Giriş
AQTA-da beynəlxalq ekspertlə görüş keçirilib
12 Fevral 2019 16:30
Azərbaycan Respublikasının Qida Təhlükəsizliyi Agentliyində Sanitar və Fitosanitar Sorğu Mərkəzi üzrə beynəlxalq ekspert Colm Halloran ilə görüş keçirilib. Görüş Ümumdünya Ticarət Təşkilatına (ÜTT) üzvlüklə bağlı danışıqlarda “Dəstək və potensialın gücləndirilməsi” layihəsi çərçivəsində həyata keçirilib.Görüşün əsas müzakirə mövzusu Azərbaycan Qida Təhlükəsizliyi İnstitutunda “Sanitar və Fitosanitar Sorğu və Bildiriş Mərkəzi”nin təsis edilməsi ilə bağlı olub.
Agentliyin sədrinin müşaviri Elxan Mikayılov sorğu və bildiriş mərkəzinin qida təhlükəsizliyi üzrə hazırlanan yeni qanun layihəsində nəzərdə tutulduğunu bildirib. Qeyd edib ki, adıçəkilən sorğu və bildiriş mərkəzi vasitəsilə qida təhlükəsizliyi, baytarlıq və fitosanitar normaları Azərbaycanın ticarət tərəfdaşlarına göndəriləcək, eyni zamanda, ölkəmizin ticarətində mühüm rol oynayan məlumatlar tərəfdaş ölkələrdən asanlıqla əldə olunacaq.
Sanitar və Fitosanitar Sorğu Mərkəzi üzrə beynəlxlaq ekspert Colm Halloran vurğulayıb ki, Azərbaycan Qida Təhlükəsizliyi İnstitutunda “SFS Sorğu Mərkəzinin” təsis edilməsi ölkəmizin beynəlxalq səviyyədə ÜTT-ə üzv ölkələrlə sıx əlaqə yaratması və beynəlxalq ticarətdə bir çox maneələrin aradan qaldırılmasında mühüm rol oynayacaq.
Sonda ekspert “SFS Sorğu Mərkəzi”nin iş prinsipi ilə bağlı Agentliyin əməkdaşlarının suallarını cavablandırıb.
Oxşar xəbərlər
Ölkədə fəaliyyətinə icazə verilən heyvan bazarlarının sayı 22-ə çatdı - VİDEO
Qazax və Gədəbəy rayonlarında yerləşən heyvan bazarlarının biotəhlükəsizlik, həmçinin müasir standartlara uyğun yenidənqurma və abadlaşdırma işlərindən sonra fəaliyyətinə icazə verilib. Belə ki, bazarların giriş-çıxış qapısında dezbaryerlər quraşdırılıb, baytarlıq nəzarəti zamanı xəstəlik əlamətləri aşkar edilən heyvanların digər heyvanlardan təcrid olunaraq saxlanılması məqsədilə xüsusi izolyatorlar tikilib.
Ölkənin 33 rayon və şəhərində müasir heyvan kəsimi məntəqələri qurulmalıdır - VİDEO
Ət və ət məhsullarının təhlükəsizliyinin təmin edilməsi baxımından heyvanların kəsiminin müvafiq baytarlıq-sanitariya və sanitariya-gigiyena tələblərinə cavab verən ixtisaslaşdırılmış kəsim məntəqələrində həyata keçirilməsi mühüm əhəmiyyət daşıyır. Azərbaycan Respublikasının Qida Təhlükəsizliyi Agentliyi (AQTA) tərəfindən aparılan monitorinqlər göstərir ki, hazırda ölkənin 33 rayon və şəhərində heyvan kəsimi məntəqəsi ya mövcud deyil, ya da fəaliyyət göstərmir. Əhalinin sıx məskunlaşdığı bu bölgələrdə heyvan kəsimi məntəqələrinin mövcud olmaması heyvanların kəsiminin əksər hallarda küçələrdə, yol kənarlarında həyata keçirilməsinə şərait yaradır. Bu da öz növbəsində kəsim prosesinin, eləcə də əldə olunan ət və ət məhsullarının təhlükəsizliyinə nəzarətin təmin edilməsində birbaşa çətinliklər yaradır.
Qanunsuz heyvan kəsimi ciddi risklər yarada bilər - VİDEO
Baytarlıq müayinəsindən keçməmiş, xəstə və ya xəstəlik şübhəsi olan heyvanların kəsilərək ətinin istehlaka təqdim edilməsi insan sağlamlığı üçün ciddi risklər yaradır. Belə heyvanlardan insanlara bruselyoz, qarayara, vərəm və digər zoonoz xəstəliklər keçə bilər.
