Faktla bağlı qanunvericiliyə uyğun müvafiq tədbirlər görülüb. Məhsullardan nümunələr götürülərək laborator müayinələrə cəlb edilib. Qanunsuz istehsal olunan alkoqollu içkilərin satış yerlərinin müəyyən edilməsi istiqamətində zəruri tədbirlər həyata keçirilməkdədir. Araşdırmalar davam etdirilir.
Saxta süd məhsullarının sosial media səhifəsində satışa çıxarıldığı müəyyən edilib
Sosial media platformasında satışı həyata keçirilən qaymağın keyfiyyətinin aşağı olması ilə bağlı Qida Təhlükəsizliyi Agentliyinə daxil olan müraciət əsasında Abşeron rayonu, Masazır qəsəbəsi, Ə.Vahid küçəsi, “Salty Park” yaşayış kompleksi, giriş 1, ev 295 ünvanında yoxlama keçirilib. Baxış zamanı fiziki şəxs Nəzərova Könül Sabir qızının istehsalçı müəssisələrdən tərkibində quru süd və süd yağı əvəzedicisi olan müxtəlif növ süd məhsullarını (qaymaq, pendir və s.) alıb etiketini çıxararaq, “təbii süd məhsulu” adı altında, müşayiətedici sənədləri olmadan “TikTok” və “İnstagram” sosial media səhifələrində satışını həyata keçirdiyi aşkarlanıb. Eyni zamanda süd məhsullarının temperatur rejimi gözlənilmədən, soyuducu avadanlıqla təmin edilməyən minik avtomobili vasitəsilə müştərilərə çatdırıldığı müəyyən edilib. Faktla bağlı qanunvericiliyə uyğun zəruri tədbirlər görülüb, qanunsuz fəaliyyətin qarşısı alınıb. Qeyd edək ki, saxta məhsulların satışı istehlakçıların hüquqlarının pozulmasıdır. Saxlama şəraitinə riayət olunmadan məhsulların satışı isə mikrobioloji çirklənməyə səbəb ola bilər ki, bu da insan sağlamlığı üçün təhlükəli hesab olunur. Vətəndaşlar qida təhlükəsizliyi sahəsində istehlakçı hüquqlarının pozulması və qanunazidd hallarla rastlaşdıqda, bu barədə konkret faktlarla Agentliyin “1003-Çağrı Mərkəzi”nə məlumat verə bilərlər. Müraciət daxil olduqdan dərhal sonra araşdırmalara başlanılacaq və qanunvericiliyə uyğun müvafiq tədbirlər görüləcəkdir.
Bərdədə heyvan satışı bazarında ciddi nöqsanlar müəyyən edilib
Bərdə rayonu, Alpoud kəndində fəaliyyət göstərən “Ticarət Mərkəzi” MMC-yə məxsus heyvan satışı bazarında Qida Təhlükəsizliyi Agentliyinin əməkdaşları tərəfindən keçirilmiş yoxlama zamanı aşkarlanan nöqsanların icra vəziyyəti ilə bağlı plandankənar yoxlama aparılıb. Baxış zamanı bazarda satışa çıxarılan müxtəlif çeşiddə ət məhsullarının və unlu qənnadı məmulatlarının temperatur rejiminə əməl edilmədən və birbaşa günəş şüaları altında saxlandığı, əl yuma çanaqlarının mövcud olmadığı, qida məhsulları ilə təmasda olan səthlərin korroziyaya uğradığı və natəmiz olduğu, qida məhsulları üçün ayrıca yuma sahəsinin təşkil edilmədiyi, işçi heyətin gigiyena qaydalarına riayət etmədiyi və xüsusi geyimlə təmin olunmadığı, müvafiq təmizlik işlərinin görülmədiyi aşkarlanıb. Faktla bağlı sahibkar barəsində inzibati protokol tərtib olunub, qeyd edilən məhsullar satışdan kənarlaşdırılıb və icrası məcburi göstərişlər verilib.
