16 adda baytarlıq preparatı, yem və yem əlavəsi dövlət qeydiyyatına alınıb

26 Yanvar 2022 14:03

“Baytarlıq haqqında” Azərbaycan Respublikasının qanununa əsasən baytarlıq preparatlarının, onlara aid sənəd və materialların ekspertizası və qeydiyyat sınağının nəticələrinə görə qanunvericiliklə müəyyən edilmiş qaydada baytarlıq preparatlarının dövlət reyestrinə daxil edilməsi və bu barədə müvafiq formada hazırlanmış qeydiyyat şəhadətnaməsinin verilməsi Azərbaycan Respublikasının Qida Təhlükəsizliyi Agentliyi (AQTA) tərəfindən həyata keçirilir.

Bununla əlaqədar olaraq, 14-21 yanvar 2022-ci il tarixlərində AQTA tərəfindən ümumilikdə 16 adda baytarlıq preparatı, yem və yem əlavəsi dövlət qeydiyyatına alınaraq qeydiyyat şəhadətnaməsi sifarişçiyə təqdim olunub. Qeydiyyata alınan baytarlıq preparatlarından 1 ədədi Rusiya, 3 ədədi Çex, 3 ədədi Misir, 9 ədədi isə Türkiyə istehsalıdır.

№	İstehsalçı ölkə	İstehsalçı şirkət	Preparatın adı	Preparatın növü
1	Çex Respublikası	Vafo Praha s.r.o.	Brit (Mono Protein/Turkey)	yem
2	Çex Respublikası	Vafo Praha s.r.o.	Brit (Mono Protein/Lamb)	yem
3	Çex Respublikası	Vafo Praha s.r.o.	Brit (Sausage/Sport/ 95% Beef&Fish)	yem
4	Rusiya Federasiyası	OOO Tarqovıy dom BİAqro	Qludesan Bio	baytarlıq preparatı
5	Misir	ADWIA Co. S.A.E	Eritromisin tiosianat 20%	baytarlıq preparatı
6	Misir	ADWIA Co. S.A.E	Neomisin adwia	baytarlıq preparatı
7	Misir	ADWIA Co. S.A.E	Oksitetrasiklin 20%	baytarlıq preparatı
8	Türkiyə	Lider Petfood Yem Sanayi ve Tic. AS	Spectrum Adult Cat Food Low GrainChicken-Turkey-Granberry	yem
9	Türkiyə	Lider Petfood Yem Sanayi ve Tic. AS	Spectrum Food/Low Kitten Starter 32	yem
10	Türkiyə	Lider Petfood Yem Sanayi ve Tic. AS	Spectrum Puppy Food/ Starter	yem
11	Türkiyə	Lider Petfood Yem Sanayi ve Tic. AS	Spectrum Kitten Food/Kitten 38	yem
12	Türkiyə	Lider Petfood Yem Sanayi ve Tic. AS	Spectrum Adult Cat Food/ Slim 34	yem
13	Türkiyə	Lider Petfood Yem Sanayi ve Tic. AS	Spectrum Adult Dog Food/ Light 27	yem
14	Türkiyə	Lider Petfood Yem Sanayi ve Tic. AS	Spectrum Medium Laege Breed Adult Dog Food Low Grain Lamb-Blueberry	yem
15	Türkiyə	Lider Petfood Yem Sanayi ve Tic. AS	Spectrum Medium Laege Breed Puppy Low Grain Lamb-Blueberry	yem
16	Türkiyə	Lider Petfood Yem Sanayi ve Tic. AS	Spectrum Smail Breed Adult Dog Food /Sensitive 27	yem

Oxşar xəbərlər

16 May 2025 16:18

Dünyadakı epizootik vəziyyətə uyğun olaraq müvafiq tədbirlər görülür

Ümumdünya Heyvan Sağlamlığı Təşkilatının (ÜHST) rəsmi məlumatına əsasən, Əlcəzair Xalq Demokratik Respublikasının Uarqla, Ləğuat, Becaya əyalətlərində, Türkiyə Respublikasının Hakkari vilayətində dabaq xəstəliyi qeydə alınıb. Respublika ərazisinin bu yoluxucu xəstəlikdən qorunması üçün qeyd olunan ərazilərdə zonalaşma prinsipi nəzərə alınmaqla, xəstəlik baş vermiş təsərrüfatdan 10 km radiusda olan məsafədən cütdırnaqlı heyvanların (iri və xırdabuynuzlu heyvanlar, donuz, dəvə və s.), habelə onlara aid xammal və məhsulların idxalına və tranzit daşınmasına ÜHST-nin “Quruda yaşayan heyvanların sağlamlıq Məcəlləsi”inə uyğun olaraq AQTA tərəfindən müvəqqəti məhdudiyyət tətbiq olunub. Eyni zamanda müvafiq tədbirlərin görülməsi üçün Azərbaycan Respublikasının Dövlət Gömrük Komitəsinə müraciət olunub.

