Giriş
19 adda baytarlıq preparatı, yem və yem əlavəsi dövlət qeydiyyatına alınıb
17 May 2021 10:41
“Baytarlıq haqqında” Azərbaycan Respublikasının qanununa əsasən baytarlıq preparatlarının, onlara aid sənəd və materialların ekspertizası və qeydiyyat sınağının nəticələrinə görə qanunvericiliklə müəyyən edilmiş qaydada baytarlıq preparatlarının dövlət reyestrinə daxil edilməsi və bu barədə müvafiq formada hazırlanmış qeydiyyat şəhadətnaməsinin verilməsi Azərbaycan Respublikasının Qida Təhlükəsizliyi Agentliyi (AQTA) tərəfindən həyata keçirilir.
Bununla əlaqədar, 3-8 may 2021-ci il tarixlərində AQTA tərəfindən ümumilikdə 19 adda baytarlıq preparatı, yem və yem əlavəsi dövlət qeydiyyatına alınaraq qeydiyyat şəhadətnaməsi sifarişçiyə təqdim olunub. Qeydiyyata alınan baytarlıq preparatlarından 4 ədədi Rusiya, 2 ədədi İspaniya, 1 ədədi Birləşmiş Ərəb Əmirliyi, 1 ədədi Polşa, 1 ədədi İran, 10 ədədi isə Türkiyə istehsalıdır.
|
№ |
İstehsalçı ölkə |
İstehsalçı şirkət |
Preparatın adı |
Preparatın növü |
|
1 |
Rusiya Federasiyası |
PRODKONTRAKTİNVEST MMC |
ƏN PUFFİNS Picnic |
yem |
|
2 |
Rusiya Federasiyası |
PRODKONTRAKTİNVEST MMC |
ƏN PUFFİNS Picnic |
yem |
|
3 |
Rusiya Federasiyası |
PRODKONTRAKTİNVEST MMC |
ƏN PUFFİNS |
yem |
|
4 |
Rusiya Federasiyası |
PRODKONTRAKTİNVEST MMC |
ƏN PUFFİNS |
yem |
|
5 |
Birləşmiş Ərəb Əmirliyi |
TAJODIN GENERAL TRADING LLC |
Max Farina Protein |
yem əlavəsi |
|
6 |
Polşa |
Drwalew Bioveterinary İndustry Enterprises |
Trimerazin |
baytarlıq preparatı |
|
7 |
İspaniya |
Laboratorios Ovejero S.A. |
Oxiclin 20% |
baytarlıq preparatı |
|
8 |
İspaniya |
Laboratorios Ovejero S.A. |
Koklamaks |
baytarlıq preparatı |
|
9 |
Türkiyə |
Lider Petfood |
KİNG PLUS ADULT |
yem |
|
10 |
Türkiyə |
Lider Petfood |
KİNG PLUS ADULT |
yem |
|
11 |
Türkiyə |
Lider Petfood |
ENJOY ADULT DOG FOOD LAMB AND RİCE |
yem |
|
12 |
Türkiyə |
Lider Petfood |
ENJOY ADULT CAT FOOD CHİCKEN MULTİCOLOR, CHİCKEN |
yem |
|
13 |
Türkiyə |
Lider Petfood |
NEW DOG PUPPY FOOD LAMB AND RICE |
yem |
|
14 |
Türkiyə |
Lider Petfood |
NEW DOG ADULT FOOD LAMB AND RICE, BEEF |
yem |
|
15 |
Türkiyə |
Lider Petfood |
NEW CAT ADULT FOOD CHICKEN |
yem |
|
16 |
Türkiyə |
Lider Petfood |
PROLINE ADULT DOG FOOD LAMB AND RICE |
yem |
|
17 |
Türkiyə |
Lider Petfood |
PROLINE PUPPLY FOOD CHICKEN |
yem |
|
18 |
Türkiyə |
Lider Petfood |
PROLINE PUPPLY CAT FOOD LAMB&RICE |
yem |
|
19 |
İran |
Tolide Darouhai Dami İran Co. |
Niklozamid 1250 mg |
baytarlıq preparatı |
Oxşar xəbərlər
Quş qripi xəstəliyinə qarşı epizootoloji monitorinq keçiriləcək
Qida Təhlükəsizliyi Agentliyi tərəfindən aidiyyəti qurumlarla birgə cari ilin 19-23 may tarixlərində quş qripi xəstəliyinə qarşı növbəti epizootoloji monitorinq keçiriləcək. Monitorinq zamanı ovçuluq təsərrüfatlarının və milli parkların su-bataqlıq, dənizsahili zonalar və digər ərazilərini əhatə etməklə, ərazi ilə yanaşı vəhşi quşlara ümumi baxış keçiriləcək, bəzi sənaye əsaslı müxtəlif həcmli quşçuluq müəssisələrində, o cümlədən müxtəlif rayonlardakı (şəhərlərdəki) ailə təsərrüfatlarında saxlanılan ev quşlarından laborator müayinə aparılması üçün diaqnostik nümunələr götürüləcək. Habelə ölkə üzrə müəssisələrə, təsərrüfatlara, su hövzələrinə və parklara ümumi baxış keçirilməklə, baytarlıq norma və qaydalarına əməl olunması üçün məqsədyönlü maarifləndirmə-təbliğat tədbirləri həyata keçiriləcək və epizootoloji məlumatlar toplanaraq təhlil ediləcək. Tədbirlər müddətində götürülmüş nümunələrin laborator müayinələri aparılacaq. Monitorinq çərçivəsində epizootoloji vəziyyət və götürülmüş nümunələr barədə məlumatlar müvafiq elektron sistemə daxil ediləcək.