13 May 2025 14:49

Quş qripi xəstəliyinə qarşı keçirilmiş epizootoloji monitorinqin nəticələri açıqlanıb

Quş qripi xəstəliyinə qarşı cari ilin 7-11 aprel tarixlərində keçirilmiş epizootoloji monitorinqin nəticələri açıqlanıb. Tədbir zamanı epizootik risk əsasında müəyyən olunmuş dövlət təbiət yasaqlıqlarının, ovçuluq təsərrüfatlarının və milli parkların su-bataqlıq, dənizsahili zonalar və digər ərazilərini əhatə etməklə, su anbarları və çaysahili ərazilərdə ümumi müşahidələr aparılaraq vəhşi quşlara klinik baxış keçirilib, 62 baş müxtəlif növ vəhşi quşdan diaqnostik nümunələr götürülüb. Bundan əlavə, 40 sənaye əsaslı müxtəlif həcmli quşçuluq müəssisəsində 400 baş, habelə 21 rayonun (şəhər) 243 ailə təsərrüfatından ümumilikdə müxtəlif növ 742 baş ev quşundan laborator müayinə üçün qan və yaxma nümunələri götürülüb. Monitorinq çərçivəsində təbiət ərazilərinə, müxtəlif növ quşçuluq müəssisələrinə, ailə təsərrüfatlarına, su hövzələri, parklar və zooparklara, dekorativ quşların saxlandığı obyektlərə, diri quş satışının həyata keçirildiyi bazarlara ümumi baxış keçirilib, baytarlıq norma və qaydalarına əməl olunması üçün məqsədyönlü maarifləndirmə-təbliğat tədbirləri həyata keçirilib. Monitorinq müddətində vəhşi və ev quşlarından götürülmüş nümunələr müvafiq laboratoriyalarda müayinə edilib. Aparılmış müayinələrin ümumi təhlili zamanı quş qripi xəstəliyinin törədicisi və xəstəliyə şübhəli klinik əlamətləri olan quşa rast gəlinməyib. Ev quşlarından götürülmüş diaqnostik nümunələr Nyukasl xəstəliyinə görə də müayinə edilib və yoluxmaya şübhəli hala rast gəlinməyib. Epizootoloji vəziyyət və götürülmüş nümunələr barədə məlumatlar müvafiq elektron sistemə daxil edilib.

7 May 2025 11:02

Quş qripi xəstəliyinə qarşı epizootoloji monitorinq keçiriləcək

Qida Təhlükəsizliyi Agentliyi tərəfindən aidiyyəti qurumlarla birgə cari ilin 19-23 may tarixlərində quş qripi xəstəliyinə qarşı növbəti epizootoloji monitorinq keçiriləcək. Monitorinq zamanı ovçuluq təsərrüfatlarının və milli parkların su-bataqlıq, dənizsahili zonalar və digər ərazilərini əhatə etməklə, ərazi ilə yanaşı vəhşi quşlara ümumi baxış keçiriləcək, bəzi sənaye əsaslı müxtəlif həcmli quşçuluq müəssisələrində, o cümlədən müxtəlif rayonlardakı (şəhərlərdəki) ailə təsərrüfatlarında saxlanılan ev quşlarından laborator müayinə aparılması üçün diaqnostik nümunələr götürüləcək. Habelə ölkə üzrə müəssisələrə, təsərrüfatlara, su hövzələrinə və parklara ümumi baxış keçirilməklə, baytarlıq norma və qaydalarına əməl olunması üçün məqsədyönlü maarifləndirmə-təbliğat tədbirləri həyata keçiriləcək və epizootoloji məlumatlar toplanaraq təhlil ediləcək. Tədbirlər müddətində götürülmüş nümunələrin laborator müayinələri aparılacaq. Monitorinq çərçivəsində epizootoloji vəziyyət və götürülmüş nümunələr barədə məlumatlar müvafiq elektron sistemə daxil ediləcək.

Qida məhsullarının təhlükəli hesab edilməsinə əsas verən halların AÇIQ REYESTRİ

Video