Dabaq və quş qripi xəstəliyi ilə bağlı bəzi məhdudiyyətlər tətbiq olunub
Küveyt Dövlətinin Əl-Cəhra əyalətində dabaq, Kamboca Krallığının Kratex əyalətində, Liberiya Respublikasının Bonq bölgəsində, Vyetnam Sosialist Respublikasının Nqhe An, Tiyen Gianq, Tuyen Quanq, Lonq An, Quanq Tri əyalətlərində, Polşa Respublikasının Pomorsk inzibati ərazisində isə yüksək patogen quş qripi xəstəliyi qeydə alınıb. Bu barədə Ümumdünya Heyvan Sağlamlığı Təşkilatından (ÜHST) Azərbaycan Respublikasının Qida Təhlükəsizliyi Agentliyinə rəsmi məlumatlar daxil olub. Respublika ərazisinin qeyd olunan yoluxucu xəstəliklərdən qorunması üçün zonalaşma prinsipi nəzərə alınmaqla, dabaq xəstəliyi baş vermiş təsərrüfatdan 10 km radiusda olan ərazilərdən cütdırnaqlı heyvanların, habelə onlara aid xammal və məhsulların idxalına və tranzit daşınmasına, quş qripi xəstəliyi baş vermiş təsərrüfatdan 10 km radiusda olan məsafədə yerləşən müəssisələrdən isə diri quş və quşçuluq məhsullarının idxalına ÜHST-nin “Quruda yaşayan heyvanların sağlamlıq Məcəlləsi”nə uyğun olaraq, müvəqqəti məhdudiyyət tətbiq olunub. Eyni zamanda müvafiq tədbirlərin görülməsi üçün Azərbaycan Respublikasının Dövlət Gömrük Komitəsinə müraciət olunub.
Quş qripi xəstəliyi ilə bağlı tətbiq olunan bəzi məhdudiyyətlər aradan qaldırılıb
Ümumdünya Heyvan Sağlamlığı Təşkilatının (ÜHST) rəsmi məlumatlarına əsasən, Koreya Respublikasının Collabuk-do, Qyeonqsanqbuk-Do, Ceollanam-Do, Qyeonqqi-Do əyalətlərində, Danimarka Krallığının Paytaxt, Cənubi Danimarka regionlarında, Çex Respublikasının Vısoçina, Moraviya–Sileziya, Ustetsk, Kraloveqradetsk, Zlin, Pardubitsk diyarlarında, Moldova Respublikasının Soroka, Floreşti, Ştefan-Voda, Drokiya, Rezina, Șoldaneștı, Rışkanı, Dubısаri, Edinet, Qlоdеni, Straşeni, Kахul, Оrхеy rayonlarında, Slovakiya Respublikasının Trnavsk, Bratislava diyarlarında, Mozambik Respublikasının İnyambane əyalətində, Almaniya Federativ Respublikasının Brandenburq, Hessen vilayətlərində, Polşa Respublikasının Opolsk inzibati ərazisində, Amerika Birləşmiş Ştatlarının Montana, Miçiqan, Delaver, Florida, Şimali Karolina, Virciniya ştatlarında qeydə alınmış yüksək patogen quş qripi xəstəliyi aradan qaldırılıb. Belə ki, qeyd olunan inzibati ərazi vahidlərində ÜHST-nin “Quruda yaşayan heyvanların sağlamlıq Məcəlləsi”nə əsasən, xəstəliyin ləğv edilməsindən sonra gözləmə müddəti başa çatıb və epizootik sağlamlıq statusu bərpa olunub. Bununla əlaqədar, respublika ərazisinin bu yoluxucu xəstəlikdən qorunması məqsədilə həmin inzibati ərazi vahidlərinə tətbiq edilmiş məhdudiyyətlər aradan qaldırılıb. Eyni zamanda müvafiq tədbirlərin görülməsi üçün Azərbaycan Respublikasının Dövlət Gömrük Komitəsinə müraciət olunub.
